[Roony1]

مرحبـــا ..

شــلونكم طيبين ..

ما ودي اطول عليكم بس ابي اقولكم كم كلمة واقترح عليكم كم اقتراح ..

اول شي انتم ما تلاحظون ان المرور يشد على الشباب ..

والشباب ما يبون احد يشد عليهم ..

لذلك يبي يعاندون ..

لكن تخيل وقفك مرور وما معك رخصة ومغبر وووو

وقالك يا فلان انتبه لنفسك وترى تضرك التغبيرة ما تشوف ووووو

وقاله تفضل وانتبه لنفسك ..

وش اتوقع يبي يسوي الشاب الحين ..

يبي ينضبط

اما لو عطاو قسيمة وووو

تبي تطول السالفة ويبي يعاند زود

لذلك انا اقترح

ان يكون مكان للشباب ساحة فاضية و جلسات وووو

وتكون موب وسط الديرةمثل النهضة !

علشان ما يصير به مشاكل للسكان ..

االاقتراح ..

..

يكون هناك ساحة كبيرة فاضية ..

وعلى اطرافه مزروع نفس النهضة ..

الساحة وشوله ..

تكون للنصب والدوران وووو

على طاري الساحة ..

انتم حضرتوا او اقل شي سمعتوا عن المسابقة النصب اللي عند الاستاد الرياضي

الشباب ما صدقوا سمعوا عن النصب انه مرخص لذلك جو كل الناس

علما ان المسابقة سحب وليس تقييم

وانا القائم على تنظيمن وترتيب السيارات انا وفريقي

فريق منسقين ومنظيمن النصب

علما ان المكان اول من نصب به

انا مع فريق منسقين النصب

بتاريخ 26/5/1430هـ

لذلك لجنة مهرجان بريدة مع مكتب توعية جاليات الفايزية

اختاروا الاستاد الرياضي

لأنه

اول شي فاضي يعني ما حوله سكان

ثاني شي به جلسات اللي هي الحديقة

ثالث شي وهو الاهم انه مكان شباب

وانا ما اخترت المكان الا بعد دراسة ..

لذلك انا اقترح على المسؤولين انهم

يشوفون مكان مثل الاستاد الرياضي اذا كان وسط الديرة ما حوله سكان ..

ويكون فاضي

الاطراف مزروع جلسات والوسط يكون ساحة للنصب علشان الشباب يتركون الشوارع

هم الحين بالشوارع علشان مالقوا مكان لهم

انا بتاريخ 26/5

حطيت نصب عند الاستاد الرياضي

لكن ما كملت الفرحة طبت الشبكة عليهم .. وتوزيع قسايم

واللي يرفع ضغطك

الضابط بالمرور يقول للعساكر لازم الدفتر يخلص ..

خذ مثال لهالقسيمة

احد الايام كان به نصب عند محطة الجوزاء بسلطانة الغربية

النصب بعد العشاء

لكن الشباب وهم يصلون المغرب يطلعون ويلقون قسمة مكتوب وقوف غير نظامي علما انهم بالمحطة يصلون ..

وانواع القسايم اللي مثل هذي توزع والضحية الشباب

* اتمنى التعاون من قبل المسؤولين ..

المسؤولين عن الساحة او عن المرور وووو

لذلك اتمنى التدخل من قبل المسؤولين ..

[yooyoo_22]

هههههههههههههههههههههه اشكرك على الموضوع الجميل لكن ياخي العزيز العناد مايفيد
لان عسكر بريده معروفين بقله الادب والنذاله الزايده لكن اتمنى ابعادهم جميعا او مجازاتهم لكي يتعدل اسلوبهم

[ابوفهد بريدة]

يارجال مبزره فاضيه نصب ومانصب وشهاالكلام خلهم يشتغلون ويترزقون الله مهب بس نوم وكل وتلميع ..عندك مبزرة بريده خاصه مايعطون وجه ها الحين لو يسكت لهم المرورمثال با النهضه وخلا هم جاك وزعق بوجهه يدور الشر ايقاله مهستر عند مبزرته!!!لا كن انا اقول المخالفات الي ماله داعي ماودنابه..

