[المنهبل]

اتحدكم تفهمون بعضن بس اللي يفهم يترجم للشباب




1) محشش كامش الدجاجه ويضرب بيها ويگول: يا بنت الكلب كل يوم بيض!! ماكو فد يوم جبن.. گيمر..؟

2) محشش رجع للبيت متأخر ..مرته فتحتله الباب.. ضربها وگاللها وين ليهسه متأخره بت النعال؟

3) محشش يسوق تكسي .. أشّرتله بنيه ..وگف گال : وين تروحين؟ گالت: للشورجه گاللها: اوكي بس لتتأخرين.

4) محشش دخل محل گال لأبو المحل:عندك جگاير روثمن؟ گال له :لا.. راح للمحل اللي بصفـّه گال له: طيب وإنته؟

5) حشاش ضرب صديقه راشدي فگال له: لك هذا صدگ لو شقه؟.. قال : لا صدگ.. گال إي عبالي.. لإن أني ما أتحمل الشقه.

6) طفل گال لمعلمته: تدرين ست شگد أني أحبچ..وبلكي أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكله ست .. ما راح نسوي جهال.

7) حشاش يحچي ويّه روحه:مدري مواعد وحده الساعه ثنين؟.. مدري مواعد ثنين الساعه وحده؟

8) حشاش گال لصاحبه:من أحشش بعد ما أعرف أشتغل.. لذلك بطلت..گال له صاحبه:أها...يعني حضرتك هسه عاطل عن العمل؟

9) حشاش مثقف گال لصاحبه:قل لي ماذا تقرأ..أقل لك من أنت...فگال صاحبه: ماذا تقرأ؟..فرد عليه الأول: من أنت؟

10) حشاش سأل أبو المخضر:عندك فاصوليه خضره؟ گال :لا والله خلصت گال.لعد شضل عندك يالون؟

11) قزم راد ينتحر چيّت من الرصيف.

12) قزم عطس ..طخ راسه بالگاع ومات.

13) دليمي بنه بيت مدوّر وگال لمرته:هم گولي بعد حابسني بين أربع حيطان؟

14) ثنين دليم يلعبون شطرنج.. الاول گال:هييييه.. كتلتك الحصان.. الثاني طلع شويه ورجع گال:وأني سممتلك الهوايش كلهن.

15) محشش راح للمطار يستقبل أبوه باس الجنطه وشال أبوه.

16) محشش عوّز ..دز إبنه يجيب عوازه..أبنه انكمش بالطريق وأنحكم عشر سنين ..من طلع من السجن رجع للبيت تلگاه أبوه بالباب گال له: إبن الكلب وين صارلك ساعه ؟هوّه براس الشارع.

17) محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟

[مجنون بس عاقل]

ههههههههههههههه

الله ياخذ صدام ياشيخ<<<<<< معذور من يوم طلعت على الدنيا ونا ما عرف الا صدام ابن الكلب

منطلق

بس اعلمك ان نص هرجه ما ادري وش يبي


بس حلوه منك


شوكرن

مجنونبسعاقل

[الجارح البطل]

ههههههههههههه



ولو اني ما فهمت شي بس ميخالف