[بقايآ شوق]

::صيفنا مع اهلنا تعاسه..!!

السلام عليكم ورحمة الله وبركاته

اخباركم واخبار الاجازه ..؟!

اسمحولي بدخل بالموضوع على طول مو مني من اللي قاعد يصير لنا اقسم بالله صرت احس اني مو سعوديه من اللي يسووه فينا

:: ابدا لكم بقصتنا حنا ربي انعم علينا بأبو مثل العسل كل خميس نطلع طلعه عائليه مع الوالد ...

::المهم مره طلعنا دائري بريده وهاذي قصتنا فيه
نزلنا ونزلنا اغراضنا وطبعا استقبلونا بزران جيرانا بقصايد وخلوها ومن هالخرابيط اللي تصك الرأس
سكتنا وشبينا ضونا وحلة الجلسه (بمعنى صارت حلوه )مادرينا الا يجينا واحد من بزران الجار
اعطيه من العمر ٦ سنوات قال وهو يكلم الوالد ما(عاينت) جربوعي ابوي رد عليه بتوكل على الله تدرون وش رد؟!
قال والله لا امشيك واذانك على كبوت سيارتك؟؟ سكت ابوي مو معقوله يرد على واحد كبر ولده المهم رجع البزر لاهله
واستقبله اخوه وهو يصرخ بصوت عالي وش يقول رد البزر يقول نعلن الحرب ويرجع لنا قال انتم حضر سكت ابوي مادرينا
الا التراب يطفي ضونا وصوت البزر يتعالي طف نارك طف نارك قام ابوي لمه قال وين ابوك انت البزر رد ابوي رايح يجيب مويه
رد اخوه الثاني ابوي راح يجيب عشاء ؟؟!!سكت ابوي ورجع لنا وحنا نناظر البزران اللي اتجهوا لابوهم اللي منسدح بالسجاده ؟!
قالوا يبه سألنا عنك قلنا له رايح رد ابوهم بكل رجوله احسن طبعا قمنا ورجعنا للبيت حتى عشانا ما اكلناه..

::الخميس اللي بعده طلعنا حديقة الإسكان اللي قدام ملاهي الاسره نزلنا واغراضنا معنا
جلسوا الأهل وحنا قمنا نتمشى وبينما نحنوا كذلك الا براعي سياره من ورا الشبك يلحقنا
ويقول كلام عساكم ماتسمعونه صرخ بزر عمره اذا هو كبير ١١ سنه قال يكلمنا ماعليكم منه
هذا انا اعرفه (ب...)مو راعي بنات انا راعي بنات سكتنا ومشينا بطريقنا وهذا اهون شي
من اللي سمعناه رجعنا لاهلي قبل نوصل ختمتها بنت لابسه عبايه ومتغطيه قالت تكلمني اموت انا على الجسم اللي كذا
التفت لها مو مستوعبه كلامه ياناس وربي عبايتي يدخلن فيها ثلاث بنات من وسعها سكت وكملنا طريقنا لاهلي وبينما انا جالسه
وقفن ثلاث بنات قدامي ناظرت وحده اشرت لي بمعنى تعالي قلت لها وش تبغين اشرت بمعنى ابصور تدرون من هاذي
هي نفسه اللي قالت اموت عالجسم اللي كذا المهم عدا هالخميس مثل غيره..

::جا الخميس اللي بعده طلعنا منتزه الجال بالشماسيه جلسنا نلعب بالمراجيح حسيت بقصف جاينا قمنا لاهلي مادرينا
الا بقصف على اهلي كمان قام ابوي حده الزمن يتفاهم مع بزران قد عياله قال ابوي عيب عليكم وش تبغون
قال البزر الالعاب للبزران مو لبناتك كبار ويلعبن عليهن بناطيل الله لايخسف بنا قال ابوي عادي كلكم تلعبون
جلس يهاوش البزر تركه ابوي ورجع وكالعاده شلنا اغراضنا ورجعنا ..


