[الوباء المدمر]

بسم الله الرحمن الرحيم
السلام عليكم ورحمة الله وبركاته ..

الوباء المدمر ( بريدة عاجل ) :

ياجماعة الخير .

انا قبل اسبوع تقريبا من كتابة هذه المادة كنت متجة الى ربوع الخبوب ( مسقط رأسي ) واذا بي اتفاجئ

من شحص طويل القامة مفتول العضلات عريض المنكبين ولكن حينما نظرت الى قمة راسه

وجدت الشعر الملتوي الطويل على هيئة ( كدش )

من ذالك الوقت وأنا أفكر فهذه الصفات عليه متناقضة

من الخبوب ؟ وكدش ؟

لو أنه من الريان او من الصفرا تسان تبلع وتدخل الراس

اما من الخبوب وعضلات وباين عليه معالم الرجوله ..

عجبا لكم يا أصحاب الخبوب

من المخلب والمسحاة إلى الكدش وبلاك بيري

وياقلب لاتحزن ..

ومن هنا ومن هذا المنبر أقدم التعازي لأهل الخبوب بأن خرج من أصلابهم مثل هذا الشخص

وبالنهاية اقول

انتبهو لأنفسكم وعيالكم وبناتكم

ففي هذا الوقت اللي يطول شعره عرضة للشبهات .

[السامي البريداوي]

يمكن طاير شوشته من الهواء ومع انت خابر
مافيه ذاك الاهتمام بالشامبو صار هالكدش غير المقصود
مثل صورة الي أنت حاطه

[موتي ولا حزن امي]

اقتباس المشاركة الأساسية كتبها السامي البريداوي يمكن طاير شوشته من الهواء ومع انت خابر مافيه ذاك الاهتمام بالشامبو صار هالكدش غير المقصود مثل صورة الي أنت حاطه

[ღ°•. بوسهـ}●●]

خخخخخخخخخخخخخخخخخخخخخ

معليش ترجم
في كلمات مب مفهومه

[الوباء المدمر]

اقتباس يمكن طاير شوشته من الهواء ومع انت خابر مافيه ذاك الاهتمام بالشامبو صار هالكدش غير المقصود مثل صورة الي أنت حاطه

والله ياخي اعرف الي شعره كأنه ليفه حديد من قل الشامبو

هذا حاط كدش واضح من الشمس

وبعدين انا ملاحض انك تشكك في مواضيعي اذا انت ماتصدق ترا ذي مشكلتك انت مومشكلتي

واما من ناحيه الصوره الي انا حاطه هذا هو شعره يعني ماحط كدش

[السامي البريداوي]

اقتباس المشاركة الأساسية كتبها الوباء المدمر والله ياخي اعرف الي شعره كأنه ليفه حديد من قل الشامبو هذا حاط كدش واضح من الشمس وبعدين انا ملاحض انك تشكك في مواضيعي اذا انت ماتصدق ترا ذي مشكلتك انت مومشكلتي واما من ناحيه الصوره الي انا حاطه هذا هو شعره يعني ماحط كدش

كيف الاحظ وأنا أول مرة أرد عليك
ثانيا أنا خبوبي
ثالثا أنا أمزح عليك وأنت آخذه بجد

[*خفايا الروح*]

طيب موب شرط يكون من الخبوب ,
يمكنووه جاين زياره ؟
وعلى فتسره .. ترا القديمين الشوشه الطايره عند الرجال كانت من معالم الرجوله ..
بس اللي من تالي غيروها .. > يارب يصدقونن
اللي قايلن لي ها المعلومه شويب خابرن العصور الماضيه وتسذا

[الوباء المدمر]

اقتباس المشاركة الأساسية كتبها *خفايا الروح* طيب موب شرط يكون من الخبوب , يمكنووه جاين زياره ؟ وعلى فتسره .. ترا القديمين الشوشه الطايره عند الرجال كانت من معالم الرجوله .. بس اللي من تالي غيروها .. > يارب يصدقونن اللي قايلن لي ها المعلومه شويب خابرن العصور الماضيه وتسذا

انا على يقين انه من الخبوب ومتاكد انه من الخبوب

والي تقول انهم شوشتهم طايره من اول تلقاهم من اثار الشغل والمكده كذا اصدقك ليش لا

اما ذولا يقلدون
الموضه المستورده
والتقليد الاعمى

[*خفايا الروح*]

اهاا .. الله يهدااه

اقتباس المشاركة الأساسية كتبها الوباء المدمر والي تقول انهم شوشتهم طايره من اول تلقاهم من اثار الشغل والمكده كذا اصدقك ليش لا

واللي بصورك الرمزيه أيهن , تقليد اعمى وإلا مكده وشقى ؟

[الوباء المدمر]

اقتباس خخخخخخخخخخخخخخخخخخخخخ معليش ترجم في كلمات مب مفهومه

عطن الكلمه وانا اترجمه لك

بس اذا ماتعرف عربي تراي ماعرف

[ღ°•. بوسهـ}●●]

مدري
انامسكت خط معاك
لكن بالاخير بديت ماافهم زين

[الوباء المدمر]

اقتباس كيف الاحظ وأنا أول مرة أرد عليك ثانيا أنا خبوبي ثالثا أنا أمزح عليك وأنت آخذه بجد

المزح اتقبله مافيه مشكله

بس ناضر توقيعي وتذكر وش كان ترد علي يعني اقول مو اول مره

[السامي البريداوي]

اقتباس المشاركة الأساسية كتبها الوباء المدمر المزح اتقبله مافيه مشكله بس ناضر توقيعي وتذكر وش كان ترد علي يعني اقول مو اول مره

ههه
أقول هالطبع مو غريب علي
والله من العنــــــــــــــــــــــــــاد

[الوباء المدمر]

اقتباس واللي بصورك الرمزيه أيهن , تقليد اعمى وإلا مكده وشقى ؟

حرام عليك هذا شايب راعي بعارين ماعنده لا حلاق ولاشي