[فارس الشعر]

بسم الله الرحمن الرحيم
هل تسامح اخيك الاكبر اذا اهانك اهانه كبيره وسبك وشتمك شتم كبير هل تسامحه اوتقاطعه او ترد عليه الشتيمه اوريد ردكم وارائكم تهمني

[ْْْXXXراكب بورشXXX]

ازعل عليه يوم يومين واكرهه بعدين يؤنبني ضميري
وسرعان مااتراجع واصادقه لاني مالي غنى عنه لازم ارضى

لك شكري وتقديري

[فارس الشعر]

ممكن كلامك لكن هل صادفك الموقف

[ْْْXXXراكب بورشXXX]

[quote=فارس الشعر;2389244]ممكن كلامك لكن هل صادفك الموقف

نعم كد صار لي نفس الموقف وقلت ابخلي نفسي عادي وراضي يوم شافني كذا استحى واعتذر مني وسامحته وانا بطبعي ماحب احد يزعل اوفيه مشاكل بيني انا وأحد

[احساسي مخملي]

اسامحه لكن بشرط ان يعتذر لي وايضا بعدماعرف سبب اهانته لي

من الخطا الرد عليه لانه مهما كان الاخ الاكبر وتاج الراس

[فارس الشعر]

كلام منطقي لكن لوا عدك انت الغلطان

[احساسي مخملي]

طبعا ازعل عليه

[فخر أهلي]

ممكن أقوله سامحتك وأحاول مابين له شي
لكن سوف يظل جرج عميق بالقلب

[فارس الشعر]

يعني انا معذور لوا ما اسامحه

[قـــصـــيـــة]

اقتباس المشاركة الأساسية كتبها فارس الشعر بسم الله الرحمن الرحيم هل تسامح اخيك الاكبر اذا اهانك اهانه كبيره وسبك وشتمك شتم كبير هل تسامحه اوتقاطعه او ترد عليه الشتيمه اوريد ردكم وارائكم تهمني

ماراح أسامحه ولا أحلله لو يموت قدامي إلا في حاله وحده

إذا غيّر معاملته وجلس 3 سنوات يعاملني زين وبعد هالثلاث سنوات وتأكدت 100%

إنه ماراح يهيني ويشتمني ويسبني مره ثانيه هنا أسامحه ,,


طبعا هذي وجهة نظر خاصه فيني ما أنصح أحد يسويها لأن كل شخص وله ظروفه الخاصه ,,

[كتكوته]

ههههههههههههههههههههههههه
الحمد لله مالي اكبر مني
لكن اللي اصغر مني تتكلم علي وارد لها الصاع صاعين..
اخر مرة تكلمت بحده علي ورفعت صوتها وتتكلم كانها عدوة..وكذبت علي عند امي اني قلت كلام عن امي موصحيح طبعااااااا..هذا اللي قهرني..
تدون ايش النكته هههههههههههههههههههههههههههههههههه
ان امي زعلت علي ولاكلمتني شهر يمكن واختي بعد الهوشه جلسنا نتقهوى مع بعض..مااحب ازعل عليه لها حض مني وهي دايم تحرض امي علي..وتغار مني..بس انا دايم اوقف ضد العالم كله معاها..
احيانا تجيني حاله ودي اضربها..من القهر بس ارحمها لانه شريه..

[Chocalain]

اسامحه واتكلم معه ولا كان شي صار هذا اخوك مستحيل ازعل عليه

[أبو رُبـــــى]

ليست المسألة كما يتصورها البعض !!

فلنسأل السائل .. لماذا شتمك ولماذا سبك وأي خطيئة ارتكبتها ؟؟

بعد ذلك نستطيع إبداء الرأي .. !!

ومهما يكن فهذا أخيك الأكبر وبمثابة أبوك وثق أنه لن يقوم بهذا السب أو الشتيمة إلا لمصلحتك أنت .

مع العلم بأن فعله خطأ بكلا الحالات .. ولكن قد يكون للضرورة أحكام ..

ولكل زمانٍ فتوى .. !

[قـــصـــيـــة]

اقتباس المشاركة الأساسية كتبها أبو رُبـــــى ومهما يكن فهذا أخيك الأكبر وبمثابة أبوك وثق أنه لن يقوم بهذا السب أو الشتيمة إلا لمصلحتك أنت .

أخوي أبو رُبى مبيّن من كلامك إنك تناظر الناس بعين طبعك إذا كنت أنت أخ كبير وطيب مع أخوانك

اللي أصغر منك و ماتسبهم إلا إذا أخطوا وتعاتبهم لمصلحتهم وبمثابة أبوهم فهذا ما ينطبق على كل الاخوان الكبارين ,,

فيه اخوان متسلطين على اخوانهم اللي أصغر منهم بدون سبب وبدون مايصدر من الاخ الاصغر أي خطأ