::ولا زلنا نردد صيفنا مع اهلنا تعاسه::

::سؤال لكم كيف العالم تاركه اطفاله تسوي هالشي وين التربيه على الأدب حنا نجلس مؤدبين مو خوف منهم خوف من اهلي ..؟!

[الولاعة]

الله يعينكم على هذة الحياة ...

[د/الفـهـد]

اقتباس المشاركة الأساسية كتبها بقايآ شوق قال البزر الالعاب للبزران مو لبناتك كبار ويلعبن عليهن بناطيل ؟!

ساده

من راقب الناس مات هم

اختي احس كلامك في سر وفيه الغاز وفيه نوع من اممممممم

لكن...


الناس مو واحد واصابع يديك مو واحد

ترجعون للبيت بسبب بزارين يالله لك الحمد والشكر

بريدة وناسة روحو لحديقة الملك خالد الحضاري فله ووناسة ولاتنسى الملتقى النسائي مره حلووو

ربي يعينكم يا.........


..

[بقايآ شوق]

اقتباس المشاركة الأساسية كتبها قليل الدسم ساده من راقب الناس مات هم اختي احس كلامك في سر وفيه الغاز وفيه نوع من اممممممم لكن... الناس مو واحد واصابع يديك مو واحد ترجعون للبيت بسبب بزارين يالله لك الحمد والشكر بريدة وناسة روحو لحديقة الملك خالد الحضاري فله ووناسة ولاتنسى الملتقى النسائي مره حلووو ربي يعينكم يا......... ..

وش من راقب الناس مات هم شكلك داخل مطفي انوارك انت اي ناس اللي نراقبهم حديقه عامه هاذي يعني اللعب انا يلعب هو شي راجع لنا

وش اللي مافهمته وتحس فيه الغاز ما اظن فيه شي من كذا لانه كنت كل مانركب راجعين اكتب لكم القصه

ايه نرجع البيت بسبب بزرارين مثلا عندك البدو اللي بالدائري وش بتسوي لهم اضربهم ؟؟ كان يلحقنا لحد بيتنا ويثور بابوي معروفين ذولا الله يرضى عليك الواحد مايقدر يتفاهم معكم مره كتبوا على جدار بيتنا مسك ابوي واحد منهم وصفقه من بعد اسبوع يمكن كاتبين كلام استحي اقوله يعني ولا بتنادي لهم الشرطه((عيال عمهم)) ولا عاد بزران الششماسيه معقوله بكفخ ولد كبر اصبعي ولا بعد هو كان يقولي شفتي هاذولا كلهم اعرفهم عياال الحاره كلهم مجمعهم عندنا بكفخم واخرتها بنمشي لو يكسر قزازة سيارة ابوي لو ولو ولو يعني راح تبلش معاهم بشي ونقول ليتنا ماشين احسن
اجل حديقة الملك خالد شكلك كاتب وانت مارحت لها خل خواتك يروحن بس من السجاده للخيمه ناظر وش يسوون فيهن الشباب بس لانهن مامعهم ولد طيب انا ماعندي اخوان وبطلع مع بنات خالتي ماعندهم عيال معقوله نطلع ابوي وابوه معنا..!!

امين وتسلم عالرد نورت الموضوع يالغلا

[اثيره]

لاياوخيتي انتم ماتعرفن تصرفون ابوك ليش ماراح يصطر البزران ذولا وانتي ليه مالفعتي البنت ذي

[بقايآ شوق]

اقتباس المشاركة الأساسية كتبها اثيره لاياوخيتي انتم ماتعرفن تصرفون ابوك ليش ماراح يصطر البزران ذولا وانتي ليه مالفعتي البنت ذي

الغااليه اقري ردي على العضو ::قليل الدسم اتوقع سبب مقنع انه مانضربهم

[قناعتي سعادتي]

