[أبوسياف]

زوج يطلق زوجته بمايكروفون مجمع تجاري إثر تناولها ورقة من شاب معاكس

واقع - المدينة المنورة :

لم يجد زوج سعودي أسلوبا أفضل لإعلان طلاقه لزوجته بالثلاث إلا عبر المايكروفون الخاص بأحد المجمعات التجارية، الذي طلبت الزوجة التسوق فيه.

عند خروج الزوجة من مجمع في المدينة المنورة شاهد زوجها، الذي كان ينتظرها خارجا، شابا يعطيها ورقة في يدها ووضعتها في حقيبتها وركبت السيارة.

وأضافت أن الزوج قام بأخذ حقيبتها بالقوة وبتفتيشها وجد ورقة صغيرة بها رقم هاتف فطلب منها النزول مرة أخرى ليدخل المجمع ويطلب من أحد المسؤولين فيه المايكروفون لينادي على زوجته معلنا طلاقه منها، فسقطت على الأرض تجهش بالبكاء، في حين تركها الزوج وانصرف.

[دوله الاحزان]

وجعان ذا

مهوب تسذا يعلاج الموضوع بتشهير قدام خلق الله ويطلقها

ويوصلها بيت اهلها وهمن ورقتها تجيها بدون نزعات ولاهم يحزنون

[•°انكسار الأماني°•]

هذا الزوج تافه جداً جدا ,

لأنه لو فكر شوي بيعرف إن زوجته ماأخذت الرقم إلا من جفاه ..

الله يرحم الحال بس ..


.

[سفيان الثوري]

اقتباس المشاركة الأساسية كتبها •°انكسار الأماني°• هذا الزوج تافه جداً جدا , لأنه لو فكر شوي بيعرف إن زوجته ماأخذت الرقم إلا من جفاه .. الله يرحم الحال بس .. .

قال تعالى { وَقِفُوهُمْ إِنَّهُم مَّسْئُولُونَ }

كيف حكمتِ أن الرجل جافي مع زوجته ( قبل هذه الحادثة ) هل تعرفين هذا الزوج !!!

فماذا ستقولين يوم القيامة إذا خاصمكِ هذا الرجل بما رميتيه به !!

[•°انكسار الأماني°•]

اقتباس المشاركة الأساسية كتبها سفيان الثوري قال تعالى { وَقِفُوهُمْ إِنَّهُم مَّسْئُولُونَ } كيف حكمتِ أن الرجل جافي مع زوجته ( قبل هذه الحادثة ) هل تعرفين هذا الزوج !!! فماذا ستقولين يوم القيامة إذا خاصمكِ هذا الرجل بما رميتيه به !!

والله ياسيد ماكتبوا إسم الرجل بالخط العريض بحيث أكون حكمت عليه ..
يبقى إنسان مجهول مانعرف عنه غير حروف كتبت عنه ..
والأمر الآخر ياسيد لايمكن في مجتمعاتنا ( بنت ) وأخص بحديثي البنت بسسس دون الولد ..
لايمكن تغلط وهي عايشة حياة كويسة ومستقرة في بيت أهلها أو بيت زوجها ..
طبعاً هذا يخضع لمقدار الوازع الديني , كلنا نعرف إن اللي عنده خوف من الله بيكون رقيب نفسه حتى لو حياته مش ولابد .
لكن الكلام عن اللي ماعنده رادع ديني والإيمان رهيف بقلبه وظروفه شينة تساعده على الغلط , طبعاً بيغلط ألف مرة ومش مرة بس ..


لاخاصمني بقول مافي دخان من دون نار ..


//

اقتباس ولكن عندي سؤال ماهو مقياااس الجفاء ؟؟؟؟؟ وهل توصل انها تخونه ولكن اذا كان مقياااس الجفاء " تعامله سيء " فليس مبرر لها الخيااانة

ماللجفاء مقاييس .. فيه رجال سيئين مع زوجاتهم , فيه رجال متزوجين بنات أصغر منهم ولاهن بمستواهم العمري ,
فيه رجال معددين وغير عادلين , فيه رجال يلعبون ولاكأن زوجاتهم يملكن مشاعر تجاه أفعالهم السيئة ,

وفي المقابل فيه حريم الوازع الديني قليل والعقل متشتت , لاصار الفارق العمري بينها وبين زوجها كبير راحت تبحث عن الملائم لها .
إذا زوجها منكد عليها عيشتها دورت اللي ماينكد عليها لو بالحرام , إذا زوجها راعي لعب تحاول تنتقم منه بنفس التصرف ..
وأعتقد ماهي بعيدة قصة طرحت هنا , بنت تغلط بسبب زواجها من رجل كبير بالسن ..
وكذلك قصة قرأتها زوجه تنتقم من زوجها بتكوين علاقة مع أخوه لما عرفت إن له علاقة ببنت جيرانهم ..

نحن على بالنا الناس كلهم ياسلام سلّم , ترى البعض يمرون بظروف تجبرهم على فعل الخطأ ,
ظروف تحتاج لإيمان قوي بحيث يتعداها الإنسان , وللأسف إذا الثقافة الدينية في مجتمعاتنا أقل من ضعيفة .
وإلا العقول من زمان لك عليه هه


//

اقتباس لكن ليش ماتكون مسألة ادمان مسبق لأن مشكلة الادمان على الشيء لا يمكن الخلاص منه بدون قوة عزيمة و ارادة

لاأستبعد الإدمان فمن شب على شيء شاب عليه , لكن حتى لو كان إدمان اللوم يقع على الزوج بعدم حسن الإختيار ,
بالله إنسانة راعية سوابق كيف يتزوجها ؟؟ ليه مايسأل عنها ؟؟ معقولة مايعرف أهلها مايعرف عنها شيء ؟؟
كذا خراص خطب وتزوج ؟؟ هذا غلطه إنه يرتبط بناس مايعرف أخلاقهم ولاطريقة تربيتهم ولاعود عنهم ..

