[نجدية حرة]

مرحبا بالحلوات كيفكم
انا عندي موضوع حبيت اني اطرحة عليكم واشوف ارائكم فيه لان رايكم يهمني اكيد

السالفة ومافيها يابنات انا اليوم رحت للسوق الداخلي كنت محتاجه له مرررررررررة ولا لولا حاجتي مارحت لان اليوم اللي بروح فيه للسوق الدخلي اكون فيه بحالة احباط وكسل بس للضرورة احكام مالنا غنى عنه للاسف

المهم في الموضوع انه دايما لما اكون محتاجة اسحب من الصراف واكون ماسكة سرى طبعا بكون محترمة حالي ومحترمة اللي قبلي بس مع ذالك اعقد العزم والحزم واستجمع قواي لا تهجم وحدة من وراي وتدخل قبلي او تتعدى الطابور وتدخل قبل العالم اللي صافة بكل ثقة وقلة ادب ووسع وجه ولا لما تدخلين غرفة الصراف تجي وحده وراك وتطب معك تشوف الرقم السري وكم تبين تصرفين وتوقف فوق راسك تراقب مو باقي غير اقوله تفضلي حياك لا ولو تتكلمين تاكلك بقشورك تقل صاحبة حق وغلطنا فيها!!!!!!!!

للاسف تصير معي هذي الحركة كثيييييييير من بنات بجيحات ماتربوا حقيقةبالاخص في السوق الداخلي مدري ليه؟!!
وبعد حتى لما يكون مكان المحاسبة مليان عالم تحاسب خصوصا بسيتي ماكس دايما زحمة فالعالم لازم تمسك سرى تجي وحدة وبكل بجاحة تتعدى الطابور وتكب ملابسها على طاولة المحاسبة وتقول يالله بسرعة حاسب يالله خييييييييييييير خير واللي صافين ذولا وش قاعدين يسوون؟!!

وبرضه نفس الكلام في السوبر ماركت
مثل مره كنت بحاسب بالسوبر ماركت ومامعي غير وتست وعصير بس وتجيني وحده مسويه فيها ذوق واخلاق وسلتها مليانه وتقولي ممكن احاسب قبلك طيب ليه وعلى اي اساس مافيه اي مبرر تحاسبين قبلي؟!! لا ويوم قلتلها معليش مستعجلة زعلت وميلت الوجه!!!!!!! لا وقبلها كانت بنت يمكن عمرها 9 سنوات وحنا صافين ننتظر الدور راحوا خواتها قالوا لها ادخلي حاسبي وتروح تندعس بيننا ياللي صافين وتحاسب وعيوننا طايرة وتلتفت على خواتها وتضحك وهم يأشرون له ويضحكون يحسون انهم سووا انتصار ولا ايش بالضبط؟!!!!

واللي استغربه جد ان احيان اللي يسوي هذي الحركات حريم كبار بالسن؟!!

عالم غريب بصراحة

بس من جد انا اكره اللي مايحترم الناس ومايحترم القوانين واللي مايحترم الناس مايحترم نفسه لانه بيعرض نفسه للاهانة!!

يمكن الموضوع يكون تافه ومايستاهل الطرح بس اللي صار اليوم خلاني اتكلم لانه بصراحة السالفة طالت وقلة الادب كل مالها بزود ياترى ليه وايش الاسباب هل التربية هي السبب هل هوالجهل بأهمية احترام الناس وش الاسباب ؟!!

عموما انا طرحت الموضوع وارتحت وتسعدي مشاركاتكم وارائكم حول الموضوع

في انتظاركم

[ذات ~]

هلا نجديه


بجد شي يرفع الضغط

مره وحده باسنتر بوينت خطمة على الرجال

بمكان المحاسبه المخصص لهم والله قلت ادب
بس المحاسب عيا يحاسب له



الله يجزاك كل خير على الوضوع

تقبلي مروري

[كتكوتة]

واااااااااااو شي يرفع الضغط..

[تطلبوني شي]

والله من البجاحه فيهن

الحركه ذي اكثر شي تصير معي بستي مكس
قمة السماجه.. ولا كانك بنت ابوك قولي له ليش
خطمتي علينا .. قسم بالله ان توطاك وعيونك طايره

[نجدية حرة]

الحمدلله فيه احد عانا مثلي ومتنرفز طولت الردود عاد ظنيت بس انا اللي اعاني

ميما
صدقتي والله والله بجاحة وقلة حيا بعض البنات

كتكوته
شويه يرفع الضغط

نورتوا الصفحة

[نجدية حرة]

تطلبوني شي

ضحكتيني ياحبيلك بس شوفي من ناحيتي احترم اللي تحترم حاله اما اللي تسوي قوية وتتبجح ياويلها مني

[ما تَهَاب]

