 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
|
|
05-04-2010, 06:55 AM
|
#1 |
|
عـضـو
تاريخ التسجيل: Feb 2008
البلد: ببريده ..هاك اللوذه
المشاركات: 304
|
90 % من الشعب السعودي بدون ......!!!!!
السلام عليكم والرحمة من الله .. وهو خير الراحمين .. أسعد الله أوقاتكم بالود واليمن والمسرات .. كنت في زيارة لأحد الدول .. العربية .. قبل فتره .. وقد شاء الله أن التقي بمجموعة من الشباب .. الذي ينافح ويناضل .. من أجل العلم والسعي .. خلف الرقي بنفسه وذاته  .. ماعلينا ... كان من ضمن الشباب .. كويتي كما كان يبدو لي من خلال مظهره ولهجته ..  .. وتجاذبنا أطراف الحديث .. وكنت أسأله عن دراسته ولماذا أختار .. الدراسة في الخارج .. وليس سؤالي جهلاً مني بأن الجامعات الأجنبية أجود وأعظم وأكبر .. وتعطي مؤهلين .. الأول كونها من الخارج .. والآخر ..يعرفه الجميع ... برضو ماعلينا ...جاوبني .. وقد تغيرت ملامحه وأدركه الخجل .. حتى أخجلني .. وطأطأت رأسي من الفشيله .. وراي اسأله يمكني مالي داااعي أسأل ..!!  كان جوابه أنا بدووووووون .. والبدون .. ما يدخل الجامعات الكويتية .. ولازم يدرس على حسابه الخااص .. وما دام أني يامعووود داافع دااافع فلوس .. خليها برى ابررك .. طال الحديث .. بيننا وأشتغلت اللقافه .. والشرافه .. أومير ... اقعد أسأله ..  الأ .. متى .. يبي يعطونكم جنسيه .. تقل سمعت أن النواب بالمجلس .. عندكم بعضهم يصوت .. باعطاءكم الجنسيه .. <<<<مسوي فيها أني ما أفوت أخبار الكويت وأنها أكبر همي .!!  المهم .. سولفنا .. وسألته .. عن السؤال المهم .. بصراحه .. وش الفرق بين البدون واللي معه الجنسية .. قال .. حنا محرومين من الآتي : 1- ما لنا حق نصوت بالبرلمان .. ولا ننتخب . قلت والله حاله .. ماصارت ديموغراطية والله !! 2- الجامعات .. ما يدخلونها .. مثل ما تخبر .. قلت الشكوى لله ولله ظلم الحقيقة يعني هذا علم .. يعني ياخذون اجر الغريب مهوب عاد اللي عايش بالديرة ! 3- الوظايف .. يامعود .. ممنوع تدخل على وظيفة حكومية ..بس الأهلي اللي يقبلك ... ووالله ياحجي حتى الأهلي بعضهم يشوف إذا معك جنسيه أو لا .. قلت أفاااااا .. الله يعينكم .. يعني يقدر الواحد .. يعمل بالتجاره محيل صغيّر ولا أي شي .. 4- مكافئة زواج .. لأن اللي معه جنسية يعطونه فلوس المهر ... قلت لاحول ولا قوة الا بالله .. 5- أعانة مولود .. يعني أي واحد يجيه مولود .. يزيد في راتبه .. حول الألفين ريال .. هذي مصاريف الولد .. قلت .. والله قهر .. الحقيقه ..!!! 6- بدل السكن .. اللي يجيك .. يعادل أجار شقة ألين ينزل قرضك العقاري اللي حول المليون بالسعودي .. قلت كلش ولا هذي ... بعد ما يعطونكم قروووض عقاريه .. أجل الواحد وشلون يسكن .؟؟! 7- التأمينات والجمعيات .. وما أدراك .. 8- مكافئة عاطل .. وراتب شهري .. للي ما حصّل وظيفة .. اممم .. أنا الحقيقه .. ندمت أني سألته .. وحسيت ... اني قلبت المواجع عليه ..ماعلينا .. الشكوى لله . تفارقنا ... ورجعت لأهلي .. بعد سفريه استجمام  وصرفت ثلاث رواتب جامعهن .. ريال ينطح ريال ..  يوم وصلت البيت .. وسلمت على الوالدة رحت لغريفتي الله لا يخليه من ولا يخلين منه ..  .. جلست أفكر في هالرحله .. وانتظر باتسر يجي .. أبسولف على الربع .. وش شفت ووش لقيت وتسذا يعني ..  