[نوسا]

السلام عليكم ورحمة الله وبركاتة

يا اهلي وناسي افيدوني وشيرو علي وش اسوي

ما انام الليل من التفكير ومو لاقية حل

زوجي كفل اخوي بمبلغ يسدد طوال 6سنوات

سدد اخوي 3 سنوات
واخي غير موظف يعني يتعب في جمع القسط

لكن المصيبة اني عرفت من وقت قريب
ان زوجي ما سدد الاجزء بسيط من المبلغ

يوم واجهتة انكر وبعدين قال بيسددهن

بس مو اللحين لان امورة المالية ملخبطة
الان ماني عارفة شسوي اقول لاخوي او اسكت

واذا قلت لاخوي اكيد بيتهاوشون وانا مابي كذا
واذا اسكت اخوي بيسدد باقي المبلغ
مدري وش اسوي تعبت من التفكيرساعدوني يالي عندكم خبرة

ولكم جزيل الشكر

[د . علي]

الحين منه الي كافل الثاني , والدين منهو عليه ؟؟

[د . علي]

أختي الكريمة إلجئي إلى الدعاء , والله الذي لا إله إلا هو لن يفك أزمتكي إلا الله سبحانه وتعالي , أنا قد جربت قبلكِ وشاهدت فرج ربي بعيني ..

الآن قبل أن تنامي أوتري وأطلبي ربك بصدق ووالله الذي لا إله غيره أن تري إجابة ربكِ لكِ ...

خذي نصيحة الي ماغشك ..

[شخت البؤس]

اقترح ينقل الموضوع إلى قسم بنت بريدة

[بيارق]

ترى ما وضحتي من اللي كافل الثاني

على كل حال الله يعين مشكله كبيره والله يعينكم

مواضيع الكفاله هذي حساسه ويجي من وراها مشاكل حتميه !

[ابن عقلاء]

من رائي لاتدخل نفسك بالموضوع


والله يفرج همكم

[قُنصـل ~]

ياحياتي انت....عليك حبيبتي بسهام الليل لفارج الكروبات ...

أسأله سبحانة ان ييسر اموركم ويصلح فيما بينكم......





تحيتي.............................

[موكا بارد]

الصراحه ماعندي خبره بهاالامور هاذي بس مالي الا الدعاء لك ان الله يفرج لك همك يارب وتنحل بأسرع وقت هالقضيه وادعي ربك واستغفري كثير وربك يفرجها ان شاء الله