[احب امي]

بسم الله الرحمن الرحيم السام عليكم ورحمة الله وبركاته

اليوم بعد صلاة الشعاء رحت انا واهلي لمنتجع العييري نبي نستانس ونغير جو المهم اهلي دخلو قبلي وانا جلست بالسياره وانزل اغراض
المهم يوم جيت بدخل انا عارف انه محد يدخل الا مع اهله لانه عوايل هو اتصلت انا على ولد اختي عشان يجي يدخلن يوم جيت بدخل مع الباب جاء رجل الامن وجلس يهاوش علي وين تبي

ويتلفظ ويغلط ويقول انتم يالشباب ترفعون الظغط ومادري ايش ونكم بلشه اشهد الله انه هذا الي حصل معي


وش تعليقكم طبعا انا خليته يطاطي على نفسه

القافله تسير والكلاب تنبح

وبيني وبينكم العييري فاشل جدا جدا لا وازيدكم من الشعر بيت بعد ماجلسنا بساعه حصلت هوشه وضرب وضريب

مشاكل بمشاكل وش تعليقكم

[*سـكـر خـشـن*]

اقتباس المشاركة الأساسية كتبها احب امي وش تعليقكم طبعا انا خليته يطاطي على نفسه

آحسن شي سويته

ولو كلمت آدآرة آلمنتجع يكون آفضل

[أبو شباصة]

حتى لو أجلدوووك .. يبقى المنتجع حلو
بس اللي يبي يلف ويدور .. يبي يلقى هوااااايل

مثل اللي عند الألعاب .. واللي بالأسوااق
أفرش فرشك وأقضب ارضك تسلم

[احب امي]

اقتباس المشاركة الأساسية كتبها أبو شباصة حتى لو أجلدوووك .. يبقى المنتجع حلو بس اللي يبي يلف ويدور .. يبي يلقى هوااااايل مثل اللي عند الألعاب .. واللي بالأسوااق أفرش فرشك وأقضب ارضك تسلم

ليش يجلدن انا جاي من بيتنا انهان يخسى يمد ايده هو والف من اشكاله

خراص الدعوه

اما انك تقول انه حلو هذي وجة نظرك وحرية شخصيه بعدين انا اتكلم عن الاستقبال يغالي ياليت تفهم قبل ماترد

[أبو شباصة]

اقتباس المشاركة الأساسية كتبها احب امي هذي وجة نظرك وحرية شخصيه

اقراء موضوعك زين ..
منتب تقول :

اقتباس وش تعليقكم

هذا تعليقي أو ما أعجبك

[طويل بريده]

اقتباس المشاركة الأساسية كتبها أبو شباصة حتى لو أجلدوووك .. يبقى المنتجع حلو بس اللي يبي يلف ويدور .. يبي يلقى هوااااايل مثل اللي عند الألعاب .. واللي بالأسوااق أفرش فرشك وأقضب ارضك تسلم

صراحه لو مو موجود كان طالبنا بمثله



الشكوى لله بس

[احب امي]

مافي اداره اصلن

كلهم مصاريه وحراس امن طافين بزارين

[أبو شباصة]

الصراحة ..
أنا ما دري وووش يعجبهم أهل بريدة
أي شيء لازم يطلعون به علة ..

[احب امي]

وانت منت من بريده يعني وليش تقول عله وكل الي قلتلك وماكفاك

[اضواء]

عقب المره الزق باهلك ولا يدخلون قبلك وامسك شليل امك ههههههههههه

[ابو شرين]

اقتباس المشاركة الأساسية كتبها اضواء عقب المره الزق باهلك ولا يدخلون قبلك وامسك شليل امك ههههههههههه

خخخخخ للاسف
تلقى راعي المنتجع مكلف على روحه وخسران لين قال بس وآخر شي يجي سكورتي يشوه سمعة المنتجع انا رحت له مرة قبل اربع سنين تقريبا وعقبها ما طبيته السبب فكرة المنتجعات لا تعجبني وهذا راي شخصي انا من هواه اطلق العنان لناظريك مايردك جدار

نخيل عثيم منتجع ما يخارج نبي منطقة سياحية اينما تلتفت تجد شيء مختلف وانت بمكانك
عجاز

بصراحة المفروض انك ما تترك السكورتي يفترض انك تبلغ عنه الادارة
ترى السكورتيه يشتغلون بشركة وبعضهم اصلا مايكون حاب الشغلة اللي هو فيها

بالمناسبة انا سولفت مع سيكورتي كان بملاهي بعنيزة شباب متفهم بشوش
يقول لي وبدون ما اسال خخخخ الرجال يفضفض
المهم يقول انا حاب المنطقة هذي مافيه زحمة ولا ازعاج وسياح فاهمين وماعندي مشاكل واتعامل مع الشباب بنفس طريقتهم وعلشان كذا يتقبلون اوامري بصدر رحب

الدعوى ماهي حط بدلة وازمر بعضهم يبي لهم دورة بالاخلاق

[عنابة]

اقتباس المشاركة الأساسية كتبها ابو شرين الدعوى ماهي حط بدلة وازمر بعضهم يبي لهم دورة بالاخلاق

الدعوى يا طويل العمر إنهم ما استلموا من العييري رواتب شهرين


شهرين وهم يشتغلون ببلاش


وتبي نفسيتهم تصير زينة ؟



لا تحطون الحق كله على هالمساكين ،،، ولو هم مصريين كان أخذوا رواتبهم دبل لكن ما نقول إلا الشكوى لله

[احب امي]

اقتباس المشاركة الأساسية كتبها عنابة الدعوى يا طويل العمر إنهم ما استلموا من العييري رواتب شهرين شهرين وهم يشتغلون ببلاش وتبي نفسيتهم تصير زينة ؟ لا تحطون الحق كله على هالمساكين ،،، ولو هم مصريين كان أخذوا رواتبهم دبل لكن ما نقول إلا الشكوى لله

طيب واذا ماستلم انا وش دخلي فيهم

[احب امي]

امي ياليت امي عندي يغالي اتمنى اشوفها ادعولي اني اشوفها انشاء الله يارب ويعجلي بشوفتها