أمي تقول وشلوون نـزوجـك وأنت تسذآآ ، وش هآآلسوات يآآآعيال أخآآآف ما يزوجونن

جـلـوكـوز · 15-11-2010, 03:20 AM

يا سلام عليكم

يالله ترزقك يالله تعدّي عنك ياعلّي ماذوق حزنك ياطعمه ياقريرتي منهوله هالوليد ياناس << جدتي جبتله ماء ذذ
اعذرونا على القطاعة تعرفون ظروف يالله ان الشكوى لك ، تولم وفل حجرك كانهم دارين عنك

نبدأ الآن بالنشيدة المرهّمه
آآآه آآآه آآآه يابطني آآآه آآآه آآآه يابطني
صور لي الدكتور بطني فرجالي ست الكبَوسة ( تدليع كبسة بلهجة اخويانا السواوره << سلكو

)
قاعده جوّى مبسوطة بسيطة ياكبّوسة

والله لا آكل كراث وراح أنسى هالكبسات وراح أشرب معه زنجبيل مابدي دهن وكشنات
بالكراث والزنجبيل عندي حملة تخريطات
^^^
كل الهذرات اللي فوق تراهن مقدمات للموضوع بتاعي فنرجو منكم التسليك

تخيّل تقول لك امك وشلون نزوجك وانت تسذا ، تصدقون انقزت مر بتسبدي عجزت أهضم الكسحه

لا صدز تخيّلوا >> حطوا سحابة فوق روسكم وتخيلوا
كيف راح أواجه المجتمع بدون زوجة؟ كيف أدخل العثيم والنخيل؟ كيف من يغسل ويتسوي خلاقيني؟
كيف أمنع التدرِّبي من على السرير علشان ما أمسط على الأرض ذذ ، كيف يجين ورعان و ورعانات؟
كيف وكيف وكم من كيفات لن تتحقق الا بوجود الزوجة
على طاري الورعان تصدقون منوّل يلعبن علينا الحريم ويقولن البزارين نجيبهم من البقالة >> وحنا ياويلي على الشيلة علطول نصدق << قل أنا مهب حنا

عاد يوم كبرت شوي وعرفت إن المره تحمل قلت لحدى الحريم وشلون ينتفخ بطنك

قالت لي أدعي ربي إن ينتفخ بطني ثمن ينتفخ >> شفتو ما شاء الله دعاء الحريم الأولات مهب زي هالتاليات يداعن ويطاطن على غير سنع << مصدق

عاد يوم كبرت شويات سألت وحده وقلت وشلون تضني المره يعني وشلون يطلع البزر << قرقرته واجده

بلشت وشكله تقول وش هالنشبه ذا وراه متسلطن علي

هي ماوده تقول انهم يشقون بطوننا تخاف أشق بطن أحد أو انه ما وده تخوفن
ومير تقول لي إن ربي يخلًي خشتي (اثمي) كبيييرة هآآآآآآآلكبر ثمن أكح كِح ثمن يطلع << أجل هي حبة رز غاصتنّبه

وأنا مازلت على نياتي وتراي للحين ما أدري وش السالفة

<< اللي يعرف يفيدنا عبر الرسائل الخاصة

المهم أحس ان رحت للغويط وسحبت على زبدة موضوعي
السالفة بهالفايت امي شافتن وأنا أنز
النز لغة : هو الفز والخوف والتفوّه بكلمة مثل يوووومآآآه أو بسم الله
النز قصمنجية : النقز والنطنطة والتخرِّع تقل مقروص وترمش اعييناتك << بدأ يسولف ذذ
يطلق عليهم أو يعيّرون أحيانا الذروق الذريقة النِزّيزِه
المراد الوالدة يوم شافتن أنز قالت وااخزيااه ياوليدي هذا وانت كبر الثور تنز

وشلون نزوجك أجل
المهم ما علينا ولا عليكم ذذ
بعض المرات تخطم عليك بسه وأنت داخل البيت وما تدري إلا وأنت جالس تفحط بالحوش من الذراقه تقل خاطمن عليك جني أسود >> يعرف يشبّه

