 |
|
|
|
|
|
|
03-01-2003, 01:34 AM
|
#1 |
|
عـضـو
تاريخ التسجيل: May 2002
البلد: السعودية
المشاركات: 276
|
والآن .. أجياد والدجاج ؟!!
السلام عليكم ورحمة الله وبركاته ،،
كما وعدناكم سابقًا .. الآن ( أجياد والدجاج ) !! في عصرية يوم .. وبين جنبات الحرم المكي .. طيط .. فنظرت إلى الجوال .. أوووه هذا ( .... ) أحد المشرفين سابقًا في منتدى أنا المسلم رجل طيب .. المهم وأنا أرد عليه .. هلا .. سلام عليكم .. عليكم السلام .. وش لونك .. الحمد لله .. والله إني مشتاق لك !!!!! قال وينك فيه .. قلت أبد في قاعد في الحرم .. قل والله .. وأنا في مكة بعد .. خلاص .. الوعد بعد المغرب عند باب ( ..... ) .. خلاص زين .. مع السلامة .. وأنا أنتظر صلاة المغرب .. أبي أشوف هالرجال .. مع أني رأيته قبل 7 سنوات تقريبًا في أحد الاستراحات .. وكان الشباب يسبحون في المسبح وهو جاي فازع يبي يدفني في المسبح !!! مع أذكر أني ما أعرفه .. لكن قال تعال نجلس نتفرج على اللي يلعبون الكورة .. ونروح .. وقعد قال معك فلان الفلان .. وأنا قلت مع فلان الفلان .. هلا وسوالف ومزح .. المهم نرجع لمكة .. ويأذن المغرب وأروح عند الباب الفلاني .. وأنتظر .. وأسنتر عند الباب .. يا .. وأدق عليه ومشغول .. ومشغول .. مشغول .. مشغول .. عما .. والحمد لله يمسك الخط .. ها يا ال(.....) وينك فيه أنا أنتظرك بالداخل .. قلت زين أنا جايك .. وأدخل وأدور .. وأدور .. وأدق عليه .. ها وينك أنا دخلت وينك .. قال أنا عند أول عامود يسار .. وأروح ما فيه أحد .. وأتصل عليه .. يا أخي أنا عند العامود الأيسر وينك .. قال أنت داخل مع أي باب !!!!!!!!!! قلت مع الباب الفلاني قال إيه أنا داخل مع الباب الصغير اللي جنبه !!! قلت يا أخي قل كذا من أول وريحنا .. وأروح وألقاه عند العامود الأيسر .. وداقها سوالف في الجوال .. أسلم عليه أبيه يعطيني وجه .. ولا عندك أحد .. وأنتظر وأنتظر .. وأخيرًا قال : مع السلامة .. ثم جاء يسلم هلا أبو ( .....) وأخيرًا شفناك .. قلت لا أنا شفتك من زمااااااااااااان كانك تذكر .. وين !! وأعلمه بالمكان .. قال لا ما أذكر .. المهم ما علينا إلا أنت وش لونك كيف الحال .. وش لون خويك ال(........) ما برح حي .. ونصلي المغرب .. ونقعد نسولف .. ونسولف ومن شفت من الشباب في الانترنت .. ومن .. ومن .... الله أكبر .. أذن العشاء .. ونتعشا .. قصدي ونصلي العشاء .. وسوالف شوي .. ويتصل عليه واحد .. قال بتلقاني في المكان الفلاني .. ونفس السالفة .. قعد يحوس إلى أن لقانا .. المهم .. قال مشينا نتعشى .. اعتذرت منه وقلت الحكومة ما تسمح لي .. لازم آخذ أذن ... وآخذ أذن من الحكومة .. والحمد لله .. تصريح على طول بدون مقدمات ولا مؤخرات ووين رايح ووين جاي .. والله ونركب مع السيارة التابعة لأجياد وتوصلنا للعمارة .. قال انتظروا تحت شوي .. ونقعد تحت ومعنا الشلة الباقي ولا أعرف ولا واحد منهم .. واحد منهم ما شاء الله .. ما أقول دب .. ( دبيب ) .. المهم ننتظر خوينا .. وننتظر وبدينا نحش فيه .. شكله راح عند المدام ومسكته .. شكله .. شكله .. شوي ويجي .. معليش تأخرت !! وش عقبه .. وقعد يسولف معنا شوي .. وخذ تعليقات على ذا وذا وذاك .. ولا سلمت منه أبشركم .. أكثر التعليق علي .. لكن هين .. أوريك يا ال(.......) .. ثم شفنا شي غريب من بعيد طلع من المصعد .. قال مشينا للشقة !!!! والله ونروح .. وأنتم تخبرون بعض شقق أجياد .. صغيرة مرررررره .. المدخال الظاهر أنك تدخله على جنب .. واسألوا خوينا الدبيب !! .. أيوه وين وصلنا .. أيوه .. راح وكلم واحد من الشباب مدري وش قال له .. وحنا قعدنا في الشقة غرفة واحدة .. !!! والسريرين ملصقات جنب بعض .. قلنا يا أبو فلان وين فلانة !! قال تحت .. قلنا عسا مهيب ذيك اللي نزلت وطلعنا عقبها .. قال ما عليكم منها .. الله يكون في عونها .. الله يصبرها على هالرجال .. والله ويوصل العشا .. يا الله .. عددنا تقريبًا 6 .. والدجاج والله ما أدري كم جايب شكله جايب كل الدجاج اللي في مكة .. قال ترى ما فيه صحن تحطون فيه الرز !! ونفكر .. نفكر .. أها .. ونلقى لنا باغة/كيسة .. ونزبطها مثل السفرة/السماط .. ونكب الرز عليها .. والدجاج فوق .. وناكل .. وناكل .. وكل ما خلص ..