[ملكة الاحاسيس]

السلام عليكم .... اخواني واخواتي انا بهم وتعبانه من الحشرات موجوده ببيتي مع اني انظف واستعمل كل مبيدات الحشرات وشقتي دور فوقي وعمار جديد له تقريبا 8 سنوات عندي الله يعزكم ويكرمكم صوارير كبيره ابي حل والله استعملت كل شي الجره والديزل والرش مابقي الاحل واحد اني اغير ببيتي وذي صعبه جدا لان الايجارات غاليه ابي حل الله يسعدكم ويوفقكم اختكم الحزينه

[~آمــــــال~]

أهلا بالغالية..

سكنا بيت جديد ومثل ماقلتي البيت فيها "صوارير" الله يعز القارئين..

وبسرعة جبنا شركة وماشاء الله الحين لي سنة وإلى الآن مافيه شئ..

طبعا الشركة تجيك بشكل دوري..

راح اكتب لك اسم الشركة بعد ماألقى العقد اللي بيننا وبينهم..

[ملكة الاحاسيس]

اقتباس المشاركة الأساسية كتبها ~آمــــــال~ أهلا بالغالية.. سكنا بيت جديد ومثل ماقلتي البيت فيها "صوارير" الله يعز القارئين.. وبسرعة جبنا شركة وماشاء الله الحين لي سنة وإلى الآن مافيه شئ.. طبعا الشركة تجيك بشكل دوري.. راح اكتب لك اسم الشركة بعد ماألقى العقد اللي بيننا وبينهم..

مشكوره الله يوفقك بس لاتنسين تجبيلي اسم الشركه الله يعافيك

[متصفحة]

أختي ..

بما إنك تقولي صراصير كبيرة هذا يعني أنك بمنطقة قديمة شوي ..

يعني مثل أحياء وسط بريدة او الإسكان

وهذه الحشرات تأتي من فتحات المجاري ..

فعليك بإغلاقها وسد جميع ما يوصلها لك .. وهذا بعد وضع علاج الجرب الموجود بالصيدليات البيطرية ..

بإذن الله سوف تزوووول الى الأبد

[ملكة الاحاسيس]

اقتباس المشاركة الأساسية كتبها متصفحة أختي .. بما إنك تقولي صراصير كبيرة هذا يعني أنك بمنطقة قديمة شوي .. يعني مثل أحياء وسط بريدة او الإسكان وهذه الحشرات تأتي من فتحات المجاري .. فعليك بإغلاقها وسد جميع ما يوصلها لك .. وهذا بعد وضع علاج الجرب الموجود بالصيدليات البيطرية .. بإذن الله سوف تزوووول الى الأبد

الله يعافيك ويكرمك وين فتحات المجاري ذي لاني انا بشقه ودور فوقي والله يجزاك خير الف شكر

[كآيدهمـ]

بالنسبة للصراصير اعز الله القارئين جميع فتحات دورات المياه وانتم بكرامة مع فتحت المجلا العلوية
وكذلك السفلية وللشركات التنضيف دور مهم في القظاء على هذة الحشرات الكريه

[الدبيهــ]

فيه علاج عند الصيدليه تحطينه يقضي على الصوراير سنه ماتشوفين لهن أثر

[شاعرها]

أذبحي صرصور وعلقيه جنب فتحة المجاري

علشان اذا شافوه اخوياه خافوا وهربوا <<< طريقه مجربه

[قصمنجاوي]

اقتباس المشاركة الأساسية كتبها شاعرها أذبحي صرصور وعلقيه جنب فتحة المجاري علشان اذا شافوه اخوياه خافوا وهربوا <<< طريقه مجربه

هههه تنسيم الله يستر عليك

[manedl]

اقتباس المشاركة الأساسية كتبها شاعرها أذبحي صرصور وعلقيه جنب فتحة المجاري علشان اذا شافوه اخوياه خافوا وهربوا <<< طريقه مجربه

هههههههههههه ضحكتني بجد ربي يسعدك خذ

[ياسر الخريف]

اختي فيه لهن علاج بالصيدليه عباره عن بودره تخلط مع سكر وزبادي وتوضع بمداخل البيت لاشمن ريحته هجن لجيرانكم والله ماتشوفينهن ابد الخلطه خاصه لصراصير الحمر الكبار انا اشتريته من الرياض من صيدلية الواحه ومادري هي موجوده ببريده والا لا

[ملكة الاحاسيس]

اقتباس المشاركة الأساسية كتبها ياسر الخريف اختي فيه لهن علاج بالصيدليه عباره عن بودره تخلط مع سكر وزبادي وتوضع بمداخل البيت لاشمن ريحته هجن لجيرانكم والله ماتشوفينهن ابد الخلطه خاصه لصراصير الحمر الكبار انا اشتريته من الرياض من صيدلية الواحه ومادري هي موجوده ببريده والا لا

الله يعافيك عطن وصف الصيدليه اللي بالرياض انا بروح للرياض بكرى واجيبه معي

[سمسم طيف]

فيه شركه الماس
تجي للبيت بشكل دوري
معها معقمات تعقم البيت لحد ماتنهي الحشرات
بصراحه مرررره حلوه
انصحك بها

[زيتوونة]

عليكي بالبردقآآن فهو الحل آلآمثل