[محتاجه لك]

نهى وجارتها الاستراحــــة

--------------------------------------------------------------------------------

وكل عــــــــــــام وانتم بصحه وسلامه قبل الزحـــمه

ندخل ف الموضوع

نهى: متزوجه حديثا من أحمد ومتخرجه من سنه وجالسه في البيت بدون وظيفه >>>اهم شي الوظيفه
احمد:زوج نهى>>احلفي متخرج و متوظف ف شركه حكوميه براتب ممتاز
نبذه عن ابطال القصه

نهى: دخلت المطبخ كالعاده تجهز الغدا
احمد: توه راجع من دوامه الساعه 2دخل المطبخ هلا نهى هاه وش غدانا تراني ميت جوع
نهى: دقايق ويجهز رح بدل ملابس ع بال ما اجهز السفره
احمد: طيب لاتتأخرين ترا ابتغد وانام
نهى :ف المطبخ تجهز السفره عشان تحط الغدا
راحت لغرفه احمد يله جهز الغدا نهى +احمد جلسو ع السفر تغدو كان بينهم نقاش خفيف بعدها راح احمد ينام وسحبها لحد 6 المغرب صحى من النوم مطيوووور كالعاده صلى بدل ملابسه وطيراااااااااااااااااااان للاستراحه عنده دوري اليوم مع الشباب
نهى: ف المطبخ تغسل صحون الغدا احمـــــد بتطلع ؟!
احمد: ايه وش شايفتني اسوي اكيد ابطلع >>>ماينلام متأخر ع الدوري
نهى: طيب ابي محل اليوم اروح له ضروري
احمد: بعدين بعدين ماتشوفيني لابس الا تذكرين السوق
احمد :وصل للاستراحه سؤاله المعتاد للشباب عسى ماتأخرت عليكم
الشباب بصوت واحد لاعادي يالله هي احمد وفلللللللللله مع الشباب بالدوري
نهى :جالسه عن t.vتكلم نفسها تأخر احمد ولازم كل يوم كذا ياربيه بس وهذي حياتي انا>>>>كل هذا وهي تكلم نفسها
نهى :ترسل مسج لاحمد متى بتجي ابي انام؟
احمد نامي من ماسكك
نهى: تدري اني ما انام لين تجي
احمد:شوي
نهى: طيب
نهى يالله راحت ساعتين ع هالشوي حقته وصارت الساعه 4 الفجر
شرف احمد ع الساعه 4 ونص وسيييييييييييده ع السرير
نهى :تلاقطت هي وياه كالعاده ونامو

كل يوم ع هالموال ماتشوف احمد الا ع الغداء بس
وباقي الوقت ف الاستراحه ولا نايم
واشياء كثير تنقصها وتنقص البيت غير احساسها بالوحده طووول اليوم

كثير من البنات يعانون من هالشي خروج الزوج المتكرر ولمده طويله للاستراحـه وتجاهلـه مسؤولياته كزوج!




بنظركم هل للزوجه حق بالنقاش والجدال حول موضوع السهرفي الاستراحه المتكرر يوميا وبالساعات الطوال؟!!!

هل من حق الزوجه مطالبه زوجها وشريك حياتها بحقوقها وهي الجلوس معها وقضاء بعض الطلعات العائليه ؟!!


سؤال اخير
ماهو الحل الامثل لمثل هالموقف ؟!!!


