[مابنكسر صابر.]

اول شي صباحكم ورد وكادي

عن جد بكتب لكم شي غريب معكر حياتي كلهــا

وعن جد لو اقولكم هالشي بتستغربون مني

صحيح يقولون الشكوه لغير الله مذلهـ ( بس انتم فيكم الخير والبركه ولو ما ارتحت بالمنتدى هذا ما كتبت اللي بخاطري

نبدأ

بدت تغير حياتي من اكثر من سنه صارت مالها طعم الحياه عندي ودايم عندي صداع خفيف وضيقه من اي شي

يعني مثلا لو ابي اسوي لو ابسط حاجه احسن بضيقه بصدري

بتقولون حاول تنساها .. حاولت وربي كل ما احاول اني انسى ترجع لي .. مع ان حالي مع الناس تمام واجتماعي واطلع دايم

بس مشكلتي هالاشياء اللي تجيني يعني ع سبيل المثال .. قبل لا بغيت اسافر او اطلع لاي مكان اكون طاير من الفرحه ومبسوط وشوي واطير .. الحين عادي .. ويجيني صداع وضيقه لو ابي اروح لا مكان او اسافر .. مع ان لما اروح للمكان عادي

عن جد تعقدت .. اقول كيف تكون حياتي وانا متزوج .. حتى بالزواج اقول انا ما اقدر اتزوج مو لاشي لا سمح الله .. بس ما ادري بالضيقه والصداع اللي يجي لما ابي انوي اسوي اي شي

ما ادري كيف اوصل لكم اللي احسه فيه ..

يعني لا تقولون لي ارقى نفسك وحاول تنسى جربت وربي .. وما ني معترض ع كلام الله .. ونعم بالله .. بس ما حسيت بشي

ما ادري فيني مرض عضوي .. مع اني فحصت اغلب الاشياء سليم .. يعني هل هذي الاعراض لمرض معين

ولا انه مرض نفسي .. اكتئاب ولا وسوسه ولا قلق ولاعين ولا سحر

لاني وربي للحين ما ني عارف وش فيني .. مثل اللي عايش بدوامه ومو قادر يطلع منهاا

حتى اهلي لما اقولهم اللي فيني يقولون انت ما فيك الا العافيه من اللي يشوفونه فيني .. بس ما يحس بالنار .. الا واطيهاا

هذا بشكل مختصر اللي احس فيه ..

ياليت من اي انسان مرت عليه هالتجربه .. وطلع منها

ما يبخل علي لو بمعلومه





خالد

[قُنصـل ~]

//..










رُبَّمَا لايَكُون عُضوِي تَمَامَاً أَخِي الْكَرِيْم
فَهَاأَنت ذكرت الْفَحْص بِأَنَّه سَلِيْم
وَلَكِن إِن كَان لَمَرَّه وَاحِدَه أَعْتَقِد ... لاتَكْفِي
وَلَيْس نَفْسِي تَمَامَاً..
بَيْن هَذَا وَهَذَا..
لَكِن أَخِي ..
هَل تَقْرَأ عَلَى نَفْسِك بِإِستِمرَار؟!.. وَهَل تَشْرَبُ مَاء زَمْزَم ؟!
وَهَل تَأْكُل الْعَسَل الطبيعي ؟!


عليكَ أَخِي الْعَزِيْز بِالذَّهَاب إِلَى طَبِيْب نَفْسِي
تَشْرَح لَهُ الْحَاله وَتُخْبِرُه كـ أَقْرَب مِثَال مَرْكَز مُطْمَئِنَّه بِالرِّيَاض
أَعْتَقِد هُو الحَلُ مَع اسْتِمْرَارَك بِالْقِرَاءَة وَمْاء زَمْزَم وَالْعَسَل ..


أَتَمَنَّى أَنِّي أَفَدْتُك وَلَو بِالْبَسَيْط ~ْ




شَفَاكَ الْكَرِيْم وَعَافَاكَ وَأَخْرَجَكَ مِمَّا تُعَانِي بِسَلامَة
وطْمَئنينه .. وَكُل مُسْلِمٍ يُعَانِي ..

[الوساااام]

يخوي تطمن مافيك إلا العافية ^^
علاجها .. عجل بالزواج وبتشوف الخير ..
حالتك كانت تجيني أول ..!
علاجها ارقي نفسك بنفسك بالنفث على صدرك بكل
وقت او عند كل ماتحس بضيقة صدر ..
عموماً هي تروح من حالها ..
بس أهم شي لا تستهين بالرقية وبكل وقت ..
خلك مثل الموسوس كل شوي ارقى ع نفسك وإن شاء الله بتعين خير ..

أهم شي إدعلي بزوجة ثانية ^^

[اجمل احساس**]

الله يعينك .. والله حاسه بمعانتك .. وتوقع انه اكتئاب .. .. .وابد كل ماضاق صدرك.. وسعه وقل الدنيا ماتسوى .. وسلى نفسك

[البريئه]

ألف لا بأس عليك أخي أكثر من الاستعفار. وعليك با الصدقه كما قال رسول الله صلى الله عليه وسلم داوو مرضاكم بصدقه سوئألي هل كان عندكم خادمه ايذاكان انصحك تذهب لقارء جيد لسحر للاطمئنان وان لم يكن فرقي نفسك وعليك بصوره البقره يوميا ولا تنسأ الورد صباحا ومساء دعواتك لأني بحاجه لها

[عبدالله الصالح]

عزيزي:

لن تجد هنا جواب كافي لحالتك إلا الإستغفار وأنعم به من علاج ..

