[** حَـنيـنُ الأُخـوَّة **]

بسم الله الرحمن الرحيم ...


في ربوع ابها البهية .. كانت الرحلة .. وعلى قمم السودة بالتحديد كان موقعنا ..


هواء عليل ... ومناظر جميلة << لولا أشعة الشمس التي كانت تصلنا بقوة وشووق .. وفي موضوع متفائلة كانت تفاصيل رحلتنا ..



ذهبنا للسودة في وقت مبكر ... ولكن استعدادي للطبخ بدأ مبكرا من بعد صلاة الفجر في الشقة ..
ليس لصعوبته ولكن للتقليل من الأغراض المنقووولة للبر ..

الطريقة بالتفصيل :
تنقسم لمرحلتين مرحلة الاعداد قبل الخروج ... والمرحلة النهائية في موقع الرحلة .

مرحلة الاعداد :


غسلت الرز الكافي .. ( بيالة لكل نفر .. مع زيادة عدة بيالات .. لأن الأكل في البر شهي .. وأنا عيني شرهة ) وبعد غسله وضعت عليه ماء قليل وغطيته .

قطعت البصل وحمسته وأخذت جزء منه للبزلة .. وخلطت معه ليمون اسود مطحون وصفار ..

قطعت الدجاج - كل دجاجة لأربع قطع - وغسلته زين ثم إلى القدر مع البصل المحمووس .. أضفت الماجي الابيض .. والملح وشوية فلفل .. وخليته على النار شوية بس تقريبا 5دقايق ..أو اقل ..
الحين خلصنا من الاعداد ... لاحظوا كل هذا قبل نطلع من الشقة ...
ويوم رحنا للبر وقبل موعد الغداء بساعة تقريبا .. شبيت على الدجاج بنفس قدرهن .. وقطعت كم حبة طماط عليهن .. وقصرت عليه بدون ماء .. وممكن تضيفين شوية ماء لو حبيبتي ...أو لو حسيتي انه ناشف مرة ..

وخلاص اتركيه على النااار لحد ماينضج الدجاج تقريبا نص ساعة ..


وبكذا انتهينا من الدجاج ..
وهذي صورته بعد ما خلص :






الحين نجيب قدر ثاني كبير يكفي كمية الرز الي بنطبخه ..

نحط ماء وماجي (توابل الرز الأبيض ) وزبدة ونتركه لحد ما يغلي .. بعدين نحط الرز عليه بعد مانصفيه من ماء الغسل .. طبعا الموية ماتكون كثيرة لأن الرز مغسول من بدري .. وفائدة غسله بالشقة توفر الماء النظيف .. ومنعا للكسافة وتوفير ماء الغسيل .. ههههه نظرة اقتصادية ...والمفروووض حطيت حبحبر بس مالقينا للاسف .. لذلك أنصح واوصي عشاق السبايسي أن يحضروووه من ديارهم العامرة .. و للحبحر مذاق مميز ورائحة عطرة وخاصة إذا فتشتي قدر الرز ورأيتيه متربعا على قمة الرز ..

نكمل .. نخلي النار عالية نوعا ما .. لحد ما ينزل مستوى الماء عن الرز وبعدين نقصر عليه ( نمل حسب رواية البعض ) .. وبعد 10دقايق تقريبا نضع البزلة على الرز ونوزعه على كامل السطح ( البصل المحموس الي زيناه بالشقة .. تذكرونه ؟؟ )

ونجيب كيس خذار مجمدة .. (( مهب زبيب يا أستاذتي بنت الشماسية )) ونوزعه على سطح الرز .. بيكون ذايب لأنه من زمان مطلع من الفريز ..
طبعا الهدف من وضعه هو تجميل الرز من فوق لأن الدجاج بيكون منفصل عن الرز ..

المهم نراقب الرز لحد ماينشف .. ويصير احلى نثرية بإذن الله ..

