[بنت برريدة]

بسم الله الرحمن الرحيم


مسآكن – صبحكن الكريم بالرضآ والعافية..


نخييييتكن يآ بنات ديرتي ما نخيت أغراب ...



توي جايه لبريدة ..وما أعرف به شي ابد الا النخيل والعثيم..


وعرسي ان شاء الله عقب شهر على خير ..


وللحين ما قضيت ما عرف شي ..


تكفوووون ساعدون بالتجهيز ضااايعة


.. وليت الموضوع يكون مثبت لعرائس بريدة ..


بنات تكفون من وين تشرن بلايز مسترة …

لقيت بالعثيم والنخيل ربع كم يااا كثرهن


بس ابي اشياء مسترة وحلوة .. ما لقيت..


والملابس الداخلية وما ادراركم



وقسم اانواع الدوران و وما شفت الا نعومي واسعاااره نار واشياؤة ما ناااسبت


رحت للحسون وما شريت شي ..

وللوشاح وما شريت بعد..




اللهم كم بلوزة من النخيل ويبي لهن شغل بعد ..



و الكوافير مدري وش اسوي ولا من اروح له ولا اجيب..


والنقش وطقته وثياب السهرات والعطورات و المكياجات


واذا بوه بعنيزة محلات علمون عنها ترى والله ما اعرف شي


ميخالف اروح له أو للرس

بس القى شي زين..


انتن من وين تقضن ببريدة؟ والله ما بقى وقت ولا شريت شي..



و ما اقدر اسافر لجدة ولا الرياض ابد..






الله يفرج همومكم ساعدون باللي تقدرون عليه..






واذا فيه عرايس خلونا نوسع صدور بعض ونعلم بعض بالمحلات والأشياء ..






لا تخلوونن .. الله لا يخلي لكن هم ولا غم ..

( من فرج كربة عن أخيه...))

[حلوه بضحكتها]

عزيزتي اممممم عشانك رايحه ومتوتره ماراح تلاقين شي
طولي بالك وان شاء الله تلاقين اللي يناسبك
العثيم والنخيل على رواقه بتلاقين اشياء حلووووه

الوشاح مااافي شي ..!!!! لاتتعبي حالك

الحسون سنتر يمدحونه ..
اسواق عنيزززه ماجيتها

بالنسبه للكوفيرات والنقاشه راح ارسلك ارقام كوفيرات ومشاغل كويسه

انتظري رسالتي ع الخاص بس خليني اجمع اللي عندي

وان شاء الله باقي الصبايا يفيدونك ومايقصروووون

[الولاعة]

حبيبتي والله انا ماعندي اي خلفية ..
لكن هذا الرابط ان شاء الله يفيدك..

http://www.buraydahcity.net/vb/showthread.php?t=148444

اتمنى لكِ التوفيق والسعادة في الدنيا والاخرة ..

دعواتك يا اخية

[رابعة]

دوري زين بالعثيم والنخيل والحسون سنتر وفيه محل اسمه سنبل عنده اشياء حلووة مادري وين مكانه بالضبط صرااحة يمكن بالصفراء وروحي للسوق الدااخلي بتلقين اشياء تعجبك وساترة..

الفساتين فيه بالاسواق الي ذكرت ماعدا سنبل مافيه وفيه محل جنب مكتبة جرير اسمه لمسات طيبية نصيحة روحي شوفيه..

بعنيزة فيه عنيزة مول وفيه سنبل ويمدحونهم..

الكوفيرة يمدحون ريما وام عبادة وفيه ام نايف ..

الله يوووفقك..

[ندى القصيم]

الحسون ومبارك استيل مره حلو

[ندى القصيم]

مدحولي شغل الكوفيره ام باسم فى العرائس وشفت شغلها والله خيال ومونيا فى التسريحات

[بنت برريدة]

يآ حبيلكن لآخلآ ولآ عدم يا بنات بريدهــ..


والله ينفعكن مثل مآ نفعتنن وزيادهـ..


الله يجزاااااااااااااكن كل خير يااارب


ويفرج لكن كل كرباتكم وكل هم اهمكم ويكفلن ويكفلكن برحمته






انتظر الارقام يا حلوة


وما قصرتي ابد يا ولاعة

وجزاك الله الجنة يار ابعة وين اماكنهن
وربي يفرج كل همومكم



بنات شرايكن احجز من الحين ولا اجيب احد للبيت

والله يسر للجميع كل امورهم..


الله يسعدك شكل لمسآت طيبة زين اول مرة اسمع بوه ..

بس كآنه مثل الي بجدة فهو أن شاء الله يوفي ويكفي..
اغدين القآ شي للسهرات..

والداخليات ..

ما توصن بمحل معين؟

احد جرب لآنجري الي مسوين عنه أعلأن هنا الي بعنيزة مول.

[بنت برريدة]

ليان العمري الله يسعد قلبتس قولي امين..


معليش ما اقدار اراسل الحين بس بشكرك على النصايح هذا اولا..


والله لا يهينتس اذا تقدرين وش المحلات الي بالداخلي بالضبط..


وان شاء الله معزومة يا عسل اذا مب بالعرس بالبيت عقب العرس ^_^

[بنت برريدة]

ندى القصيم

الله يوفقك بالدارين ويفرج كل همومك وين تشتغل ام باسم ؟؟


قآيلت لكم ما عرف شي ..


الحسون مآ شريت منه شي والله..

[برنسيسه بريده]

ام عباه للعرايس حلوووه

والنقش ام محمد سودانيه

[شم ـوخ]

اقتباس المشاركة الأساسية كتبها برنسيسه بريده ام عباه للعرايس حلوووه والنقش ام محمد سودانيه

لاهنتِ غلاي ترسلين لي رقم النقاشة

[نبضات بنت بريدة]

،

يا بعدي
والله لو أنا بالقصيم كان قلت لك اللي أعرف
بس أمممم
وشلون أقولتس اللي أبغى الموووشكله أنك م بالرياض
الله يوفقتس يا قلبي وييسر لتس كل أمر عسر

[بنت برريدة]

^

^

آمين الله يجزاك كل خير ..واياك والمسلمين اجمعين ,,


بنآت تكفون تكفوووون انا توي جايه ماعرف ..عطون اسماء واضحة ):


ام محمد مثلا وشلون احصله ..وكم رقمه

وجزاك الله كل خير برنسسيه ..
<<آنواع الغلقات..):

[برنسيسه بريده]

هلا بنت بريده

رقم ام محمد عندي ارسله لك علي الخاص ولايهمك تتفقين معه تجيك البيت