انتظر ارائكم حول الموضوع

[مجهربريده]

السلام عليكم ورحمة الله وبركاته
الله أكبر ، الله أكبر ، لا إله إلا الله ، و الله أكبر ، الله أكبر ، ولله الحمد
أختي العزيزه هذه ليست مشكلة نهى وأحمد فقط
بل مشكلة الكثيرمن الأزواج مع زوجاتهم لعدم أدراكهم للمسؤوليه الملقاة على عاتقهم بعدتطليقهم لحياة العزوبيه
فكما للزوج على زوجته حقوقا كفلها له الشرع فكذا للزوجة حقوق على زوجها كفلها لها الشرع
وكل منهما مسؤول أمام الله سبحانه عن تضييعه لها
وعلى الزوج أن يخصص جزء من وقته للجلوس مع زوجته ولقضاء حوائجها وللخروج بها للفسحة المباحه خصوصا في السنين الأولى لزواجهما لعدم وجودمايشغلها داخل البيت من خدمة أولاد ونحوه
والرجل الحكيم يستطيع أدارة وقته بالطريقة التي يتمكن من خلالهامن الوفاء بحقوق زوجته وأبنائه وبيته ونفسه دون أفراط في جانب أوتفريط في جانب آخر
أسأل الله التوفيق والسداد للجميع

[أ. طنيبه]

أكل + شرب + نوم = مفهوم ثلاثة أرباع السعوديين ( للزوجة )

ياعزيزتي ، موضوعك هذا مهم جداً .. وأنا أستغرب من التفاعل مافيه الا رد ويمكن الرد الثاني أنا ( بينما الي المواضيع الغير مفيدة مثل ، انا عضو او عضوة جديدة رحبو فيني نشوف الردود 32455 ) ..

نرجع لموضوع :..

يعني الحين يوم انك مانت قادر على المسؤولية ، ليه ترز وجهك وتتزوج ..!!

أنا استغرب من البعض الي تنقصه " ثقافة الإرتباط " .. والي أعتقد ماتأمن عليه ( قيمة ريال على سندوتش ) فمبالك تجمعه مع بنت يعتقد أنها سلعه بمجرد قدم لها ( مهر ) متى ما أشاء رحب فيها ومتى مالم يشأ عطاها ( بلوك) ..

بعض ولاة الأمور ( الأم ـ الأب ) .. يجدون أن بزواج أبنهم ( الصايع الضايع ..إلخ ) هو ( هدايه له ) .. ( أنا لا أعترض قد يثمر ذلك ) ولكن ألهذه الدرجة أصبحت الفتاة( محل تجارب للشاب ومرشدة اجتماعية قد تنجح وقد لاتنجح ثم ماذنبها وهي حملت بطياتها أفكار لمستقبل رائع وحياة سعيدة وتفاجئت بحماقة البعض أنها أحد الحلول ) ؟؟

صورة مع التحية لفوزية الدريع ..

ردود بعض الامهات والاباء ..

- أقبلي فربما القطار قد لايأتي مرة أخرى .

- حتى وأن كان كذلك فانظري فلانه قبلت وهاهي الآن < وتحصلونها متحطمة بس ساكته عشان ( الطفل الي معها ) ..

- راح عمرك وترفضين فلاان وعلان ( بالاخير البنت تقبل عشان توسع عن أهلها ) ،.. < عقول البعض ههه نسأل الله السلامة

وتصبح البنت ( في دوامة ) وتتحطم احلامها ومستقبلها ، وأكيد باللحظة هذي تصبح ( غريبة ببيت أهلها ) وقد ترضى من أجل التجربة ( وأمها وشصار رديتي ، ترى الرجل ماراح يتوقف عليك ، وابوها يحن على أمها ، ومو بعيدة الشغالة تدخل بالموضوع وتعطي تجربتها بجاكرتا و و و و ..إلخ ..

والنتيجة 1ـ نسبة الطلاق تزيد الضعف 2ـ ارتفاع نسبة العلاقات غير الشرعية 3ـ مهند وطقته أصبحوا مستقبلهم الذي ينتظرونه 4ـ عنف أسري 5ـ تثبيت التوبيك الي بعنوان ( تساوت عندنا لحظات المفارق والوصال ) ..

طبعاً قد يأتي فضولي ويقول ( اسمك نورة ؟ أو بدرية ) والسبب اني قلت وجهة نظري كوني رجال ضد البعض من الرجال وهذا حيادية وقبله واقع ..

