[مزحلط]

السلآم عليكم ..
كل عآم وأنتم بخـير
تقبل اللـه صيـامـكم وقيآمكـم

من أستعـدادات الشبـاب للزواج أنـه يجعـل للسفـر نصيبـاً من المـال ومن الوقـت
وجميعـنا جرب القـفص الزوجـي ومافيه من أحداث
أكثرنآ قد سـافر سواء خارج السعوديه أو داخلها
ولكـن
تعلمـون أن الفتـاه تمتـلكها روح العـاطفه والاحساس وانتـقالها من بيـت أهلهـا إلى حيـاة زوجـيه مع شخـص هو قبل الزواج غـريب بالنسبه لهـا أمر مفزع ومتعب نفسيـا لها ..
ناهيـكم عن الحيـاء والخجـل الذي يلازمهآ في شهـر العسل


سؤالي هـو
هل تؤيـد السفـر خـارج السعـوديه أو بعـدها بمـده شهـر أو شهـرين ؟
وتقـضي شهـر العسـل داخليـا في السعـوديه وبعدهـا بفتره تسـافر خـارج السعـوديه ؟



نريــد آرائكـم من واقـع تجـاربكم أو تجـارب غيركـم

وفق الله كل المتزوجين والمقبلين على الزواج ( مثلي ) بحياة زوجيه سعيده هانئه

دمتـم بحفظ الله ورعايته

[عبدالعزيز إبراهيم]

لا مساكين بعض الناس على الطائر نسافر خارج المملكة وكثير من المشاكل تحدث هناك صدق يكفي العلاقة بينهم جديدة لو صار شي لواحد منهم كيف يتصرف الثاني عاد لو حدث شي للزوج ماذا تفعل الزوجة لوحدها موقف خطير .. خلكم في بلادكم وبين أهلكم ومكة لا تفوتكم والطائف وابها

[مزحلط]

..



آرآء صريحـه وجميـله

فعـلاً المشكله تكون أن الأزواج لم يفهـموا بعـض وماأخذوا على بعض
السفرة تروح وهم كل واحد مستحي من الثاني وينحرج منه
يعني الواحد دافع فلوس ومكلف نفسه علشان ينبسط وفجأه يشوف اذا سافر ان الأمور ضده ماستمتع بالسفره
وعلى حسب كلام أحد الزملاء يقول أكثر من واحد يسافر بشهر العسل ويسافر بعده مثلا بشهور يقول ان السفره الثانيه أفضل من السفره بشهر العسل

شكرا لتفاعلـكم أعزائي


..

[سعودي كول]

انا بالنسبة لي فلمانع ولكن يكون البلد اسلاميا يعني يكون
كا اندونيسيا اوماليزياء وغيرها من البلدان الاكثر استقرارن وامنا

[بعثرات قلم]

..,
برأيي ان المكان اللي ينوي الاتجاه له يكون معرووف لدى الزوووج .. يعني ما يكون فيه اي مكان للضياع او المشاكل بقدر الامكان ..
لهذا فأنا اؤيد السفر للخارج لكن بترتيب واضح ودقيق ..

[دايم الغيرة]

هــو عادي اذا الطرفين متفقين

المشكلة اذا سافرت واختلفت مع الفتاة حول الحجاب والتغطي ..

[MEHWAR]

اقتباس المشاركة الأساسية كتبها دايم الغيرة هــو عادي اذا الطرفين متفقين المشكلة اذا سافرت واختلفت مع الفتاة حول الحجاب والتغطي ..

