[ملكة الاحاسيس]

انت تسمح لزوجتك تفتش جوالك او تقرا رسايلك
تعتبر الشي هذا عادي عندك او ممنوع ويعتبر شي من خصوصياتك
واذا ماترضى لزوجتك تفتش جوالك ليش وش السبب
وانت عادي تفتش جوالها والا هي بس ممنوع ؟؟
ابي افهم وش المانع ان الزوجه تفتش جوال زوجها حتى لوهي وواثقه منه
وابي افهم ليش الرجال يزعل اذا درى ان زوجته قاريه رساله او شايفه شي بالاستديو
ومشكوووووورين

[الوساااام]

الرجال هم رجال النساء .. وهم مؤنونين على زوجاتهم وهم المسؤلين عنها بكل تصرفاتها ..

اما الزوجات فلا يحق لها أن تفتش بجوال زوجها .. حتى لو كانت واثقه منه ..!

الرجل له اربع زوجات والمراءة لها زوج واحد ..

فلا يصح ان تتدخل بأمورة الخاصة ..!

قد يكونُ الرجل متزوجاً زواج مسيار ولا تعلم زوجته ..

وقد يكون الرساله من صديقة فاتظن الزوجه الرساله من إمراءة آخرى ..!!

وبهذهِ الحالة تكثر المشاكل والشكوك بينهم وهي بغناء عنها ..!

قد يكون بعض الزوجات ملاقيف تفتش هنا وهناك فيحصل لها مايحمد عقابه ..!!

فأنا أحذرك أختي من هذا الأسلوب إذا كنتِ متزوجة وتفعلينه مع زوجك ..!!

[فسفوريه]

يحبيلتس حسيت انتس رايقه على هالموضوع اممم بما اني مااعرست لاتاخذين بهرجي اتوقع اي واحد تلقطوه نفاضه ويتكهرب لالمستي جوالووه ان عندوه بادزعه مغبيه هذا اذا كان من النووع اللي يتطفل ويمعط جوالتس وينبش بوه لافضى اما اذا هو من النوع اللي مايجي قشتس شى طبيعي بيتكهرب لا نبشتي بجوالووه اذا هو مارضاها على نفسوه واعتبره لقافه وكلن له خصوصياتوه يعني بيرضاها منتس وانا من رايي كلن مايجي جوال الثاني.. وانتي اجلسي مع نفستس واساليه ليه انا افتش بالجوال وش ابي يعني؟ موضة المقاطع والرسايل قضت سالفته وش تدورين يعني.. واذا الجواب تشييك وبتطمنين على بعلتس لاتلومينوه لازعل

[NASIM- AL_MAHBHA]

اول شي انا ماتزوجة ولن التزوج حتى التخرج المهم انا اعتقد ان الثقه بين الزوج والزوجه هذا امر مهم واعتقد لاداعي لتفتيش الجوال سوئا مني او منها

[الخيال _ 2105]

اقتباس المشاركة الأساسية كتبها فسفوريه يحبيلتس حسيت انتس رايقه على هالموضوع اممم بما اني مااعرست لاتاخذين بهرجي اتوقع اي واحد تلقطوه نفاضه ويتكهرب لالمستي جوالووه ان عندوه بادزعه مغبيه هذا اذا كان من النووع اللي يتطفل ويمعط جوالتس وينبش بوه لافضى اما اذا هو من النوع اللي مايجي قشتس شى طبيعي بيتكهرب لا نبشتي بجوالووه اذا هو مارضاها على نفسوه واعتبره لقافه وكلن له خصوصياتوه يعني بيرضاها منتس وانا من رايي كلن مايجي جوال الثاني.. وانتي اجلسي مع نفستس واساليه ليه انا افتش بالجوال وش ابي يعني؟ موضة المقاطع والرسايل قضت سالفته وش تدورين يعني.. واذا الجواب تشييك وبتطمنين على بعلتس لاتلومينوه لازعل

واااااااااااااااااااااااااااااااااااااااااااااو >>ياشباااب مترجم
يرحم امك كيف تكتب كذا وربي انه مرض ..هذا

امااا بالنسبه لموضوع الاخت...
والله لا تزوجت ولا فكرت بالزواااج
ولا اسمح لأحد يفتش جوالي اي كان
واذا تزوجت ما اتوقع انو يكون بيختلف الوضع
حتى لو انه ما فيه شي يعني وين بتكون راحت الثقه
لااازم تكون فيه ثقة بين الزوج وزوجته ..وعالشان كذا
اذا كان زوجك واثق منك وانتي واثقه منه ما اتوقع انو راح
يخبي عليك شي سواء بالجوال ولا غير الجوال وانتي نفس الشي
وبسسسس..
..ودي واحترامي..

[خلفان]

فيه فئة من الناس [ فئة غامضة ] يعني ما يحب يطلع احد على خصوصياته اياً كاانت حتى وان كانت تافهة

[loquacious]

الله لا يجيب الوقت اللي تنعدم فيه الثقة وينبش كل واحد على الثاني ..
سؤال / دامك واثقة فيه ليه تبغين تفتشين جواله ؟
مثل ما عندك خصوصيات حتى هو عنده خصوصيات ..
~ ~ على فكرة ماتزوجت , لكن ما أحب اللقافة على غير سنع ..

[ديما - - -]

الرجل اللي مايرضى ان زوجته تاخذ جواله اعرفي ان فيه (( بلاااااااااااااااوي ))

[NASIM- AL_MAHBHA]

اقتباس المشاركة الأساسية كتبها ديما - - - الرجل اللي مايرضى ان زوجته تاخذ جواله اعرفي ان فيه (( بلاااااااااااااااوي ))

قانون نيوتن التاسع عشر>>>قاعده فاشله

[يازين الحر]

الجوال وصاحب الجوال تمون عليهم
بس ماأحب

[ابتسامة تواضع]

صراحه بنسبه لي انا بكيفــهم يســوي فيــه اللي يبي
بس ارسايل ماودي يشوفهن>> اذا شافهن منين اجيب رسايل >له
تراي بعد انا توي ماعرســت!!
^^

اقــول انتم ياللي ماعرستو كلكم اتــوقع تبــي تجــينا هـوشه >من المتـزوجين
يبي يقلون لنا اجــل وشوله تــردون وانتم مااعرسـتو

[ام الزلمات]

شوفي لاصار يهجهج بجواله ويغبيه عني ..اعرفي ان به بلا..
ولاحط رقم سري ..اصبخي به الجدار واعرفي ان به بلا
واللي يقول خصوصيه..اقول دور غيره..


بس لاصار يحطه عندي ومفتوح..عادي ماانبشه



والحمدلله انا وزوجي
عادي جوالاتنا نتبادله..

[جـلـوكـوز]

اللي يبي يفتش الجوال غالباً يا يروح للاستديو أو الرسائل ..
بالنسبة للاستديوا مافيه مشلكة بس الرسائل ما أحاول أدخلهن لأن أغلب الرسائل من زميلاتها وعيب عند العربان اني أشوفهن ..
وهي نفسي بالنسبة لجوالي ..
النية تسذا بس أخاف اذا جت الصدّزه يتغير التفكير

[قُنصـل ~]

//





حينما سألتُ والدتي الغاليه - حفظها الله - ..
الزوج ماذا يعني بالنسبه للزوجه وكذلك الزوجه ماذا تعني لزوجها ؟!
أجابتني..

ياابنتي هُما روحاً واحده في جسدين..


* فكيف لايسمح لروحه أن تطلعَ على جُزءٍ من ممتلكاتِ روحه..!