[الاخباريه]

السلام عليكم
كيف الحال جميعأ

عندي مشكله واتمنى تساعدوني كيف اقدر اتصرف

ياطويلات العمر
زوجي امس متهاوش مع اخوه علشان موضوع سياره يعني زوجي عطى خويه تكلمه واخوه اخلف الكلام
المهم جيت من الدوام وزوجي معصب للاخر

وقلت وش فيك قال مافيني شي وحاولت وحاولت وعصب على وقلت خلاص ياقلبي شكلك تعبان اتركك تنام
المهم شغلت المكيف وسكرت الستاره وتركة له الجوا حلو ودخل ينام طبعنا انا مادخل الغرفه سكرة الباب وتركته لين اذن العصر بعدين دخلت عليه اقومه لصلاة وعصب مني يقول مانمت قلت ليه وش فيك مانمت قال مافيه شي المهم لحيت ولحيت لين تكلم قال جاني تلفون من الشغل وماخلوني انام انا من رجعت من الدوام وهو مغلق جواله قلت له كيف اتصلو عليك وجوالك مغق قال انا تعبان اطلعي وحاولت فيه ونصحته بس عصب بقوه وخفة وطلعة على طول

المهم تركته لين يقوم من نفسه قام الساعه10ليلا

طبعنا انا مجهزه القهوه من العصر بعدين رح وقت القهوه وجهزت العشاء
ومسويتله عصير ليمون علشان تهدى اعصابه
المهم قام من النوم الساعه 10 وصلى وقلت له حبيبي هذا اخوك ومالك غنى عنه وماله غنى عنك وكل الناس تختلف الزوج وزوجته يختلفون باتفه الاسباب وتبي الاخوان مايختلفون المهم سالته وش الي صاير بضبط ويقول ماصار شي

انا احترت كل ماساله يعصب ويتنرفز مشكلتي ماقدر اتصل على اخوه واساله واصلح اللي بينهم لاني خايفه زوجي يكذب علي فيه شي غير وبعدين اخو زوجي ياخذ فكره عن زوجي انه مو صريح معي او يكذب علي وربي محتاره

الزبده ماتعشى في البيت طلع عند اخته ورجع الساعه1ونص
مشكلتي اذا سالته وش فيك عصب واخاف ماساله ولا اجيب اخبره بعدين يقول ماهمها مو مهتمه فيني وتركتني في همي وربي مصيبه محتره وش اسوي

رغم اني سالته وقلت وش فيك ناقصك شي احد يطلبك فلوس اخوك يبي منك فلوس

والله ماعمري قصرت عليه بشي وقلت لها هاك من الريال ل50الف ودبر امورك بس الرجال مو طبيعي متضايق من شي كايد


للعلم يحبني ويموت فيني ومايستغني عني بس فجئه قلب كذا

تكفون ساعدوني هل اتركه ولا اساله لين يتكلم نت نفسه

او احن عليه لين يقولي وش فيه


اخاف احن عليه لين اعرف ويعصب وتصير كارثه ونزعل من بعض لاني تعبة من كثر تعصيبه

واخاف اتركه ويقول لهيه عني وماجبت خبري


والله هالرجال اشغونا معاهم

[مطلبي رضاربي]

اهلين اختي نصيحه لاتلحين
عليه خليه إذا يبي يقول قالك يمكن مايبي علشانه مشكله عائليه حاولي تسلينه
وتخففين عنه بالمعامله الحلوه منك هذا اللي اقدر اقوله ارجو اني افدتك الله يفرج
عنه ويسعدكم
والله اني دخلت علشانك وهذي اول مشاركه لي

[الاخباريه]

يابعد قلبي الله يرضى عليك مشكوره الله يرزقك ويوفقك

ياقلبي وربي اني مريحته للاخر بس اذا تكلمة معه في اي موضوع يعطيني يعطيني طرف كلمه ويسكة مادري احس انه يقول بتصرفه يعني افهميها لاتتكلمين ولاتسولفين انا اتكلم ابي اغير عليه الجوا وربي تعبت مره مره

[الحزين]

عليكم السلام ورحمة الله وبركاته

وجهت نظري .. أن مثل هذهـ الأمور يجب أن يستشار فيها أهل الإختصاص ..

وعلى سبيل المثال :

الشيخ عبدالله العيادة
0505150497

أسأل الله عزوجل أن يجمع بينكما بخير

[مهاااااااااااوي]

ماجبتي شي جديد كلهم كذا وبعدين يرضى من نفسه ويقولك كل شي
اتركيه لايصير فيك سكر وظغط وانا اختك
هذي مااعتبرها شي والله لامشكله ولاشي باالنسبه لي وخاصة انها خارج بيتي هو واخوه يتراضون من انفسهم
دمتي سعيده في حياتك

[المهرة]

.
.
ياعزيزتي الرجل طبيعته اذا كان متضايق يحب ينعزل ، وبعد مايهدأ بيرجع لك احسن من أول

اكبر خطأ أنك تلحين عليه بالشكل هذا، ولاتتخيلين أن الرجال مثلنا يحبون الفضفضه

اتوقع أن أفضل مساعدة تقدمينه له هو أنك تتركينه يتنفس ولا تحشرينه ولاتلحين


بالتوفيق