[الغـــــــلا]

الســــلام عليــــكم ورحمة الله وبركاتهـ

أحبائي أعضاء منتدى بريده سيتي /

أمـا بعد ..

الصـــراحة أني بلشت بالمـوضوع مدري وين أحطه ... فقـــلت أبلصقه بأقرب قســم ..

الســالفه ومافيــها أن خالاتي طنت بروسهم يروحون هالإجـــازه الأسبوع ذي لم أستراحه ينامون به 3 أيام ..
المهم نشبوولي دوري لنا دوري لنا انفعي ولو مرة وحده بالحيــاة << شف الجحده
المهم تورمت أصابعي وأنا أدور فيـ قوقل مالقيت شئ ... قلت مالي الا الله ثم أنتم

نبــــدأ على بركة الله بالشروط :

1) يبغونه بعيده شوي عن الرياض يعني يابالدرعيه والا بالمزاحميه والا على طريق الخرج والا بالعماريه ... تقول خالتي نبيه بعيده عن ضوضاء المدينه

2) يبونه رآآآقيــــه وتليق بمستواهم الكريم

3) يبون سعره مايتعدى الـ 2000 ريال يومياً ..



الله يســــــعدكم ويوفقكم الي يخبر لنا استراحه من هنا والا من هناك لايبخل علينا ..
وان كانه فاضي وماوراه شئ يدور لنا ويسأل الي يعرفهم مهوب ناقص من رزقه شئ ترى ..


و تكفووون عجلو قبل لا يجي المســـفهل والا بدر يقرشعونــن أنا وموضوعي

[نجديــــة]

واو .. شكلكم فلّة ماشاء الله

إلا وراه ماتروحون لحايل .. تراه تجنن وأمطار وخيرات
إن شاء الله نبي نزبنه بإذن الواحد الأحد

وفيه هناك استراحة خيـــــــــــــــــآآآآآآآآآل وكبيـــرة وتجنن وكل شيء بالدنيا
رايحين لمه ناس أعرفهم قبل كم اسبوع ..وشفت الصور !!

وش تبين بالرياض وع .. زحمة ومابه خضار ولا شيء
وكل شيء موجود بالرياض موجود هنا

> واللي قلبت روحتهم خخخخخخخخخ

أمزح معك يابعدي .. ودي أساعدك بس ماعرف والله
موفقة

[مزحلط]

اقتباس المشاركة الأساسية كتبها نجديــــة وش تبين بالرياض وع .. زحمة ومابه خضار ولا شيء وكل شيء موجود بالرياض موجود هنا

الريآض مابه خضآر هآه

روضة خريم


روضة الخفس


روضة المحليه


وادي الجفير

اذا تبين شوري يالغـلآ مالك الا تشيلون خيآمكم معكم
وتقعدون في أحد هالروضآت
أحلى طبيعه وجو صافي ونقي وهدوء
وش لك بالاستراحآت ممله

[الغـــــــلا]

اقتباس اذا تبين شوري يالغـلآ مالك الا تشيلون خيآمكم معكم وتقعدون في أحد هالروضآت أحلى طبيعه وجو صافي ونقي وهدوء وش لك بالاستراحآت ممله

رح أقنـــع خالتي حصه اذا وافقــت ماعنـــدي مشـاكل

شكــراً لمروركـ ..

[الغـــــــلا]

نجـــديهـ ..

يابـــعدي تستهبلين بلاتس ماسمعتي خالتي حصه وش تقوول
تقوول بعد 80 كيلو لاتفكرووون
مشكوووره يابعد ماتقصررين ق2

[نجديــــة]

بين بريدة والرياض .. تقريبا شبه نفس المسافة بين بريدة وحايل
يعني موب منتبهة خالتك حصة .. قولوا ايه حنا بالرياض ذذ

ياحبيله خالتك حصة ... ياختي لاحظت ملاحظة !!!
كل الناس عندهم خالة حصة تصدقين عاد م1
وخصوصا القصمان .. ياقعمنا بعد

> واللي قلبت الموضوع

المهم حبيت أقولكم تراي معكم بالرحلة دورولي محل
وموب لازم تزودولي أدخل بالبركة .. من كثري عاد تراي وحدة

[الغـــــــلا]

نجـــــــديهـ
وه بس يختي ياحبيــلتس

اقتباس يعني موب منتبهة خالتك حصة .. قولوا ايه حنا بالرياض ذذ

ههههههههههههههههههههههههههههه ياحبيييله والله لو نمشي به للصمــان مادرت
نجديه يابـــعدي شكلتس مانتبهتي اننا ساكنين بالرياض

اقتباس ياحبيله خالتك حصة ... ياختي لاحظت ملاحظة !!! كل الناس عندهم خالة حصة تصدقين عاد م1

اشوى يعني مهوب بس أنا الي ملاحضه ذذ
يدهرن هالحصــات بكل جخر


ياحبيييلتس الله يحيتـــس

أقول نجديه ياختي ماتلاااحضين ساحبييين علي المشاهدات 32 وماأحد عبرن الا أنتي

[نجديــــة]

وصلتن معلومة تو بأن ...

