 |
|
|
|
|
|
|
02-09-2010, 07:32 AM
|
#1 |
|
عـضـو
تاريخ التسجيل: Feb 2010
البلد: بريدة
المشاركات: 242
|
يومي الرمضاني 22 / 9 أكوس يوم بالعالم >> خخخخخ
 مدخل : گلَ دقيقه. . مَنْ عّمَرنا آنَفْاسّ لآ تّعَودْ . . فلَتگنْ لأنفْاسَگ . .حّـَلاوة الإستغفـَآر قمت من النوم الساعه 2 و تذكرت اني عازمة اهل بريده ستي بهاليوم .. أومييير أقوم و أقوّم خواتي و أصلي الظهر ,, عاد نزلت و لقيت أمي مشتله بالمطبخ ,, يا عمري هي أبوي و أخوي كلهم جايبين بطاطس و كل واحد ما دري بالثاني ,, عاد هي بلشت به شافته كثير و خافت يخرب قامت قطعته و قلته بالقدر الفرنسي عشان تقسمه بأكياس و تفرزله للزنقات .. وبعد لقيت المطازيز يهتوشن بالقدر هن و الحبحر و الليمون الأسود >> أبوي ما يحب الخرابيط أنتم مثلنااا .  عاد أنا قمت و عجنت عجينة الفطاير و هذي عجينتي ...  و يوم قضيت و أثر خواتي ينزلن عاد وحده منهن زينت عجينة البف و الثانية زينت الحشوات بس يا خساره نسيت أصور عجينة البف ,, و ورننا ابداعاتهن !!  و نقوم نصلح الفطاير و الخليه ..  و نزين البيتزا عاد أنا قلت خل اكتب على البيتزا عشان تصير مثل طورطة النجاااح >> خخخ تسمع بالجاتوه . المهم مالكم بالطويله و نطلع من الفريز الحاقات اللي خبيناها أبل رمضان >> اقلبت مصريه .. المهم هالحاجات هي : سمبوسه جبن و دجاج و سبرنق رول .  ويوم صارت الساعه أربع و ربع أومير نصكر باب المطبخ >> يعني تراهم قضوا .. تعرفون بهالوقت صلاة العصر و حنا عادتنا نخلص كل شي قبل العصر عشان نلقى العصر كله بيدينا يعني ما نضيع الوقت بالمطبخ .. صلينا و قرينا اللي كتبلنا الله من القرآن و يوم صارت خمس و ربع فتحنا التلفزيون و شفنا برنامج عيش صحاري على القناة الأولى و الله يا أنا أكره شي اسمه فريق الطلح ( أبعدوا الأبناء عن الضغط و السكر بتشجيع فريق الغضاااااء ) >> تسمع بالتشجيع .. المهم يوم صارت الساعه ست الا شوي أومير نقوم و نقلى البف و اللقيمات و نزين السمبوسه بالفرن .. و يوم بقى على الأذان خمس دقايق رتبنا الفطور ,, تمر و قهوه و القشطة و لقيمات و خليه و عصير و توت >> ترى عصير سيزر عليه تخفيض ببنده لا يفوتكم خخخ . الله أكبر ,, الله أكبر ... الله اني لك صمت و على رزقك أفطرت ,,ذهب الظمأ و ابتلت العروق و ثبت الأجر ان شاء الله ...  و هذي الخليه و اللقيمات كل شي حاطة عليه طريقته لا يردكن الا المطبخ ..  كان عندنا عشاء والدين يوم الأثنين و وزعنا على الجيران جريش من ايديات اميمتي الله لا يحرمنا منه و اليوم رجعوا لنا جيراننا الحافظه .  و بعدين قمنا و صلينا المغرب و بعد الصلاة تسمرنا عند التلفزيون عشان نتابع أحلى برنامج ,, اللي هو برنامج خواطر للمتألق أحمد الشقيري ,, هالمذيع يحسسنا أن اجدادنا كانوا ناس يستاهلون الحياة ,, اوب مثلنا الله يخلف علينا ,, وه وبس الله يعيد على المسلمين انتصاراتهم و تفوقهم بالعلم و كل ابو شي ..  و بعد البرنامج طيران عشان نحط عشانا قبل صلاة التراويح ..   و بعد العشاء رحنا نصلي التراويح و ما هنالي الا أصور لكم المسجد ..  هههههههههههه .. كأني أشوف أحد يقول وراه مسجدكم فاضي ,, يا خيتي حنا اللي نصك باب المسجد كل دايم لأن اللي يجيبنا يناقش أحوال الأمه مع اخوياه .. و عاد يوم جينا قعد أخوي يتعشى و هذا عشاوه ..  و حنا فتحنا على التلفزيون و شفنا صلاة الحرم و مع الصلاة شربنا القهوه مع شوي لابات !!  و حنا قاعدين نتقهوى جتنا أوخيتي و بزارينه ,, وه بس يا ملحهم !! عاد أوخيتي ام عمر ما قصرت جابت شيء و شويات معه ,,دوكم شوفوا >> بيتزا و تورتيلا .  