البنات والحوااااااجب .. صراع وصرعات .. سي يو ..

**مدحت شوقي بريده** · 15-03-2010, 03:26 PM

i dhf

السلام عليكم ..

مرحى بأخوتي واخواتي شباب وشبابات .. بريدة ستي ..
القلب يتوق لكم وداً وشوقاً .. عداً ونقداً ..
( هذا أديب بس عقب العصر دلال بالحراج ) ..
ولمثل هذا يذوب القلب من كمدٍ .. وان مات رحمة ربي وسيعة ..

مازالت بعض البنات تصارع نفسه .. فيوم تصرعه وآخر يصرعها ..
ولعل اقوى الصراعات .. هو صراع البنت والحواجب ..
وهذا الصراع .. قائم على قدم وساق .. ويتجدد مع كل تجدد عام ..

الصرااااااحة ان البنات مايدرن وش يسون بهالحواجب ..

احس انه اذا دخلت السنة الجديده ..
الحاجب الأيمن يسأل الأيسر .. يقول .. وش تحري هالسنة وش نصير ..
والثاني يقوله يارجال احمد ربك اننا موجودين بس .. لايزلطننا زلط هاللحين ..
الا .. وراه مايمكعنهن ويريحنهن ..

وانا اتوقع .. وتوقع كبير .. وكبير جداً ..
انه يبي يجي يوم تشوفهن بدون حواجب ..

اللهم لاتجعل الحواجب أكبر همنا ..

فبعد حواجب ( 88 ) ..

وهذي اللي يشوفوه يحسبه طول الجلسة .. طايرتن بوهته مستعجبة من شي ..
وهي بسبب هالحواجب اللي شابكتهن بآخر الجبهة ..
ماتقول الا كأنه طاقتهن بمسمار مع الوسط .. واليمين واليسار متدودلات ..

وايضا ..حواجب تشاينز ..

وهي الحواجب الصينيه .. خط طالع من تحت لفوق ..
اذا شفته تقول هذا حاجب طالعن غصب ..
وأظنه للمستعجلات .. خطين وهي ماشية على السريع ..

وحاجب الموج ..

وهذا خط نازل من فوق لتحت بعدين طالع فوق ..
ولاتدري عااااااد وين واقف هالخط ..
كود تلااااحقه تشوف وين نهايته ..

بعد هذولي .. طلع لنا موضة جديدة ..

وهي موضة حواجب 2010 الحواجب العريضة ..

الحاجب العريض .. تشوف الحواجب على بعد كيلو ..
اول ماتقبل عليك .. تقول وش هالخطين اللي يمشن ..
واذا وصلت تشوف ورى هالخطين ادمية متعلقة ..

يعني بعد ماكانت البنت .. تشقر الحواجب او تنمصه .. علشان تطلع خطوط صغيرة ..

جاء اليوم اللي يدورن هالشعر .. علشان يعرضن الحاجب ..
يعني لو تفتش شنطة مكياج البنت ..
تلقى معه قلم خط .. لزوم الحاجب العريض ..
اذا خطت هالحاجب تقول شنب صعيدي ..

اعتقد .. او أجزم .. ان اكثر الناس فرحة بهالموضة هم المشايخ ..
لأنه كانت نص اسئلة الجواب الكافي عن تشقير الحواجب ..
يعني الشيخ يجيه عشرة اسئلة كل يوم .. ثمانية منهن عن التشقير ..والباقي متفرقات ..
والله ياهم يبي يستانسون .. ويمكن مانحتاج هالكثرة من المفتين ..

يابناتنا .. ليه كل هذا ..
اول كنا نحسب تتبعكن للموضة علشان الكشخة والتزين ..
ولكن بعد هالحواجب .. هاللي تقول شنب صعيدي .. تأكدنا أن الأمر تقليد وتبعية ..
ليه مايكون لكن شخصية وهوية مستقلة ..
ليه البنت السعودية ماتحاول انه تكون متبوعة .. تخلي العالم كله يتبعه ..
ويتبع العالم كله صرخات موضته .. وحسنه وجماله ..
بدال ماتدخل على غرفته تلقى 12 مجلة .. عشرة منهن ازياء غربية ..

نتمنى اننا نشوف يوم .. موضة سعودية في اوربا او مريكا ..
بل إننا سنفتخر ونرفع رؤسنا بكن ..
وسلام عليكم ..

مدحت شوقي بريدة ..
اخصائي حواجب ..

سي يو ..