هههههههه ذكرتيني بموقف صار لي
مره كنت رايحه ويا امي لجيان وكان أخوي هو اللي مودينا وعنده بعد المغرب مشوار وخلصنا شغلنا ومابقى الا دقايق ع الصلاة وماكان فيه الا محاسبين واحد مشغول حيل والثاني عنده رجل وعربيه فيها اغراض وماعندها احد المهم انا ناظرت تلفتت مالقيت احد واخوي برا ينتظر والله واسحب العربية واوقف
واحنا واقفين جاء رجل ياااافشلتاه
قال الله يهديكن اخذتن مكاني انا بغيت ادوخ الا شوي تفشلت وعلى طول بعدنا قال لا والله لا خلاص حاسبن بس انا عندي عزيمة وعلشان كذا مستعجل << شكله تحسف ..
بس من جد موقف ماينسي لانه خطأ مع اني اعتبر نفسي ماأخطيت لانه مو موجود << بتعذر لنفسها ..
وبالنسبة للي يخطمن والله مااخليهن يعدن خييييييرررر , الا اذا صارت حرمه كبيرة معليش او صارت اغراضي كثيرررة واغراضها قليلة , اما غيره لاوالله مثل ماأنا مسكت سرا تمسك هي مثلي ..

"قصة حياتي هنا"

[هذيان حلم]

يووووووووووووووه

ياسقم هالحركة

انا من النوع الي مايحب الزحمه يعني عادي يخطمون علي وانا احتري المكان يفضي لي ههههههههههه

دايم يعصبون علي الي رايحين معي

بس انا طبعي كذا مره وحده بستي بلازا خطمت علي ودفت عربيتي وكنت حامل بعد وانا مطيره عيوني خخخخخخخ

وامير يخطم المحاسب قال هذي جايه قبلك ولا لو انا كان مخليته تحاسب قبلي

[إنكسار الظل]

[

b]

هلا عزيزتي // نجديه //
ياكثرهم اللي جذي ماعندهم مستحى ابد
بس احسن حل
لا خطمت عليج اخطمي عليها .. وحده بوحده والبادي اظلم ..
دمتي بود

[/b]

[نجدية حرة]

ماتهاب

ياحليلك اجل خطمتي بمحل الرجل خخخخخخخ بس بعد هو وينه تلاقينه تذكر شغله وراح يجيبه على باله المحل بيبتل له كان اقل شي قال حقرص بقرص واللي يجيه يقرص مير خخخخخخ<<< تستهبل
بس ماتلاحظين معي ان الرجال احيانا يظنون انهم لهم الاحقية بالدور خصوصا بصراف الراجحي النسائي اللي بطريق الصناعة عادي يخطم رجل والحريم صافات خير ماملو عينك ولا حرمة يعني مالها حق!! تصف مثلك مثل غيرك وبعدين الصراف محطوط للحريم اساسا!!<<< متحمسسسسة

هذيان حلم

يابعدهم انتي رحمتك وحامل بعد توهن مايستانسن عليك هالوقحات عاد منحينهن وساع وجه بلا شي لا وتخيلتك اجل اول بالمدرسة ايام المقصف احسك تخلص الفسحة ماشريتي شيعاد تصدقين انا ماكنت اجيب فلوس ايام المدرسه كله من هالزحمة مااحبه ومااعرفله بس الحين الحمدلله طلع قلبي
نورتي الصفحة حبيبتي

انكسار الظل

صدقتي والله ياكثرهم والله مايستحون
ياحليلك مااخليلها فرصة تخطم اخطم عليها واخليهاكانها خيال واقف تستاهل

[ألوان وتناتيف]

بهالمواقف لازم تستخدمين عضلات هذا وقته وبنت أبوه تتعداني ..

أما الصرافات من جد يقهرون الرجال لادخلوا عاد أنا لا جيت لصرافة الحريم وجا عقبي رجال واللي بالداخل رجال آقف بوجه الباب علشان مايقدر يدخل قبلي وإذا جيت بطلع وفيه حريم ينتظرن آقف بوسط الباب كني أرتب الأوراق بالبوك علشان هن يقدرن يدخلن وأنا بالباب وهو لا ..خخخخخ

[سلف ريال]

صدق قههههههههر


..

[أحلى صبية]

وااااوك ياشـــين اللي سذا والله ياهن يرفعن ضغطـــي اذكــر موقـــف حصـــلي بالحسون سنتر كنت ماسكــه
سرى حالي حال غيري يوم مابقى الا وحـــده وتجيــ ذيك المره اللي ماشــاء الله متستره ولا اشـــوف منه
ظفر ....وتجيك ماسكـــه السريع وتخطم علي قالت انا جـــايه قبلك قـــلت لا أنــــا لـــي شوي ونا هنا واقفه
قالت لا لا لا هذا دوري يوم شفـــــت أن حالـــته ميـــــــــئوس منه ,,<<اصلن ما شاورتن..
وخرت وقلت أمــــري لله حتى المحـــاسب وده لافعـــه.............

أخـــــــــذت حسنـــاته الكلاكـــه ,,,,,,,,,,,

امــأ ستي مااااااااااااكس حاله غيـــر ,,,وماشاء الله الرجال قسمهم دايم
يمشون على النظام ولا في حركات هذا يخطم على هذا...كش علينا اذا ما خطمت يعني ماشرت,,,

[ليالي الشتاء]

وهاي الحاله حتى باالمستوصفات يكثر الي يخطم ولا قلتي شي قالت انا جايه قبلك متى وكيف ماااادري ولوترفضين تدخل قبلك بدت تدعي عليك والله عاااااااااالم