أنا في ورطة .. سواقنا يحاصرني ليل نهار ..تهي تهي . <===بالله حبتين بكاء مع الدموع . .

**الـصـمـصـام** · 20-06-2009, 10:07 PM

1/1/1430 .. لا أنسى هذا التاريخ يوم أنت كنت أتأهب للجلوس مع الشباب الحلوين حقين بريدة ستي في عروق مخرج 16 <= الدهناء على غفلة ,,

جوالي يتصل : رديت : الأخ عبدالله .. السواق الآن في المطار

يالهوي ..!
والله و أدق على أخوي عاشت أيامه .. و أقوله الذيب بالدزليب .
و عطيت أخوي من الوصايا .. يعني من باب تأليف قلب السواق ..

قلت لأخوي : أول ما يركب معك اقرق معه .. و قله إن بيتنا بيت كويس .. و كلن يتمنى يشتغل عندنا

أثر الأخ ما يحتاج مكينته مكينه مصري ..

و بدينا مشوارنا مع هالسواق .. بس أبعطيكم المواقف حبة حبة ..

إنني أنتظركم فانتظرونا

الزرياب · 20-06-2009, 10:14 PM

اكمل ...

متابعين لك عزيزي...

**الـصـمـصـام** · 20-06-2009, 10:24 PM

[ 1 ]

::: يامن شرى له من حلاله علة :::

يوم وصل الرجال و نام خليناه يتلين إلى باتسر العصر .. عاد الوالدة الله يجزاه خير قالت لي : علمه إن اللي مهب يصلي ماله قعدتن عندنا

<=== كفو الوالده سلفية الله يطول عمره .

يوم صار العصر مير أسأله أنت تعرف تسوق .. قال إإإإيوهـ .. معلوم

..(و يطلع لي رخصته ) <=== والله تعابير الوجه تقول مافيه معلوم أبد أبد

.

من حسن الحظ إني ما صدقته .. قلت إمش نطلع لمخطط و تسوق هناكـ ..
و الله و أطلع الجمس من البيت .. مير يشوووفه .. و يقول .. هذا كبير أنا مافي معلوم .. أنا معلوم سيارة مدير <=== مدير اللي هو أنا

الله يرفع قدره هالسيرلانكي ..

قلت أها بس .. محنب ناقصين تعدم موتري علي بس .. خلنا بهالجمس .. نهايته بمحرقة الله يدفع البلى

و الله و أروح لمخطط .. حتى الآن أنا السواق وهو على يميني ..

و أشوف لي شارعن وسييييع .. قلت يالله يا محمد .. امتطي صهوة الجمس يا فارس الفرسان

والله و يركب .. و يقعد له ساعة وهو يقدم المرتبة

و عشر ساعات يوزن الطارة

أُقسم بالله جان إحباط نفسي رهيب ..

و فعلا يحرك السيارة .. و أنا على أعصابي ..

واضح إن الرجال أول مرة بحياته يسوق .. شكل اللي معه .. رخصة قيادة ( سيسي ) <=== البغل .

و تحوم تسبدي من جد .. قلت إرجع للبيت .. الله يعيننا عليك ..

و يرجع للبيت .. سواقة لا بأس .. بس يوم وصل عند بيت جيراننا .. مير يوقف عنده . و يجيك بيدوس الفرامل .. و يدوووووووس البنزين

لاااااااااااااااحول ..

والله باللحظة الأخيرة .. أنزل تحت و أدوس الفرامل بإيدي ..

و أنزله .. و أروح أوقف عند البيت و أسحب منه المفتاح ..

للحديث بقية ..

abo suliman · 20-06-2009, 10:36 PM

هههههههههههههههههههههههههههههههههههه

أبو عزيز .. ههههههههههههههههههههههههه

ياحبيله سواقكم ذا ... والله من طهارة القلب بعد ..

مواقف حلوة ... أديلنا شوي زيادهـ ..

العاطل ...

دقس · 20-06-2009, 10:49 PM

ههههههههههههههههههه

رجعوه للمكتب هامو على الضمان خخخ

الله يعينكم عليه

**الـصـمـصـام** · 20-06-2009, 10:57 PM

[ 2 ]

::: آخرتها .. أنا السواق ..! :::

كان ذيك الأيام البرد شديييييييد ..و المسيكين ما جاب هاك الملابس ,,
و طبعا صار المرافق الشخصي لي

24 ساااعة معي ، و إذا بغى شي طق الباب و قالي .. و صرت أنا سواق للسواق .. أجيب له أغراضه ، و أوديه و أجيبه ..