[abo-Khaled]

والله ان كل كلامك صحيح

وياليت احد يسمع

وصراحة نبي لنا مكان يصير لنا يشباب

ويتركوننا المرور على راحتنا

[Roony1]

اقتباس المشاركة الأساسية كتبها برج المياة والله ان كل كلامك صحيح وياليت احد يسمع وصراحة نبي لنا مكان يصير لنا يشباب ويتركوننا المرور على راحتنا

هلاهلا


ما شاء الله برج المياة حي انت ..؟

وين الناس

المهم سو لي اضافة


والمشكلة ما يرد على مواضيعي الا اللي توهم عارفين المنتديات هع


نبي كبارين مثل برج المياة

وان حصل مسؤولين

[خـآالد]

صدق والله نبي أماكن نجلس به

ولاأحد يعطينا مخالفة

[منيصير]

يا إخوان وش تبون بالإزعاج ،
أقول يازين البر والهدوء ((للرايقين فقط))

[Roony1]

اقتباس المشاركة الأساسية كتبها منيصير يا إخوان وش تبون بالإزعاج ، أقول يازين البر والهدوء ((للرايقين فقط))

البر موب بتله ..


بعدين على قولك بر ..


ياخوي شف عنيزة مضبطين اماكن للشباب واماكن للعوايل ..

اللي هي دائري عنيزة ..

وحنا اذا قعدنا بالنهضة انواع القسايم ,,


اتمنى التفاعل معنا بالموضوع ..

[ابوولعf]

[














والله انك صادق عند ك رجال مرور وش اقولك بس واللي يقهرن انه شايف نفسه مدري وش عليه يعني 1-انا افضل منه مستوى تعليم
2- عايش احسن عيشه والحمد لله وهو العكس
3-اتعمل معه بأدب واحترامه ليس انه عسكري لا اتعمل معه كأموطن عادي وهو العكس يتعمل معي كأني مجرم ويرفع صوته ويهايط بدون سبب يعني انت وقف تتعشاء يجي لمك ققققق

[بريداوي 9191]

اقتباس المشاركة الأساسية كتبها ارا3993 [ والله انك صادق عند ك رجال مرور وش اقولك بس واللي يقهرن انه شايف نفسه مدري وش عليه يعني 1-انا افضل منه مستوى تعليم 2- عايش احسن عيشه والحمد لله وهو العكس 3-اتعمل معه بأدب واحترامه ليس انه عسكري لا اتعمل معه كأموطن عادي وهو العكس يتعمل معي كأني مجرم ويرفع صوته ويهايط بدون سبب يعني انت وقف تتعشاء يجي لمك ققققق

هههههههههههههههههههههههه
اشوف العيال يقلون ان العسكر بادين يهاطون ينزل ما لبس لا طاقيه ولا حط اسمه ليش يبون يسير لهم سمعه مثل الهباش وسمحان والله لو واحد يرفع صوته علي لا اخليه ينساء اسمه وين حنا به ما فيه دوله ما فيه نظام حنا بدوووله آل سعود يعني نظااااااااااااام

[سعيد بن مسعدة]

كلامك جميل تهيئة أماكن للشباب ولكن السؤال :
هل سيبقى الشاب في هذه الأماكن ويتبع التعليمات ، أقول: لو يوم واحد ما حظر أفراد الهيئة في منتزة الرفيعة على سبيل المثال شف البلاوي اللي بتحصل ... !!!

[سلفر بريده]

اقتباس المشاركة الأساسية كتبها سعيد بن مسعدة كلامك جميل تهيئة أماكن للشباب ولكن السؤال : هل سيبقى الشاب في هذه الأماكن ويتبع التعليمات ، أقول: لو يوم واحد ما حظر أفراد الهيئة في منتزة الرفيعة على سبيل المثال شف البلاوي اللي بتحصل ... !!!

يـاحبيبي سعــيد خوينا وني ماقـال مكان عوايل قال مخصص للنصب والشبـاب

[أبورامي]

قم بس قم أنت وياه تبي المرور إذا وقفك حب راسك وقال طال عمرك تفضل ولاعاد تخالف

لو الود ودي كان صادرت فئتين من السيارات 1- جيب ربع 2- هايلكس

هؤلاء مستهترين بالناس سرعه وشطف وخرابيط

تكفى يامدير مرور القصيم العميد / الخلف ولا يهون الهباش
عليك بهؤلاء الفئة اللي ماهمهم إلا ضرب شاورما في آخر الليل ودوران ومشاكل ماله أول ولا تالي

[بدلها]

ياأخي ودي أنصب سيارتي مثل الشباب كيف الطريقة النصب ؟؟؟