عاد قعدنا و سولفنا حنا و أمي و خواتي ,, ويوم صارت الساعه 11 الا و برنامج ( كلمة سواء ) على قناة صفا ,, عاد ابوي الله يسلمكم يا ويل أسمع حس أحد منكم لا بدأ ... البرنامج طبيعته مناظره بين السنه و الشيعه و يمثل السنه الشيخ العرعور و الشيعه يا حول كل يومين يجي منهم واحد ثمن يهج .. و لاصارت الساعه 12 تبدأ حرب داحس و الغبراء ,, هي : أنا أبي الشاشه لك . هو : لا حطي العرعور خل نشوفهم . و كالعاده تنتهي بالعرعور على قولتهم عقب ما ينفجر راسي ,, قسم أحيانا ودي أغبي راسي فوق و أنزل . الساعه 1 و أخيرا قضى العرعور و جبنا الحلا .. الكريمه أمي اللي مسويته يا حبيله فازعة معنا !! و الحلا أختي هذيك اللي سوته >> عرفتوه ..  و يوم صارت الساعه وحده و نص راحت أختي و جذاعينه لبيته و حنا رحنا نصلي صلاة القيام أو على ما قال ولد أختي صلاة القيامه !! وكالعاده حنا اللي نفتح المسجد >> خخخخ . المهم ترى امامنا يبدأ يصلي الساعه 2 الا ربع ,, يصلي ثنتين طوال ثمن يفصل و يقعد يحدث عشر دقايق ثمن يرجع يصلي وحده و بعده الوتر ,, و نطلع ثلاث و ربع .. لا يفوتكم مسجدنا تراوه يبي يختم حتى إنه اليوم واصل سورة القصص >> اعلان لأخوه . أومير نجي لبيتنا و نتسحر من أنعام ربي ,, طبعا السحور نحطه بطباخة الرز لأنه ما عندنا بزران فكل البيت يروحون يصلون .. و هذا سحورنا ,, ترى ما يتسحر إلا أمي و ابوي و العيال و الا حنا يالبنات على قولة أمي تتميلحن !!  و عقب السحور كلن نحر منامه >> تعجبكم نحر منامه خخخخ حتى أنا و خواتي ما نقعد عند اللاب توبات بس نروح ننام >> لا أحد يعلم أمي !!  تررآآآآآآآآ تررآآآآآآآآآآآآآآآآ >> THE END تبي تعلمكم انه قضت .. مخرج : أستغفر الله ..أستغفر الله ..أستغفر الله ..  .
__________________
 Do not save my image |
|
|
|
02-09-2010, 07:44 AM
|
#2 |
|
عـضـو
تاريخ التسجيل: Apr 2010
البلد: ببريـــــده ق1
المشاركات: 228
|
يومتس عســل ياعسل
 وهـ يا أحمد الشقيري قسم إن برنامجه ماينمل أبد ودتس يبتل يحتسي ماشاء الله عليه سفرهـ دائمهـ
__________________
.
ر بي , ♥ اسألك - ! رآحههَ لأم : ( انجبتني ) . . ومَغفرة لأب خُتم بهً - أ س م ي . . ! . |
|
|
|
|
02-09-2010, 07:45 AM
|
#3 |
|
شيف مُميز
تاريخ التسجيل: Dec 2009
البلد: في قلوب المخلصين!!
المشاركات: 1,668
|
وعليكم السلام ورحمة الله~
وراهـ تسذا
يوم رائع .. قايمات من الظهر ماشاء الله  والله شكلكن سنعات ماشاء الله عليكم تاكلون مطازيز ماتميلحون مثل بعض الناس  وفطور أختتس وبزرانه يجنن  سفرة دائمة يارب والله يقبل  |
|
|
|
|
02-09-2010, 07:49 AM
|
#4 |
|
عـضـو
تاريخ التسجيل: Sep 2009
البلد: دنيا الله الواسعه
المشاركات: 122
|
واااو صراحه يوم حده رائع
ولا عاد الأطباق ماشاء الله مرره روووووووعه والخليه مرررره عجبتن ولاعاد المطازيز ماشاء الله عليكم تأكلونه برمضان وطريقتك بالفوتو اعجبتني علشان توضحين لنا الاطباق ولكم مسجد ماشاء الله عليكم كان ودي اني اجي اصلي بمسجدكم بس عسسى صوتك أخوك زين
__________________
لا حول ولا قوه الا بالله |
|
|
|
|
06-09-2010, 02:34 AM
|
#5 | |||||||||||||||||||||||||||||||||||||||||||||||||||||||||||||||||||||
|
عـضـو
تاريخ التسجيل: Feb 2010
البلد: بريدة
المشاركات: 242
|
أنتي العسل و الله !! تدوم أيامتس و نبض قلبتس يا شيخه .....
ايه قسم أسنع شي حنا >> ما تمدح روحه هع هع المطازيز أوب لنا هذا حق ابوي !! الله يقبل منا و منكم صالح الأعمال ......