السبب باقتناعي أن المرأة تستحق أكثر : ( هي لاقيتها من وجودها بالبيت 24 ساعة ، أو الوظائف الي تنتظرها بعد ماحصلت على شهادة البكالوريوس أو من بعض الأزواج ) ..

بالنهاية والختام ( يعجبنــــــي الغـــــــرب ) .. بنقطة وحدة قد البعض يختلف معي فيها خصوصاً بمجرد مايشوف كلمة ( الغرب ) الا وهي ..

قدامه بنات ويكون اصدقاء ويجلس معاهم يطلع ويدخل ويسرح ويمرح على قولتنا وينام ويتغدى ويقضي اوقاته مع صديقته .. بس مايتقدم يتزوجها ( الا بقتناع تام انه يسعدها ) بعكس الي موجود عندنا وهم اذا توفرت ( الاكل ـ الشرب ـ النوم ) سحب على الزواج ..

فرصة سعيدة ..

[محتاجه لك]

معليش ماردت على الموضوع >>لظروف

مشكورين على ارائكم وفعلا هاذي مشكله يبي لها حل

مستغربه وين الناس مافي ردود>>الله يسامح الجميع

مشكووورين ودمتو بود

[طير غيمار]

مؤلمة جداً حالة نهوات وليست نهى واحدة..

قلة الوعي لدى الزوج , وعدم شعوره بالمسؤلية هي أعظم الدوافع التي تدفعه لتهييت البيت ..

لعل الأسلوب المباشر مع أحمد لايجدي , بل تتحيل له الفرص , وتشعره بالمسؤلية , وتفاجئه بما يحب..

وتدعوه لوجبة عشاء..

ومع هذا أقول لعلها تجدي..!!

كان الله في عون كل زوجةٍ في هذه الحالة..

[دفا]

اصلا الشاب قبل يتزوج 24 ساعه بالاستراحه

شي طبيعي بياخذ وقت ويتغير

الاهم هل الزوج يحترم زوجته ولاقصر معها بشيء

لان بعضهم يبيله قرصه اذن تلقااه ماجاء على باله
هالشيء

برأيي

اذا الزوجه طول معها الوضع حيل والزوجه ماتستحمل
تقوله انا ما استحمل فراقك كل يوم تجلس وتخليني
بالبيت

وتحاول تتحايل عليه انها مثلاً تخاف من طول الجلوس لحالها
او مثلاً تطلب الذهاب لاهلها تجلس لين يرجع للبيت

يعني يوم يوم حتى يحس بغلطته !!!!

لكن اغلب الشباب مع مرور الوقت يخف عن الاستراحه
بس هي فتره اول الزواج


v v v
ونقطة اخـــــــــــــــــــــر السطر

محاولة اعطاء الزوج هدية كتاب او شريط
بخصوص الموضوع
لان ااغلب الشباب مايحس بهذا الشيء
ولو تقول له انت تسوي كذا
يمكن يرد عليك انا مادريت ان زوجتي تعاني
من المشكله ويمكن يقول ليه هي مسكته ماتتكلم
بعض المواقف تتفاجاء من ردود الزوج لانه
انسان متعود على الشيء ولا احد نبهه


مجرد رأأأي

[البلح]

الله يكتب اللي فيه الخير

[بشروه اني ابرحل]

آآآآسفه حبيبتي وهذاني انا رديت

يمكن مايكون اللوم كله على الرجال

حتى بعض الحريم يرفعن الضغط فليش الرجل مايطلع

قسم ودي بعض الأحيان ودي اقوم على المره واطحنه<<تراي لاحمقت مابي ملح

تجيك تشتكي من قلة جلوس رجله

وهي السبب

ولا لاصارت هي تطلع ماتسأل عنه ولو تجلس بالبيت بس يوم

شالت الدنيا<<هذي يبيله يتزوج مره ثانيه عشان تتأدب

نصيحه لكم ياشباب لا تتزوجون والله احسن العزوبيه

وش معجلكم على الشقى ووجع الراس

لكم احترامي

[1مهستر]

^^^

بصراحه نصيحتك على العين والراس ..