والله بغيت أقوله أنت عطن الراتب أول شهر ..

عاد صرت بعض المرات أعطي الطير فرصة و أخليه يسوق ..

بس لا زلت أخاف الصدز .. الرجال مااااش مهب سواق .. و كل ما عطيته السيارة جان الاحباط زوووود ..

أروح أنا وياوه لمشاوير عشان يعرف .. أقوله : هذ ابيت بابا عبدالله .. هذا بيت : ماما فاطمة .. و هكذا .. بس والله لو تبتل الرجال ما يعرف بالحيل ..

العجيب إننا كل ما وقت بمحل ولاهـ يقرق مع العمال .. ولا يشيل هم الهرج .. يهرج مع الباكستاني و البنقالي و الهندي ، و إذا ما عرف .. هرج إنقليزي

يعني أهم شيء يهرج .. معه لغات .

أكليوم رايح مع أخوي .. مير يمرون عند بعارين ..
عاد أبو الشباب بغى ينطططط : أنا معلوووووووووووم هذا إيش .. أنا أول سوا سوا سديق يشرب حليب هذا حمار ..

<=== يسمي البعير حمار .. هههههههههه

الصدز بتلت أضحك يوم قالي السالفة أخوي ..
و استمريت على هالحال .. سواقن عنده .. إلين عطيته المفتاح و بدا يروح منا و منا قريب ما يبعد ..
<=== تقل يعلم ولد السواقة ..

إلين تعلم عاد .. و صار يوحش .. يدووووووس .. متهور راعي سرعة .. والله إني لاركبت معه على أعصابي .. حتى إني صرت ما ودي أحد يركب معه من الأهل ...

و للقرق كمالة ..

فـــــ1997ـــــارس · 20-06-2009, 11:07 PM

اقتباس

المشاركة الأساسية كتبها الـصـمـصـام


	24 ساااعة معي ، و إذا بغى شي طق الباب و قالي .. و صرت أنا سواق للسواق .. أجيب له أغراضه ، و أوديه و أجيبه عاد صرت بعض المرات أعطي

هههههههههههههههههههههه
هههههههههههههههههههههههههههههههههههه

موواقف حلووات يابو عزيز

بنتظأر البقيه

هـــيـــ2009ـــمـو · 20-06-2009, 11:09 PM

سواقك مدري سواقكم فللللللللللللللللللللللللله
يسلموا على هالقصه الطريفه الظريفه المتضرفره
بأنتظار البقيه
ولنا مع الصمصام عودة ضحكن تشق الحنك

**الـصـمـصـام** · 25-06-2009, 10:40 PM

اقتباس

المشاركة الأساسية كتبها هـــيـــ2009ـــمـو


	سواقك مدري سواقكم فللللللللللللللللللللللللله يسلموا على هالقصه الطريفه الظريفه المتضرفره بأنتظار البقيه ولنا مع الصمصام عودة ضحكن تشق الحنك

الظريفة المتظرفة .. وييين سفروت المسفرت ..!
الله يسلمك .. كبينا كل اللي بالكيس .. لا تحتري شي . مير الحق على الأجزاء الثانيات ..

اقتباس

المشاركة الأساسية كتبها البرااااق


	بانتظارك وكما قلت لك هو على الضمان سو له هدرز فلتر حفه مع بوردنق ويضبط<< وش يبي ذا

هلا بالبراق .. ما يحتاج الرجال الآن من خريجين مدرستي ..
يعني خابزه خبز <=== هذا البلى ..

شكراً ليكـ ،،،

اقتباس

المشاركة الأساسية كتبها الصباخ


	تبلش بالعاطل.. ماعنده هرج إلا عن السواق ..

رجاءً تلفظ معي باحترام يابو ريم ..

تراكـ الآن قاعد تسيء لتاريخي قدام الأعضاء

اقتباس

المشاركة الأساسية كتبها أبو شباصة


	هههههههههههههههههههههههههههههههههههههههههههههه ووووووووووش جاابه ذا هناااااا شكله غلط الحبيب .. وثرك .. سوااليفك حليوووه .. أشوووفك بالسااحة .. أقوول وووش ثقيل الطينة .. الصرااحة ماا حسبتك تسذااتاااا <قنعة مماااا صير لكم سوووااق لا شغل ولا مشغلة .. واللي تبون تعطوونه أبو هنود عطون إيااه .. بإنتظااااااااااااااااااااااااااااار الباااقي ..

