[عضو مميز]

السلام عليكم ورحمة الله وبركاته

عندما انقطع الماء لمدة يومين العام الماضي عن مدينة ابها ومدينة الرياض

قامت الدنيا ولم تقعد وعملت الاقلام والصحف ليل نهار حتى تدخل المسؤلين

وعلى رأسهم خادم الحرمين الشريفين حفظه الله

وعمل كل مامن اجله لمصلحة المواطن والمقيم ونحن في جنوب مدينة بريده

الماء مقطوع للاسبوع الثاني على التوالي

ولم نرى من يكتب حرف واحد حتى يطلع عليه المسؤلين

بمنطقة القصيم وعلى رأسهم اميرنا المحبوب وسمو نائبه حفظهم الله

حيث ان وصل سعر الوايت من 50 الى 300 ريال

وحيث ان منطقة القصيم حباها الله بوفرة المياه الجوفيه العذبه

كلنا أمل ان يصل صوتنا للمسؤلين حتى يضعوا حلا لهذه المشكله

من خلال منتدانا المحبوب بريدة سيتي

والله من ورا القصد والسلام عليكم ورحمة

الله وبركاته

[من فرسان بريدة]

الله يكون بعونكم

[الحكومة]

واوك ياغليوهـ الله ينزله والله يعينكم بس

[جوااد]

الله يكون بعونكم

[ابوفيصل.]

مشكور اخوي.,

والله يعينهم.,

[صاحب محل]

معقوله 300ريالا أجل سوو اقتصاد في المويه

[لندني]

اتوقع ان الامير فيصل بن بندرماعنده خبربها الشي
ولا حرام يصل 300 ريال هذا واحنا مانطالب بمياه محله
اجل لو نطالب وش راح تسوي الوزراه

[Fast]

استغلال ..]

[غـــلـــوز]

يا أخي الكريم خلهم يترزقون الله ..


وليته ياصل سعره الف ريال عشان يعرفون قيمة الماء

[قصيمية11]

اقتباس المشاركة الأساسية كتبها عضو مميز السلام عليكم ورحمة الله وبركاته عندما انقطع الماء لمدة يومين العام الماضي عن مدينة ابها ومدينة الرياض قامت الدنيا ولم تقعد وعملت الاقلام والصحف ليل نهار حتى تدخل المسؤلين وعلى رأسهم خادم الحرمين الشريفين حفظه الله وعمل كل مامن اجله لمصلحة المواطن والمقيم ونحن في جنوب مدينة بريده الماء مقطوع للاسبوع الثاني على التوالي ولم نرى من يكتب حرف واحد حتى يطلع عليه المسؤلين بمنطقة القصيم وعلى رأسهم اميرنا المحبوب وسمو نائبه حفظهم الله حيث ان وصل سعر الوايت من 50 الى 300 ريال وحيث ان منطقة القصيم حباها الله بوفرة المياه الجوفيه العذبه كلنا أمل ان يصل صوتنا للمسؤلين حتى يضعوا حلا لهذه المشكله من خلال منتدانا المحبوب بريدة سيتي والله من ورا القصد والسلام عليكم ورحمة الله وبركاته

صااادق ياخوي والله حتى حنا بالجنوب ومتعذبين من الماء وانقطاعه المستمر ملينا نشكي ولا حياة لمن تنادي والحين من تالي مايردون خير شر بس الله يكون بالعون ماب اليد حيله وش بيدنن نسوووي والاستغلال والنصب شي وارد لان مافي احد عليهم والا خير من 50 لــ 300 وين حنا به بس مانقول الا من <<امن العقوبة اساء الادب>> تقبل مروري

[ام الزلمات]

اجالي حنا لنا 7 سنين
وحنا اللي نجيب وايت يعبي الماء..



بالشهر مرتين نعبي..والشكوى لله

[أبو غــلا]

أوف 300 مرةٍ وحــدهـ !!

أتوقع لو تبلغون عن أي وآيت ماكان بهالقيمه

ثآني شي ياحبيبي 939 هذا رقم مصلحة الميـآه

دق عليهم ويرسلون لك وايت على حسآبهم رغمآ عنهــم

يآخوي انت مشترك بفلوس موب بلاش !!

[مزحلط]

يا مـصلحــــــة الميـــــــــــــــــــــــــــــــاه

الى متى والمــــــاء مقطــــــــــــــــــــــــــــــوع عن وسـط بريدة ؟

[دم الغـــــزال]

ههههههههههاااااي شكلي بترك الدراسه وابيع موتري واشتغل بوايت ياحبيبي اعبي 3 مراات 1000 ريال باليوم احم احم ,

لي يبغى مويه يرسلي كولمي هههههههههههاااااي 0000050000