وتذكرت كلام هالكويتي .. واقول الحمدالله اني معي جنسية .. ماااااااااااعلينا ... جلست أتذكر .. كل شي مهوب من حقة .. وأسترجعت كلامه حرف حرف ..إلين لقيت .. 1-التصويت للبرلمان .. <<<<ما عندنا شي اسمه تصويت لمجلس الشورى على أقل تقدير !! 2-الجامعات .. ما قد سمعت أحد داخل الجامعة اللي كان يفكر فيها من يومه صغير .. وتذكرت .. نفسي يوم أتخبط بين المعاهد والكليات والشركات .. الين أنتهى المطاف على الجلسه بالبيت .. فتره طويله ألين الله فرجه .. من عنده . 3-الوظائف .. لا حول ولا قوة الا بالله ..واللي ماله واسطه نخلةً ماسطه .. <<وينطبق الكلام على الوظائف الحكومية ووظائف القطاع الخااص !! 4-مكافئة الزواج .. يوم تذكرتها ..ضحكت ألين .. أوجعتن تسلاي .. وتمزعت مصراني ! 5-إعانة المولود زاد الضحتس .. حتى اني خفت لا ألجيران .. يطقون علينا الباب .. الله يستر .. 6-بدل السكن .. دمعت عيوني .. وأجست تكاك بالصدر .. وصارت الدنيا .. عندي تقل مبط ابره من صغره !! 7-التأمينات والجمعيات وما أدراك .. <<<<مالي خلق اتذكر شي .. عن الأسعار ... تراي منغبن .. من قيمة الرز .. وصاغرة كريشتي الله يخلف . 8-مكافئة عاطل ..والله يرحم .. ذكريات التتكيس وصنان البنقاليه  وزمرة الباكستانيين  وأستحقار السوريين !! .. عجزت أستحمل .. وقتها .. وأرسلت له رساله بالجوال قبل ما أنام .. وكتبت له:  ( ترى الشعب السعودي متضامن معكم قلباً وقالبا وهم كلهم بدون بس بشكل مخفي ..وتكفى لا يدري أحد ترانا جاحدين !!) وسلامتكم ،،،، |
|
|
05-04-2010, 07:10 AM
|
#2 | |||||||||||||||||||||||
|
عـضـو
تاريخ التسجيل: Aug 2009
البلد: حينما أجـــــد ضالتي .اقــــيم؟!!
المشاركات: 456
|
أنا اول المتاضامنين معاكـ ولكني استثني المدرسيين اللي مشاء الله أخذين حقوقهم وزيادة بالذات شكواهم الاخيرة برفع الرواتب @ كلنا للوطن فدوة والوطـ
 ن لنا عزه
__________________
 نـقشتك على التراب ......فــــ صـار النقش في قلبي  |
|||||||||||||||||||||||
|
|
|
05-04-2010, 07:18 AM
|
#3 | |||||||||||||||||||||||
|
عـضـو
تاريخ التسجيل: Feb 2008
البلد: ببريده ..هاك اللوذه
المشاركات: 304
|
 صدقتي .. مع أن المدرسين .. رافعين ضغطي بقولة والله حنا نتعب .. ومادري وشو .. والواحد منهم ماعنده الا أربع دروس او خمسة .. ونصفهن سواليف مع البزارين ..لا وراتب الواحد ... يعادل قرض .. لراتب حارس الأمن اللي منشوي من الشمس .. اهلاً بك في زمرة البدون .. اللي معهم جواز ويحبون وطنهم ويفدونه بالروح والدم .. |
|||||||||||||||||||||||
|
|
|
05-04-2010, 08:24 AM
|
#4 | |||||||||||||||||||||||
|
عـضـو
تاريخ التسجيل: Jan 2010
البلد: في بريده
المشاركات: 1,792
|
بذي عاااااااااااد صدز تقهر >>باتسر يتذهنون الحراس الامان >>ويهجون منهم ويندمون صــدز<< عاد ترا المدرس يتعب اشوي<<هونت ان شاءالله انكم فهمتون
__________________
ادعـــــوووولي ان الله يحقق اللي في بالي ويحقق اللي في بالكم[/U]) |
|||||||||||||||||||||||
|
|
|
06-04-2010, 03:03 AM
|
#5 | |||||||||||||||||||||||
|
عـضـو
تاريخ التسجيل: Feb 2008
البلد: ببريده ..هاك اللوذه
المشاركات: 304
|
ههه ..