تشوف وشلون طبيت شلف بذا ...

قلت والله ما أتعدى القسم إلا كاتبن شيء يبيض الوجه <=== والله ما ظنيته ..

بعدين وش اللي أنت تخربط به علي .. وش ثقيل الطينة ..

تراي إنسان رقيق نعوم حساس جداً مرهف أمتلك عاطفة جيّاشة .. و مهارات في قيادة الحاسب الآلي و التواصل مع المشاركة في العديد من ... <=== معليش متعود على تقديم الوظايف .

هجججت .

شكراً على المرور الشمالي

A N A S · 20-06-2009, 11:04 PM

هههههههههههههههههههههههه

أجل البعير حماااار

الله يعينكم عليه

دقس · 20-06-2009, 11:09 PM

بانتظارك

وكما قلت لك هو على الضمان

سو له هدرز فلتر حفه مع بوردنق ويضبط<< وش يبي ذا

**الصباخ** · 20-06-2009, 11:12 PM

تبلش بالعاطل..
ماعنده هرج إلا عن السواق

..

أبو شباصة · 20-06-2009, 11:22 PM

هههههههههههههههههههههههههههههههههههههههههههههه

ووووووووووش جاابه ذا هناااااا شكله غلط الحبيب ..

وثرك .. سوااليفك حليوووه ..

أشوووفك بالسااحة .. أقوول وووش ثقيل الطينة .. الصرااحة ماا حسبتك تسذااتاااا

<قنعة

مماااا صير لكم سوووااق لا شغل ولا مشغلة .. واللي تبون تعطوونه أبو هنود عطون إيااه ..

بإنتظااااااااااااااااااااااااااااار الباااقي ..

شنب النملة · 20-06-2009, 11:38 PM

الله من العربجة ياحبيل تسبدك

أقول امطخ لي راس اللي انت سواقه

قايلك ياشين العجز وانت وش شغلك شد حيلك

ود اهلك وجبهم << حسيت انه قاط لا ويدفع الراتب بعد

20-06-2009, 10:07 PM	#1
الـصـمـصـام عبدالله تاريخ التسجيل: Jun 2004 البلد: . المشاركات: 9,705	أنا في ورطة .. سواقنا يحاصرني ليل نهار ..تهي تهي . <===بالله حبتين بكاء مع الدموع . . 1/1/1430 .. لا أنسى هذا التاريخ يوم أنت كنت أتأهب للجلوس مع الشباب الحلوين حقين بريدة ستي في عروق مخرج 16 <= الدهناء على غفلة ,, جوالي يتصل : رديت : الأخ عبدالله .. السواق الآن في المطار يالهوي ..! والله و أدق على أخوي عاشت أيامه .. و أقوله الذيب بالدزليب . و عطيت أخوي من الوصايا .. يعني من باب تأليف قلب السواق .. قلت لأخوي : أول ما يركب معك اقرق معه .. و قله إن بيتنا بيت كويس .. و كلن يتمنى يشتغل عندنا أثر الأخ ما يحتاج مكينته مكينه مصري .. و بدينا مشوارنا مع هالسواق .. بس أبعطيكم المواقف حبة حبة .. إنني أنتظركم فانتظرونا __________________ ياربي ..افتح على قلبي .. و طمئنه بالإيمان و الثبات و السلوة بقربك .. [عبدالله] من مواضيعي : آية الحجاب من سورة الأحزاب ( أحكام و إشراقات ) ::: كيف نقاوم التشويه ضد الإسلام و ضد بلادنا:::(مداخلتي في ساعة حوار مكتوبة و مشاهدة) آخر من قام بالتعديل عبدالرحمن الشايع; بتاريخ 21-06-2009 الساعة 11:05 AM. السبب: من شان ختم التميز .. :)

20-06-2009, 10:14 PM	#2
الزرياب عـضـو تاريخ التسجيل: Jul 2008 البلد: The room المشاركات: 1,663	اكمل ... متابعين لك عزيزي... __________________ ولقد يسرنـآ القرآن للذكر فهل من مدكر ؛:ســـابقااااا يـــــــــزن :؛

