 |
|
|
|
|
|
|
27-04-2003, 06:40 PM
|
#1 |
|
عـضـو
تاريخ التسجيل: Aug 2002
البلد: بريدة
المشاركات: 3,316
|
.. معــانــاتــي مـع الستـــــارة ..
.. معــانــاتــي مـع الستـــــارة ..
السلام عليكم ياأحبائي<=== قلبه رومنسيه <===ياويلي وراه منسيه ________@@ ,,,,,,,,,,,,,,,,,,,,,,,,, في هذا اليوم الجميل الذي يغلس الواحد اغلاس نكتب هذاالموضوع ........... ,,,,,,,,,,,,,,,,,,,,,,,, بسم الله وعلى بركة الله وعيدكم مبارك الفايزين  ,,,,,,,,, أقولكم حالتي القشراء مع الدريشه , يوم سقوط الستاره حزنت حزناً عظيما لم يحزنه أحداً قبلي تدروون ورااه ؟ لأن من يبي يركبه لي أنا مااعرف (احلا خكر) وابوي يقول جب لك عامل , وانا لن ارضى بأن اجنبي يدخل غرفتي ثم ينحتها <=== هب تسيف رقعه:D لاتسان ادخله من زينه ياحسره عاد اللي كله قزاز علشان ينحته دوشق مهلس وقطاعته متقطعه وماادري وين ارضه شكله طايحتن عام الف وثلاثميه وخشبه متسفوتن فوق الدوشق مطرحتن بيضاء به وديدات حمر ايييييييه اللي يسمنوه البنيات الله يستر عليهن (زهري ) صح وشوله أوصف اللون نفس لون اشديقاتي  <<==== راح دهنه حتى بالسذب  همن فوقه كنبل لونه خضر سنه اللي يلبسوه ابو هنود تسد مره أخوي الصغنطوطي شاف عامل جدي سوليمان عليه وزره نفس قماش كنبلي قال اخوي وشوله تنطل كنبل اخوي وبتل صياح ونياح الله يفشله فشلن قدام الخلق حتى العزيمه لي شخصيات وعجزنا نسكته الا بمشاركة حكومتنا <=== الله لايحوج لهم  <<====== معه شهادة الدكتوراه بالكلك نعود للوصف وانت كلكم شوقن لهذه الغرفة الاستراتيجيه الموساده اخذته امي يوم تظني تجخبه الله العالم له اربع سنين نسييييييييت اقولكم آآآآآآآآآآه ياللعار الله يبحط بطل العالم يخلين انسى كل شي الزل المفروض اول شيء لكن الشكوى لله الزل منكبن عليه بيراندا له سنتين تقريباً <===== تراوه قبل المقاطعه لونه سنه لون شفالي جذع منكسرة رجله وبه جرب يصير لونه (سنــه ذيـــا) والفريون طايحتن وجهيتوه بالحراج الله العالم ___ اذا بغيت ازعره ادخل كل ذراعي بوسط هالبلاوي لاعادت على فريون يبي يكسر ايديتي ترى اذا انكسرت ايديتي المتهم (مرجوج) سادته وراه مايشري لي فريون .... والمروحه مااشغله الا اذا انصردت من البرد بتلا الليول اطفي الفريون واشغله <== ماشاء الله الفريون بوه عردز حي فائـــدة: ترى الامور الي يبيعونهن الحراج زيناتن بالحيل ,,ازهل امورك عندهم ولاتخاف .......... نرجع للمروحه لاشغلته يطير النوم من صوته ( ووووووز صصصصو وررررر رررررر ززززززز ) ترى لونه زرقاء ...... والبويب (الباب) فحدث ولا حرج ماله عروه خيره وماتسمع الا صريره لو انت بالبحر اللي بغيبوبه تسان توحيه والبويه اغلبه منقشعه واللمبات الله يجيرك ماغير لمبتن وحيده بخقت عييناتي بس تشر ,,, ونرجع الى موضوعنا الاصلي made in indonisia ______ أنا قلتلكم ان الستارة طاحت والسبب في ذلك هكالمره أخوي الجعري الجمبازي يقومن الضحى يقولي قم دفن بالعربيه قلت دن لااشوتك ويبدأ يعوي فوق راسي وحط حرته بالستاره ياما جابه