الزوج في كل الحالات , له سهم بإنتاج الخطأ .. وطبعاً قوة السهم تختلف بإختلاف الحالة ..


..

[سوآلف حرف]

الله يعافيهم ولا يبلانا

>>كل الاثنين مخطين

[شمعة حنين]

ابد أسلوب مب راقي

من ستر على مسلما ستر الله عليه يوم القيامه

المفروض ما سوى كذا و هي بعد

الله يهدي الجميع ...

[الـعـابـر]

مهما كان السبب فالطريقة جداً رائعة و قد قام بالعمل المناسب
اتعجب من بعض الاعضاء يضع المبررات لفعلتها المشينه بوضع الزوج هو المتسبب لما فعلت
إلا إن كان قد عاشر و جرب هذا الزوج من قبل

[•°انكسار الأماني°•]

^^

أجل جداً رائعة هع هع ماشاء الله عليك قوي وشخصية < هذا اللي تبيه يقال عنك هه

أسمع طال عمرك , مافي زوجة تلف وتدور من ورا زوجها وهي عايشة حياة كريمة معه , لايمكن فيه ,
هذا مش تطهير لفعلتها , نعم مخطئة وغلط تطلع مع رجل ولكن يبقى الزوج المتسبب الأول بقدومها على هذا الفعل ..


كلامي ماراح يفهمه إلا الرجل بحق , ماعدا ذلك بيجون يصفقون لحركات الطيش والتشهير والفضايح وحنا أقوياء مادريوا إنهم يفضحون أنفسهم وعيالهم قبل بنت الناس ..
هذي زوجته وقد تكون أم أولاده وتشهيره بالمايك عنها دليل غباء وإنعدام رجولة ولو كان يتمتع بذرة ذكاء ونفحة شهامة لحسب لسمعته ألف حساب ..


لكن كثير من الشباب الرجولة منا وهم مناك .. ولاعليهم شرهه , أنا أبارك للزوجة طلاقها من هالذكر الغبي ..


..

[الـعـابـر]

اقتباس المشاركة الأساسية كتبها •°انكسار الأماني°• ^^ أجل جداً رائعة هع هع ماشاء الله عليك قوي وشخصية < هذا اللي تبيه يقال عنك هه أسمع طال عمرك , مافي زوجة تلف وتدور من ورا زوجها وهي عايشة حياة كريمة معه , لايمكن فيه , هذا مش تطهير لفعلتها , نعم مخطئة وغلط تطلع مع رجل ولكن يبقى الزوج المتسبب الأول بقدومها على هذا الفعل .. كلامي ماراح يفهمه إلا الرجل بحق , ماعدا ذلك بيجون يصفقون لحركات الطيش والتشهير والفضايح وحنا أقوياء مادريوا إنهم يفضحون أنفسهم وعيالهم قبل بنت الناس .. هذي زوجته وقد تكون أم أولاده وتشهيره بالمايك عنها دليل غباء وإنعدام رجولة ولو كان يتمتع بذرة ذكاء ونفحة شهامة لحسب لسمعته ألف حساب .. لكن كثير من الشباب الرجولة منا وهم مناك .. ولاعليهم شرهه , أنا أبارك للزوجة طلاقها من هالذكر الغبي .. ..

كلامك فيه قليلاً من الواقعية
لكن ليش ماتكون مسألة ادمان مسبق
لأن مشكلة الادمان على الشيء لا يمكن الخلاص منه بدون قوة عزيمة و ارادة
اليس بعض الرجال يفعل العادة السرية وهو متزوج من امرأة جمع الله فيها جمال الوجه و الاخلاق و العلاقة ؟

[دفا]

^^^^^
انكسار الاماني

انا لا اقول ان كلامك خطاء فانتي ابخص بكل كلمة تقولينها !!!!!!!

ولكن عندي سؤال ماهو مقياااس الجفاء ؟؟؟؟؟ وهل توصل انها تخونه

ولكن اذا كان مقياااس الجفاء " تعامله سيء " فليس مبرر لها الخيااانة


مع اني ضد الفكرة اساسآ ان يقوم هذا الزوج المعتوه بفعلته ؟؟؟ ولكن لكل فعل رد فعل


و قد ابرر عمل المرأة بانها اخذت رقم الشااب بسبب انها تضايقة من الوسخ واخذت رقمه علشان تفتك منه وكثير نسمع مثل هذي الحركااات ان المرأة تتصرف هذا التصرف لتتجنب شر هذا الشاااب
لان بعضهم يبي يتعرف على البنت بالقوة مع ان سواء بالطيب او بالقوة شيء مقزز وشيء مقرف
ان تبيع الفتاة شرفها وان يبيع الشااب عفته مقابل شهوة ساااعة

اتمنى قبول رأأأي المتواضع

[تيمو الطايف]

الله يعطيك العافيه مشكور

[فخري اني قصيمي]

أضم صوتي لــــــــــ أخ دفا

[المحرومه]

يحسب الي سواه مرجله لو فكر شوي كان فهم لانه المره مراح تاخذ الورقه لاوتدري انه مكتوب فيها رقم وهي الشارع وتدري انه زوجها برا وثاني شي كثير من الناس يوزعون اوراق فيها عرض طبخ بيت ولا افتتاح مشغل مهب مفكره الوحده انه رقم مدام انه ما سوت شي وانتم ذكرتو انه اخذته وعلى طول حطتح بشنطتها يعني ماشافت وش فيها لانه مستعجله تخاف تتاهر والرجال يوم انه ينزله ويسوي فيها كذا هاذا مهب انسان حيوان وهمجي