 |
|
|
|
|
|
|
30-06-2009, 11:29 AM
|
#1 |
|
عـضـو
تاريخ التسجيل: Feb 2008
المشاركات: 151
|
سعوديين أكرههم00
أنا النخلة وانا السيفين
ومليكي خادم البيتين أنا نبضة سلام وحب وشوكة بعين حسادي ,(,(,(,(,(,(,(, يا هو يا ناس يا عالم حاطين في اذانكم قطن ولا عيونكم عليها غشاوة ولا خوف ورهبة الي فيكم انفضوا تراب الخجل والا اذهبوا للجحيم00 ما اتوقع انها خوف ورهبة لاني اثق بان هذا الشعب شجاع ولكنه تغلبه الطيبة والبساطة والهبالة احيانا إلى متى يا سعوديين تخلون الاجانب يتحكمون فيكم وبخيرات بلدكم وبكل قذارة00 السعودي يدخل محل الفول ويطلب من اليماني صحن فول وواحد مطبق عاد المطبق ابو يمن انواع المطرسة( تكرم النعمة) الكراث عليه بس شوي دود والبيض يفغص فيه بايده وترى الاظافير ما فيها شي بس شوية سواد من اثار الحكة الي بباطه والسعودي لك الله ابلع وبس ولا يجرؤ يقول له غسل ايدك والبس قفاز و قيمة صحن فول لا يتعدى سعره ريالين ويدفع خمسة ريال بدون حتى ولا نقاش ولا حساب ياخي ترى الدولة ما اجبرتك ولا نبي الدولة تحط مع كل مواطن رجل امن عشان ناخذ حقوقنا 00 السعوي يدخل بوفيه صغيره فيها بنفالي وقبل ما يفتح المحل جالس يحفر بخشمه يمين يسار فوق تحت ويطلب السعودي اثنين كبده ووحده شكشوكة ويجي البنقالي يمسك الصامولية بايده وفيها بقاياه من انفه القبيح وتلاقي السعودي زي الاهبل ما يسطي ولا يقوله البس قفاز احتقر هذه الفئة الجبانة ياخي خلك عزيز نفس ونظيف وشجاع قله يا صديق يا قذر روح غسل ايديك والبس قفاز وجيب صامولي جديد السعودي يدخل الحلاق التركي الكرسي مليان شعر وقشرة من الزبون السابق ويجي التركي بكل برود واحتقار لك يقولك يلا خبو ويجلس السعودي بين ايدي هذا الجزار الموس غير معقم المنشفة عليها اثار شعر الزبون السابق طيب يا أهبل يا جامد ما تدري ان الامراض والبلاوي تنتقل بسرعه من خلال هذه الادوات ليش ما تقول للحلاق يعقم الموس وينظف الكرسي بالاستشوار أو على الاقل خل لك عدة خاصة فيك ولا مالك شخصية وتخاف يطقك التركي تراك ببلدك وحتى لو مو ببلدك ياخي خل لك موقف خلك نظيف مرتب هالحلاق ممكن يجي ابنك يدخله او اخوك ممكن يصاب اعز الناس على قلبك بعدوى خطيرة من خلال هالحلاق السعودي يدخل محلات فطاير يطلب اثنين فطاير وواحد عصير برتقال خلاط خلط الله راسك يااهبل يجي عامل المطعم يغفص العجين بايده وهو تو قبل ما يدخل الزبون او وهو داخل ويشوفه السعودي يمسح العرق الي على راسه ويمسك العجينه ويحط اللحم بايده بدون قفاز (عاد لحم بالعرق بتصير مالحة زيادة) وربعنا اهم شي ابلع وبس النظافة طزز ما ورى الضبان شي يروح عامل ثاني بيسوي العصيرات الخلاط باقي فيه اثار قشور وسكر من عصير مسويه قبل ساعتين (وكم حشرة بريئة مرت تمزمز شوي )تعاجز العامل يغسله والسعودي يشوف ولا يقدر يطلب منه يغسل الخلاط يخاف يزعل طويل العمر العامل وبعدين نموت من الجوع السعودي يروح للمستشفى يالله صالة الانتظار مليانة الله يعينكم يالدكاترة المصريين ويهنيكم بنفس الوقت على هالشعب الي ما يقدر ياخذ حقه ولا يكون له موقف السعودي بصالة الانتظار وجنبه واحد عقالهشوي ويوصل بطنه باقي له ثواني ويفطس معاه قلب وواحد معاه امه مسكينة كلاها ومعدتها تبي تتفقع وواحد جايب طفلته او طفله وكلهم انتظار مو بسبب زحمة لاعشان الدكاترة مالهم مزاج يمشونهم بسرعه او السوالف ما خلصت طيب يا حبايب وش مجلسكم قوموا كلكم قومة رجل واحد اكيد المستشفى فيها مدير او مناوب او اي نصاب مهايطي اهم شي انتم قوموا خلو لكم موقف خلو الدكاترة المره الثانية يحسبون لنا الف حساب سعودي رايح وهو الجميلة الانيقة زوجته ذات الصدر الراهي والارداف الجذابة ولا كانه سمع حديث محمد صلى الله عليه وسلم اشرف واطهر البرية(الديوث لا يشم رائحة الجنة) -أو كما قال -يدخل سوق او اي عفريت المحاسب او البائع او المسوق اجنبي الزوجة كحل عطر والجنز الضيق والعباية مفتوحة حرام يخاف تتضايق والزوجة ما بينها وبين البايع الا شبرين والزوج يتفرج مبسوط شفتوا كيف التطور والتحرر عاد هذا يبي له(والله مدري شقول صعب صعب مره افسر هالشي)لكن عليه العوض ومنه العوض00 بترك الباقي تكملونه انتم لان بعد الموقف الاخير انسدت نفسي عن الكتابة أتمنى واناشدكم يا عيال الجزيرة العربية ان يكون لكم موقف وكلمة وهيبة لا تخلونا ذليلين في ارضنا هذه بعض من مساهداتي لشباب ورجال كرهت سلبيتهم ولكن يوجد هناك من لهم موقف مشرف بكل موقف ننتظر مشاهدات بعض النساء 00 من يهن يسهل الهوان عليه00 منقول ويستاهل والله |
|
 |
| الإشارات المرجعية |
|
|
النمط المتشعب