هنيا وياما وداه هنياك ( قم قم قم يالله يالله ياللـــــــــه أأأأأأأأأ :o :o ) اومير يضرس الله يبحطه دردووووووووف قرببببببع فوق راسي (طاحت علي الستاره ) قعدت ساعه ونص مااتحرك فاقد الوعي من هول الصدمه ابعلكه بس عجزت قلت الله يبحط ( مدحت مستانس ) وهنا وصف للشعور : أحسست أن نجوماً تتلاشى  فوق رأسي وتدور كأنها تلعب فتاحيا واردا صكاكيا وردا الساعه ثمان وثلث بالليل ياجماعة الخير هي دبتن فوق راسي ياعالم مت من الوجع وأتاني بعدها حالة هستيريا وأصبت بدوار شديد لايعلمه الا الله .......______ فذهبت ساعة الصفر وأفقت ولله الحمد وركض وركض ورا هالقعس الاشتر وزيادة الطين بله دردوووف بعتبة الباب ولكني لم ابالي ويليييييييييه  وأضرست عليه زوود من حر مااوجس قلت :جاء يومك الاقشر اذا كنت ماكنت صنهات  وأخيراً : تم القبض على الجاني وأمسكه ورعدته رعد لمين زغـ ـ ـ ـ ـل على روحه شعوره يقول ( عساي لطاعون العربيه) ولكن البادي اظلم وبووز زبيريه بظهره لمين صار ظهره خبزه جت أمي قالت وراك يابعدي ياوليدي ____ قلت يووه شفتي طيح علي الستاره حقت حجرتي على راسي ____قالت امي مانب اعنيك اعني اخييك وشوله تضربه هالضرب قلت :هو اللي بادي اول قالت وش هو مسوي يكافي ____ قلت يوه بلاس مااوجستي الوجع اللي جرالي __قالت اقول بس انطم وخل اخييك ___ قلت الله يبحط نبع الحنان وين الحنان ياحسره يهك علينا بس يقول نبع الحنان نبع الحنان مانبي منبعه نبي بس رشق أمي مهب تدلعن ماادري وراه شكلي منب ولده شكلي ولد شاميه ........ __ أما الان فأعاني من اغلاس شديد بغرفتي هماه مابه ستاره الشميسه تصلخ جلدي صلخ ولاأنا ابيض بس الشمس سودتن بس حبيت اقولكم تراي ابيض منول يعني اذا شفتون لاتشرهون كله من اخوي الاقشر هو سبب كل هذه الاتهامات والقذائف التي تلقى علي :D _____________________ طن طن طن ططططططططططططن فاصل اعلاني الان في الاسواق فيلون يصاحبكم في مغامراته الشيقه واللطيفه 000لصاحبه الرسمي :شيخ بريده ....... ترا اللي يمثل بدور فيلون طير شلوى .... _________________________ الان أقول لكم مشكلتي فأنا أعاني من انصهار شديد في الجلد ؟؟؟؟؟؟؟ الله يعين تسان ماجان أبودمغه شكله جاين بس حسد منب كاشف مير صح شكله هو اللي جابلي العكنكش ......... تدرون وراه مااجيب عامل لأنه ياخذ قروش يعني تخيل يمكن يااخذ خمس طعش والخمس طعش هذي اشريبه هذاك الابيض حق العكنكش اللي اسمه ( كلامين لوشن ) تراوه مصنوع بالدمام بس انهم متمدنين ومسمينوه قلينزي ترى العكنكش يصيّح ...... ياولد الحلال اجعلي انصلخ ولا يأخذ قروش ولد اللذين <==انت اللي جايبوه ____ شكلي ابطلب من مؤسسة الوقف الاسلامي انهم ياقفون مع مشكلتي ........ والسلام عليكم المطلوب : من يتكفل ويرحمن وياويللي ويجيبلي عامل يزين لي هالستارة بس ترى عليه الحساب الله يجزاه خير اللحين يجيبوه لي ولازينه راح ولد الريح راحت روحه يقاله تسريم ____ وش يبي يصير موقفي  هذا اللي انا خايفن منه لازم ابعطي ابو خلق قروشه موقفي جلطه علطوول بدون دفعه اولى ____لقيت فكره : أخليه يفكه وقضى الامر <=== هدر يطس بودر يحلدزبوه واللي جابوه اردى منه ايييييه اكتشفته هذاك جاين علشان يشوف حجرتي يامل الدقم ____ ياويل واحد وخضار ليله يطبق شغل الدب اللي هج والله لأسوي محكمه واخذ البصمات ________ نسيت أقولكم وشو وصف الستارة اللي هي زبدة فش فاش هي طويلتن باللحيل تغطي مناخري هماي حدر الدريشه ستارتي تعرفون هاذيك الطويله اللي مخططه به وريدات كبار حدر عرفتوه الخضراء ذيتس .........تراي مهب انا المسؤؤل اذا ماعرفتوه ...... وسلامتكم ..... نصيحه :أرجوا من كل واحد لاصارت الساعه احدعش الضحى يقعد بالشميسه علشان يوجس اللي انا اوجس أغدي يجيك أبو دمغه علشان نروح أنا واياك نفحص ونغير البواجي ونتجاسر علشان كل واحد يعزي الثاني ويطمنه ترى يمدحون دله كشفهم مووت وطبعاً حسابي عليك ونسكن بفندق شقتون هو سذا اسمه والا وشي أنا ودي اسلب جوفك وأنهبك <==== نذل :D صح صح نسيت اقولكم الوجبه الجديده : اللي هي لاصارت الساعه ثنتين ونص الظهر اقعد بالشميسه وخذ لك عصير سن توب حار من البزه طبعاً والكيكاوه هذيتس البنفسجيه واقعد بالشميسه يالله براد الجنه؟ وش تحسون بهكا اللوقت ؟؟ اللي يجاوبن لوه هديه الا وهي ( طياش المر ) تعرفون المر هذاك اللي حرارتن بالتسبد ياويليييه عاشت ايام ابو الطياش بس لاحد ياكل طياش اخاف تطيشون همن تفحطون _____ ترى الزبده لهذا الموضوع فوق لا تنسونوه ... والسلام عليكم .. رقم الغيبوبه :87 رقم الايداع :1515666<=== ماشاء الله مميز مثل الكاتب جميع الحقوق والنسخ والتحرير يؤكد لنا اننا نملك الكثير لنفعله لو اردنا ذلك لدحر المشروع النسخي في مراحل روائع غرناطه
__________________
 
آخر من قام بالتعديل الوسيــــــم; بتاريخ 01-05-2003 الساعة 01:21 PM. |
|
|
|
27-04-2003, 10:28 PM
|
#2 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
الله يكشف ضرك قل امين
لكن ايقاله معانات صخانه هع هع هع هع هع
__________________
|
|
|
|
|
28-04-2003, 01:23 AM
|
#3 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
يا ناااااااس الوسيــــــــــــــــم شاقني يا ناس دلوني عليه
الله على بابك يا كرييييييييييييييم يا كريم قبل ما نسوي تعقب على موضوعكم الكريم يا حضرة الموت الوسيم يا حبيلك سويت انت يا هوه لمنتدى الطرايف ابره مغذية كيميائية تحتوي على فيتامينات يا خلفهم سني أحلم يوم شفت العنوان قسم بالله ما تصدق وشلون فرحتي بهالموضوع ابي العيال يولفون بس زوله عيال الحراش يا الوسيم يا خلفهم اول تقدير لسموكم القادم بهزا الموضوع تثبيت للموضوع ثمن رسالة شكر وتقدير مع إرفاق صورة سعفة ومدحت شوقي بريده ثمن رقصة شعبية بكل دخله تدخله منتدى الطرايف وحب كتف ونضرب لك سلام ونشب البخور ياخي ياخي ياخي قسم بالله انك حمار ايوالله هالحين معك هالاسلوب وتوك تطلع والله انك تبي من يبتل يسحبك بالمنتدى وبمعلاقة الستارة يجلدك بكل منتدى لا تخلين أعلم عليك مدحت بتاعي والله يا ان ربض عليك ان تنسى اسم امك هيا عاد تخيل اسم امك هيا ...... اجل واحدن من العيال يقول اسم جدتي أشواق :D:D:D:D:D أقول لك يا الوسيم يا حبيلك على الستاير الله يلعن ابليس ولد الكلب والله لا أسحب اسواق الغد كله عند بابكم باسر صدقن يا سليب هاي لا أخليهم يدبسون بيتكم من الخلقان اجل يا ألبي كسر الستارة عساه للكسر <<<<== أمدانا تدعي عليه أنت شف عاد تبي تعلث يقالك أبيض همن احترقت من الشمس يا ابن الحلال داري ان خوالك كلهم أمتي واللهي كلهم (( بوبوبوبوبوبوبوبوبوبو )) <<< وريش فوق روسهم :D:D تعرف الي بافلام كرتون الي يآكل جزر ذاك الي مسكوه عصابة دقر ،، عاد جو يبي يطبخونه يوم يقطعون جزر عليه أمر يطلع من الزدر ويناظرهم يدورون عليه وهم يقولون بوبوبوبوبوببوبوبوبوبوبو اجل ستارة شف عندي لك حل قسم بالله ان ترسل لي بالرسايل الخاصة سعابيل مخطك لي تدري وش الحل خلك مثل فصلنا بالمدرسة عليك بالتجليدة الحل الأمثل قسم قسم قسم لا ستارتن تطيح عليك عاد عصا الستارة الي تفتحه لا جاء مع الجبهة واااااوك ياخي حرام عليك سو تجليده ترا الدنيا عبر الدنيا ليل صيف وسحابة طيف <<<<<<-- مهب عاقل المثقف عاد شف يا الوسيم انا مسرثن هرجي قووه تدري وش معناه تعبيرا لشعوري <<<<<<< شعور ولا كنعد :D:D لميدك فخامتكم اني اموت على هيك مواضيع أعلم يا الوسيم موضوعك هذا سنه القناة الاولى كل شوي مدخلين دعاية يموتون ببلع الدراهم وحشي قروش الناس عاد يحرقون هم وقروش الناس اهم شي قريشاتي ماجاهن شيء <<<<<=== مهب عاقل الوليد عاد تراي تاجر لو شفتن هالايام بايعن كراتين فاضية بسوق الحمام الكرتون بريال مع التخريم ___ والتايد بريالين علشانه دورين وياحبيلك مع السلامة قضا هرجي مع السلامة قسم بالله مع السلامة <<<<<=== السلامة ولا الربعي :D سلامتك سلامتك افصخ والبس بجامتك ______________________________@@@ alwaseem ya krof ma alslamah
__________________
 |
|
|
|
|
28-04-2003, 04:20 PM
|
#4 |
|
عـضـو
تاريخ التسجيل: Apr 2002
البلد: بلاد الحرمين
المشاركات: 2,405
|
والله قصة منسمه تسلم يالغالي
عاد لاتغلى كثرلنا من هيك مواضيع.......
__________________
[/c] |
|
|
|
|
30-04-2003, 08:48 PM
|
#5 |
|
عـضـو
تاريخ التسجيل: Mar 2003
البلد: !!!!
المشاركات: 961
|
رد : .. معــانــاتــي مـع الستـــــارة ..
الموضوع رائع جداً وغطيت على المدعو ( سعفة ) بكثرة الـ (خرط)
..!!ولكن هناك ملاحظة : فالمؤمنون نصحة والمنافقون غششة .. قلت في مجمل موضوعك .. ما هو نصه .. قلت (فمن اعتدى عليكم فاعتدوا عليه بمثل ما اعتدى عليكم) وقد أفتت هيئة كبار العلماء انه لا يجوز خلط القرىن في الكلام والمزاح .. إلا لاستدال شرعي .. فموضوعك هذا لا يشك عاقل فيه غنما وضع للترفيه .. فحبذا أخي .. إنك ما تخلط به آيات قراءنية .. أليس كذلك ... وقد اوردت الهيئة بان من هذه الأقوال ( خذوه فغلوه ) ( سيماهم على وجوههم ) ودواليك .. راجياً الله لك الفائدة والترفيه واقبل تحية من اخ محبٍ لك ناصح .. فما عرفناك إلا من أفضل أعضاء هذا الصرح ,, وسلام من ربي أختم بهِ هذا التعقيب ... !!