الموضوع القادم .. ( شبابنا .. ؟؟؟؟؟؟؟؟؟؟ )

مهاااااااااااوي · 15-03-2010, 03:33 PM

طرح حلو فكاهي نوعا ما باالنسبه لي!!!
اقول للبنات ان يتبعون الموضه الاباالحواجب فعلا امر مضحك مبكي لمااراه من شي غير جميل .
شكرالك.

**مدحت شوقي بريده** · 16-03-2010, 01:55 AM

اقتباس

المشاركة الأساسية كتبها مهاااااااااااوي


	طرح حلو فكاهي نوعا ما باالنسبه لي!!! اقول للبنات ان يتبعون الموضه الاباالحواجب فعلا امر مضحك مبكي لمااراه من شي غير جميل . شكرالك.

مهاوي ..

الشكر موصول لكي ..

اجل تقولين للبنات كلش الا الحواجب ..

الحواجب للبنات .. مثل الشنب عند الشباب ..
يوم محدده تحديد خفيف ..ويوم شابكه مع السكسوكة ..
ويوم لاحطه كله خير شر ..

الله لايجعلنا شنب بوجه رجال ..
ولاحواجب بجبهة بنت ..

وشكراً ..

سي يو ..

نبض المشاعر · 15-03-2010, 03:38 PM

جزاااك الله خير وفعلا والله اانا نندهش لما نرى من بعض البنات في حواجبهن شيء عجيييب

اسال الله لنا ولهم الهداية والثبااات

**مدحت شوقي بريده** · 16-03-2010, 01:58 AM

اقتباس

المشاركة الأساسية كتبها نبض المشاعر


	جزاااك الله خير وفعلا والله اانا نندهش لما نرى من بعض البنات في حواجبهن شيء عجيييب اسال الله لنا ولهم الهداية والثبااات

نبض المشاعر ..

شكراً لكي على حضورك ..

وآمين .. وليحفظهن ويحفظك الرب ..

سي يو ..

أرسلان · 15-03-2010, 03:42 PM

اقتباس


	وانا اتوقع .. وتوقع كبير .. وكبير جداً .. انه يبي يجي يوم تشوفهن بدون حواجب ..

بيني وبينك والله ياهي شينه

َ

MEHWAR · 16-03-2010, 01:21 AM

هزا <<< ما عندي الحر اللي يشبه (د) وكسل ادوره همن انسخه

هزا تشبه بالغرب مير ادا شفته تقول وش الهشكل اللي حووم التسبد

تشبه غريب انا اتوقع فئه قليله في الغرب تسوي مثل هالخرابيط

همن يجن بناتنا ويقلدن <<< انا مدري هالبنات يحسون انهن متطورات او وش يحسن به

اقتباس

المشاركة الأساسية كتبها محب رؤية الرحمن


	بيني وبينك والله ياهي شينه َ

ههههههههههههههههههـ

تخيلته انت

تقل ..........

مير ازين من موضة الراس على الموس صقعتن اخضراء

هي موضة عيت تنتشر هههههههـ

**مدحت شوقي بريده** · 16-03-2010, 02:04 AM

اقتباس

المشاركة الأساسية كتبها محب رؤية الرحمن


	بيني وبينك والله ياهي شينه

اقتباس

المشاركة الأساسية كتبها محب رؤية الرحمن


	َ

محب رؤية الرحمن ..

هلابيك يابعد معاليق حواجبي ..

( محب رؤية الرحمن ) ..
على هالاسم ناقصك عوامة وتصير سباك افغاني ..

صدقت ..
والله ياهي شينه نجي يوم نلقاهن بدون حواجب ..

وش تبي تطلع .. عاااااااااد من حينه لاشنب ولالحية ..
وتزلط الحواجب ..

قسم ان يغدي وجهه تقول بطاطسة ..

سي يو ..

Fast · 15-03-2010, 03:47 PM

املح شي ..] هع .

كل وحده تبي تنزرق عند البنات ..ٍ

**مدحت شوقي بريده** · 17-03-2010, 03:02 AM

اقتباس

المشاركة الأساسية كتبها fast


	املح شي ..] هع . كل وحده تبي تنزرق عند البنات ..ٍ

فاست ..

يابعدي انت ..وش تنزرق .. بحواجب ..

وش رايك .. وش تحري يصير وزنه بدون الحواجب العريضة ..

اتوقع لو تخفف حواجبه كان تطيح على ورى ..

يادافع البلا وجهه صايرن حواجب وشوية وجه ..

مشكور يالبي ..

سي يو ..

