 |
|
|
|
|
|
|
10-01-2003, 07:40 PM
|
#1 |
|
عـضـو
تاريخ التسجيل: Feb 2002
البلد: بلاد الحرمين
المشاركات: 2,223
|
موقف محرج حصل لي شخصياً...؟؟
السلام عليكم
اخواني اعضاء منتدى بريدة هاذا وقف حصل لي شخصياً في يوم الجمعة 7 / 11 في صلاة المغرب الا وهو:- كنت جالساً عند الكمبيوتر قبل اذان المغرب بقليل مير تجي اختي الصغيره لمي وتقعد وتحط فشارة ((فشار تسالي اللي مليان هواء)) حطت الفشار فوق الطاولة حقت الكمبيوتر مير اجي انا وآخذه واحطه بمخباتي ونسييييييييييته وهي بعد نسته همن يوم رحت لم صلاة المغرب صفيت معهم يوم ركعنا واسمع الي يخرفش بمخباتي (فرخشكشورغ)<<<=== هاذا هو الصوت.. المهم مير اتذكر فشار اختي مير يبداء ابليس يوسوس لي انا صراحه بلشت ما ادري وش ازين .. المهم يوم رفع الأمام من الركوع ابحاول ازين بالفشار شي علشان ما يخرفش عجزت المهم مير يسجد الأمام انا سجدت مستعجل قاعدن احاول بالفشار ما ادري الا وهاك الصوت بوووووووم وجهي علق من الروعة  انفقع الفشار قلت هالحين مهب مخرفش استانست مع خوفي من الجماعة والشيبان الي بجنبي المهم يوم جاء يبي يسلم الامام من الصلاة تغير وجهي :a :i128 سار برتقالي (اصفر مائل الى الحمرة)<<<---- حمرة والا مكياج .. المهم يوم سلم الامام انا نزلت شماغي على وجهي بس الشماغ شفاف بعض الجماعة على التسليمه الاولى ما كمل التسليم يناضر وراء وبعضهم جزاه الله خير كمل تسليمه وتلفت عقبه ((تعرفون حنا ببريدة)) انا تشهدت قلت الشيبان هالحين يبي يتعشون علي   ما دريت الى والي بجنبي ينغزن (شايب منسم) يقول:- وراه امك غلطه بالحفايظ ملبسك حفاظة اخوك الصغير)) انا يوم قال هالشايب الكلمة ذي فطست من الضحك وكتمت ضحكتي بديت اهز تقل جوال الشايب الي بجنبي قالي مافي كوف مافي كوف يقلد نكتت الهندي الي شافله جلي يرج وقاله مافي كوف صديق مافي كوف انا عجزت امسك ضحكتي وطلعت من طالع وفرغت الضحك كله همن مشيت لم بيتنا ووجهي ماادري وشلونه من الأندهاش  :suu مستانس ان الشيبان ما زينوا لي شي .................عاد يالله يا شباب ابي تعليق كل واحد منكم لو يصير لك هالموقف وش تزين ههههههههههههههههههههههههههههههههههه تحياتي اخوكم مستر عطوووووووووووووش ابوعمر
__________________
هذا التوقيع لي ولمن يريده من أعضاء المنتدى آخر من قام بالتعديل عطش الرمال; بتاريخ 10-01-2003 الساعة 07:48 PM. |
|
|
|
10-01-2003, 08:00 PM
|
#2 |
|
عـضـو
تاريخ التسجيل: Oct 2002
البلد: بالملحق
المشاركات: 1,751
|
هههههههههههههههههههههههههههههههههههههه
والله ياهو منسم شايبكم ليت كل شيباننا مثل شيبانكم بس انقرضوا الشيبان اللي عندنا عندنا جذعان
__________________
ابوعمرنت
: 12 : 12 : 12 ;) ;) :) |
|
|
|
|
10-01-2003, 08:50 PM
|
#3 |
|
عـضـو
تاريخ التسجيل: Sep 2002
المشاركات: 2,613
|
ههههههه
ه ه ه هههههههه ههههههه هههههههه لو أنا كن أغيب عن المسجد أسبوع من الخجل.