__________________
 كلما زاد نصيبك من (اقرأ) زادت عليك التبعة في (أنذر) |
|
|
|
|
01-05-2003, 01:54 AM
|
#6 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
هلا بالمزيون ..
اثرك خرطه ... ماتمسك مكرفون ... اسمع روح الب ميدي ... اجل الستاره طاحت ... هالحين يالكلاك تقولي انك ملزق على دريشة غرفك تجليده ... يوم قلتلك وراه قلتلي مابوه ستاره ... واليوم تقول طاحت الستاره ... وشلون تجي .... اسمع روح البي ... خذ جلال امك ودق مسمارين فوق الدريشه .. وعلق الجلال ... واعطس ويرحمك الله ... بلا ستاره بلا هم ... طول عمرك تنام بالسطح ولا تقوم الا اذا لزخك الشمس وصبصبت من العرق ... هالحين صرت تبي ستاره ... اخشوشنوا فإن النعم لاتدوم ... بس اسمع عندي لك فكره ... ((((((( ناوي يورطوه )))))))))) رح لغرفة الوالد واجدع الستاره ... وشله وغبه عندك ... ثلاث ايام بلياليهن ووحده بالتراب ... همن قل لأبوك ... تبي الستاره تركب ركبوا ستارتي ... ففتي ففتي <<<< احل ياللغه والله ماله دخل ... حبيب الب ميدي انت يالمزيون ... اجل لعبت بك الشمس ...
__________________
. . .  .. قلب البحطلة ينبض ..ينبض ينبض ينبض .. . |
|
|
|
|
01-05-2003, 03:04 PM
|
#7 |
|
عـضـو
تاريخ التسجيل: Jul 2002
المشاركات: 773
|
هع هع هع هع هههههه
سبحان الله الطرافه والبراءه على شباب ستي بس الله كريم |
|
|
|
|
08-05-2003, 02:02 PM
|
#9 |
|
عـضـو
تاريخ التسجيل: Apr 2003
المشاركات: 35
|
هههههههههههههههههههههههههههههههههه
مشكور الوسيم
__________________
سجل في منتديات مدلع |
|
|
|
|
11-05-2003, 12:41 AM
|
#10 |
|
عـضـو
تاريخ التسجيل: Feb 2003
البلد: alamod640@live.com
المشاركات: 3,413
|
الحقيقة رهييييييييييييييييييييييب بالمرررررررررررررررة
الله يقطعك قطعت معدتي من الضحك أرفق علينا تكفى حبيبي الوسيم أقدم لك شهادة الدكتوراة في علم ( التنسيم ) موقعة من يدي الكريمة حبيبي أنت والله تساهل كل شهادات التمهيدي مع مرتبة التنسيم !! طبعاً حبيبي يحقلك يستانس من يحصله واحد مثلي يمدحك <<<< رحنا وطي . المهم حبيبي تبي حل لمشكلة ستارك هاللي صاجنا عندي أبسط حل هو هو هو ام م م م م إيه صح !! ليقته الحل عندي وانا ابو هندي شف تشوف تسارك هاذي أول شيء تاخذ حقك منه وتقيم عليه حد القصاص تعزيراً وطق لك وحده جديدة تلق لق لو من الحراج أهم شيء تمشي الحال الظاهر إن اقتراحي هذا ماله مثيل .. صح وإلا صح ! يالله مادامك قلت صح يالله اشتغل احلت الستارة القديمة المحليه وجب لك جديدة وان كنت تبين أسلفك ترى عادي ما بيننا شيء لا لا تراي أسذب عليك لا الحين تصدق وترص عند بابنا .. لا وش دعوى عاد كم عندنا من وسيم واحد بس اطلب عزك يا بعدهم أنت تامر وحنا نطامر وش تبي بس ان بغيت تبي غرفة كاملة مهب بس ستارة == الظاهر إني طولته فوق اللازم يالله أبضتف خلقيني و ابنحاش من هنا نبي شيء قبل ما أمشي مع السلامة .... العمود |
|
|
|
|
11-05-2003, 09:34 PM
|
#11 |
|
عـضـو
تاريخ التسجيل: Aug 2002
البلد: بريدة
المشاركات: 3,316
|
المنخرش ..