والله فعلا يااختي بقايا شوق الناس مو واحد والبزران الله يصلحهم تلاقين اهاليهم مايدرون عنهم ,,,,,عسى الله يونسكم ويهنيكم ويحفظكم

[بقايآ شوق]

اقتباس المشاركة الأساسية كتبها قناعتي سعادتي والله فعلا يااختي بقايا شوق الناس مو واحد والبزران الله يصلحهم تلاقين اهاليهم مايدرون عنهم ,,,,,عسى الله يونسكم ويهنيكم ويحفظكم

بس ما اتوقع عذر اهلهم انهم مايدرون عنهم ليش تطلعهم اماكن عامه اذا صرت بتخليهم ياذون العاالم وانت ماتدري عنهم
وياك يالغاليه ويشرفني مرورك

[عم حنضل]

ترجعون عشاااان بزااارين كبر يدس ؟؟!!!

الله يونسكم وتبقى الحيااااة حلوه بس نفهمها!

[بقايآ شوق]

اقتباس المشاركة الأساسية كتبها عم حنضل ترجعون عشاااان بزااارين كبر يدس ؟؟!!! الله يونسكم وتبقى الحيااااة حلوه بس نفهمها!

الغالي اقرا ردي على العضو ::قليل الدسم

[الحلة464]

إيه بنت كبريش تلعب بالمراجيح وعليه بنطلون الله المستعان
الله يهديك ويهدي بنات المسلمين

[بقايآ شوق]

اقتباس المشاركة الأساسية كتبها الحلة464 إيه بنت كبريش تلعب بالمراجيح وعليه بنطلون الله المستعان الله يهديك ويهدي بنات المسلمين

ليش وش فيها يالغلا ولا الرسول محرم لعب البنات بعد ؟؟؟

وبعدين مو ذنبي اذا عيالهم يوقفون قدامي ويناظرون لو هم غاظين نظرهم كان مادروا وش علي بس عيال ويناظرون البنات لحد انهم عرفوا وش هي لابسه الله المستعان والله يهدي الجميع

وبعدين وش تبغينن اللعب فيه بتنوره عشان صح يوقفون العيال قدامنا ولا اللعب بقميص !!

[ابويسرى]

اقتباس المشاركة الأساسية كتبها بقايآ شوق ليش وش فيها يالغلا ولا الرسول محرم لعب البنات بعد ؟؟؟ وبعدين مو ذنبي اذا عيالهم يوقفون قدامي ويناظرون لو هم غاظين نظرهم كان مادروا وش علي بس عيال ويناظرون البنات لحد انهم عرفوا وش هي لابسه الله المستعان والله يهدي الجميع وبعدين وش تبغينن اللعب فيه بتنوره عشان صح يوقفون العيال قدامنا ولا اللعب بقميص !!

الحرامي مستحيل يقول عن نفسه حرامي ولو قلتله يزعل الحين انتي لابسه ومتزينه بالبنطلون تاكه الجنز والحركات ولاتبين احد يناضرك استري نفسك واللبسي زي البنات العفيفات وشوفي فيه احد يناضرك والا لا ؟؟

[أم جحا]

اقتباس المشاركة الأساسية كتبها بقايآ شوق وبعدين مو ذنبي اذا عيالهم يوقفون قدامي ويناظرون لو هم غاظين نظرهم كان مادروا وش علي بس عيال ويناظرون البنات لحد انهم عرفوا وش هي لابسه الله المستعان والله يهدي الجميع وبعدين وش تبغينن اللعب فيه بتنوره عشان صح يوقفون العيال قدامنا ولا اللعب بقميص !!

الله يهديك بس

مو ذنبك أجل من ذنبه

سبحان الله تريدين منهم أن يغضو البصر وأنتي متبرجه
أنتي تستري ولا راح يجيك شي منهم

ليش شو فيها التنوره والقميص يالله من فضلك