[برفسور ملتمس]

السلام عليكم ورحمة الله وبركاته .. جميعاً ..:-
صباح ومساء مملوء بالود وتحية طيبة ، ..
لا لا لا
هالحرفين كثير مانشوفه بالنقاشات ، وقد يسبب خلاف ، يعني بمجرد ماتسولف مع بعض الأشخاص ، وتقول رأيك قبل ماتكمل
يقول ، لا لا << طبعا يبي يقول رأيه .. ، يعني يمكن عند البعض يعتبرها عادية ومتعود بحواراته كذا ، بس بعضهم يعتبر هالحرفين ( لا ) مو مقامه أو عنده كبرياء ، فيعاند ويستمر حتى لو خطأ ، ويحس أنه هو الصح ومظطر يثبت لأنه قال شي لازم يلتزم فيه ، و يجلس يطول النقاش ويبحث عن منافذ عشان يبين لك أنه الصح ..

فسؤالي !!
كيف تستقبلون هالحرفين بالنقاشات ، وكيف تكون مشاعركم ، وهل تتضايقون منها ؟
وياليت نشوف حلول نبدل هالحرفين إلى شيء مايسبب عداوات ويجعل النقاش ماينقلب لعناد .. !!

[صبح صبح]

في النقاشات .. اقول رايي واسكت .. سواء انتقد او تفهم .. مايهم ..

لان اللي يكثر من الحرفين هذا .. اتوقع انه متحجر | قليلاً | ..


كن بخير .،‘

[برفسور ملتمس]

اقتباس المشاركة الأساسية كتبها صبح صبح في النقاشات .. اقول رايي واسكت .. سواء انتقد او تفهم .. مايهم .. لان اللي يكثر من الحرفين هذا .. اتوقع انه متحجر | قليلاً | .. كن بخير .،‘

___________

يسلموو ، وياسلام عليك المشكلة ( بالتحجير ) بس الي يقول ( لالا ) ، يحس أنه هو الشخص الفاهم ، وأنه الآن من خلال هالكلمة عطاك ( معلومة ) وأنك لازم تسمع كلامه ، وماينفع تعانده وأن قلت رأيك ( رجع يقول لا لا أنا قلت لك ) فتصير بدوامة ، لا أنت الي أقنعته ولا أنت الي اقتنعت ،

[توتة توتة]

بالعكس تعجبني اثناء النقاش الجاد لأنه سبب لاثارتها ( النقاشات ) والتقصي الى وجود الرأي السديد.

[همس الشـــــوق]

اقتباس المشاركة الأساسية كتبها برفسور ملتمس فسؤالي !! كيف تستقبلون هالحرفين بالنقاشات ، وكيف تكون مشاعركم ، وهل تتضايقون منها ؟ وياليت نشوف حلول نبدل هالحرفين إلى شيء مايسبب عداوات ويجعل النقاش ماينقلب لعناد .. !!

اتضايق شوي
بس كل واحد له الحريه وش نسوي

وهذي دائم نسمعه الشكوى لله

جزاك الله خير

[شمعة حنين]

انا ما يهمن الا اذا كان صح عليك الشيئ ومتأكد أنت
يجي أحد لا لا هو كذا تبي تقنعه ما يقتنع
ما لك الا تتركه لمان يخلص
و ما تحاجه لأنك اذا حاجيته بتطول السالفه
وأنا يضايقن
المفروض الواحد يحفظ أداب الحوار عن ظهر قلب
عشان يتحلى بهن ولا يقاطع
وشكرا لكم ..

[برفسور ملتمس]

اقتباس المشاركة الأساسية كتبها *.* بحبوحـــه *.* انا ما يهمن الا اذا كان صح عليك الشيئ ومتأكد أنت يجي أحد لا لا هو كذا تبي تقنعه ما يقتنع ما لك الا تتركه لمان يخلص و ما تحاجه لأنك اذا حاجيته بتطول السالفه وأنا يضايقن المفروض الواحد يحفظ أداب الحوار عن ظهر قلب عشان يتحلى بهن ولا يقاطع وشكرا لكم ..

___________

يسلموو ع الإضافة ، وياسلام عليك كلام رائع وهو ( المفروض ) .. لكن ( الواقع ) يقول عكس هالشي ، والمشكلة من يقولون ( لا ) ماهم اشخاص عاديين او بعيدين عن الثقافة ، حتى في الحوارات بالتلفزيون بالتحاليل بالنقاشات نشوفها ،

[برفسورة]

بصراحه اذا كنت متحمسه وانا اقول وجهه نظري
وهمن يجي احدويقول لا
اقوم واخلي النقاش له
ولشااكله
لاني ادري ان الي قدامي مو مقام اني اقول وجهه نظري عندة
واعرف ان الشخص سفيه ومايستحق المناقشه
لانه شخص مايبي يسمع الا رايه هو وبس
والف شكرعلى الموضوووع

[برفسور ملتمس]

اقتباس المشاركة الأساسية كتبها برفسورة بصراحه اذا كنت متحمسه وانا اقول وجهه نظري وهمن يجي احدويقول لا اقوم واخلي النقاش له ولشااكله لاني ادري ان الي قدامي مو مقام اني اقول وجهه نظري عندة واعرف ان الشخص سفيه ومايستحق المناقشه لانه شخص مايبي يسمع الا رايه هو وبس والف شكرعلى الموضوووع

_____________________

يسلموو ع الاضافة ، وكلامك واقعي مية بالمية ، لأن الأغلبية عنده قناعات بداخله لوجهة نظره ، وأدلة وبراهين ، فيجي قدامه شخص ماعنده الثقافة في الأسلوب فمبالك بالمعلومة، ويكون هنالك جدال وأخذ ورد ، فللاسف يحس أنه بهالطريقة ( صح ) بينما الناس تتحاشاه بالأيام القادمة وماتناقشه لأنهم عارفين أنه لاقال هذا رأيي خلاص مافي تنازلات أو ماعنده استعداد لأستقبال أي رأي ..

[عذراً ... يا حبيبتي]

وصولي لهدف في البال بأن اكتم و لا افضفض .. استخدم الكلمه

[برفسور ملتمس]

اقتباس المشاركة الأساسية كتبها عذراً ... يا حبيبتي وصولي لهدف في البال بأن اكتم و لا افضفض .. استخدم الكلمه

_________

يسلموو ، وياليت توضح الهدف ،

[دفا]

في الاختلاف عادي اسمع " لا " لانه اختلاف في وجهات النظر
ولكن الخلاف اكره " لا " لانه يصبح خلاف شخصي

شكراً على الموضوع

[برفسور ملتمس]

اقتباس المشاركة الأساسية كتبها دفا في الاختلاف عادي اسمع " لا " لانه اختلاف في وجهات النظر ولكن الخلاف اكره " لا " لانه يصبح خلاف شخصي شكراً على الموضوع

________

شكرأ لمرورك ، ومعلومات قيمة، لكن في الإمكان افضل مما كان، طيب لو نبدل لا إلى ( مُمكن يكون كلامك صحيح ) أو ( وجهة نظرك اتقبلها ) يعني بحيث أن الشخص الي قدامك ، مايتأثر منها ، ويزيد النقاش لأنه هـ ( اللا ) هذي تعطي انطباع ثاني لبعض الأشخاص ،

[عطشان والكأس مكسور !!]

خله يقول لا إلى يوم القيامة
أنا اقول اللي عندي واقوم