[ياسر الخريف]

أنباء شبة مؤكدة : زيادة في اسعار البنزين والكهرباء والقطاع الصناعي والتجاري



سبق حائل ـ خاص :

ذكرت مصادر خاصة لسبق حائل عن زيادة في الاسعار وخاصة اسعار البنزين والكهرباء والقطاع الصناعي والقطاع التجاري دون القطاع السكني اليوم مع الميزانية .

.................................................. .........................................
يالله لطفك بنا خبر محزن ويضيق الصدر الحين الشباب مو لاقين وضائف والفقر عم البلاد والدوله ترفع الاسعار ليش وش ذنب المواطن اذا سرق المسؤلين اموال الدوله التي ذهبت هبأ ميزانية الدوله فيها عجز طيب حنا وش ذنبنا وضفونا الشباب وارفعو اللي تبون من الاسعار لكن رفع اسعار وشباب عاطل منين يبي يعيش اكيد راح يتوجهون لمور عديده في سبيل العيش منها السرقه ومنها الممنوعات وحنا مو ناقصين فساد اكثر من الفساد الحالي علمونا كيف تبغونا نعيش وحنا تحت امركم بس من دون رفع اسعار وش ذنب الفقير لاسرق المسؤل الناس بدت تسكن بالخيام من الفقر الحال اصبح صعب كيف نبني المستقبل ووضعنا الحالي في انحدار وش تبنا نشتغل تجار مخدارت نسرق منين نعيش انا متخرج من الجامعه وجالس بالبيت لاوضيفه ولاهم يحزنون انا اتكلم بلسان الجميع كيف تبونا نعيش وحنا تحت امركم اصبح الكثير منالمواطنين من دون كراااااااامه من الفقر الناس بدت تشحذ كثر المترددون على المستودع الخيري والضمان الاجتماعي وماغيره من اسباب ايش قل الوضائف وارتفاع الاسعار اللهم افتح لنا ابواب رزقك اللهم يسر امورنا وفرج همومنا اللهم وكل امرنا لمن يخافك ويخشاك ياحي ياقيوم ..



اسف على الاطاله
__________________
------------------------------------------

[التميز]

اقتباس المشاركة الأساسية كتبها ياسر الخريف اسف على الاطاله __________________ ------------------------------------------

وش عقبه ؟

عقب ماتفقعت عيوني من الخط الصغير الغير منسق
وااخرته يقول اسف :@

[الصباخ]

وكل من كتب صدقتوا كلامه أنتم؟
وإذا صارت سبق حائل كتبته؟ ترى اللي كتبه بسبق حائل مثله مثلنا يعني عادي يكون يكذب أو سمع إشاعة.
لذلك احمدوا ربكم على النعمة اللي أنتم فيها وخلوا عنكم الركض خلف الإشاعات.

[لسـ المواطن ـان]

عاااااااااااادي يرفعون اسعار هذه الخدمات .. لكن يخفضون مقابلها سعر أدوية الضغط والسكر والصرع .. لأن الأمراض هذه .. تأتي مع تذمر الشعوب ، والمواطنين من الحكومات .. !!ِ

[أبوراشد]

الميزانية أمس
مصيفين انت وسبق حايل


,,,

[مدحت شوقي بريده]

الله لايوفقهم .. هذا حقهم علينا

[الصباخ]

بالمناسبه لا تستغربون ارتفاع كل شيء فتجارنا دأبوا على أكل ونهب الشعب حتى النخاع، والحكومة مادرت عنا كشعب لأنها ترى أنهم غير أوادم، ولكن سهام الليل لا تخطئ.

[ahoak2002]

نصحية ما بعدها نصيحة لا تصدق كلام يقولون فهم كثيرون ورؤوسهم كثيرة

وعليكم الصبر حتى يصدر قرار من مصدرة الأكيد وغيره هذا كلام في كلام

تحياتي لك

[الوساااام]

سبق صحيفة غير رسمية فنصيحة لا تأخذ منها أي آخبار ..

وبعدين إيش المصادر الخاصة لسبق ..؟؟!!

[صرهجي]

حفظ الله ولاة امورنا من كل سوء

[هايين]

الله يستر يكون الخبر صحيح
ولكن سوف نقبله غصب عنا

***
اللهم افتح لنا ابواب رزقك اللهم يسر امورنا وفرج همومنا اللهم وكل امرنا لمن يخافك ويخشاك ياحي ياقيوم ..

حسبنا الله ونعم الوكيل

..

[Bleeder]

حنا لو نخلي عنا الإشاعات تسان صرنا بخير

[العاشقه الولهانه]

اللهم افتح لنا ابواب رزقك اللهم يسر امورنا وفرج همومنا اللهم وكل امرنا لمن يخافك ويخشاك ياحي ياقيوم ..






حسبنا الله ونعم الوكيل

[فتى تهامة]

الله يستر .. وإن شاء الله ما يكون الخبر صحيح