وأحياناً تمر فارة من تحت رجلينك ثمن تبدأ تناقز وتحب الغمى من قوّته

ذولي يمكن أهون بس عمركم شايفين واحد يخاف من جرادة ، جرادة الله لا ينقصنا
حدى الأيام ركبت السيارة ومير ألقى جرادة بنت اللذينا و أهشّه ومير تطير وراء بالمرتبة الوراوِيّة
المهم مشيت وخليت لمّبة السيارة مولعة وجلست أطالع فيها كل ثانية صرت أشوفه أكثر من اِني أشوف طريقي ورقبتي انّفصّت من كثر الالتفات
الماخوذه وأنا أسوق ومير تطير وتمر من عند وجهي وأمسك جلنط بوسط الشارع وأفتح الباب وأنزل وأبدأ أنفّظ ثوبي وألحّط راسي ، أحس انه دخلت تحت ثوبي
لَعَلّه راحت الله لا يعيده من جرادة بنت الكفت والله ياهي ما تستحي ولا تراعي شعوري ما تدري اني حساس للكائنات الحشرية

شعري طلع مهجّن أبيض بأسود من النزّات
بس زينتي إني أنز على الصامت يعني ما أصرخ مثل الحريم والشغالات << عمركم شايفين شغالة اوب حريم

شغالتنا كد شافت جرذي بالتوليت ذذ ومير الله لا يواخذكم تشغّل صافرات الانذار وتهج على كفرين وتجدع الغدفه مدري الغطوة
<< ليت الجرذي من مبطي جاي علشان أشوف الكشّه

من قوتّ صرخته صار الجرذي كفيف ما يسمع

بس الحمدلله فك الله عقله
تصدقون اخاف لا رحت أخطب يقولون ما حنا مزوجينك أنت راعي نزّات
وش هالسوات مع اني الحمدلله أقرأ وردي يوميا بس غصبن علي أنز ، صدزز منتب تنزّون زيّي

عطشان والكأس مكسور !! · 15-11-2010, 03:25 AM

بوووووووووووووووووووووه

عشااان تنز صدز

هالحين أمك ذي أيقاله أم
أولاه ما تقدر تراعي مشاعرك شوي << ايقاله فاهم بالإنسانية
وإلا أنت اصلاً وشوله تعرس ؟؟
عندك أخت وإلا شغالة تكوي ثيابك وتطبخ لك
وبالليل هاه تدري وش تسوي
وصلى الله على محمد

**أبو غــلا** · 15-11-2010, 03:37 AM

هههههههههههههههههههههههههههههههههههههههههههههههههه هه

اقتباس


	( تدليع كبسة بلهجة اخويانا السواوره << سلكو )

بآنت يآحبيلك وراك مبطي

اقتباس


	وأنا مازلت على نياتي وتراي للحين ما أدري وش السالفة

أنا مثلك .. لآمنك عرفت قلي

أجل تنز ..

واخزياه بس ذا طولك وذا عرضك وتنز .. شلون لو نزوجك ؟
تخيل مرتك ينفتح اثمه قوة وتبي تالد .. وش تسوي انت ؟

الله يصلحك بس

ولد حمد · 15-11-2010, 03:37 AM

ويوم كبرت شوي

,,

لازم تثبت لأمك انك شجااع وانه ما يهمك الشعب السعودي الكريم ,, عاد أنت وشطارتك باثباتك لامك

صدق من قال من طول الغيبات جاب الغنايم

عبوود · 15-11-2010, 04:41 AM

ياهلا والله ومسهلا بالقطوع

شف الله يسلمك

النز مشكله تسايده والله يكوون بعونك لاكن الله الله بتكثير الاستغفار ان شاء الله انه راح تفيدك وانت جربه وبتدعيلي

, وخل عنك كثر الهواجيس

والسهر تالي اليل

بالتوفيق

النهضه · 15-11-2010, 04:53 AM

ههههههههههههههههههه

والله انك منسم اجل اللحين ماتدري لالا حنا يقلون يشقون بطنه ويطلعونه

wméédh · 15-11-2010, 06:18 AM

جلوكوز وانا اقرا موضوعك تذكّرت يوم اطلّع الدفتر الأخضر .. تقول امي خلاص انت طلعت من يدي الحين ولا اعرفك ولاتعرفن واذا جيت تبي تعرس ماعندي استعداد اروح اخطب لك واغش خلق الله

