[أبوغسان]

بعد نكبة الأسهم التي اسقطتني
أريد أن أنهض مرة أخرى
لكن ماهو المشروع المناسب والناجح
لفتحة في مدينة بريدة ؟
ودمتم سالمين

[بريد111وي]

شف وانا اخوك

إن فتحت مطعم يبي لي شغل صح ونظيف وموقع كويس ودعاية كويسه

وإن فتحت مغسله تحت شقق عزاب فهو كويس بس بفتح بجمبك 20 مغسله من الحسد

وإن فتحت بقالة يبي لك موقع كويس وعلى مدخل حاره

هذا كانك على شبه الحافه

أما كانك فوق فعليك بالعقااااااار ...........

وكانك تحت فعليك بسوق الحمام

والرازق بالسماء والحاسد بالأرض

[سو سو A-S]

اقتباس المشاركة الأساسية كتبها بريد111وي شف وانا اخوك إن فتحت مطعم يبي لي شغل صح ونظيف وموقع كويس ودعاية كويسه وإن فتحت مغسله تحت شقق عزاب فهو كويس بس بفتح بجمبك 20 مغسله من الحسد وإن فتحت بقالة يبي لك موقع كويس وعلى مدخل حاره هذا كانك على شبه الحافه أما كانك فوق فعليك بالعقااااااار ........... وكانك تحت فعليك بسوق الحمام والرازق بالسماء والحاسد بالأرض

والله كلامك عين الصوااب
والله يرزقك كل خير

وعلمنا اذا فتحت شي نشتغل عندك خخخخخخخ

تقبل مروري

[أبوغسان]

اقتباس سو سو A-S; والله كلامك عين الصوااب والله يرزقك كل خير وعلمنا اذا فتحت شي نشتغل عندك خخخخخخخ تقبل مروري

الله يوفقك أخوي سوسو <== ماتجي أخوي سوسو
مشكور لمشاركتك أخوي سوسو

[أبوغسان]

اقتباس بريد111وي شف وانا اخوك إن فتحت مطعم يبي لي شغل صح ونظيف وموقع كويس ودعاية كويسه وإن فتحت مغسله تحت شقق عزاب فهو كويس بس بفتح بجمبك 20 مغسله من الحسد وإن فتحت بقالة يبي لك موقع كويس وعلى مدخل حاره هذا كانك على شبه الحافه أما كانك فوق فعليك بالعقااااااار ........... وكانك تحت فعليك بسوق الحمام والرازق بالسماء والحاسد بالأرض

يعطيك العافية بس سكرتها مع بعض الأبواب
صحيح الحسد موجود لكن أنا مرمن بان الرزق بيد الله عزوجل

لو أبيع بليلا عند الحرم مارحت لسوق الحمام مااحبه
أنا افكر بمطعم يكون فيه تجديد عن نظام المطاعم الأخرى مايكون تقليدي

[مهندس دايخ]

اذا عندك راس مال قوي يعني من 200 الف فما فوق فأنصحك وانا اخوك بالعقار اسأل مجرب فيه رزق طيب اذا كتب الله لك الرزق

[أبوغسان]

اقتباس مهندس دايخ; اذا عندك راس مال قوي يعني من 200 الف فما فوق فأنصحك وانا اخوك بالعقار اسأل مجرب فيه رزق طيب اذا كتب الله لك الرزق

هلا بمهندسنا الغالي
اعتقد 200 الف ماتسوي شي بالعقار
يعني بتشتري أرض 500 متر بالشمال ومتى بتجيب مكسب !
واذا جابت مكسب بتزود 10 الاف خلال 5 شهور !

العقار يبي رأس مال كبير مايبغى 200 الف
ومشكور يالغالي على فكرتك
ويعطيك العافية وعساك ع القوة

[أبو غــلا]

شـف وأنا أخوك ..

إفتـح لك مواد غذائيه بشمـآل بريدهـ .. شمال بريده مافيها محل جمله

إفتح لك مواد سبآكه وكهرباء . بحي جديد وفيه بيوت تشغل ..

محل شنط وأحذيه بآ أحد المولات ! أبو يمن مب أحسن منك

أو عندي لك فكره يآهي صح ..
إشتر دينـآ وركب عليها ونش وجب لك عامل سوداني
وخله بسوق البعارين

والله اني اعرف واحد فاتح بيت من هالشغله !!
وأعرف واحد يدخل بالشهر 15 الف منها

الله يرزقنــــــآ ويــآك من صــآلــح فضلــــــــــه

[نـــــــــــــــواف]

انا اقول تاجر بالسيارات احسن لك اشتر وبع

[Hi Saudi]

افتح مطعم عوائل .. قليلة مطاعم العوائل ببريدة وشف الزحمة عند عمو حمزة وفيشون

[ماءالسماء]

اقتباس المشاركة الأساسية كتبها أبوغسان اعتقد 200 الف ماتسوي شي بالعقار يعني بتشتري أرض 500 متر بالشمال ومتى بتجيب مكسب ! واذا جابت مكسب بتزود 10 الاف خلال 5 شهور ! العقار يبي رأس مال كبير مايبغى 200 الف ومشكور يالغالي على فكرتك ويعطيك العافية وعساك ع القوة

لا لا لا

العقار ما له مثيل

أشوف ناس ما شاء الله حشي دراهم من الأراضي والمتاجرة بهن

بأقل من الشهرين مكسب أربعين ألف وما تمت البيعة يبون زيادة

وناس 200 ألف بكم من شهر ما شاء الله أرزاق وخيرات

بس تبي أحد يعرف الأماكن اللي فيها مكاسب وطلب

والله هو الرازق المعطي

[ملف علاقي]

( للتقبيل لعدم التفرغ ) ياكثر ما نشوفها باالشوارع وكله من العجله وعدم التأني بدراسة الجدوي من اي مشروع واهم شي الأستخاره

[البروفيسور.........]

اقتباس المشاركة الأساسية كتبها أبوغسان بعد نكبة الأسهم التي اسقطتني أريد أن أنهض مرة أخرى لكن ماهو المشروع المناسب والناجح لفتحة في مدينة بريدة ؟ ودمتم سالمين

افضل المشاريع بالوقت الحالي :::::::::::::::::
اللي تكون زباينه حريم:::::::::::::::::::مثلا محل ملابس بس لاتقول المحلات واااااااجد
ترى الناس بزوووووود ,,,,,, شف ابويمن اشطر مننا,,,,,
لانهن يدفعن بدون فكير يحول :::::::::: مهب كلهن,,,,,

[السكى سنكي]

عليك بتركيب السكوريت

رأس مال بسيط وعماله قليلة

وربح كثـــــير