[علوش بلوش]

السلام عيكم ورحمة الله وبركاته


قسم با الله العلي العظيم اني صادق والله على ماء اقول شهــــــــــــــيد
اليوم اتمشى حولي الساعه خمس مساء مع اطفالي بسوق البل (البعارين والغنم ) الي في الدائري الشرقي المهم قالي ولدي الصغير بابا شف البلدي داخل الشبك الي فيه غنم وقفت على طول ورجعت ديورت واتجهت لشبك والبجلاديشي (البلدي عليه بدلة البلديه الصفراء ) ماسك عنز والمرأه تحلب والخرنق رجله يتمشى بين الغنم يوم شافن قربت لشبك تحرك الرجل واتجه عند المرأه الي تحلب العنز 0

السراحه بغيت اتكلم معه قلت الحين يتهمن بسرقة غنم او اي شي الي مخلي المرأه مع بنقالي عادي انه يتهمن 0 بعد

[ابوولعf]

الله يخلف عليه معنده غيره

[د/الفـهـد]

..

.

اقتباس عنز

وشين الأسم بعد..!!



ماشاء الله على ولدك صنع لك خبر ببريدة ستي

مير به احد يتمشى بمدينة الإنعام الفجريه..!!

كـان وديت عيالك لم الحديقة اللي عند الإمارة وجلست تصورهم عشان تقش لشمالية..


الحين المشكلة من العنز ولا العامل ولا المراه ولا ولدك ولا انت..!!؟؟


وش دراك انت ياطارق التايب<

يمكن العامل متزوجن المراه وجايبين عنز

والرجال اللي تقول عنه ماسكن خفاره عند البعارين ..

أجل يوم شافك راح للمراه قسم بالله لو هو لاأرميك واخلي زوجتي تحلبك بعد ..


أجل جالس تتفرج على حريم خلق الله


ترا تصرفك غير صحيح والله لو قاشعينك للجنوبية كان عرفت ان الله حق..




بالأخير لاأقوول لك إلى القاء ولكن..توي صاحي واول موضوع اشوفه وروقت عليه


لاعمرك تاخذ ولدك مره ثانيه..





...

[.:القيصر:.]

اقتباس والخرنق رجله يتمشى بين الغنم

الحين وش زين لك عشان تقول هالكلام؟



وبعدين يتمشي عندهم يعني مابعد؟

[الوساااام]

ياخوي وش فيها عجوز متستره وبنقالي ماسك عنز بمبلغ وقدره من شان تحلب وأمام الناس وزوجها أيضاً ..

الله يخلف على هالعقلية بس ..

آجل أطلع للبر وشوف الرعاة وش يسون .....!!
اللهم لا شماته والله ماني مكمل ..؟

[علوش بلوش]

مادري اذا عقولكم تسمح لعامل يجلس او يساعد زوجك ؟؟؟


بعدين وش يدريك انه عجوز ؟


بعدين اتمشى اوري الاطفال البل العصر الساعه خمس مساء

[ابويسرى]

فيه بعض الناس مازالت تحتقر المرأه خصوصا البدو يسيئون معاملتهن ويتركها ترعى الغنم ومع العمال تشيل وتحط ومايسميها الا ((الانثى ويزيد على ذالك ((اكرمكم الله )) اقسم بالله اني شاهدته بنفسي تمشي مع العمال وتنزل وتحمل برسيم ومادري وش بعد وهالتيس الجلمه الرصه عديم المرجله والغيره والمروءه قاعد يتقهوى هو وولده اما البنات وامهن والله العضيم بلشات بالغنم مع العمال الله يرحم حالهن الله لايكثر من هالاشكال معدومين الغيره نسأل الله العافيه تقبل مروري ...

[تباشير الفجر]

اتوقع عند البدو عادي المراه الكبيره تتعامل مع اي رجل اجنبى اما حنا يقصون رجلك لو تطلعين للسوق مو للغنم

[قصمنجاوي]

اقتباس المشاركة الأساسية كتبها تباشير الفجر اتوقع عند البدو عادي المراه الكبيره تتعامل مع اي رجل اجنبى اما حنا يقصون رجلك لو تطلعين للسوق مو للغنم

الغنم عادي يكون الزوج عندها

أما الي تطلع مع السواق لوحدها ماذا تقولون عنها يالغيورين


ياخي وشلون والله مادري كيف خاصة عند الحضر

أن السواق يطلع ويذهب هو والمرآه إلى السوق إلى المدرسة لو أن الزوج موجود يقول عادي روحي مع السواق كيف هذا.

أين ذهبت الغيره
قال الرسول صلى الله علية وسلم ( ماخلى رجل بأمرآه كان الشيطان ثالثهما)"

ماقول إلا أن لإإله وإنا إلية راجعون

عميت البدو جميع الرجاء الأرتقاء بسلوبك

[تباشير الفجر]

اقتباس المشاركة الأساسية كتبها قصمنجاوي الغنم عادي يكون الزوج عندها أما الي تطلع مع السواق لوحدها ماذا تقولون عنها يالغيورين ياخي وشلون والله مادري كيف خاصة عند الحضر أن السواق يطلع ويذهب هو والمرآه إلى السوق إلى المدرسة لو أن الزوج موجود يقول عادي روحي مع السواق كيف هذا. أين ذهبت الغيره قال الرسول صلى الله علية وسلم ( ماخلى رجل بأمرآه كان الشيطان ثالثهما)" ماقول إلا أن لإإله وإنا إلية راجعون عميت البدو جميع الرجاء الأرتقاء بسلوبك

انا اسفه اذا عميت البدو جميعا بعدين بعضهم اصحا ب علم وثقافه واخلاق ما عند نا سواق كل اقاربنا محرم السواق عندهم

[أحب الشتاء]

الله يستر علينا والمسلمين

[عاشق بلا معشوق]

من راقب الناس مات هماً

[السرهجة]

مشكور
ويعجبني صاحب الغيرة على اي حال

مع اني أشوف مسكة البنقالي عادية..
المرأة ماخلت به.. والرجل بينهم

لكن اللي ماأعجبني بعض الردود.. مدري وش فيهم مستعدين يناقرون على اي شيء..
يارب سترك بس
____________________

[مفضلي]

من ذهبت غيرته.............!!!

أيها الغيور: لايفهم كلامك ,,هذه لغة لايفهمها الا كل غيور.

زادك الحليم غيرة وفضلا.