كب هالرز والدجاج ..!! وحنا نلقس مثل الدجاج في الرز .. لأنك إذا تبي تاكل مثل إذا تربعت على مفطح .. ما تدري إلا والباغة ناشبة في يدك .. وأحس عيوني بيطلع معها الرز والدجاج .. وهو يقول : لا يبقى شي .. ولا واحد طالع إلا إذا أكلتوه كله .. يا الله .. ذيك الليلة ما أدري كيف نمت .. أنقلب يمين النفس مش ولابد .. يسار سم سم ؟!! أنا خلاص .. معد قدرت أستقبل شي .. ثم عقبها .. نلحقه بكاس ماء .. تعال شف .. خمرنا لك الرز خمر على كيف كيفك .. والحمد لله على النعمة ،، أما خوينا فما قعد ياكل معنا .. منسدح على السرير ويتفرج علينا .. ويعلب برجليه .. يعني (منبطح) إذا بغيتم تفهمون .. تخيلوا شكله !! وخذ تعليقات .. يوه شاف فلان ياكل بسرعة .. يوه شف فلان ياكل واجد .. ويقول لخوينا الدبيب : يا فلان ارحم الدجاجة .. يووووووه مصص عظامها .. مسكينة .. يوووه شوفوا أبو .... ما ياكل إلا شوي .. شكله مستحي .. وكان معنا واحد صغير شكله في ابتدائي .. له النصيب الأكبر من التعليقات .. ويمعط أذانيه وهو ياكل .. الحمد لله .. قمنا نبي نغسل عقب العشا وتعال شف .. المغسلة في دورة المياه !! وبابها يالله البركة مسكين خوينا الدبيب ما أدري كيف دخل .. المهم ويالله واحد واحد يغسل .. ونخلص ويطلعنا من الشقة قال في أمان الله الحرمة شكله بتحترق تحت .. هين .. لأوريك .. والله ونحول .. يا ناس الشقة بعيدة .. وحنا الله يخلف الواحد يالله يقدر يتنفس .. شلون نمشي !! الحمد لله تقويت ومشينا لأن كان معي واحد من الشباب في نفس الشقة .. والحمد لله وناصل الشقة .. نروح لربعنا ونلقى ذاك الدجاج المعزول .. تعال يا ... هذا عشاكم .. حسبي الله عليكم شكلكم ناوين علينا الليلة .. الحمد لله إنا وصلنا لكم عقب ذيك الصبة !! وعلمناهم بالسالفة .. وبهذا تنتهي قصتنا لهذه الليلة ،، أدري طولت عليكم .. لكن ما علي منكم .. من قالك تقرا 
__________________
( اتق الله حيثما كنت )
من السهل جدًا أن نستخدم الإسلام ، ولكن من الصعب جدًا أن نخدم الإسلام |
|
|
|
03-01-2003, 03:52 AM
|
#2 |
|
عـضـو
تاريخ التسجيل: Sep 2001
البلد: الجزيرة العربية
المشاركات: 773
|
ههههههههههههههههه
والله ياهو خلاكم وتعليقات بعد كملت الوناسه عطنا من التعليقات الي طلعهن عليك خلنا نضحك عليك خخخخخخخخخخخخخخ مع التحيات برق البصر |
|
|
|
|
03-01-2003, 08:12 AM
|
#3 |
|
عـضـو
تاريخ التسجيل: Nov 2002
البلد: بريدة
المشاركات: 722
|
مشكورررررررر وما قصرت
وكثر منها ترنا تحمسنا. |
|
|
|
|
04-01-2003, 07:10 AM
|
#4 |
|
عـضـو
تاريخ التسجيل: May 2002
البلد: السعودية
المشاركات: 276
|
 طيب تبون قصة ( لا توقف الله يوقف عليك ) .. وحصلت في مكة أيضًا !!! :D
__________________
( اتق الله حيثما كنت )
من السهل جدًا أن نستخدم الإسلام ، ولكن من الصعب جدًا أن نخدم الإسلام |
|
|
|
|
04-01-2003, 11:36 AM
|
#5 |
|
عـضـو
تاريخ التسجيل: Apr 2002
البلد: بلاد الحرمين
المشاركات: 2,405
|
تسلم والله حبيبي على هيك الأصه =====> متأثر بالخوال :D
الله لايحرمك الجنه اللي وسعت صدورنا ........ أجل فيه قصة ثالثة ..........دبرررررررررررررررررنا...... تقبل تحياتي........