__________________
هذا التوقيع إهداء من غندر - رحمه الله -  المــ O.EC @ HoTmAiL . COM ـاسنجر |
|
|
|
|
10-01-2003, 09:07 PM
|
#4 |
|
تاريخ التسجيل: Jun 2002
البلد: الريـــاض
المشاركات: 3,864
|
هههههههههههههههههههههههههههههه
والله ياليت الشيبان قايمين عليك ودابغينك كان ما كتبت الموضوع ... ياجوع الرمال .! هههههههههههههههههههههههههههههه والله إنك منسم حوووووووووووول سعفه ... والسلام
__________________
أعاذل ذرني وانفرادي عن الورى *** فلست أرى فيهم صديقاً مصافيا
نداماي كتبٌ أستفيد علومها *** أحباي تغني عن لقائي الأعاديا وقد جلت في شرق البلاد وغربها *** أنقب عمن كان لله داعيا فلم أجد أر إلا طالباً لوجاهةٍ *** وجمّاع أموال وشيخاً مرائيا قبضت يدي عنهم وآثرت عزلـــةً *** عن الناس واستغنيت بالله كافيا |
|
|
|
|
10-01-2003, 09:51 PM
|
#5 |
|
عـضـو
تاريخ التسجيل: Feb 2002
البلد: بلاد الحرمين
المشاركات: 2,223
|
ابو عمر نت
مشكووووووووور على الرد اقول قل آآمين انك تصير مثل هالشايب الي قالي هالكلام ههههههههههههههههههههههههههههه الشجاع وشلون اغيب وهو مدرسة ههههههههههههه بس ما يصير ونهوبه اصلي وبعدين من يبي يقول مافي كوف غير الشايب ذاك ما بش غيره بالتنسيم والترقيع هع هع هع هع هع هع هع هع هع الطيش عفواً الطير عاد هالحين ما نقدر نقولك شي هالحين مشرف ههههههههههههههههههههههههههههههههههههههه لو الشيبان دابغينن سان اصير فروه وراه مصنع دباغة الجلود ههه اقول ياليتك بمحلي سان من الروعة تدهنك امك فقس اسبوعين الى يوم ونصفين بعدين وشو سعفة هاذا <<<=== شايفن نفيسته هالأسبوعين امزح هالحين يجي يطب بالغويط همن يغرق هع هع هع هع متشكرين يا حظرات تحياتي اخوكم مستر عطوووووووووووووش ابو عمر
__________________
هذا التوقيع لي ولمن يريده من أعضاء المنتدى |
|
|
|
|
11-01-2003, 12:58 AM
|
#6 |
|
عـضـو
تاريخ التسجيل: Sep 2001
البلد: حولك
المشاركات: 7,887
|
أبو عمر ..
دبرنا الله لا يهينك .. نبي هالشايب ذا يسجل .. معنا بالمنتدى تراااانا بحاجه أنه يكرتن بعض ناس .؟؟
__________________
.
 . |
|
|
|
|
11-01-2003, 02:48 AM
|
#7 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
ههههههههههههههههههههههههههههــ
هههههههههههههههههههههههههههههههــ هههههههههههههههههههههههههههههههههههــ والله يانت تعجبني يا ألبي أجل وشو هاه هههههه ياخي تقطعت من الضحك قسم بالله صراحة والله انك هبال ،،، خربناك بكثرة القرق أقول يا عطش الصحراء أصلاً معروف الفشار وأضرارة من ناحية التشليح حنا منول كلشن ننطله ألا الفشار لأنك لا جيت تطلع مع باب البقالة بدا يخرفش همن يالله شلق بصل ولا الهندي وراك ،، تصدق عاد ما أنساه منول من قولة نطلنا كل شيء إلى اللبن ننطله أأأأيوالله والله يا الشايب الي بجنبك ،، ياهو فسحة سان يوم قالك وراه غلطه أمك ملبسك حفايظ أخوك الصغير قلت له ،، أزين من الي إلى هالحين ما فصخ حفايظ زوجته _( لا ،، وأبو أجنحة بعد ) _ هههههههههههههههههههههههههههههههههههههههههههههههههه ههههههههههههه