خلفان · 15-03-2010, 03:55 PM

المشكلة يأتيك ( بعض ) البنات وترد عليك و تسب هالموضات و تنميص الحواجب وهي أول الفاعلين للنمص واول اللاحقين بالموضات !

**مدحت شوقي بريده** · 18-03-2010, 02:44 AM

اقتباس

المشاركة الأساسية كتبها خلفان


	المشكلة يأتيك ( بعض ) البنات وترد عليك و تسب هالموضات و تنميص الحواجب وهي أول الفاعلين للنمص واول اللاحقين بالموضات !

خلفان ..

اعلمك بعد .. احس ان اسمك لو يشد حيله طلع .. خلقان ..

يابعدي انت .. مادري وراه كل ماقريت ( تنميص ) ..
احس انه واحد مزكوم يقول ( تقبيص ) ..

نرجع للموضوع يالبي ..

لاتنهين عن امر وتأتي بمثله .. عارٌ عليك مافعلت عظيمٌ ..

ومشكور يابعدي ..

سي يو ..

غالية الثمن · 15-03-2010, 03:58 PM

الله يجزك خير على الموضوع... البنات ارحين يقلدن الموضه ميدرن انه تقليد العمى وأن اي وحده تقلد الثاني تحمل وزره وتعصيه ربه ورسوله...مدري لاي ميقلدن الشي الزين الذي لايعصي الله ورسوله..

**مدحت شوقي بريده** · 18-03-2010, 04:34 AM

اقتباس

المشاركة الأساسية كتبها غالية الثمن


	الله يجزك خير على الموضوع... البنات ارحين يقلدن الموضه ميدرن انه تقليد العمى وأن اي وحده تقلد الثاني تحمل وزره وتعصيه ربه ورسوله...مدري لاي ميقلدن الشي الزين الذي لايعصي الله ورسوله..

غالية الثمن ..

شكراً لكي على تعقيبك ..

وشكراً لكي على نصيحتك لأخواتك ..

والمشكلة ان بعضهن تقلد وهي ماهي مقتنعة ..

بس لأن فلااااااااااااانة .. مسوية كذا .. لازم اسوي مثله ..

يعني تقليد .. وفقدان هوية ..

وشكراً لكي ..

سي يو ..