بس وش انسوي >>نبي بزران نمطخهم ونجغفهم

اموت عالاطفال..

[بشروه اني ابرحل]

عادي فيه شي اسمه (تبني)ولا بعد لك اجر

ولا قسم الزواج ماوراه الا المشاكل

لو انا مكانكم وش يحدن على وجع الراس

لكم ودي

[محتاجه لك]

بشروه اني ابرجل >> وش هالنصايح الله يهديك خليهم يعرسون ويخف عندنا لقب عزوبي

شوفي فيه بعض الحرييييم صدق لوهو مايطلع ومو راعي استراحات كان تقول اوووف وراه مايطلع مليت منه >>

ولوهو يطلع 24 ساعه برضوووا بتقول وراه مايجلس وبتحس انه مقصر معها ..

فااحسن حل انه يكون مساوي يعني مو24 ساعه يطلع لا يخفف من طلعاته وبس وانتهى الموضوع .. مجرد راي ..شاكره مروروكم ..

[بشروه اني ابرحل]

اقتباس المشاركة الأساسية كتبها محتاجه لك بشروه اني ابرجل >> وش هالنصايح الله يهديك خليهم يعرسون ويخف عندنا لقب عزوبي شوفي فيه بعض الحرييييم صدق لوهو مايطلع ومو راعي استراحات كان تقول اوووف وراه مايطلع مليت منه >> ولوهو يطلع 24 ساعه برضوووا بتقول وراه مايجلس وبتحس انه مقصر معها .. فااحسن حل انه يكون مساوي يعني مو24 ساعه يطلع لا يخفف من طلعاته وبس وانتهى الموضوع .. مجرد راي ..شاكره مروروكم ..

ايوه حبيبتي
بس انا مالي خلق المره اللي تجيب زوجه على مزاجه

يبقى ان الرجل له شخصيه<<يعني مو كل شوي وين رايح ومنين انت جاي

قايلتلكم قلق الحريم

المفروض الرجل البالغ يعطى الحريه التامه ومن دون تفريط

يعني اذا صار زوجي<<اذا تزوجت خلوق وعاقل ليش اطارده بالأسأله

بالعكس اعطيه الثقه التامه

والرجل اذا شاف زوجته واثقه فيه مستحي يخونه

اما اذا صارت شاكاكه فيه

والله بيسوي اللي هويبي<<ماعقب شك المره شي

لكم جميعاً احترامي

[1مهستر]

اقتباس المشاركة الأساسية كتبها بشروه اني ابرحل عادي فيه شي اسمه (تبني)ولا بعد لك اجر ولا قسم الزواج ماوراه الا المشاكل لو انا مكانكم وش يحدن على وجع الراس لكم ودي

الضنا غير ..

الولد اذا صار من لحمك ودمك غيييييييييير ..

والله اني ماابي العرس .. بس عشان الذريه ودي اعرس ..

بالتوفيق..

[بشروه اني ابرحل]

اقتباس المشاركة الأساسية كتبها 1مهستر الضنا غير .. الولد اذا صار من لحمك ودمك غيييييييييير .. والله اني ماابي العرس .. بس عشان الذريه ودي اعرس .. بالتوفيق..

بالتوفيق انشاء الله

هين انت حالتك مستعصيه

لازم امك تستعجل بالخطوبه

وذا تبون ادور معكم ماعندي مشكله

(عقبال انشاء الله ماتزدحم بيتك بالبزارين)

تمنياتي لجميع العزوبيين بحياة سعيده

من دون الجنس الناعم<<حاقده وبقوه على الشباصات