[الوفي بندر]

بسم الله الرحمن الرحيم

السلام عليكم و رحمة الله و بركاته . .


مبارك الشهر علينا و عليكم و جعلنا الله من صوامه و قوامه .


يجول في خاطري منذ فترة هاجس أقلقني و أقلق كثير من المواطنيين في مدينة بريدة

و هو قلة تواجد عناصر المرور و المرور السري في شوارع بريدة و بالأخص في الشرق حيث أنني أخرج من المنزل و أذهب إلى وسط بريدة و أعود بدون أن أرى سيارة خاصة بالمرور . .

و نحن من هذا المنبر المبارك نشتكي كثرة التجاوزات و المخالفات المرورية بسبب عدم الرقابة فمن أمن العقوبة أساء الأدب ففي طريق الرواف تجد نفسك كما أنك في طريق الرياض السريع بسبب السرعة الجنونية و نفس القصة في الطريق الذي يقع بين دوار الهدية و إشارة الرمال و لهذا السبب
أناشد المسؤولين في هذا الجهاز على التركيز على موضوع السرعة داخل البلد و زيادة عدد سيارات المرور و غيرها من من يقوم بدورها حيث أننا أصبحنا مثالا للتخلف في القيادة .

و أرجواا من المسؤولين في هذا المنتدى الرائع تثبيت هذا الموضوع للفائدة العامة . .

و تقبلو شكري

و السلام عليكم و رحمة الله و بركاته . .

[الليث الابيض]

مهب صحيح



ماكد طلعت الا بوجهي دوريه

بس شكلك مسالم منت راعي سرعه ولا راعي تجاوز
كانك تبي تشوف دوريه وانا اخوك سوو لك مخالفه يعني اقطع اشاره ولا نط رصيف ولا عاكس ماتلتفت الا وهو وراك

اسـأل مجرب ولا تسـأل طبيب

[الوفي بندر]

يا رجال عساك سالم

من وين واجد

أنت تعال ووقف عند تقاطع النقع القديم مع الرواف و شف الطيران و إلا المديور اللي عند الصناعية أنواع الحوادث و المعاكس و لا سبق

و شفت دورية إلا ما ندر أو عند الحوادث

او أهم شي الشمال

ما نقول إلا خله على ربك

[د/الفـهـد]

-*-





المرور ماش طايحين من عيني مع انهم خدموني بالتوقيف هع



ولكن...


الدوريات ماتشووفهم ابد لكن اتصل عليهم لو عندك بلاغ

والله مايتم خمس دقايق او اقل الا عندك

المرور مـآش مـآش مـآش

رواتب العساكر اغلبهـاا سحت بسبب ظلم وعدم اتقان الامانه التي يئدونهـااا



ترا من حقك تطلب دوريه من المرور توقف عند الاشاره او تتجول رايحه جايه بالشارع اللي تبيه


الله يعينك يالبى





...

[مهباس]

اقتباس المشاركة الأساسية كتبها قليل الدسم -*- المرور ماش طايحين من عيني مع انهم خدموني بالتوقيف هع ولكن... الدوريات ماتشووفهم ابد لكن اتصل عليهم لو عندك بلاغ والله مايتم خمس دقايق او اقل الا عندك المرور مـآش مـآش مـآش رواتب العساكر اغلبهـاا سحت بسبب ظلم وعدم اتقان الامانه التي يئدونهـااا ترا من حقك تطلب دوريه من المرور توقف عند الاشاره او تتجول رايحه جايه بالشارع اللي تبيه الله يعينك يالبى ...

المررور كله بكبره بمديرهـ سحت

[الغريب -]

أنا أستغرب ماأدري أنت ما تطلع من بيتكم ولا ما أتشوف المرور
المرور ببريده وخاصه الشرق مليان من المرور وما عمري طلعت من البيت إلا ألقى المرور بوجهي


بالشرق المرور أكثر من اللي به موجودين الله يجزاك خير ويفتح عيونك عشان أتشوفهم وأغديهم يمسكونك عشان إتعرف وينهم
والله يانا حاقد ققققققققققققققوه ما لاحظتوه

[الوفي بندر]

اقتباس المشاركة الأساسية كتبها الغريب - أنا أستغرب ماأدري أنت ما تطلع من بيتكم ولا ما أتشوف المرور المرور ببريده وخاصه الشرق مليان من المرور وما عمري طلعت من البيت إلا ألقى المرور بوجهي بالشرق المرور أكثر من اللي به موجودين الله يجزاك خير ويفتح عيونك عشان أتشوفهم وأغديهم يمسكونك عشان إتعرف وينهم والله يانا حاقد ققققققققققققققوه ما لاحظتوه

يا حبيلك يالغريب

أجل شكلهم مخلين الدنيا كله و يلاحقونك هههههههههه

[جيل 2009 صااااايع]

ههههههههههههه

قال مرور بريده

اقووول تخوووني نهجوله قدام الدريات والله ابن ابوووه يشغل سفتي نصفط ونطوط في بطنهم ونزعق ههههه

عساك سالم بس

[غرك زمانك؟]

اقتباس المشاركة الأساسية كتبها جيل 2009 صااااايع ههههههههههههه قال مرور بريده اقووول تخوووني نهجوله قدام الدريات والله ابن ابوووه يشغل سفتي نصفط ونطوط في بطنهم ونزعق ههههه عساك سالم بس

وش عنده ؟

[كبير مايكبرني لقب]

من يوم مسل عبد العزيز الخلف المرور وحنا تمام

[كبير مايكبرني لقب]

من يوم امسكه عبد العزيز الخلف وحنا

[جنرال بريدة]

شكراعلى الموضوع

[الوفي بندر]

الله يعطيكم العافية يا شباب


بس هل فعلا المرور قائم بدوره أنا عن نفسي أرى تقصير واضح و جلي و خصوصا السرعه داخل البلد ..

[خب العكرش]

امر عدة مرات بالشارع فعلا صدقت الوفي بندر

طريق الرواف (( رالي )) سيارات وما فيه تحديد سرعة ابدا بالشارع ولا لوحة تحديد السرعة
اكثر السرعة ما بين الرمال والصناعية

وطريق الهدية الى مين الرمال بعد

واكثرهم حاط رجله بالتانكي شف انواع الفرامل عند الفتحات بالزفلت