[عروب السعودية]

السلام عليكم ورحمة الله وبركاته أما بعد ,,,,,,,,,,
ابغى إفادتكم لي الله يخليكم بما إن هالمنتدى جزى الله خير القائمين عليه
يضم شريحة كبيرة من سكان بريدة حبيت إني أخذ رأيكم في موضوع يراودني من عدة سنين
لأن رأيكم هو الأهم بالنسبة لي فأبدأ بالموضوع ................

أولاً : أنا وحدة عندي خبرة بالحاسب مررررررره حلوة من تصاميم وخبرة في تحاضير المعلمات وعمل المحاضرات والبحوث على برنامج باوربنت وأشياء كثيرة أسويها عن طريق الحاسب .

وأنا الصراحة حبيت أفتح مركز نسائي للنسخ والبحوث وغيره على قدي أنا وبنات معاي وإحنا راح نشتغل فيه بدون عمالة وعشان المعلمات والطالبات ياخذن راحتهن إذا كان المركز نسائي فقط وش رايكم بالفكرة ؟؟؟؟؟؟؟ حلوة الرجاء الرد باسرع وقت الله يخليكم .

ملاحظة : كان فيه محل نسخ وتصوير نسائي في بريدة خلف تسجيلات أحد بالصفراء كان أسمه خدمات الطالبة وسكر لأن الأغلبية عمالة وأنا وقفت على المحل قبل كان متكلف ديكورات كبيرة أسعارهم نار وعشان كذا قفل المحل .......للمعلومية .

[هذا..أنا]

أختي عروب


فكرة رائعة...حقا وتستحق التأييد والتشجيع..

كم نحن بحاجة ...لتلك الكفاءات السعودية


كل التوفيق ..لكي أختي عروب

ودعواتنا الصادقة معك...

>>أخواتي أول المتواجدين ...هناك


وبالتوفيق يارب

[ام ايوب]

فكره روعه
الله يوفقك يارب

[عبدالله الصالح]

أسأل الله أن يرزقك من واسع فضله ..

أعتقد الفكرة رائعة جدا لكن النجاح {والرزق من الله } صعب جدا جدا .. لأن البنات مايسوقن ونسبة الي تعتمد على السواقين لاتصل 20% تقريبا وعلى هذا فإن المستهدف محلات يكون فيها رجال حتى توصي كل فتاة اخيها او زوجها أو أبيها ان يحضر حاجتها ..

لكن .. لو كان عملتي مركز بسيط يكون في محل يعتمد على النسخ وطباعة البحوث وغيرها بمكان لايكلفك كثيرا فإنه من وجهة نظري ناجح جدا ولازلت أذكر حينما كنت طالباً في الجامعة أن مذكّراتنا وبعض بحوث الشباب ينسخها لنا مصري في شقة ولايستطيع أن يحك رأسه من كثرة عملائه فقط نازل ريال عن السوق وهو سالم من الآجار ومن العمالة ومن تكاليف كثيره ..
وجهة نظر خاصة
...
كوني بخير.

[لمسات احساس]

والله فكره تجننننننننننننننننننننننننن..........إذاتبين شريكه أنا مستعده.

[مهاااااااااااوي]

الافضل نتعامل مع نساء مثلنا باالتوفيق والرزق الحلال الطيب المبارك

[ماشي وين؟؟]

فكرة جميله
موفقه

[هايين]

الله يفتح لك ابواب رزقه

...

[ورود المساء]

فكره جدا رائعه وخل جزء منه قرطاسيه وجزء كتب ...... وكانت الفكره هذي عند اخوي يسعى لتنفيذه لكن وافته المنيه قبل ان يبدأ الله يغفر له ولامي واخيي الثاني....

[عزتي في عفتي]

فكره رائعه ..
لكن تريد من التحمل و الصبر الشي الكثير

ولا تتوقعي هطول الرزق عليكي من اول وهله

ربما لن تكسبي وشتهري إلا بعد مضي سنه من فتح المحل ..

وانا من المؤيدين لفكرتك الرائعه ...


وانصحكي بعدم التكلف وغلاء الأسعار المبالغ فيه

لكي ينجح مشرووعكــ


وقبل كل هذا استخيري الله ..


والله يكتب لك الخير اختي الغاليه ..

[فخر بريدة]

فكره حلوه لكن صراحه أحس نجاحه مو مضمون

والله يفتح لك أبواب رزقه

[ســلســـبيلا]

ماااااااااااااااااااااش وانا اختك الحريم ماينغزا بهن

أخاف بس تتوهقين

[غريب احساس]

ما فية تجارة ما فيها خسارة وانا اقول جربي كم شهر وعلى الله الرزق

والله يوفقك

[رحيل الفؤاد]

فكرة جميلة..

حاولي وبإذن الله تكون تجربة موفقة وناجحة..

وإن لم يتيسر لك ،، فالخيرة فيما اختاره الله.. والحياة أمامك للوقوف والبدء من جديد..

المهم أن تكوني من المبادرين..

بالتوفيق،،


،،،،