[المسفهل البريداوي]

السلام عليكم يالنشاما والنشميات

ان شاء الله بداية الاجازة وانا محضر عندكم

ومعي ام العيال

و عيالي

وانا هاليومين ادور على شقق راقية نظيفة

ادري ادري مامن قصور بيوتكم عامرة باهلها

لكن حنا نبي نفلها ونستانس

ياليت تدلوني على الزين الفاخر

اكون شاكر لكم ونشوفكم ان شاء الله يوم الخميس الله لا يعوق بشر

[حربي القصيم]

حيـآك الله
وتنور بريدهـ
فيه بودل حلوهـ
وشقق الوطن
وفيه قصر العروبه في حي الصفراء بجانب مطاعم داجن ((جوار مسجد الراجحي))

[خجولةالمبسم]

^
واضافه على ما قال اخي فيه شقق البرنس الذهبي

وفيه شقق الحمراء بالأسكان بحي اربعه
وفيه هليون حول شركة الكهرب ..


والله يحييك بين اهلك وخلانك..

[المسفهل البريداوي]

اخوي حربي القصيم معلومات قيمة تشكر على سرعة الرد
اختي خجولة ماقصرتي بس الاسكان بعيــــــــــــد

اخوي ضايق الصدر وسع صدرك وعز الله انك وفيت وكفيت بس انا ادور على الجديد اللي ماسكن ولا توه فاتح

وحول الهليون

ولا وش رايكم تتقاطون وتحجزولنا في الموفمبيك

والله ان عرفتوها امنيتها لو تمشي على بلاط الفندق

[ضايق الصدر]

اقتباس المشاركة الأساسية كتبها المسفهل البريداوي اخوي ضايق الصدر وسع صدرك وعز الله انك وفيت وكفيت بس انا ادور على الجديد اللي ماسكن ولا توه فاتح وحول الهليون ولا وش رايكم تتقاطون وتحجزولنا في الموفمبيك والله ان عرفتوها امنيتها لو تمشي على بلاط الفندق

سم ابشر بس انت متى تبي تجي عشان اشوف لك شي حليو

والله خابررلك شي زين تذكرت !! فيه شي جديد وقريب لملعب الاستاد الرياضي
اذا خليته على يدك اليمين وانت متجه شمال
يعني يجيك دوار القياده وتروح يمين باتجاه الشمال والاسكان
اخر الشارع تقريبا قبل الدوار تجيك شقق جديده على يدك اليسار ماعليها ممتازه


انت بس قلي وش تبي بالضبط واشوف لك ان شاء الله

[ابتسامة تواضع]

شقق العييري > حليووه لكن عاديه >على قد افلوسك اذا فلوسك ماتنفخ البوك
لكن انا احب شقق العييري>وه بص

[ابتسامة تواضع]

ولا اقولك تعال بس لبيتنا > ترا نحب احد يجينا> اهم شي عندك بنات كبري<ثالث ثانوي ولااكبر بسنه

[loquacious]

شقق البنفسجيه بشارع الملك خالد " الشاحنات "
نظيفة ومعقول سعرها كانك بتطول
وزيادة فيها dsl صاحي في كل دور مودوم << هذا اهم شيء
ومواقف السيارات متهيأه ..
وقريبة لكل شيء ..

[ريما نجد]

حياكم بين اهلكم ونورتوا بريده -وترى ثاني ليله اذا طلعتو من بيت- رافعه كمي اخدم امي -العشاء عندنا قولو تم!

مثل ماقالوا بس احسن شي البرنس وبودل والبنفسجيه وتاصلون وتروحون بالسلامه

[د.هنا]

بودل شقق الوطن في حي النهضه

[المسفهل البريداوي]

الله يجزا خير كل من مر على موضوعي اللي رافعة كمها وريما نجد ود .هنا وماقصرتوا وتم ان شاء الله في جنات النعيم

[أحلى صبية]

اللي بالأسكان نظاف اذا تبي النظيف والجديد وفيه بعد باسواق الراجحي عندنا

وفي اللي ذكروهم قبلي هذا اللي اذكر واذا عاد انت موسوس فندق السلمان ولا موفنبيك

اطلق شي ببريده ,,,

[خجولةالمبسم]

اقتباس سم ابشر بس انت متى تبي تجي عشان اشوف لك شي حليو والله خابررلك شي زين تذكرت !! فيه شي جديد وقريب لملعب الاستاد الرياضي اذا خليته على يدك اليمين وانت متجه شمال يعني يجيك دوار القياده وتروح يمين باتجاه الشمال والاسكان اخر الشارع تقريبا قبل الدوار تجيك شقق جديده على يدك اليسار ماعليها ممتازه انت بس قلي وش تبي بالضبط واشوف لك ان شاء الله

^

يقصد شقق الحمراء هههههه

[ضايق الصدر]

اقتباس المشاركة الأساسية كتبها خجولةالمبسم ^ يقصد شقق الحمراء هههههه

صحيح شقق الحمراء جميله ونظيفه وسعرها معقول


ونسيت اقولك فيه بودل غني عن التعريف .