20-06-2009, 10:24 PM	#3
الـصـمـصـام عبدالله تاريخ التسجيل: Jun 2004 البلد: . المشاركات: 9,705	[ 1 ] ::: يامن شرى له من حلاله علة ::: يوم وصل الرجال و نام خليناه يتلين إلى باتسر العصر .. عاد الوالدة الله يجزاه خير قالت لي : علمه إن اللي مهب يصلي ماله قعدتن عندنا <=== كفو الوالده سلفية الله يطول عمره . يوم صار العصر مير أسأله أنت تعرف تسوق .. قال إإإإيوهـ .. معلوم ..(و يطلع لي رخصته ) <=== والله تعابير الوجه تقول مافيه معلوم أبد أبد . من حسن الحظ إني ما صدقته .. قلت إمش نطلع لمخطط و تسوق هناكـ .. و الله و أطلع الجمس من البيت .. مير يشوووفه .. و يقول .. هذا كبير أنا مافي معلوم .. أنا معلوم سيارة مدير <=== مدير اللي هو أنا الله يرفع قدره هالسيرلانكي .. قلت أها بس .. محنب ناقصين تعدم موتري علي بس .. خلنا بهالجمس .. نهايته بمحرقة الله يدفع البلى و الله و أروح لمخطط .. حتى الآن أنا السواق وهو على يميني .. و أشوف لي شارعن وسييييع .. قلت يالله يا محمد .. امتطي صهوة الجمس يا فارس الفرسان والله و يركب .. و يقعد له ساعة وهو يقدم المرتبة و عشر ساعات يوزن الطارة أُقسم بالله جان إحباط نفسي رهيب .. و فعلا يحرك السيارة .. و أنا على أعصابي .. واضح إن الرجال أول مرة بحياته يسوق .. شكل اللي معه .. رخصة قيادة ( سيسي ) <=== البغل . و تحوم تسبدي من جد .. قلت إرجع للبيت .. الله يعيننا عليك .. و يرجع للبيت .. سواقة لا بأس .. بس يوم وصل عند بيت جيراننا .. مير يوقف عنده . و يجيك بيدوس الفرامل .. و يدوووووووس البنزين لاااااااااااااااحول .. والله باللحظة الأخيرة .. أنزل تحت و أدوس الفرامل بإيدي .. و أنزله .. و أروح أوقف عند البيت و أسحب منه المفتاح .. للحديث بقية .. __________________ ياربي ..افتح على قلبي .. و طمئنه بالإيمان و الثبات و السلوة بقربك .. [عبدالله] من مواضيعي : آية الحجاب من سورة الأحزاب ( أحكام و إشراقات ) ::: كيف نقاوم التشويه ضد الإسلام و ضد بلادنا:::(مداخلتي في ساعة حوار مكتوبة و مشاهدة)

20-06-2009, 10:36 PM	#4
abo suliman لحظات مودع ..! تاريخ التسجيل: Aug 2006 البلد: بريدهـ- المشاركات: 4,127	هههههههههههههههههههههههههههههههههههه أبو عزيز .. ههههههههههههههههههههههههه ياحبيله سواقكم ذا ... والله من طهارة القلب بعد .. مواقف حلوة ... أديلنا شوي زيادهـ .. العاطل ... __________________ , , ,

