[الـدعساوي]

السلآم عليكم ورحمة الله وبركآته
أولا / مبروك الاشرآف خلفهم ابرآهيم , وترى هالموضوع اهداء لك <-- بدى يلزي
ومن شان الصمصام يشد حيله وينزل لنا موضوعه , اللي ذل مرسولنا به

~ حمد والمؤثرآت البشرية بوسط المسجد ~

هذا حمد يبي يصير معي بأكثر من موضوع , وهو شخصية وهمية

موآصفآته / دب وعصل , طويل وقصير <-- أتحدى أي شخصية تصير به هالموآصفآت , الولد vip , طبعا حمد خفيف الدم ثقيل الطينة , لايحب المشآكل , لكنه رآعي هوشآت , صغير بالسن ,وعمره لايتجآوز الثلآثين حبوب وكريه بنفس الوقت , بآختصآر حمد على قولة المصريين بتآع كله <-- الموآصفآت هذي علشآن لوتغيرت الشخصية بعدين , ما أحد يبلشنا <-- فيس ينآظر مخاوي الصمت

نرجع لسآلفة حمد , طبعا حمد بمآ انه بآلغ , عاقل , يعني الصيآم وآجب عليه , لكن مشكلة حمد مشكلة خلونا نسأل حمد بعض الاسئلة
س/ مآ اسمك
ج/ حمد
س/ كم عمرك
ج/ بين وبين
س/ هوآيآتك
ج/ جمع الطوآبع <-- قآالها وهو يدربي دميجته مآيدري وشي
س/ شيء تتمنى القضآء عليه ؟
ج/ إيه , إيه بس <-- قاله وهو منزل رآسه من شدة الموقف
الحمد لله ان يسر لنا الصوم برمضآن , لكن بعض النآس ودك تلخه بطرآق علشآن يعرف ان الله حق <-- حمد تحمس , وأخذ خشبه
هد هد من روعك يآحمد , وش السآلفة بالضبط
وش السآلفة , أنت خليت به سآلفة , اسكت خلن أكمل , إيه وش وصلنا , اقولك , بعض النآس يرفع الضغط والسكر , يآخي مشكلة تجي متحمس لمسجد زين تبي تصلي به الترآويح ومآعندك من الشيطآن طريق , أطلع من بيتنا كآشخ , متعطر , لآبسن أحسن ثوب , حق العيد اللي قبل كم مسنة شآريه , ونعآلي الزبيرآت , أجي مبتسر للمسجد , يصف الإمام للترآويح , ومآتدري الا بها النغمآت البشرية , حولك

نغمآت بشرية
إيه نغمآت بشرية , اقصد هاللي يتغآرون , وكل شيء مطلع لي تغيرة , مرتن بطعم الشوربة , ومرتن بطعم السمبوسة ,ومرتن بطعم اللقيمآت , لا والمشكلة , لو أبورآزان عندهم

من هو أبورآزان
أبورآزان , هذا وآحد حق صوتيآت مآدري وش اسمه , اهم شيء , اسمع السآلفة ولا تحرجنا بالاسئلة
أقولك لو به أبورآزان تسآن طلع جوآله وسجل هالنغمآت وطلع بهن آهات بآتسر , يآخي مهب معقولة , هاللي يصير , يجيك الوآحد لآبد مرسوله , يآكل كل مآهب ودب بالسفرة , تقل محلوف عليه , يقضيه , يذكرون ان وآحد كرشته بديت تجره من قوة انه لآبدة , ولا بعد , المسجد اقترحوا انه يحطون له مدخنة , والسبب , علشآن هالروآيح , تطلع , مرآوح الشفط مآتلحق عليهن
لا والمشكلة لآجآك حدى هالأجآنب , ومفطر على ثوم ولا بصل , وهمن لآجره , قسم أنه يطع من آخر كرشته , يحرث به حرث , خطر على اللي قدآمه يطير , والريحة حدث ولاحرج , يآخي مهب معقولة , المفروض الأكل يصير عقب الترآويح , وإلا أنه لا يجرد كل اللي بالسفرة , كل شيء مسوي له جمركة
تووووووووووووووووووووغ , المقآبل تغر
حمد : تفآعل ولبخ المقآبل بالمربوعة , وكآن هنآك وآحد يقآبل مع احمد , فرحمه الله , قضينا من هاللي يصلون , وتجي انت تزود الطين بلة


مايستفآد /
1- أن حمد مطوع ويصلي الترآويح
2- مب كل شيء قدآمك لزوم تجمرك عليه , فثلث لنفسك وثلث لطعامك وثلث لشرآبك
3- الأكل الكبير , يصير عقب الترآويح , ولاهب لآزم تكثر بعد
4- إن ابورآزان , رآعي صوتيآت ويفزع لأي وآحد <-- وهقه

وهـ يآبورآزان

خآطرة , وحبيت أسرده بطآبع آخر , ولا ودي اكثر عليكم , علشآن بعض نآس مآيمل من الهرج <-- هالحين يقآله جآب شيء جديد

وترقبونا , مع قصة حمد ومستشفى الولآدة

[روقــآن]

أثر أبو رزان يعرف لــ الصوتيات

أبو دعساوي بإنتظار باقي الحكايات

+ تميز

[الـدعساوي]

^^
قوووووووووووة , اسأله لاجآء
هذا إذا شديت حيلي مثل هالمرة , بكمل <-- وآقفة
تكفى تسآن صبرت علشآن يجي ابرآهيم ويختمه , يصير فرح أول مآهنا , مثل بعض نآس
نورت يالغالي