..تبرّت من اميمتي تقل مطلّع صك خروج من الملّة

.. لاحظت انهن يدورن الزلات علينا تقل عيال الجيران حنّا

واحد اعرفه راح يخطب من عايلة والرجال كفو ومتوظّف ومزيون حبتين وبار بوالديه ويحافظ على الصلاة ولاهوب يتتّن وسمعته طيّبة وزود على هذا موافق على شروطهم

.. يعني حب ايديك وهي مقلوبة ياالجعل اللي جاك مثل هالرجال

عاد وش مسوي ابو البنت جايك ورايح للجوازات يدور بملف الولد يبي يشوف هو طالع للبحرين والا لسوريا / شف شلون يدور شي على الولد .. هذا يحسبه حرص وهو وسواس

< قال وسواس ياعيال ذذ

موضوعك يابوتركي قصير كانه حدا فساتين حليمه

وحلو كانك تشوف خشيشك ياخلفهم

.. بس انا ماادري وش تبي بالظبط .. ماادري انت المشكله الحين بامك مهب خاطبتن لك او انك انت تفزفز من هالمخلوقات المقرفة .. انا ان جيت للحق فأنا ماينقصن جزامه

بس اني لاشفت هالحاجات ذولي يكعشر جلدي ولا اطيق يقربن حولي .. والعيال ماسكينه نقطة ظعفي اقالهم

.. يشغلك يبدا يلاحقك ويراكض وراك عشان ماسكن بيده جرادة والا حشرة من هالحشرات .. على باله ماسك عقرب والا كوبرا هالغبي

همّن يجي ويتشرّه عليك اقاله خَرَم رجولتك .. صدز ان وجيههم مغسولة بمرق سمك له ثلاثة اسابيع بالثلاجة

