[فؤادعنتر]

لا يخفى على الجميع المستوى الحلزوني الذي بلغْتٌه من القدرة على تحليل الأمور وسرعة البديهة ودقة المعلومة وإصابة الرأي السليم ما لكم بالطواااااالة .
كعادة الزملاء يستشيرونني بما يلم بهم من مصائب ومشاكل ، وآخر من استشارني أحد الزملاء عن رغبة أخته الدخول في مجال التمريض ((على بالَه ملاك الرحمة))متأثرة بالمسلسلات المصرية وتجلس تمرض واحد لين يشوي مو مشوي (أي يطيب) وبعدين يحبون بعض وإتزوجه (نصب في نصب) المهم يقول: كانت مصرة (أنا كنت أظنه يمزح !!!!) واتضح أن الرجال جاد .
المشكلة العائلة ما عليهم ماديا يقول أنها تقول ودي أحقق ذاتي (وشي ذاتي ما تدري معنى " ذاتي " مأخوذة من الذوات يقال : ذوات أربع يعني عنز أو ذوى الشيء أي مات قال المؤلف (ذوى النخل أي شارف على الفناء والموت) المهم .. خلونا من التطرق للكلام الكبير هذا.
ويقول بعد إن أخوها الكبير ( يعني أخوه هو ) جاب واسطة عشان التسجيل !!!!! المهم قلت له عارف المشاكل اللي راح تمر بحياتها؟ أوله: ما راح تزوج . قل لي تعرف واحد تزوج ممرضة قال : لا ما عرف ، قلت: وثانيه جو المستشفيات جو غير صحي لا عطس واحد من اللي بالعزل أعدى اللي بالعيادات الخارجية غير البزارين ( الممرضين التالين ) اللي لا بسين بجامات خضر على بالهم الربيعة أو الجراح العالم " نيوتن " / شكل نيوتن ماله دخل , بس مشوه ) وهو فني مختبر أو مراقب صحي ملاكه على مستوصف (توضيح الملاك بالعمل أي أصل التوظيف ) يقال ملك الشيء أي دخل ذمته إما بشراء أو بهبة أو بورث ما علينا من الكلام الكبير ، وثالثها أوقات الدوام اللي ليل ونهار.
المهم قال البنت مصرة وله صديقات يمدحون العمل والراتب ، وبعضهن أزواجهن يوصلونهن !! قلت: احلف إنهم سعوديين!! قال : (ق) اختصارا لقسم بآيات الله .
المهم .. عطيته الرأي ! وقلت له لا تسخلونه تسجل واقفلوا عليه باب حجرته !! لاااا وما خليته بعد , قلت له : تعال يالأخ كم عمر إختك ؟ قال: (22عام) قلت: اصبر 22سنة ( ودي أدري أيهم أكبر اللي عمره 22 عام أو 22 سنة ) ولا تزوجت – هذي عجوز - والله أنا خابرٍ لكم رجل والنعم , بس معه زوجة مريضة وأنا قلت له طلقه , وراح تلقى زوجة أطلق منه ! بس إنه عيَّا ( رفض بشدة وحنق ) هذي يالربع قصة طويلة بعدين أقولها لكم . المهم قال : لاااا .. ماوده إتزوج ما دري وراه !! خلنا بموضوعنا تكفى وعطنا الحل . قلت : الحل لأحد يوديها علشان يفوته التسجيل . قال : التسجيل بالنت يالأخخخ !! قلت :اصبر بيتكم به نت ؟!!!! قال :إيه !! (شكل رفيقي عائلته مهوية) قال المصنف في معنى هذه المفردة : مهوية مأخوذة من الهوْيِِة وهي المنحدر السحيق , قيل : هوى الشئ أو يهوي , أي ينحدر انحداراً متسارعاً في قاع الجفرة , كقولنا : بهواكم , أي على كيفكم وتراي معكم بالكشتة .
المهم .. خلونا من الكلام الكبير هذا ( وأنا ما ذبحن إلا هالكلام الكبير ) قلت : اقطع النت قبل موعد التسجيل .
مالكم بالطوالة، تفرقنا , واتصل علي بعد ثلاث شهور , قال : شفت اقبلوها . قلت له : وشلون ؟ وخطة الـ fbi وين راحت ! قال : اتصلَت على صديقته وسجلتها بالنت , والحين تدرس هي وخويته , ويطبقن العملي بمستشفي الولادة .
وانتهت خططنا على هالفشل الذريييع ! ومرت السنون ( السنون : مأخوذة من السنان , يقال : ولدٌ به سنان , أي إصنان – والسين تبدلت لصاد بسبب عوامل التعرية , وفي رواية للضرورة الشعرية – والصنان هو الرائحة العفنة.
ما علينا من الكلام الكبير هذا .. المهم ! راحت الأيام ودخلت زوجة أخوي للمستشفي للولادة ( يعني تبي تضني ) وبلشنا نبي له دكتورة ممتازة وممرضة , وتذكرت أخت صديقي , واتصلت عليه قلت : افزع !! وين أختك الفاضلة ( إيه هين الحاجة أم الاختراع ) ترى جت حاجته , قال : جته بعثة لبريطانيا وسافرت مع زوجها (ما قلت لكم عائلة مهوية) , قلت : طيب عطن جوال زوجه ( ياشباب الدنيا تبي والآخرة تبي , يمن غشوه وما علموه إنه ممرضة ) .. انتهى