بين بريدة والريــاض = 350 كيلو متر
وبين بريدة وحايل = 230 كيلو متر

يعني حآآآآيل أقرب ولا بالفرق ... تطيح عنكم ساعة ماشاء الله
واااو ونــاسة .. نشوفكم هناك أجل

>> واللي نشب بالموضوع

[نـــــــــــــــواف]

وش تبون بالرياض يويويويويوااااووف قلق الرياض
اللي مابه إلى القلق والطفش وقلة الحياء
تصدقون انا من بريدة وكنت اعمل بالرياض وطلبت نقل للقصيم بس ما قدرت وقالوا لي تبي حايل قلت ياليت وبعدين قالو حايل ما بوه مالك إلى سكاكا الجوف فقلت ما فية اي مشكله اهم شي اطلع من الرياض والحمدالله نقلنا لسكاكا وافتكيت من الرياض انا ما يهمني المسافه قدر ما يهمني الراحة النفسية والحمدالله ارتحت نفسيآ كمنطقه وكعمل
المهم تبي استراحة وانت داخل الرياض عند الصحافه او الوادي فيه استراحات بس شوي غويليات وشكرآ

[الغـــــــلا]

اقتباس وش تبون بالرياض يويويويويوااااووف قلق الرياض اللي مابه إلى القلق والطفش وقلة الحياء تصدقون انا من بريدة وكنت اعمل بالرياض وطلبت نقل للقصيم بس ما قدرت وقالوا لي تبي حايل قلت ياليت وبعدين قالو حايل ما بوه مالك إلى سكاكا الجوف فقلت ما فية اي مشكله اهم شي اطلع من الرياض والحمدالله نقلنا لسكاكا وافتكيت من الرياض انا ما يهمني المسافه قدر ما يهمني الراحة النفسية والحمدالله ارتحت نفسيآ كمنطقه وكعمل المهم تبي استراحة وانت داخل الرياض عند الصحافه او الوادي فيه استراحات بس شوي غويليات وشكرآ

هلا نواف ..
ياخي وش أسوي بهم عاد قدر الله وسكنوا بالرياض ويبون يغيروون جو باستراحه بعيده شووي عن الرياض ..
هين ياكثر الاستراحاات الي داخل الرياض بس هم يبوونه بعيده شووي بحدا هالأماكن الي ذكرته تو : ( الدرعيه - الخرج - العماريه - المزاحميه )

الله يوفقكـ ..

شكـــراً لتـــواجدكـ ..

[نجديــــة]

يؤ يؤ يؤ ... آسفة يابعدي ظنيتك من بريدة
مانتبهت والله ...

والنعم بديار أجدادي الرياض ق1
الله يوفقكم يالبي وتلقون اللأستراحة اللي تسركم


موفقين

[الغـــــــلا]

نجــــديهـ ..

لا ياعمـــري عاآآآدي جداً ..

يختـــي وجودكـ وتفــاعلكـ بحد ذاتـه كآآآآفي ..
تسلمييين والله تعبتـــي معي

[الضَمَـادَا ®]

فيه بـ : جوّ ..

حول المزاحميـة إسترحات على 3000 متر و مسطحات خضراء و به مسابح ..

وسعرهـ اليومي رخيص يمكن 900 .. ريـال ..

أن يسّر الله جبت رقم الأستراحـة و أسمة ..

[الغـــــــلا]

اقتباس اقتباس المشاركة الأساسية كتبها الضَمَـادَا ® فيه بـ : جوّ .. حول المزاحميـة إسترحات على 3000 متر و مسطحات خضراء و به مسابح .. وسعرهـ اليومي رخيص يمكن 900 .. ريـال .. أن يسّر الله جبت رقم الأستراحـة و أسمة ..

الضمـــادا ..
الله يوفقــكـ ويســعدكـ يآآرب ..
ايه هذوولي الي من اليوم أدورهن وحتى منطقة جو مره منــاسبه
الله لايهينــكـ حآآول تجيب الرقم ...
والله لأقول لخالتي حصه تدعيلكـ << وآآآقفه عآآآد
شكـــراً من الأعمـــاق ..