ههههههههههههههههههههههههههههههههههههههههههههههههه ههههههههههههههههههههههههههههههههههه يا عطش الرمال والله مانب محللك قسم بالله ما تصدق هالخشيشة وشلون تضحك الله يلعن ابليس والله يا البطناية الي حدري انه دموع راقية نازله تمسيح يا حمار والله يانت منسم <<==== يمون هاه هههههههـ :D:D تراه مزح ههههههههااا طيب يا ألبي أنا قعدت أفكر وأفكر وأفكر وراه يوم بدا يخرفش الفشار // طبعأً ما يخرفش الا لصرت تبي تركع ولا تسجد وراه ما بديت تنحنح علشان يضيح الصوت مثل قصة المحشش الي قمز على بيت أمر يدخل غرفة يبي ينطل ،، ألمهم الحرامي يبي يفتح النجفة ولا بنفس الغرفة ناس نيمين ،، يوم حط ايده على فيش النجفة خاف من صوت النجفة الي يقول (( تي تي تيييييييييي )) قعد يفكر المحشش وشلون يتخلص من الصوت أمر تطلع الفكرة الي ما ادري منين جايه يوم حط ايده وهو يفتح الفيش قال ( وعععااااااا ) صرخ ههههـ علشان ما يسمعون وش خليت والله ياهو باليه ولد الليل وفي الختام ،،، عندي سؤال يا ألبي الفشار الي بمخباتك هو فشار فشار ولا بطاطس ،، ترا بينهن فرق ،، ودي تجاوب وراي تعليق وللهرج تالي
__________________
 |
|
|
|
|
11-01-2003, 03:55 PM
|
#8 |
|
عـضـو
تاريخ التسجيل: Feb 2002
البلد: بلاد الحرمين
المشاركات: 2,223
|
شف يا سعفة قبل ما ابداء احسيك تراي
مااااااااااااااااااالي خلق الكمبيوتر مغصوب ههه هههههههههههههههههههههههههههههههههه ياحبيل سبدك يا سعفوفي والله يانت منب قالي طبل اقولك هالشايب شكله انت والله اعلم اكيد يذكرون انك مشيب اقول الفشار الي معي فشار تسالي بتيتوز((بطيطز= بطاطس)) مع الشلامة شق الحمامة<<<=== حقوق حرف الشين محفوظة لـ كيش اشمنت تحياتي اخوكم مستر عطووووووووووووش ابوعمر
__________________
هذا التوقيع لي ولمن يريده من أعضاء المنتدى آخر من قام بالتعديل عطش الرمال; بتاريخ 11-01-2003 الساعة 09:58 PM. |
|
|
|
|
11-01-2003, 04:10 PM
|
#9 |
|
عـضـو
تاريخ التسجيل: Apr 2002
البلد: بلاد الحرمين
المشاركات: 2,405
|
الصراحة ياعطوش يا أبو عمر الموقف ذا تحسد عليه ..........===> ماكفاوه حقد المدرس....
من ناحية الفشار تراك شهيتن ====> كره هالمشفوح لا تشره ياعطوش على هالمشفوح ..... ومن ناحية الشايب يازين من عزمه على قهوة مسمار وشقر .........هلا بيك........ عاد وش رايك بالتحليل أصلح دبلماسي ======> تراه مايدري وشو دبلماسي هو يوكل ولا يشرب....... تقبل تحيات أخوك المحب لك بعنف وإرهاب ======> والله ويوحشه خخخخخخخخخ ///ـــــــــلام
__________________
[/c] |
|
|
|
|
11-01-2003, 06:28 PM
|
#10 |
|
عـضـو
تاريخ التسجيل: Aug 2002
البلد: كوكب المريخ
المشاركات: 1,373
|
هههههههههه
ولونه بايخ
__________________
عدناوالعودة أحمد |
|
|
|
|
15-01-2003, 10:03 PM
|
#11 |
|
عـضـو
تاريخ التسجيل: Apr 2002
البلد: حيث السمو يكون .
المشاركات: 3,480
|
السلام عليكم
عطش الرمال : قل لمك تلبسك حفاظه كبيرررررررررررررره لاتنسى ولا انت هاك اليوم مستعجل والسلام عليكم ورحمة الله وبركاته
__________________
 |
|
|
|
 |
| الإشارات المرجعية |
|
|
النمط المتشعب