الله يعافيك ان شاء الله على هالرد .. سلمت لنا .. وسلمنا لكم ..<== يانغروه .. ________ سعفة .. هلا والله بمؤسسة سعف الدوليه ...... نتشرف بحضوركم هنيا ..... واشكرك على تثبيتك للموضوع اللي والله مايستاهل وحسافتن عليه " الزباله " ... ياهلا والله شرفتن .. قسم بالله بوم شفت ردك طرت بالسماء وقلت طائر النورس حلق حلق .... قسم بالله اللي مثلك يستاهل من يعطيه بريدة كله ...... ياخي لو بريدة ملكي تسان وكلتك عليه ..... تستاهل يااخي " قده وقدود ماشاء الله مقاس عليك تقل مقيوس .... اشوا علشان ماارجعه ..<== هذي تسلمة الحريم لاجن من السوق .... .. على طاري السوق ياسعفة وش اخبار امك مع السوق ..... ماكرهتوه من كثر مادزابلتوه . لو تشوف انا صرت سذا اربع وعشرين ساعة مسنتر عند السوق الداخلي ....... . مشكور حبيب البي على التعقيب .. واشكرك نوبتن ثانيه على تثبيتك ثبتك الله على دينه .. سلالالالالالالالالالالالالالالام .. للردود بقية ..
__________________
آخر من قام بالتعديل الوسيــــــم; بتاريخ 12-05-2003 الساعة 06:38 PM. |
|
|
|
|
22-05-2003, 01:03 AM
|
#12 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
عاد يا الوسيـــــــــم يا ابوخشم طويل
انا داري انك تبي تقول لا تعير بس انثبر بس حنا على ماقال حكومة بريدة الرشيدة هالموضوع يثبت علشان ياآآآآخي بعض ناس يعطينا من توليفه بس يتغلون ولا هالثور شيخ بريدة لو يهرج بس ولد الكلتش :D:D وبه ناس عندهم قرقن واجد بس يقهرون لا أشلق وجيهم بمنتدى العلم والمعرفة واروح اتغبا بمنتدى المشرفين :D:D بذاك ما والله أحد يقضبن الا عاد ان سان جرن مع اذني المشرف العام وطلعن لمكم بالطرائف تجلدونن هذا شيء ثاني هذي لي شوي وانا مادن السلسلة أبشيل التثبيت عاد ييزي ما ورا قعد ولا ابوك والنعم ولا انت ما ندري عنك <<<<<=== بتله تقال له :D:D:D:D:D:D ///ـــلام عليك يا بعد عروق أبط البقة الي محوقت بـخشتي _ والله ياهي ذلتن بنت الملاريا |_|_|_____________@@@@@وووووووسه :D:D:D |
|
|
|
|
03-12-2005, 11:31 PM
|
#13 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
ههههههههههههههههههههههههههه
سراحه قريت الموضوع مرة ثانية وتمزعت من الظحك عاد السراحه ما أذكر إني رديت غير هذي لكن شكله قديم الموضوع أحب أن أهنأ الوسيم وأقوله وشلون الستارة الجديده يالبي وبعدين حنا محتاجين لمثل هذه المواضيع يالبي
__________________
|
|
|
|
|
03-12-2005, 11:47 PM
|
#14 |
|
عـضـو
تاريخ التسجيل: Aug 2004
البلد: Qassim
المشاركات: 2,842
|
ستاره امممممممممممممممممممممممممممممممممممممممممممممم
ستاره صح لالالالالالالالالالالالالالالالالالالالالالالالالا لالالا ستاره صح لا ستاره لالا ستاره نعم ستاره ستاره ماغيره ستاره ستاره اككيد ستاره لا ستاره زجع ستاره ستاره ستاره ستاره ستاره ستاره ستاره لالا اكيد انك غلطان ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره ستاره صج ستاره طيب ابروح اقرا الموضوع وجي انا سمعت استاره يالله ابروح اقراء <<<<< فاضي قسم بل لله
__________________
إذَا أَنْتَ لَمْ تَعْشَقْ وَلَمْ تَعْرِفِ الهَوَى*** فَقُمْ واعْتَلِفْ تِبْنَاً فَأَنْتَ حِمَارُ |
|
|
|
 |
| الإشارات المرجعية |
|
|
النمط المتشعب