20-06-2009, 10:57 PM	#6
الـصـمـصـام عبدالله تاريخ التسجيل: Jun 2004 البلد: . المشاركات: 9,705	[ 2 ] ::: آخرتها .. أنا السواق ..! ::: كان ذيك الأيام البرد شديييييييد ..و المسيكين ما جاب هاك الملابس ,, و طبعا صار المرافق الشخصي لي 24 ساااعة معي ، و إذا بغى شي طق الباب و قالي .. و صرت أنا سواق للسواق .. أجيب له أغراضه ، و أوديه و أجيبه .. والله بغيت أقوله أنت عطن الراتب أول شهر .. عاد صرت بعض المرات أعطي الطير فرصة و أخليه يسوق .. بس لا زلت أخاف الصدز .. الرجال مااااش مهب سواق .. و كل ما عطيته السيارة جان الاحباط زوووود .. أروح أنا وياوه لمشاوير عشان يعرف .. أقوله : هذ ابيت بابا عبدالله .. هذا بيت : ماما فاطمة .. و هكذا .. بس والله لو تبتل الرجال ما يعرف بالحيل .. العجيب إننا كل ما وقت بمحل ولاهـ يقرق مع العمال .. ولا يشيل هم الهرج .. يهرج مع الباكستاني و البنقالي و الهندي ، و إذا ما عرف .. هرج إنقليزي يعني أهم شيء يهرج .. معه لغات . أكليوم رايح مع أخوي .. مير يمرون عند بعارين .. عاد أبو الشباب بغى ينطططط : أنا معلوووووووووووم هذا إيش .. أنا أول سوا سوا سديق يشرب حليب هذا حمار .. <=== يسمي البعير حمار .. هههههههههه الصدز بتلت أضحك يوم قالي السالفة أخوي .. و استمريت على هالحال .. سواقن عنده .. إلين عطيته المفتاح و بدا يروح منا و منا قريب ما يبعد .. <=== تقل يعلم ولد السواقة .. إلين تعلم عاد .. و صار يوحش .. يدووووووس .. متهور راعي سرعة .. والله إني لاركبت معه على أعصابي .. حتى إني صرت ما ودي أحد يركب معه من الأهل ... و للقرق كمالة .. __________________ ياربي ..افتح على قلبي .. و طمئنه بالإيمان و الثبات و السلوة بقربك .. [عبدالله] من مواضيعي : آية الحجاب من سورة الأحزاب ( أحكام و إشراقات ) ::: كيف نقاوم التشويه ضد الإسلام و ضد بلادنا:::(مداخلتي في ساعة حوار مكتوبة و مشاهدة) آخر من قام بالتعديل الـصـمـصـام; بتاريخ 20-06-2009 الساعة 11:01 PM.

20-06-2009, 10:49 PM	#5
دقس عـضـو تاريخ التسجيل: Apr 2009 البلد: بالبيت..! المشاركات: 117	ههههههههههههههههههه رجعوه للمكتب هامو على الضمان خخخ الله يعينكم عليه

20-06-2009, 11:09 PM	#8
هـــيـــ2009ـــمـو عـضـو تاريخ التسجيل: May 2009 البلد: بريده مالي غيره المشاركات: 13	سواقك مدري سواقكم فللللللللللللللللللللللللله يسلموا على هالقصه الطريفه الظريفه المتضرفره بأنتظار البقيه ولنا مع الصمصام عودة ضحكن تشق الحنك __________________ قصيمي وأفخر به أساسـ(ن) على أساس لي لهجت(ن) ماظن بالكون زيه لاقلت أويــــــــــــــــلاه ياناس هزت قلوب أهل الوفاء والحميه

20-06-2009, 11:04 PM	#10
A N A S Bn Ibrahim تاريخ التسجيل: Jan 2007 البلد: بريدة المشاركات: 9,058	هههههههههههههههههههههههه أجل البعير حماااار الله يعينكم عليه __________________ . وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ .

20-06-2009, 11:12 PM	#12
الصباخ هوية صامتة تاريخ التسجيل: May 2003 البلد: Buraydah City المشاركات: 12,458	تبلش بالعاطل.. ماعنده هرج إلا عن السواق .. __________________ الصباخ \| Buraydah City

20-06-2009, 11:22 PM	#13
أبو شباصة Guest تاريخ التسجيل: Oct 2007 البلد: . المشاركات: 3,735	هههههههههههههههههههههههههههههههههههههههههههههه ووووووووووش جاابه ذا هناااااا شكله غلط الحبيب .. وثرك .. سوااليفك حليوووه .. أشوووفك بالسااحة .. أقوول وووش ثقيل الطينة .. الصرااحة ماا حسبتك تسذااتاااا <قنعة مماااا صير لكم سوووااق لا شغل ولا مشغلة .. واللي تبون تعطوونه أبو هنود عطون إيااه .. بإنتظااااااااااااااااااااااااااااار الباااقي ..

20-06-2009, 11:38 PM	#14
شنب النملة عـضـو تاريخ التسجيل: Jun 2009 البلد: بتسبد بريدة المشاركات: 69	الله من العربجة ياحبيل تسبدك أقول امطخ لي راس اللي انت سواقه قايلك ياشين العجز وانت وش شغلك شد حيلك ود اهلك وجبهم << حسيت انه قاط لا ويدفع الراتب بعد __________________ 7 7 7 آخر من قام بالتعديل شنب النملة; بتاريخ 20-06-2009 الساعة 11:41 PM.