__________________
[/c] |
|
|
|
|
04-01-2003, 11:28 PM
|
#6 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
يا حبيلك يا اللاجئ يا ألب ألب مصراني انت
الا به ملاحظات على الاسلوب مخالف نقوله ولا مهب مخالف قل ايه الله يجعلك تغص بقرقور دجاجة <<=== حاسدكم على الدجاج أقولك يا ألبي اسلوبك بالهرج ماهنا ملحة بس مثلك خابر اشوف اغلبه لغة عربية ياخي تراه قصة نبيه بالعامية علشان نفهم كل الهرج مهب يا ألبي تراي بعض النوبات أنلهد لا شفت واحدن مفرفش وكاتبن لي لغة عربية ياخي اكتب لغة عبرية أحسن لك شششش <<=== يقاله حمق ÷÷ هههههههههههاااــ الا اقول يا ألبي ان سان بهالعطلة لك روحة لمكة والدعوى به دجاج وأكل لمين يآصل العيون ياخوي تراي معكم ___ بس الله يستر لا تصير الدعوى به قطية عاد ان اجتمعتو نوبتن ثانية ،، لا شفتون تبي تستحون ولا نتب مخلينن أقط تبي تقولون هذا رجالن سبير واغدينا نحترمه بس لا تذكرتو انه سعفة تقولون اييييـه هذا باليه ولا عنده ما عند جدتي أروى :D:D --__--__--__--__--__ إلى المرصاع أقول يا ألبي اجل لغة الخوال هع هع هع هع هع أقول حتحت شنبي بولاعة ان سان الخوال شوام أنت طال عمرك الخوال يقولون لك آآآآي يا مورصاع دايرين حكاية غديمه من اجدادنا __  أقول الهرجة يا المرصاع زيتون متنثر <<=== تراي أمزح هع هع شكلك تقول ___ عاد يا سعفة ارفق ياولد المشيقح تبي تشوف وجهي ،، شف طال عمرك أنا ولصتك برجستون سوا سوا <<=== يعني متشابهين مهب بطاقة سوا __ بس يارجال أهم شي الاخلاق ولا هين الباقي يالله سلام وتقبلوا جغفاتي وياللاجئ لا تزعل علي تراي على ماقال القايل مثل سالفة الي يقولون أمزح ايوالله تراي امزح فلزالك نبي قصص ثانية تكفا تكفا تكفا تكفا يا حبيلك يا حبيلك يا حبيلك <<=== هذا بزر يساحر ابوه يبي ريال خابرن جيرانهم عندهم بسطة والريكو جديد حق اليوم <<== صار صامولي <<======== هع يقاله ينكت لا أمحطه ببقس ###@@@@ سلااااااااااام
__________________
 |
|
|
|
|
05-01-2003, 12:15 AM
|
#7 |
|
عـضـو
تاريخ التسجيل: Nov 2002
البلد: في الخيمة اللي في العزبة
المشاركات: 144
|
اههههههههههههه
وش هالنكته اجل يمصمص في هالدجاج والله ياني جايع ياللاجئ وودي بصحن شاورما ياااااااااااااااااااااوك يالله من فضلك شف ياللاجئ نبي القصص التوال عجل بها
__________________
بلوحة مفاتيح أبو محمس انت الزائر رقم ابك سير علينا بالمسينجر 24 ساعة لكم ياهلا تلقون القهوة والقدوع ako_norh@ajeeb.com وانا اخو نورة  
|
|
|
|
|
05-01-2003, 07:15 AM
|
#8 |
|
عـضـو
تاريخ التسجيل: May 2002
البلد: السعودية
المشاركات: 276
|
الله يرحم اللغة العربية اللي في موضوعي يا سعفة ..
أو تبيني أكتب باللغة القصيمية :D أخخخخخ جيت لها قبل خمسة أشهر بغيت أجيب معي مطرجم .. قصدي مترجم !! أمزح معك 
__________________
( اتق الله حيثما كنت )
من السهل جدًا أن نستخدم الإسلام ، ولكن من الصعب جدًا أن نخدم الإسلام |
|
|
|
 |
| الإشارات المرجعية |
|
|
النمط المتشعب