جلوكوز يالشمبازي والله لك وحشة

بشّرنا عن الوالد ؟

**Leader.20** · 15-11-2010, 08:50 AM

,,

,

ّّ هذا المستخدم فاقع من الضحك

كثر النزّات تموت القلب ,, كم نزّه وتصير قوي

,

برووكي · 15-11-2010, 06:28 PM

هههه مشكور يالغلا

~ [ جناح ] ~ · 15-11-2010, 08:56 PM

وااااااوك تنز و تخصصك (تمكيع سنون) تش ,, ذذ

ما وراي الا الحتسه · 15-11-2010, 09:41 PM

هههههههههههههههههههههههههههههههههههههههههههههههههه هه

اجل الكائنات الحشريه

لا تعليق

غريب احساس · 15-11-2010, 10:23 PM

والله هالشباب التالي الله يستر عليهم

&&& وعليك

ودي اتزوج قبل اصير مثلك

صـالــح · 16-11-2010, 12:01 AM

اجل احيان تمر فاره من تحت رجليك ههههههههههههههههههه والله يعليك امثله

ليتك لعيني قربيه · 16-11-2010, 12:21 AM

هههههههههههههههههه

الحآل من بعضووووه

15-11-2010, 03:20 AM	#1
جـلـوكـوز عـضـو تاريخ التسجيل: Jul 2009 البلد: حولكم المشاركات: 1,913	أمي تقول وشلوون نـزوجـك وأنت تسذآآ ، وش هآآلسوات يآآآعيال أخآآآف ما يزوجونن يا سلام عليكم يالله ترزقك يالله تعدّي عنك ياعلّي ماذوق حزنك ياطعمه ياقريرتي منهوله هالوليد ياناس << جدتي جبتله ماء ذذ اعذرونا على القطاعة تعرفون ظروف يالله ان الشكوى لك ، تولم وفل حجرك كانهم دارين عنك نبدأ الآن بالنشيدة المرهّمه آآآه آآآه آآآه يابطني آآآه آآآه آآآه يابطني صور لي الدكتور بطني فرجالي ست الكبَوسة ( تدليع كبسة بلهجة اخويانا السواوره << سلكو ) قاعده جوّى مبسوطة بسيطة ياكبّوسة والله لا آكل كراث وراح أنسى هالكبسات وراح أشرب معه زنجبيل مابدي دهن وكشنات بالكراث والزنجبيل عندي حملة تخريطات ^^^ كل الهذرات اللي فوق تراهن مقدمات للموضوع بتاعي فنرجو منكم التسليك تخيّل تقول لك امك وشلون نزوجك وانت تسذا ، تصدقون انقزت مر بتسبدي عجزت أهضم الكسحه لا صدز تخيّلوا >> حطوا سحابة فوق روسكم وتخيلوا كيف راح أواجه المجتمع بدون زوجة؟ كيف أدخل العثيم والنخيل؟ كيف من يغسل ويتسوي خلاقيني؟ كيف أمنع التدرِّبي من على السرير علشان ما أمسط على الأرض ذذ ، كيف يجين ورعان و ورعانات؟ كيف وكيف وكم من كيفات لن تتحقق الا بوجود الزوجة على طاري الورعان تصدقون منوّل يلعبن علينا الحريم ويقولن البزارين نجيبهم من البقالة >> وحنا ياويلي على الشيلة علطول نصدق << قل أنا مهب حنا عاد يوم كبرت شوي وعرفت إن المره تحمل قلت لحدى الحريم وشلون ينتفخ بطنك قالت لي أدعي ربي إن ينتفخ بطني ثمن ينتفخ >> شفتو ما شاء الله دعاء الحريم الأولات مهب زي هالتاليات يداعن ويطاطن على غير سنع << مصدق عاد يوم كبرت شويات سألت وحده وقلت وشلون تضني المره يعني وشلون يطلع البزر << قرقرته واجده بلشت وشكله تقول وش هالنشبه ذا وراه متسلطن علي هي ماوده تقول انهم يشقون بطوننا تخاف أشق بطن أحد أو انه ما وده تخوفن ومير تقول لي إن ربي يخلًي خشتي (اثمي) كبيييرة هآآآآآآآلكبر ثمن أكح كِح ثمن يطلع << أجل هي حبة رز غاصتنّبه وأنا مازلت على نياتي وتراي للحين ما أدري وش السالفة << اللي يعرف يفيدنا عبر الرسائل الخاصة المهم أحس ان رحت للغويط وسحبت على زبدة موضوعي السالفة بهالفايت امي شافتن وأنا أنز النز لغة : هو الفز والخوف والتفوّه بكلمة مثل يوووومآآآه أو بسم الله النز قصمنجية : النقز والنطنطة والتخرِّع تقل مقروص وترمش اعييناتك << بدأ يسولف ذذ يطلق عليهم أو يعيّرون أحيانا الذروق الذريقة النِزّيزِه المراد الوالدة يوم شافتن أنز قالت وااخزيااه ياوليدي هذا وانت كبر الثور تنز وشلون نزوجك أجل المهم ما علينا ولا عليكم ذذ بعض المرات تخطم عليك بسه وأنت داخل البيت وما تدري إلا وأنت جالس تفحط بالحوش من الذراقه تقل خاطمن عليك جني أسود >> يعرف يشبّه وأحياناً تمر فارة من تحت رجلينك ثمن تبدأ تناقز وتحب الغمى من قوّته ذولي يمكن أهون بس عمركم شايفين واحد يخاف من جرادة ، جرادة الله لا ينقصنا حدى الأيام ركبت السيارة ومير ألقى جرادة بنت اللذينا و أهشّه ومير تطير وراء بالمرتبة الوراوِيّة المهم مشيت وخليت لمّبة السيارة مولعة وجلست أطالع فيها كل ثانية صرت أشوفه أكثر من اِني أشوف طريقي ورقبتي انّفصّت من كثر الالتفات الماخوذه وأنا أسوق ومير تطير وتمر من عند وجهي وأمسك جلنط بوسط الشارع وأفتح الباب وأنزل وأبدأ أنفّظ ثوبي وألحّط راسي ، أحس انه دخلت تحت ثوبي لَعَلّه راحت الله لا يعيده من جرادة بنت الكفت والله ياهي ما تستحي ولا تراعي شعوري ما تدري اني حساس للكائنات الحشرية شعري طلع مهجّن أبيض بأسود من النزّات بس زينتي إني أنز على الصامت يعني ما أصرخ مثل الحريم والشغالات << عمركم شايفين شغالة اوب حريم شغالتنا كد شافت جرذي بالتوليت ذذ ومير الله لا يواخذكم تشغّل صافرات الانذار وتهج على كفرين وتجدع الغدفه مدري الغطوة << ليت الجرذي من مبطي جاي علشان أشوف الكشّه من قوتّ صرخته صار الجرذي كفيف ما يسمع بس الحمدلله فك الله عقله تصدقون اخاف لا رحت أخطب يقولون ما حنا مزوجينك أنت راعي نزّات وش هالسوات مع اني الحمدلله أقرأ وردي يوميا بس غصبن علي أنز ، صدزز منتب تنزّون زيّي __________________ ا آخر من قام بالتعديل جـلـوكـوز; بتاريخ 15-11-2010 الساعة 03:49 AM.

