[متى يابريدة ؟]

بسم الله الرحمن الرحيم

بين الفينة والأ خرئ وفي بعض المجالس وخربشات المنتديات

يخرج علينا من يقول أن بريدة ديرة حسد وكراهية وعنصرية

ياحسره على أي شيئ يحسدونك على القصور والمخططات الي تملكها

أو على جمالك الخلاب

وربي أنك حافي ومنتف وما وراك إلا الدجة و عور وتناشق

وإذا كان الحسد في أقاربك وفي عائلتكم فـــ رجاءً لا تعمم على كل عوائل بريدة

فرجال ونساء بريدة شرفاء قلوبهم علىقلب رجل واحد

وسأل أجدادك عن رجال العقيلات كيف كانوا يتعاونون مع بعض وكيف تجاوزوا الفقر والسفر

فيهم القبيلي وغير القبيلي و أهل البادية والحاضرة تجمعهم كلمة لا إلا إلا الله

لماذا تأتون أنتم وتحاولون أن تتهموا أبناء مدينتي الغالية با الحسد وبالعنصرية

أرفض رفضا ً قاطعاً مثل هذا الكلام الذي يتفوه بهم مراهقين لم يتجاوزوا( الطعش )

بريدة ( عاصمة الحب والإخاء ) والدليل الجمعيات الخيرية وتجمعاتهم بالأحياء في أيام العيد

وغيرها لا يتسع المجال لذكرها


يقول علماء النفس : أن المراهق يكون متمرد وغير راضي في وضعه ( في البيت والمجتمع )

فيحاول أن يلفت الإنتباه بتمرده وتصرفاته وطريقة لبسه وكلامه وهذا هو الحاصل من خلال كتابات

بعض المراهقين ( الذين يجحدون حب بريدة )

أنا على ثقة أن من يدعون كره بريده عندما يتعدون سن المراهقة المبكرة أو المتأخرة

سوف يعترفون بحبها لهم

وللمعلومية / فيه حاجة عند شباب بريدة ليست عند باقي شباب أهل المدن الأخرى

وهي الفزعة إذا شاهدوا شخص محتاج للمساعدة وهذا شيء حدث معي شخصيا ُ




تقبلوا تحيات ( مغترب عن بريدة من سبع سنوات )

ولله إني أعد الدقائق والثواني من أجل أن أعود الى حبيبتي الغالية بريدة ( عاصمة الحب )


أسف على الإطالة

[]]

[صفقة هواء]

التعميم لغة الحمقى .. شكرا لك
وعقبال النقل قريبا ان شاء الله

[wooow]

الشجرة المثمرة ترمى بالحجر

ياحووول اللي ماله بريدة

[هاوي الربع]

اقتباس المشاركة الأساسية كتبها wooow الشجرة المثمرة ترمى بالحجر ياحووول اللي ماله بريدة

اشاركك ردكــ .... تحياتي لكـ كاتب الموضوع

[( العنــــود )]

يعطييييك العافية اخوووي ع الموضوووع وكثييير يقولون ان بريدة( مدينة الحسد .. ):ma

وان شاء الله ترجع لمدينتك
بريييييدة ووووبس

[ليلة شتاء]

وهذا الواقع بالفعل فهي كذلك ديرة حسد وعنصريه وفضووووووول يحبون يعرفون عن كل شي

حتى الحوادث.......قال إيش قال شفت لي حادث ما أدري وووووين من يعلمنا عنه تخيلوا

فااااااتح موضوع عشان يشوف وش سالفة الحادث .......وفلان عنده كذا وفلان عنده

وفلان يدخل من محله حق الخضره مبلغ وقدره ..........نصيحة لا تجي لبريدة

خلك مرتاااااح أحسن لك والعقيلات هذولاك ناس لن يتكرروا ........في زمننا هذا؟؟؟

[الخطوة السابعة]

موضوعك نفسه يفوح عنصرية

كفى إعجابا ....

أنا مثلك مغترب وقد خالطت أصنافا من الناس ووجدت عندهم من كريم الخلق وسهولة التعامل ولين الجانب مايتفوق بكثير على بعض أهالي بريدة ممن أنت معجب بهم


أنا أريدك أن تتأكد من أمرين فقط الكرم ووضوح الشخص وصدقه ( أهل بريدة غامضين وبشدة )

بريدة فيها مميزات كثيرة لكن لاتنس ماعند الآخرين فقد يتفوق على ماعندك

[ابو خالد2]

اعصابك يا ابو الشباب
الحسد موجود في مكان غير بريده

[محيسن]

كلامك هذا هو تعنصر لبريدة

[المهموم 2010]

اقتباس المشاركة الأساسية كتبها wooow الشجرة المثمرة ترمى بالحجر ياحووول اللي ماله بريدة

حلوة حلوة

[تيجان]

اعصابك يابو الشباب
اللي بيتكلم يتكلم
الحسد موجود بكل مكان
ببريدة وبغير بريدة

[قـــصـــيـــة]

الصراحة ماقريت الموضوع الكلام كثير .. بس قريت العنوان ,,

أنتم مامليتوا من هالموّال .. صاربي اكتئاب من كثر ماتكررون هالمواضيع اللي ماتودي ولا تجيب ,,




على العموم مشكور على الموضوع وعلى مجهودك ,,

[نـشـقـة]

اقتباس المشاركة الأساسية كتبها جوااانا الصراحة ماقريت الموضوع الكلام كثير .. بس قريت العنوان ,, أنتم مامليتوا من هالموّال .. صاربي اكتئاب من كثر ماتكررون هالمواضيع اللي ماتودي ولا تجيب ,, على العموم مشكور على الموضوع وعلى مجهودك ,,

فعـلأإُ كـلأإُم سليم يأُموضوع عن الحـسد وبريــُده، ولا عن النصب والدورإُن ولا عن حفره بحي بن صبيح هههههههإُي

بصررررررإُحه مليـنإُإ ومن نإُحيه حسد وعنصريه بكل مـحل لكن ترأُ بريده متفوقه شوي عن بإُقي دول العإُلم بذات الدوله النإُميه هههههههإُي

[متى يابريدة ؟]

اقتباس اعصابك يابو الشباب اللي بيتكلم يتكلم الحسد موجود بكل مكان ببريدة وبغير بريدة

في كل مكان لكن عندما يخرج من أبناء هذا البلد من يحاول أن يقنعنا بأن بريدة مدينة الحسد

فأنها تفور الأعصاب ويجب أن يلقم هذا الشخص حجراً