وهذي صورة القدر وهو على النار ..




وهنا صورة القدر بعد مافتحنا الغطاء :





[COLOR="Green"]وجااااءت لحظة الانتساب ( التقليط في رواية )

وهذا الرز لعيونكم الحلوين :







وخسارة نسيت أصور الدجاج بالصحون حقته .. لأني ماحطيته فوق الرز عشاني مسويته بطريقة تشابه المعرق للي يعرفونه .. << مشهور بالكويت ..

وقدمت معه طماط وخيار بصحون مستقلة ..

وماننسى فاكهة أبها ..



وطبعا المفرووض أصور لكم صورة السفرة النهائية ... لكن تعرفون كنت لاهية وراحت من بالي ...


اتمنى تجربون طريقتي الي يمكن تكون عادية بنظر البعض لكن يميزها قلة الحوسة بالبر خصوصا مع الجلال والغطاء ,, يعني تسوين أغلب شغلك وانتي مرتاحة .. وفي بيتك ..


و إلى لقاء آخر معكنّ حبيباتي في عالم انثى .. تحية خاصة لمن قامت بتصوير الغداء ( متفائلة ) لها مني كل الحب ..

[** حَـنيـنُ الأُخـوَّة **]

المعذرة الصور كبيرة حبتين .. ياليت المشرفات يساعدوننني .. لأني خفت اصغرها بنفسي وتكون جودة الصور ضعيفة ..

...


على فكرة تقريبا كل الموجودين ذاك اليوم في السودة معنا منتسبين لمنتديات بريدة سيتي ماشاء الله ..

[وثبة فجر]

ماشاء الله تبارك الله،،
والله إنك سنعة تبردين السبد
،،
،،

[** حَـنيـنُ الأُخـوَّة **]

شكرا وثبة فجر ..

تسلمين يالغالية

[أديل سليمان]

*

ماشاء الله ، تسلم ايديك
تعجبني القرمة النشيطة مب إذا قالوا زيني والا صلحي قالت فاضية لكم شغالة عندكم !!
في البر دائما نستخدم قدر الضغط أحط فيه كل شيء قبل لا نطلع من الشقة وماناخذ معنا غير القدر والرز المنقوع ، أيضا نضيف للحم كزبرة خضراء وشبث يعطي طعم مميز للرز ، حطيتها أول مرة وكنت خايفة يطلع الطعم شين لكن الحمد لله مادرينا الا جوالات الحريم ماتسكت ! الرجال يسألون من طابخ الغداء ووش حاطين معه ؟!

اقتباس خصوصا مع الجلا والغطاء

تخيلي نلبسه !!

أذكر وحده مننا لبستها هاشوها الرجال ليش تلبسينه قال أخف وأسهل قالوا أجل البسي فوقه عباة


ماعمري شفت قصمان طالعين للبر وحريمهم يطبخون ، دايم رياجيلهم هم الي يطبخون الغداء

[القلب الوردي]

ماشاء الله باين إنها لذيذة مرة ..!

تسلم الإيدين اللي طبخت , والإيدين اللي صورت

[** حَـنيـنُ الأُخـوَّة **]

اقتباس المشاركة الأساسية كتبها القلب الوردي ماشاء الله باين إنها لذيذة مرة ..! تسلم الإيدين اللي طبخت , والإيدين اللي صورت

تسلمين حبيبتي .. شاكرة لمرورك البهيّ

[** حَـنيـنُ الأُخـوَّة **]