15-11-2010, 03:37 AM	#4
ولد حمد عـضـو تاريخ التسجيل: Apr 2009 البلد: حبيبة القلب بريدهـ المشاركات: 1,229	ويوم كبرت شوي ,, لازم تثبت لأمك انك شجااع وانه ما يهمك الشعب السعودي الكريم ,, عاد أنت وشطارتك باثباتك لامك صدق من قال من طول الغيبات جاب الغنايم __________________ .. من لم يؤدبه أبوآه , أدبه الليل والنهآر ..

15-11-2010, 04:41 AM	#5
عبوود عضو فعّال تاريخ التسجيل: Dec 2008 البلد: ( آنآ لي قلب , مـآيحقد ۈلآيحسد ۈلآيغتآب’ لأن آلنآس من تخطي ؛ لهآ رب [ يجآزيهآ ] !) المشاركات: 2,570	ياهلا والله ومسهلا بالقطوع شف الله يسلمك النز مشكله تسايده والله يكوون بعونك لاكن الله الله بتكثير الاستغفار ان شاء الله انه راح تفيدك وانت جربه وبتدعيلي , وخل عنك كثر الهواجيس والسهر تالي اليل بالتوفيق __________________ 1/1/1431هـ

15-11-2010, 06:18 AM	#7
wméédh عـضـو تاريخ التسجيل: May 2007 البلد: حول بقاالة الاجتياز حقّت ابو سر خخخ .. المشاركات: 3,517	جلوكوز وانا اقرا موضوعك تذكّرت يوم اطلّع الدفتر الأخضر .. تقول امي خلاص انت طلعت من يدي الحين ولا اعرفك ولاتعرفن واذا جيت تبي تعرس ماعندي استعداد اروح اخطب لك واغش خلق الله ..تبرّت من اميمتي تقل مطلّع صك خروج من الملّة .. لاحظت انهن يدورن الزلات علينا تقل عيال الجيران حنّا واحد اعرفه راح يخطب من عايلة والرجال كفو ومتوظّف ومزيون حبتين وبار بوالديه ويحافظ على الصلاة ولاهوب يتتّن وسمعته طيّبة وزود على هذا موافق على شروطهم .. يعني حب ايديك وهي مقلوبة ياالجعل اللي جاك مثل هالرجال عاد وش مسوي ابو البنت جايك ورايح للجوازات يدور بملف الولد يبي يشوف هو طالع للبحرين والا لسوريا / شف شلون يدور شي على الولد .. هذا يحسبه حرص وهو وسواس < قال وسواس ياعيال ذذ موضوعك يابوتركي قصير كانه حدا فساتين حليمه وحلو كانك تشوف خشيشك ياخلفهم .. بس انا ماادري وش تبي بالظبط .. ماادري انت المشكله الحين بامك مهب خاطبتن لك او انك انت تفزفز من هالمخلوقات المقرفة .. انا ان جيت للحق فأنا ماينقصن جزامه بس اني لاشفت هالحاجات ذولي يكعشر جلدي ولا اطيق يقربن حولي .. والعيال ماسكينه نقطة ظعفي اقالهم .. يشغلك يبدا يلاحقك ويراكض وراك عشان ماسكن بيده جرادة والا حشرة من هالحشرات .. على باله ماسك عقرب والا كوبرا هالغبي همّن يجي ويتشرّه عليك اقاله خَرَم رجولتك .. صدز ان وجيههم مغسولة بمرق سمك له ثلاثة اسابيع بالثلاجة جلوكوز يالشمبازي والله لك وحشة بشّرنا عن الوالد ؟ __________________ إن شكيت الحال محدٍ لي سُموع !