[متوهق]

وش تبي بالضبط ؟؟؟

[أبو غــلا]

أنت قصـدك تعتب على الي يشتغلون ممرضـآت

بنظري إن التمريض أشرف من غيرهـ

خذ لك مثـآل : الكلية الجديده الي فتحت بجدهـ والي تعلم البنات إدارة الفنادق ؟؟

يعني تدخل فندق تلقى بنت قدامك ؟؟؟ موب معقول مابقى إلا مرقص !!!

التمريض مهنه شريفه ومايعيبها إلا كون الممرضه تعمل مع الرجال

ولو يتم تنفيذ عزل النساء عن الرجال لكان أفضل مهنه للنساء هي التمريض



يعطيك العافيه

[private.ID]

~



موضوع طرح أكثر من ألف مرة


~

[كتكوته]

ماتبون البنت ممرضه ولاتبون الرجال يكشفون على حريمكم؟؟؟ولاتبون استقدام من برا؟؟
حلوها يعني تبونا نقعد به..؟؟
اتوقع مهنه شريفه من دون الاختلاط طبعا..

[متوهق]

اقتباس المشاركة الأساسية كتبها كتكوته ماتبون البنت ممرضه ولاتبون الرجال يكشفون على حريمكم؟؟؟ولاتبون استقدام من برا؟؟ حلوها يعني تبونا نقعد به..؟؟ اتوقع مهنه شريفه من دون الاختلاط طبعا..

100% كلام
مهنه شريفه بلا شك
لا ننسى أن الصحابيات رضوان الله عليهن عملن في هذا المجال اثناء الغزوات
لكن عامة الناس في هذا الوقت لا ينظرون الى اي قضيه او اي شي الا من الجانب السلبي والتغاضي عن جانبه الايجابي

[بولوهي]

الله لايجيب اليوم اللي اشوف وحده تقرب لي تشتغل ممرضه

اقتباس 100% كلام مهنه شريفه بلا شك لا ننسى أن الصحابيات رضوان الله عليهن عملن في هذا المجال اثناء الغزوات لكن عامة الناس في هذا الوقت لا ينظرون الى اي قضيه او اي شي الا من الجانب السلبي والتغاضي عن جانبه الايجابي

عطن شي ايجابي من االاختلاط
والصحابيتا رضوان الله عليهن حاشهن عن التمريض الي الحين

[دائما مبتسم]

أنا أسألك يا قلب عنتر

هل ترضي تتزوج ممرضه ؟؟ عندها آخر منوابة مع زميل العمل ؟؟!!

إذا كنت ترضى فأنت .......

[| يحيــى فقيـــه |]

تكرر طرح مثل هذا الموضوع واشبع نقاش .

أعتذر من صاحب الموضوع .
[ يغلق ]