والله انا ما يقهرني بهالدنيا الا حال هالمساكين حراس الأمن .. لأنهم يعانون من قله أهتمام المسئولين وسوء التغذية .. اتمنى تكونين فهمتيني |
|||||||||||||||||||||||
|
|
|
11-04-2010, 08:59 PM
|
#6 | |||||||||||||||||||||||
|
Registered User
تاريخ التسجيل: Sep 2009
البلد: بريده
المشاركات: 143
|
انا ضدك بذي النقطه كوني معلمه اتحداك تلاقي احد يتعب ويشقى زي المعلم والمعلمه شوفهم من فصل لفصل مقابلين البزران اللي منهم مافهم واللي موراضي يفهم لذالك انا اقولك اجمع اخوانك الصغار بالبيت واشرح لهم اي موضوع صدقني راح تتعب ماوصلة لهم المعلومه فمابالك بفصل فيه من 25 الى 35 طالبه مقابلهم 45 دقيقه غير الوقفه والتعب يعني الموضفين الاخرين بالدوائر الاخرى جالس على مكتب ومكيف ويقابل ناس متعلمه وفاهمه انا الان راتبي يفوق 7000ريال مستعده ابادل اي موضفه بدائره حكوميه غير تعليميه وربي راضيه براتب 4000 بس اكون مرتاحه وهذا للمعلوميه شعور الكثير من موضفين التعليم والى الان المعلم والمعلمه لم ينصفوا بحقوقهم تخيل عندك يوميا على مدار الاسبوع خمس حصص وربي ان تكره حياتك والمشكله الادهى والامر اننا محسودين وحنا مكروفين اتمنى من كل قلبي اي شخص ينزل لميدان التعليم ويزوال المهنه حتى يحس بالمسؤليه والتعب الذي يبذله المعلم والمعلمه في مجال العمل بالتعليم عمل مافيه راحه اسفه على الاطاله تقبلوا مروري. -للايضاح فقط ولو انني خرجت عن الموضوع. |
|||||||||||||||||||||||
|
|
|
05-04-2010, 08:21 AM
|
#7 |
|
عضو فعّال
تاريخ التسجيل: Apr 2009
البلد: (( الصفراء ))
المشاركات: 2,239
|
مبدع .. ومفكر صح .