أنصحك من كل قلبي أن تعرض حالتك لدكتور نفسي ..

ربما لديك مشكلة نفسيه بداية إكتئاب يمكن تداركها بشكل عاجل وعلاج وقتي وينتهي الأمر ..

هناك أمر آخر لابد من فحص سريري متمكن لحالتك الصحية فربما لديك مشاكل بالأذن الوسطى أو في الأضراس تعمل لك هذا القلق وأكثر .. كذلك مشاكل الغدة الدرقية تسبب التعب النفسي والقلق ..

لاتنظر رحمة غيرك لك إن لم ترحم نفسك وتعجّل بالفحص فهذه صحتك ليست ملك لك وحدك ..

كلنا نحبك ويهمّنا أمرك ..

شفاك الله وعافاك من كل بلاء وجعلك في خير وصحة وعافية ..

كن بخير.

[عبد العزيز2007]

واضحة اخي بمااني اعرف شخص مثل حالتك تماما
ووهو الآن بحالة ممتازة سألته عن سبب تحسنه فقال
اكتشفت اني بعيد عن الله وقال خرجت من معانتي
باقترابي من الله اكثر واكثر ولله الحمد انا بأتم حال
ومثال ذلك
(حسن صلاتك .إلجى الى الله بالدعاء بكل امورك. تصدق . احسن الى الناس . وغيرها من الاعمال الصالحة)

جرب ماقاله صديقي وسوف تلاحظ الفرق بنفسك كما لاحظته عليه

[طيب شمر]

الله يكون بعونك ويفرج همك وغمك
أتبع الخطوات التاليه:
1-القرب إلى الله والقراءه على نفسك
2-الإبتعاد عن المعاصي والأكثار من قول لاحول ولاقوة إلا بالله.واللهم أني أعوذبك من الهم والحزن.....
3-الإبتعاد عن كل حزن وخاصة الأغاني الحزينه تجيب الكآبه
أنا لست طبيبة نفسيه ولكن أتمنى أني أفدتك >>>إذا مافادتك أذهبي لطبية نفسيه

[د.هنا]

اخي ازال الله همك واسعدك

اولا عليك بالاستغفار ووالله انه لفرج

ثم خصص لك وجهين من القران يومياتقريبا
ثم عليك بايات السكينه
ثم احذر من الوسواس..
شافاك ربي

[بحر الهناء]

الله يشفيك ويشفي جميع مرضى المسلمين

وممكن سوال :
انت مره تعرضت لموقف محزن ضاق صدرك عليه مره
مثل وفاة شخص غالي اوخسرت شي غالي عليك
ومريت بفتره وانت كل ما تذكرته ضاق صدرك؟؟؟؟؟

[مخفي]

فيما يبدوا أن لديك روتين يومي واحد

حاول أن تغير روتينك اليومي

على سبيل المثال حاول أن تسجل في نادي رياضي

أو أن يكون لديك برنامج أحتياطي

حاول أنك تسوي شي جديد فإذا كنت ما تعرف تطبخ حاول تعلم

وإذا كنتتعرف حاول تغير

وأيضا لا ننسى مغير الأحوال - الله جل جلاله - بالذكر والدعاء والخشوع في الصلاة والإلتزام بالورد اليومي

أتمنى أن أفدتك ..

[ياحبيلتس يانا]

الله يشفيك اعتب عليك لما قلت جربت الرقيه ومانفعت ولاحسيت بششي لا مفروض ترفض هالفكره القران شفاء لكل داء مع الاستمرار والعزم والتوكل على الله وفعل الاسباب راح تشفى بأذن الله غير ذلك الاكثار من الاستغفار وطرد افكار الشيطان ومحاربته يعني اي فكره تجيك حاول تكذبه ولاتلقي له بال مع الايام راح تزول ولاعاد تجيك ومعروف كثير منا يمر بهالحالات الصغير والكبير صحيح الانسان اذا اشتد عليه الكرب مايستطيع التحمل لكن اعلم ياخي ان الله مابلاك الا انه يحبك ويبيك تقرب له ولاتنسى حاجه مهمه وهو اذا جتك هالحاله تقوم بسرعه وتوضى وتسنن وتقرا قران وحاول تشغل نفسك وتستمتع بحياتك ومع اهلك صدقني راح يجيك اليوم الي تندم فيه على الحزن الي سببته لنفسك ماانصحك حاليا تروح لدكتور نفساني الا اذا طالت هالحاله معك اما اذا كانت من مده بسيطه تروح ان شاء الله.......... الله يعافيك ويشفيك

[الهاديو]

خصص جزء من وقتك لقرآه القران

وبإذن الله ترتاح نفسيا

[فسفوريه]

ان شاء الله مافيك الا العاافيه ... انا قد مريت بحاله شبه اللي مريت به وداومت على الرقيه عند شيخ وشرب ماء زمزم وزيت الزيتون والحمدلله ...حاول تكثر من الاستغفار وحافظ على الاذكار وماتشوف شر ان شاء الله... وسوى كان اللي فيك مرض نفسي او عضوي كلهن مرتبطات فبعض ويجن عن طريق حسد وعين