اقتباس المشاركة الأساسية كتبها أديل سليمان * ماشاء الله ، تسلم ايديك تعجبني القرمة النشيطة مب إذا قالوا زيني والا صلحي قالت فاضية لكم شغالة عندكم !! في البر دائما نستخدم قدر الضغط أحط فيه كل شيء قبل لا نطلع من الشقة وماناخذ معنا غير القدر والرز المنقوع ، أيضا نضيف للحم كزبرة خضراء وشبث يعطي طعم مميز للرز ، حطيتها أول مرة وكنت خايفة يطلع الطعم شين لكن الحمد لله مادرينا الا جوالات الحريم ماتسكت ! الرجال يسألون من طابخ الغداء ووش حاطين معه ؟! تخيلي نلبسه !! أذكر وحده مننا لبستها هاشوها الرجال ليش تلبسينه قال أخف وأسهل قالوا أجل البسي فوقه عباة ماعمري شفت قصمان طالعين للبر وحريمهم يطبخون ، دايم رياجيلهم هم الي يطبخون الغداء

تسلمين يالغلا على مرورك الجميل والمفيد ..

قدر الضغط أستعمله إذا كنت ابطبخ لي انا وزوجي بس .. ما اقتنع به للكميات الكبيرة !! لكن اشووف كثير يستخدمونه .. ويطلع لذيذ ..

وحنا رجالنا مدلعين ... يستاهلون الدلع من قدهم ..

وأما الجلال .. فحنا نلبسه بس في مكان جلوسنا وقعدتنا بالكشتات .. ولو بغينا نتمشى نلبس العباة .. وبعدين انتي ماتعرفين المثل الي يقول : سافرتي مع حمولتك ؟؟ قالت : ايه .. قال : لبستي جلال .. قالت لا .. قاااال : أجل ماسافرتي ..

هههههههههههههه

[بنت الشماسية]

السلام عليكم ورحمة الله وبركاته

يااااااااحبيلك بريداوية

أجل خذار وفي رواية خضار

ياحبيلك وه بس أبتل أقول ياااحبيلك

أحبك في الله حباً جماً

تميــــز

[** حَـنيـنُ الأُخـوَّة **]

اقتباس المشاركة الأساسية كتبها بنت الشماسية السلام عليكم ورحمة الله وبركاته يااااااااحبيلك بريداوية أجل خذار وفي رواية خضار ياحبيلك وه بس أبتل أقول ياااحبيلك أحبك في الله حباً جماً تميــــز

اييه خذار وش عندك ..؟؟ خخخخخ مسوية روحها ما همه ..

اغفلي شوي عن .. يا استاذتي .. لا تصيرين دقيقة مثلي ..



اللهم احب بنت الشماسية ووالديها وحبب خيار خلقك إليها ..


مشكوورين عالتميز .. أخجلتموني ..

[الواثقة]

..

واااو ماشاء الله تباااارك الله

أشتهيته

تسلم دياااتك يااارب

..

[** حَـنيـنُ الأُخـوَّة **]

اقتباس المشاركة الأساسية كتبها الواثقة .. واااو ماشاء الله تباااارك الله أشتهيته تسلم دياااتك يااارب ..

مشكووورة غلاتي ..

تعالي زوريني وأزين لك أحسن منه .. الله يحيييك يالغلا .. وجيبي الوالدة معك وخواتك بعد وحريم اخوانك .. وصديقاتك .. اهم شي تنبسطيييين وتذوقين ما اشتهيتي ..

[شاطى الامــــــاني]

نثـــــــــــــريه رااااااااااااائعه بالعافيه----او خلصتوا

شكلك ماشاء الله قرمـــــــــه [GLOW="FF3333"]مثلــــــــــي[/GLOW]



انا اشهد انك سنعـــــــــه--ومرت حمـــــــــــوله

[** حَـنيـنُ الأُخـوَّة **]

اقتباس المشاركة الأساسية كتبها شاطى الامــــــاني نثـــــــــــــريه رااااااااااااائعه بالعافيه----او خلصتوا شكلك ماشاء الله قرمـــــــــه [glow="ff3333"]مثلــــــــــي[/glow] انا اشهد انك سنعـــــــــه--ومرت حمـــــــــــوله

شهادتك أعتز بها .. ومرورك يشرفني ..

شكرا لك .. وشكرا لثنائك ..