وتقبل تحيات أخوك البدون ..!! لسان المواطن ولي عوده ان شاء الله
__________________
قد استبدلت بها القرطاس ، والقلم"="وبألوانها استوحيت سعدي وأسفي
يــدلــنـي إلــيــهـا وضــــاء نــورهــا"="بريدة ((ستي)) هي أجمل صحفي بــهـا أدون ومـــن غـيـري أسـتـقي"="فـوائـدُ أقــلام فـاقـت كــل واصـفي هــي الـقـرطاس لـحـبري وقـلـمي"="بـلـسان تـسـميت لـتـزدان أحـرفي |
|
|
|
06-04-2010, 03:00 AM
|
#8 | |||||||||||||||||||||||
|
عـضـو
تاريخ التسجيل: Feb 2008
البلد: ببريده ..هاك اللوذه
المشاركات: 304
|
أهلاً بك يالسان البدون ..  وعودتك محل تقدير وأحترام .. |
|||||||||||||||||||||||
|
|
|
05-04-2010, 08:38 AM
|
#9 |
|
عـضـو
تاريخ التسجيل: Jan 2010
البلد: بريدة
المشاركات: 985
|
كلامك عين الصواب بكل ماقلت
بس الشكوى الى الله مانقدر انزين شىْ $ &افكاري ليس لها حدود |
|
|
|
06-04-2010, 03:08 AM
|
#10 | |||||||||||||||||||||||
|
عـضـو
تاريخ التسجيل: Feb 2008
البلد: ببريده ..هاك اللوذه
المشاركات: 304
|
ايوالله الشكوى لغير الله مذله .. .. ويمكن يكفي أن الواحد ... بس يعرف انه ..مسكين ولا يسعة إلا ان يكون مسكين... ولا حول ولا قوة إلا بالله ! برب ابصيح |
|||||||||||||||||||||||
|
|
|
05-04-2010, 09:00 AM
|
#11 |
|
عـضـو
تاريخ التسجيل: Mar 2010
البلد: سُوريّا والأشواق تحملني****يـــــا أجمل الدور يا أحلى عشيقاتي
المشاركات: 392
|
معليش ما فهمت هذي رواية أدبية ولا قصة حقيقية.
ياوليدي الغنى غنى النفس والله لو تأخذ كنوز الأرض إن تموت فقير مادامك متعلق قلبك بالي عند غيرك. |
|
|
|
06-04-2010, 03:13 AM
|
#12 | |||||||||||||||||||||||
|
عـضـو
تاريخ التسجيل: Feb 2008
البلد: ببريده ..هاك اللوذه
المشاركات: 304
|
هي مهيب روايه ولا قصه بس تقدر تقول سالفة كبارين .. وصعب عليك تفهمها ..هه
يمكن إذا وصلت سن الرشد .. وطلعت جواز .. وكبرت شوي .. وصار لازم تكد على نفسك .. وأنشغل بالك . . ودقك الفقر .. وبديت تشوف .. اللي حولك يتوظفون بناءاً على محسوبيات معيّنه .. وانت جالس منزوي لك بربعة وكلاً ينترك من جهه .. ويستحقرك لأنك بلا عمل ..إلخ وقتها .. توصلك السالفه ،، الله يعين،،  |
|||||||||||||||||||||||
|
|
|
05-04-2010, 09:07 AM
|
#13 |
|
عـضـو
تاريخ التسجيل: Apr 2009
البلد: اتمنى ان انتمي للمدينة الفاضلة
المشاركات: 629
|
والله معك حق حنا فعلاً بدون
 ويمكن البدون بالكويت أرحم منا حال على الأقل فيه أمل لتحسن الأحوال اما من قرار المجلس لأعطائهم الجنسيات او زواج البدون من اصحاب الجنسيات!! اما نحن فموت ياحمار الين يجيك الربيع,, فأما ان الواحد يكد ويتعب ويكون القرش على القرش لحد مايكون ثروته بنفسه ويستغني,, او انه يغني ماأطولك ياليييييييييييييييييييل ويفرش بساط الفقر ويحط يده على خده,, فالله يرأف بحالنا يارب
|
|
|
|
06-04-2010, 05:55 PM
|
#14 | |||||||||||||||||||||||
|
عـضـو
تاريخ التسجيل: Feb 2008
البلد: ببريده ..هاك اللوذه
المشاركات: 304
|
اللهم آمين ..
فرشنا بساط الفقر .. وتبطحنا عليه إلين .. عرعرت ظهورنا .. لكن أملنا كبير بالله سبحانه والله مهوب مضيعاً صبرنا .. يبي يجي اليوم .. اللي تزين .. ونغني .. ياليل طوّل شويه .. ع الديره ديّه .. دى الغالي .. علينا غالي وبلااادي والله علينا غالي .. وياليل أبعت سلامي للناس الطيبه ..
__________________
الدنيا لا تحترم إلا من يستهين بها ....!!!
|
|||||||||||||||||||||||
|
|
|
| الإشارات المرجعية |
|
|
النمط المتشعب