وه بس يا لبا هالرد كل شي مدحتيه الا أنا !! ايه حياتو مسيدنا بحوشنا تعالي >> ما تكذب خخخخ
__________________
Do not save my image |
|||||||||||||||||||||||||||||||||||||||||||||||||||||||||||||||||||||
|
|
|
|
02-09-2010, 07:52 AM
|
#6 |
|
عـضـو
تاريخ التسجيل: Dec 2008
البلد: بريدة ديرتي
المشاركات: 2,026
|
ياحلو السفرة رووووووووووعه
يسلموووووووووو سفرة دائمة على قلوبكم وش السنع ماشاء الله تبارك الله
__________________
 hp?t=261973
|
|
|
|
|
02-09-2010, 07:55 AM
|
#7 |
|
عـضـو
تاريخ التسجيل: Jul 2009
البلد: يـاحبــذآ الجنـــة
المشاركات: 326
|
تراااااااا ترااااااااا
قوووة مستاااانسة لأني عجبني موضوعك الكوووشخة  تسلمين ع الفن الحلو كل شيء جونااان  وشسمه وين هوبه مسجدكم بجي  |
|
|
|
|
02-09-2010, 08:04 AM
|
#8 |
|
عـضـو
تاريخ التسجيل: Jun 2010
البلد: بريدة
المشاركات: 134
|
والله انتس صادزهـ انتي اكوس شي
وش هالترتيب والسنع والذرابه قسم بالله انتس جزتيلي<<<وش المطلوب طيب 
__________________
؛ أُرِيدُ الحُبَ فيّ قَلبٍ شَرِيفٍ’’ خُوذِينيِ ياَبِحَارُ إلِى رُبــاهـُ ؛ |
|
|
|
|
06-09-2010, 02:42 AM
|
#9 | |||||||||||||||||||||||||||||||||||||||||||||||||||||||||||||||||||||
|
عـضـو
تاريخ التسجيل: Feb 2010
البلد: بريدة
المشاركات: 242
|
يدوم نبضتس ياخيه !! و حياااتس بصفحتي ...
ترآآآآ تررآآآآآآآ >> تكمل المقطوعه .. الله يجعلتس دوم مستانسه ,, و الجونان أنتي خيتووو ..
أدري يا خلفهم إني أكوس شي !! وش رايتس تصيرين أختي ,, أوب شينه تراه ..
__________________
Do not save my image |
|||||||||||||||||||||||||||||||||||||||||||||||||||||||||||||||||||||
|
|
|
|
02-09-2010, 08:31 AM
|
#10 |
|
عـضـو
تاريخ التسجيل: Aug 2009
البلد: في بريدتنا الغاليه
المشاركات: 282
|
يوم رائع وأروع مافيه المطازيز
جزيتي خير على إرفاق الطريقة |
|
|
|
|
02-09-2010, 09:07 AM
|
#11 |
|
Registered User
تاريخ التسجيل: Jul 2010
البلد: في معرفي الآخر&زهور الجوري&
المشاركات: 2,736
|
يــــــــــــــوم رائـــــــــــــع
|
|
|
|
|
02-09-2010, 09:29 AM
|
#12 |
|
حرف راقي
تاريخ التسجيل: Oct 2009
البلد: بينَ أنفاسِ الحُروف ..
المشاركات: 2,502
|
وعليكِ السلام .. والرحمةُ والرضوآن ~ْ
/،ْ..
__________________
.. |
|
|
|
|
06-09-2010, 02:48 AM
|
#13 | |||||||||||||||||||||||||||||||||||||||||||||||||||||||||||||||||||||
|
عـضـو
تاريخ التسجيل: Feb 2010
البلد: بريدة
المشاركات: 242
|
الله مير يسلمتس !! و يجزاتس خير على ردتس ..
الروعه مرورك حبيبة ألبي ...
سيارات تصااااااادم !! >> بكم الدوره ؟! هع هع قسم أمزح بس جزتيلي !!! أخجلتي تواضعي خيتو بمدحتس بس أوب تقرين الطريقه و تنسين روحي و طبقي لا يروح تعبي هدر >> وش عليتس من الناس !! آآآمين الله يديم علينا و عليكم النعيم و العافيه !!
__________________
Do not save my image |
|||||||||||||||||||||||||||||||||||||||||||||||||||||||||||||||||||||
|
|
|
|
02-09-2010, 03:48 PM
|
#14 |
|
حرف راقي
تاريخ التسجيل: Oct 2007
البلد: بريدة
المشاركات: 2,409
|
ياختي مادري ورآآه دخلتي قلبي سيداااااااا
وهـ بس وقسم تهبيلن , عفواً يومتس يهبل > بدت تغازل البنت  تميزتي عن بقية البنات الـ21 اللي قبلك بـأنك أنزلتي الطريقة بدون ماحد يطلبك عشان ترتاحين وتريحين خخخخخخخخ ! جاااري تطبيق الحشوات , وتسلم لنا هالأديات وقسم جزتولي ودي نصير خوات ذذ موفقة ياعسل
__________________
 " عندما كنت طفلة .. تمنيت ان يرزقني الله ابناً , يشبه احلامي الصغيرة " |
|
|
|
 |
| الإشارات المرجعية |
|
|
النمط المتشعب