15-03-2010, 03:26 PM	#1
مدحت شوقي بريده .. وللشطوب نكهة و نكهة .. تاريخ التسجيل: Feb 2002 البلد: هناك المشاركات: 16,085	البنات والحوااااااجب .. صراع وصرعات .. سي يو .. i dhf السلام عليكم .. مرحى بأخوتي واخواتي شباب وشبابات .. بريدة ستي .. القلب يتوق لكم وداً وشوقاً .. عداً ونقداً .. ( هذا أديب بس عقب العصر دلال بالحراج ) .. ولمثل هذا يذوب القلب من كمدٍ .. وان مات رحمة ربي وسيعة .. مازالت بعض البنات تصارع نفسه .. فيوم تصرعه وآخر يصرعها .. ولعل اقوى الصراعات .. هو صراع البنت والحواجب .. وهذا الصراع .. قائم على قدم وساق .. ويتجدد مع كل تجدد عام .. الصرااااااحة ان البنات مايدرن وش يسون بهالحواجب .. احس انه اذا دخلت السنة الجديده .. الحاجب الأيمن يسأل الأيسر .. يقول .. وش تحري هالسنة وش نصير .. والثاني يقوله يارجال احمد ربك اننا موجودين بس .. لايزلطننا زلط هاللحين .. الا .. وراه مايمكعنهن ويريحنهن .. وانا اتوقع .. وتوقع كبير .. وكبير جداً .. انه يبي يجي يوم تشوفهن بدون حواجب .. اللهم لاتجعل الحواجب أكبر همنا .. فبعد حواجب ( 88 ) .. وهذي اللي يشوفوه يحسبه طول الجلسة .. طايرتن بوهته مستعجبة من شي .. وهي بسبب هالحواجب اللي شابكتهن بآخر الجبهة .. ماتقول الا كأنه طاقتهن بمسمار مع الوسط .. واليمين واليسار متدودلات .. وايضا ..حواجب تشاينز .. وهي الحواجب الصينيه .. خط طالع من تحت لفوق .. اذا شفته تقول هذا حاجب طالعن غصب .. وأظنه للمستعجلات .. خطين وهي ماشية على السريع .. وحاجب الموج .. وهذا خط نازل من فوق لتحت بعدين طالع فوق .. ولاتدري عااااااد وين واقف هالخط .. كود تلااااحقه تشوف وين نهايته .. بعد هذولي .. طلع لنا موضة جديدة .. وهي موضة حواجب 2010 الحواجب العريضة .. الحاجب العريض .. تشوف الحواجب على بعد كيلو .. اول ماتقبل عليك .. تقول وش هالخطين اللي يمشن .. واذا وصلت تشوف ورى هالخطين ادمية متعلقة .. يعني بعد ماكانت البنت .. تشقر الحواجب او تنمصه .. علشان تطلع خطوط صغيرة .. جاء اليوم اللي يدورن هالشعر .. علشان يعرضن الحاجب .. يعني لو تفتش شنطة مكياج البنت .. تلقى معه قلم خط .. لزوم الحاجب العريض .. اذا خطت هالحاجب تقول شنب صعيدي .. اعتقد .. او أجزم .. ان اكثر الناس فرحة بهالموضة هم المشايخ .. لأنه كانت نص اسئلة الجواب الكافي عن تشقير الحواجب .. يعني الشيخ يجيه عشرة اسئلة كل يوم .. ثمانية منهن عن التشقير ..والباقي متفرقات .. والله ياهم يبي يستانسون .. ويمكن مانحتاج هالكثرة من المفتين .. يابناتنا .. ليه كل هذا .. اول كنا نحسب تتبعكن للموضة علشان الكشخة والتزين .. ولكن بعد هالحواجب .. هاللي تقول شنب صعيدي .. تأكدنا أن الأمر تقليد وتبعية .. ليه مايكون لكن شخصية وهوية مستقلة .. ليه البنت السعودية ماتحاول انه تكون متبوعة .. تخلي العالم كله يتبعه .. ويتبع العالم كله صرخات موضته .. وحسنه وجماله .. بدال ماتدخل على غرفته تلقى 12 مجلة .. عشرة منهن ازياء غربية .. نتمنى اننا نشوف يوم .. موضة سعودية في اوربا او مريكا .. بل إننا سنفتخر ونرفع رؤسنا بكن .. وسلام عليكم .. مدحت شوقي بريدة .. اخصائي حواجب .. سي يو .. الموضوع القادم .. ( شبابنا .. ؟؟؟؟؟؟؟؟؟؟ ) __________________ . . . .. قلب البحطلة ينبض .. ينبض ينبض ينبض .. . آخر من قام بالتعديل مدحت شوقي بريده; بتاريخ 15-03-2010 الساعة 04:25 PM.

15-03-2010, 03:33 PM	#2
مهاااااااااااوي عـضـو تاريخ التسجيل: Oct 2009 البلد: مهم! المشاركات: 1,389	طرح حلو فكاهي نوعا ما باالنسبه لي!!! اقول للبنات ان يتبعون الموضه الاباالحواجب فعلا امر مضحك مبكي لمااراه من شي غير جميل . شكرالك. __________________ بعيده كل البــــعـــــد عن التصنع والمثاليه!

15-03-2010, 03:38 PM	#4
نبض المشاعر عـضـو تاريخ التسجيل: Jan 2007 البلد: الرياض المشاركات: 1,225	جزاااك الله خير وفعلا والله اانا نندهش لما نرى من بعض البنات في حواجبهن شيء عجيييب اسال الله لنا ولهم الهداية والثبااات __________________

15-03-2010, 03:47 PM	#9
Fast Registered User تاريخ التسجيل: Oct 2007 البلد: أحلام العاًجز..] المشاركات: 670	املح شي ..] هع . كل وحده تبي تنزرق عند البنات ..ٍ

15-03-2010, 03:55 PM	#11
خلفان Registered User تاريخ التسجيل: Mar 2010 البلد: بــــــريــــــــــــــدة .التقييم الإداري: ★★★★★ المشاركات: 1,155	المشكلة يأتيك ( بعض ) البنات وترد عليك و تسب هالموضات و تنميص الحواجب وهي أول الفاعلين للنمص واول اللاحقين بالموضات !

15-03-2010, 03:58 PM	#13
غالية الثمن عـضـو تاريخ التسجيل: Feb 2010 البلد: بريدة المشاركات: 183	الله يجزك خير على الموضوع... البنات ارحين يقلدن الموضه ميدرن انه تقليد العمى وأن اي وحده تقلد الثاني تحمل وزره وتعصيه ربه ورسوله...مدري لاي ميقلدن الشي الزين الذي لايعصي الله ورسوله..