[سهيل اليماني (1)]

السلام عليكم

أحد أصدقاء طفولتي اسمه ( سطام ) , وبيني وبينه صداقة قويه , أنا وسطام نفس الطول والوزن تقريباً , طبعاً أنا من طبعي التكشخ بالملابس , وأودي ثيابي وشمغي لمغسلة في الحارة , خويي سطام دايم إذا انزنق بمناسبة أو موعد يروح للمغسلة ويسأل عامل المغسلة إذا لي ( أنا سهيل ) ملابس في المغسلة , طبعاً العامل يقول موجود , صديقي سطام بدا ياخذ ملابسي , ويحط ملابسه وأنا ما آخذ ملابسه , والنتيجه نقصان عدد ملابسي من 9 ثياب إلى 4 ثياب فقط ومن 4 شمغ إلى شماغ واحد فقط وزيادة ملابس سطام , طبعاً أنا ما عملت حساب المدام , وفي أحد الأيام سألتني المدام سؤال مباشر : وين ثيابك وشمغك ؟ طبعاً ما قلت لها الحقيقة من البداية وبديت أختلق الأعذار , طبعاً المدام بدأت تشك أن ملابسي في ( بيت آخر )
نفيت هذا الأمر بشدة , وأخبرتها بالحقيقة , لكنها ماصدقت وقالت : أنا أروح لزوجة سطام وأسألها ولو وصل الأمر إني أدوّر ثيابك وشمغك عند زوجة سطام , طبعاً أنا منعتها وبشدة وقلت يامسلمة لا تفضحينا علشان كم ثوب , والموضوع لايزال حتى هذه اللحظة معلّق بيني وبين المدام , وباقي ما تحاسبت مع سطام لأن الأخ مسافر هو وعائلته ويتكشخ بملابسي .
لكن هيّن يا سطام , مصيرك ترجع ويصير خير
أنا وأنت وثيابي وشمغي والزمن طوييييييييييييييييل
وش رايكم ياجماعة ؟؟؟

[فيصل الراجحي]

ههههههههههههههههههههههه ..!

بـ صراحه سطـاام هاذا تحفـة واهنيـك عليـــٌـه .

من رايي تطول الثوب او تقصره شي بسيييط عشن يخاف ولا حاول تخليه يسمن عشان تفتك منـه ..}

الله يكون بـ عون ام العيال ..

ع فكـرة كلنـاا بـ الهوى سوى ..

سآلفة المسيار كل يوم تطلع لي والله يستر شكلي بسويهاا هههههه


لك كل الودِ ..}

[يربش بريده]

خخخخخخخخخخخخخخخ الله يعينك

[ـالتُفاحة الورديّة]

والله يابعض الحريم مادري من وين تفكر

انت اقنعه بالحقيقه ان ملابسك مع صديقك ان صدقت والا السلام عليكم

وان جاء صديقك اشرح له حالك وقل شف وش سويت فيني

[*ألمـاس*]

اقتباس المشاركة الأساسية كتبها لبنى عبدالعزيز والله يابعض الحريم مادري من وين تفكر انت اقنعه بالحقيقه ان ملابسك مع صديقك ان صدقت والا السلام عليكم وان جاء صديقك اشرح له حالك وقل شف وش سويت فيني

[قـــصـــيـــة]

.

كان الله بعونك ..

انتظر رجعت صاحبك وخل زوجتك تروح تتأكد إن ملابسك عندهم << عادي مافيها فشيله ولا فضيحه
لأن زوجة صاحبك بتعذر زوجتك ..
<< وماراح يفشل إلا هي! إذا طلع شكّها بغير محلّه ..!



بالتوفيق ..

[سهيل اليماني (1)]

[size="6"]

مشكورييييييييييييييين ع المرور والتعليق

الله يعطيني خير المسيار ويكفيني شره

والوعد قدام يا سطام

الله لا يجيب لكم صديق طفوله مثل سطام

تصدقون مرة كنت بالرياض وسطام في جدة ويدري إني في الرياض , اتصل بي وقال أنا جاي بكرة بالطايرة , انتظرني بأروح معك للقصيم بسيارتك , وأنا كنت ناوي أمشي , تدرون وش حصل ؟؟؟
تركت لسطام سيارتي بمواقف المطار علشان يرجع عليها للقصيم ثاني يوم وأنا رجعت للقصيم بتكسي في نفس الليلة
ما قدرت أنتظره لأني طفشت من الرياض واشتقت لبريدة , ومن جهه ثانيه أبغى الفكه من سطام , ما أقدر أتحمله 300 كلم.

[/size

[خالدي]

هههههههههه
انا عندي صديق من ايام ماقبل الابتدائي الى الان ..
والله الميانه امون عليه اكثر من اخوي للحين نتعاير بمعاييرنا القديمه ههههه

[أبونادرالأجتماعي20]

أخوي سهيل لابد ان أقف معك بهذه الأزمة وخاصة شؤون الداخلية

قرر مع صديقك بأنك سوف تدعوه لوليمة في بيتك , وجعله ينسق مع زوجته بالموافقه ..

وانت أخبر زوجتك بأنك سوف تدعو صديقك لوليمة هنا في بيتك , وإن سألتك وش المناسبة ! فقل أبدا

السبب دعاني فرفضت بأن اكون الأول ثم هو من بعدي مباشرة

وتفق مع صديقك بأن يضع بعض ثيابك مع زوجته ويجعلها آخر الركوب بالسيارة في وقت

الأتجاه إليك حتى لايكون في الأمر ادنى شكوك من الطرفين

{الزوجتين} {وجعله يقووول أوووه نسيت ثيابه وينزل ويأتي بهن ثم يرضعهنّ

بيدها ويقول عطيهن زوجته هذولي ألي نسيناهن بارك الله فيك }

وبعد وصول الداخليتين والألتقى بينهما في منزلك , سوف تنجلي الغمة , وسحابة الصيف

وسوف يحصحص

الحق وتكون أنت بها من الفائزين


^^^^^^^^^^^^^^^^^^^^^^^^^^

وسلامي العميق لك أخي سهيل وجمع الله بينكما بخير .

[bnt_3z]

××××××××××××××××××


×××××××××××××××××

[الفايزية]

ياخوي بحثت عن المسيار عجزت احصل

[ام جهاد]

هاذي نهايه كسل زوجك وعجزه اساسا ليه تودي ثيابك للمغسله سواء غسيل او كوي وانت عندك زوجه ......

[طرقي]

هههههههههههههههههههههههههههههههههههههههههه

بيني و بينك زوجتك تستحق من يتزوج عليها .. ليييييييش ...؟؟

لأنك متزوج و تغسل ثيابك بالمغسلة .. بنااااااااااااااااااات آخر زمن ..

و مع الأسف ماودي أقولها بس لازم تنقال "رجاااااااااااااال آخر زمن" ..

[سهيل اليماني (1)]

والله أحرجتيني يا أم جهاد
أنا أغسل ملابسي الداخليه في البيت , والثياب والشمغ أغسلها في المغسلة علشان الكوي بس
لكن تدرين بأخليك تتفاهمين مع زوجتي يمكن تنسى مشكلتي مع سطام