اعوذ بالله

وان وش ابي به اذا صارت ماتتغطى

[ياقلبـي يارويــده]

انا رايي ان اول الزواج اقضيها ببلدي وبعد ست اشهر او خمسة اطلع برا بالخارج اندونسيا او ماليزيا او مصر لان السياحة بالخارج قليلة التكلفة وجمال وابداع ومناظر خلابة اما بالداخل فلا تعليق رسومات واجد وتكاليف فان اايد السفر للخارج بعد ست اشهر من الزواج لان المراة تكون مستحية ولاتتكلم كثير لانها في بداية زوجها وزوجها ماعرفت طبعه ولا نفسيته الى الخ..... فاذا كان السفر بعد مدة مثل ماذكرت فهي ستكون احلى لان الزوجين تفهموا نوع ما

وبالله لتوفيق

[1مهستر]

اقتباس المشاركة الأساسية كتبها ياقلبـي يارويــده انا رايي ان اول الزواج اقضيها ببلدي وبعد ست اشهر او خمسة اطلع برا بالخارج اندونسيا او ماليزيا او مصر لان السياحة بالخارج قليلة التكلفة وجمال وابداع ومناظر خلابة اما بالداخل فلا تعليق رسومات واجد وتكاليف فان اايد السفر للخارج بعد ست اشهر من الزواج لان المراة تكون مستحية ولاتتكلم كثير لانها في بداية زوجها وزوجها ماعرفت طبعه ولا نفسيته الى الخ..... فاذا كان السفر بعد مدة مثل ماذكرت فهي ستكون احلى لان الزوجين تفهموا نوع ما وبالله لتوفيق

خمسه او ست شهور كثيره .. كل هذا تعارف ؟؟

اتوقع يكفي التعارف اسبوعين او ثلاثه ...

اما بالنسبه للسفر فانا أؤيد السفر بعد الزواج بيومين او ثلاثه ويكون لمكه او ابها (داخل السعوديه)

اهم شيء يسافرون , لان السفر يقرب بين الزوجين ويكشف المستور بمده قصيره ,

اما بالنسبه للسفر برا ,, ما أؤيده ابدااا .... الا اذا كان للدراسه ...


شكرا اختي

[مزحلط]

شكـرا أخي مهستـر

قـد أوافقـك الرأي وقد أخـالفك
ولكن في الحيـاة الزوجيـه لابد من الفتور العاطفي والفتور العـاطفي غالباً وأقول غالباً يأتي في الشهـر السادس وربمـا قبله وربمـا بعده فكـلام الأخت في هذه الفتره من خمس الى ست شهور أعتبره من الأنسب أن يكون هناك سفر ترويحا عن النفس وتجديد للشعور العاطفي بين الزوجين

وبالنسبه لعدم السفر خارج البلاد الا للدراسه فأحترم رأيك
لكن السفر خارجيا هناك أرقى أماكن وطبيعـه خلابه تشعرك بأجواء جميله ورائعه جدا

شكرا

[ندمت من بعدك ياسعود]

أخووي مزحلط ...
أنصحك تسافر بعد زواجك بأسبوع أو أقل لخاااارج المملكة ومثل ما قال بعض الأعضاء (( ماليزيا- اندونيسيا - سيريلانكا - المغرب - الأردن )) بس بشرط تكون أنت سافرت لدولة اللي انت بتروح لها قبل يعني مع أصحابك أو أهلك وتكون عارف الوضع هناااااك ........................ ندمـت ..........

[أم كناااااان]

نعم اؤيد بس يكون مع زوجته


تقبلووو مروري

[سجينة الحجاز]

انا عن رايي لاؤيد السفرالا داخل
وبعدين سافر خارج احسه يكون افضل

[كايف]

انصح بالسفر بشدة .. بعد الزواج بأكثر من 3 أيام الى اسبوع

اذا سافرت انصحك نصيحة حطها بين عيونك ( لا تسافر أكثر من 10 ايام ) لأنه بيطقك انت وحرمتك الملل والإحباط



اما موضوع البلد اللي بتسافر له فإذا كانت أمورك المادية جيّده احرص على النمسا أو سويسرا ، واذا وضعك ما يساعد عليك بماليزيا

اما اذا طفران ولعبت فيك القروض عليك بالشرقية 4 ايام وارجع لاهلك والله يوفقك ويتممّ عليك بخير