[أبو رزان]

من هو أبو رزان ذا



أبو دعس ترى عندي مكتبة كاملة خامات بشرية مجمعهن هاليومين من خصوصاً الشيبان تامر عليه

عآد تصدق إنه تجين التغرهـ وأبلش به وانا وياه محاجر لما يقوم الإمام للركعة الثانية
ولامنهم قامو الناس أطلقته أرض أرض توووووغ


ما يستفآد منه :
1- إن أبو رزان اللي يحتسي عنه دعيسوون ماهو بأنا
2- إني مانب أحب الفزعآت بالحيل
3- إنك إذا بلشت بالتغرهـ أطلقه أرض أرض ( كما في المثآل السابق )


أبو دعس وهّــيـــن أنت

[~ [ جناح ] ~]

اقتباس إن ابورآزان , رآعي صوتيآت ويفزع لأي وآحد

توسط لي أسجل عنده عشان مسابقتهم ..

اقتباس موآضفآته

وش هن من لحية هـ الموظفات ؟؟

اقتباس نروت

هذا وهو خاتمن لك تميز تقوله هـ الحتسي ..!

............................

عموما الموضوع جميل ويحاكي أزمة تتكرر سنويا إلا في بعض المساجد اللي عندهم شيبان يتعشون المغرب ..
تكفى أرسل لي النسخة الإسلامية من هـ الموضوع اللي تحوي آية أو حديث حتى نحدث به على الجماعة قبل التراويح ..

شكرا أبو دعسة ..

[أبو رزان]

^^

أبو جناح شف ذا

7
7

اقتباس أبو دعساوي بإنتظار باقي الحكايلت

أبشرك كل واحدن أردى من الثاني

[الـدعساوي]

أبورآزان /

اقتباس من هو أبو رزان ذا

علمي علمك

اقتباس أبو دعس ترى عندي مكتبة كاملة خامات بشرية مجمعهن هاليومين من خصوصاً الشيبان تامر عليه

لا ابشرك لابغيت شيؤ رحت لها المسجد , وسجلت

اقتباس أطلقته أرض أرض توووووغ

وآآآآآآآآآآآآآآآآآآآآآك , تخيل تصير بجنبي بالمسجد , قسم إني لا افلقك بأقرب حصآته
وين حمد رفيقنا بس عنك

أبورآزان وش صفيتوا عليه

[قلم جريء]

كل اللي يصلون بمسجدنا شباب ولله الحمد

عندنا شيبان لكنهم وذفين

[أبو رزان]

أبو دعس ,, والله ماتدري به لا أطلقته أرض أرض << يحاول يقنعه

وصفينآ على بعد التراويح تولم إنت وأبو عبد الله <<< شــــــــــــطح

[شبكة دروب الخير]

يأخوي من حمد
ذا لايكون ....

أبو رزان الله يرحم والديك فكني من هالسالفة

بديت أقرأ الموصفات وأشبك بنفسي

مايستفآد منه ...
1- أن حــمــد الي يتكلم عنه الدعساوي ماهوب أنا ...
2- صدق أن أغلب الموصفات تنطبق علي لكن مايعني ذلك أن أنا المقصود بالسالفة ...
3 - أبو رزان أفزع لي وخله يغير حمد ...

[الخفاش]

تووووووووووووع <-- أول مرهـ أشوف تغرة الصبح و النآس صآيمة

بآب مآ جآء في اللطمة ..
ذكر أن أحد القدآمى كآن إذا أتى لصلاة الترآويح لا يرى منه إلى عويناته يتبالصن من خلف العمآمة

قيل له يآ أبآ قلنصوة ..
قآل لبيك يآ زموردأهـ ..

قيل مآلك كأنك دآخل دورة ميآهـ
قآل بلاك و الله مآ صليت بجنب شآيب خشته صآيرتن تقل شكمآن ددسن 84 بس يرمي


إيه يعني ترآ حتى الأولين بعد بهم هالطبع الأقشر
لذلك لا تحزن يآ أبآ دعس

اقتباس 1- أن حمد مطوع ويصلي الترآويح

نسيت تقول أنه سربوت بعد , تعرف للضرورة المستقبلية

[سهلاوي]

تستاهل التميز يالدعساوي..

عندنا بالحاره مسجدين واحد كله شيبان والثاني كله شباب
المسجد اللي به شيبان نصف صفلكن أدخل ... تلقى كل الشيبان يناظرونك تقل غريب
ولا كبر الامام للصلاة يبدأ الهياط عند الشيبان تقل تحدي
ولا سلم الأمام بدؤ يحرثون الأرض بأيديهم تقول ضايع لهم شيئ
يوم تبقست الأمور وأثر كل واحد منهم يدور طقم أسنانه طايح من التغار>>معقوله إلى هالحد..!!

[Bleeder]

نحمد الله إن ماعندنا شيبان ..
عندنا واحد مؤدب شوي تغرته ماتسمع
الظاهر إنك تسد مسكت مسجدنا .. ولا أنا واهم ؟

[أبو رُبـــــى]

أنت عطنا شيبان وخلهم يتاغرون ليل نهار

يا حبيلهم والله ( الله يرحم أبيي ) << والمسلمين .. يجي الحين واحد ويقول وراك ما دعيت للقصيبي

تغرة شايب .. ولا شباب لابسن لبسن يحوم التسبد وعليه شوشة كبر قريح وريحة عطر تجيب الطاعون من قل السباحة تلقاوه يسبح بالعطر وإلا نغمة جوالة اللي تجيب البس من العراق من شينه


يا حبيل الشيبان وتغارهم