15-11-2010, 08:56 PM	#10
~ [ جناح ] ~ عـضـو تاريخ التسجيل: Apr 2008 البلد: وددت لو حويت العالم بقلبي ..! المشاركات: 2,548	وااااااوك تنز و تخصصك (تمكيع سنون) تش ,, ذذ __________________ لا أستطيع إستقبال الرسائل و السبب / صندوق الرسائل الخاص بك ممتلئ بنسبة 100%. ___ سبحان الله و بحمده , سبحان الله العظيم (f)

15-11-2010, 03:25 AM	#2
عطشان والكأس مكسور !! عـضـو تاريخ التسجيل: Sep 2010 البلد: مرهـ نآآيم ومرهـ قآآيم .. ومرهــ آكل ومرهـ أشرب .. ومرهـ أصيح ومرهـ أضحكـ .. ومرهـ اسولف ومرهـ منثبر ..... اشكـ المسالة فيهــآ ان وأخوآتهــآ ......... وتستمر آلمعآنآة مع هذه آلحيآة آلغريبة .... عطــووشـ المشاركات: 506	بوووووووووووووووووووووه عشااان تنز صدز هالحين أمك ذي أيقاله أم أولاه ما تقدر تراعي مشاعرك شوي << ايقاله فاهم بالإنسانية وإلا أنت اصلاً وشوله تعرس ؟؟ عندك أخت وإلا شغالة تكوي ثيابك وتطبخ لك وبالليل هاه تدري وش تسوي وصلى الله على محمد

15-11-2010, 04:53 AM	#6
النهضه عـضـو تاريخ التسجيل: Jul 2010 البلد: بريده المشاركات: 55	ههههههههههههههههههه والله انك منسم اجل اللحين ماتدري لالا حنا يقلون يشقون بطنه ويطلعونه

15-11-2010, 08:50 AM	#8
Leader.20 مشرف أخبار بريدة تاريخ التسجيل: Jan 2010 البلد: بريدة المشاركات: 5,840	,, , ّّ هذا المستخدم فاقع من الضحك كثر النزّات تموت القلب ,, كم نزّه وتصير قوي ,

15-11-2010, 06:28 PM	#9
برووكي عـضـو تاريخ التسجيل: Sep 2009 البلد: الرياض المشاركات: 2,120	هههه مشكور يالغلا

15-11-2010, 09:41 PM	#11
ما وراي الا الحتسه عـضـو تاريخ التسجيل: Nov 2010 البلد: العراق المشاركات: 2	هههههههههههههههههههههههههههههههههههههههههههههههههه هه اجل الكائنات الحشريه لا تعليق

15-11-2010, 10:23 PM	#12
غريب احساس Registered User تاريخ التسجيل: Feb 2008 البلد: alriyadh + buraydah المشاركات: 3,889	والله هالشباب التالي الله يستر عليهم &&& وعليك ودي اتزوج قبل اصير مثلك

16-11-2010, 12:01 AM	#13
صـالــح عـضـو تاريخ التسجيل: Oct 2010 البلد: بريده المشاركات: 31	اجل احيان تمر فاره من تحت رجليك ههههههههههههههههههه والله يعليك امثله

16-11-2010, 12:21 AM	#14
ليتك لعيني قربيه عـضـو تاريخ التسجيل: Nov 2010 البلد: عنيزة المشاركات: 1	هههههههههههههههههه الحآل من بعضووووه __________________ يـآحـــلـم ويــن المشكلة لوتحققت ..!