[أبوسياف]

تعرض عدة منازل للسرقة ببريدة في وقت واحد



تعرضت عدة منازل بحي الإسكان في بريدة مساء أمس لسرقة وفي وقت واحد مستغلين غياب السكان بسبب خلوها لخروج أصحابها لتمتع بإجازة نهاية الأسبوع .

وذكر ناصر العتيبي أن منزلة تعرض لسرقة بعد أن استغلت ( العصابة) غياب أفراد الأسرة عن المنزل وهذا يبين أن العملية منظمة .

العتيبي ذكر أن المفقودات كانت عبارة عن مجوهرات وأجهزة كهربائية وبعض الأدوات المنزلية غالية الثمن

وأوضح أن جيرانه بالسكن تعرضوا أيضا للسرقة وما يحز با النفس أن المنزل يقع على شارع رئيسي وحيوي بحي الإسكان في ضل غياب الأجهزة الأمنية والرقابية .

وبين الأستاذ ناصر العتيبي أنه يأمل من الأجهزة الأمنية وضع كاميرات مراقبة في الشوارع الرئيسية والحيوية خصوصا في المدن الرئيسية أسوة بنظام ساهر دون النظر لمسألة الربح والخسارة !!

الأجهزة الأمنية با شرت الحادثة وتم رفع البصمات واتخاذ الإجراءات اللازمة .

الجدير با الذكر أن السرقات في مدينة بريدة باتت ظاهرة تدعو للقلق بعد تزايد السرقات بشكل لافت في الفترة الأخيرة مما يجعل الأجهزة الأمنية في وضع حرج أمام المواطن .

[المسلهم]

المفروض صاحب المنزل هو الي يحط كاميره ...
استودعوا الله بيوتكم عند الخروج

[جيل العشرينات]

وضع كميرات على بعض أعمدة الإنارة في الشوراع الرئيسة سا يساهم في تعزيز الأمن

[أبورامي]

الكاميرات وش فايدته
صديق لي سرق منزله بحي الربوه والمنزل ملغم بكاميرات المراقبة
ولكن مالفائدة منها مادام أن الحرامية متلثمين ومن زود الإستهتار يقومون بعمل حركات قذرة أمام الكاميرات
والشاهد التسجيل
أوالله موتة القلب

[ممدوح الطرس]

اقتباس المشاركة الأساسية كتبها أبورامي الكاميرات وش فايدته صديق لي سرق منزله بحي الربوه والمنزل ملغم بكاميرات المراقبة ولكن مالفائدة منها مادام أن الحرامية متلثمين ومن زود الإستهتار يقومون بعمل حركات قذرة أمام الكاميرات والشاهد التسجيل أوالله موتة القلب

[ابو شرين]

خخخخخخ شر البلية مايضحك تذكرت الاعلان حق امس الشرطة تقبض على ثلاثة

ردوا عليهم بثلاث بيوت
عموما لو بيوت عمالة اللي انسرقت كان نقول فيه امل يمسكون الحرامية

[في داخلي قلب طفلة]

استودعوا الله بيوتكم عند الخروج

[قاآآآآسم]

اخخخخخ يالقهههر
الواحد ما يلقى أمن
تقال باليمن حتى اليمن أحسن منا
لا أمن ولا أمان ورئيس المنطقة في سبااات عميق لا درا ولا سمع ولا هب متابع احوال المدينه

[أبوريناد]

ايش الغريب !!

الأمر عادي جداً دائماً نسمع بالأخبار هذي لذا مافيه شئ مستغرب !!

[الــــــــوردي]

[quote=أبوريناد;2703964]ايش الغريب !!

الأمر عادي جداً دائماً نسمع بالأخبار هذي لذا مافيه شئ مستغرب !! [/quo te]



أولاَ / من أمن العقوبة أساء الأدب
ثانيا / هل سوف نلجأعند الخروج من منازلنا أن نضع عليها شركات حراسة الأمن؟؟؟؟؟
ثالثا / ما جعل هؤلاؤ يتجرؤون إلا لإنهم لم يجدوا عقاب (( تعهد و خروج بكفالة ))




تـحـيــاتـــــــي

[جمس الهيئه]

الجدير با الذكر أن السرقات في مدينة بريدة باتت ظاهرة تدعو للقلق بعد تزايد السرقات بشكل لافت في الفترة الأخيرة مما يجعل الأجهزة الأمنية في وضع حرج أمام المواطن .

قطعو ايدينهم
والله ما يقذف في قلوبكم الحرج امام المواطنين عند تأدية الشرعه

[يوسف 2000]

انا عندي قصة واحد ::::::::
الرجال دخل بيته واذا بواحد داخل بيته قام وتعافر هو والحرامي راعي البيت مسك الحرامي وعفط ايديه وسدحه وربطه وراح قفل عليه بالملحق وقام الحرامي يطل من عند دريشة الملحق ويناظر راعي البيت وهو يلقط اغراضه مار يطلع جواله راعي البيت يبي يتصل على الشرطة قال الحرامي تبي تتصل على الشرطة قال ايه قال الشرطة تبي تسجنن شهرين وباطلع لاكن ابجي لمك وانطل منك واخطف عيالك واعلق بسيارك واجمع عليك اخوياي ونلعنك لعن هاذا حط الجوال بمخباته وقال طيب وش تبين اسوي قال الحرامي رح للصراف وجبلي ( 5000 ) ريال والله ماأقرب بيتك ابد قال راعي اليت (( اجدع شوي )) ويوصل هو وياه ب ( 2500 ) ريال

منقول

[بريداوي بكيفي]

اقتباس المشاركة الأساسية كتبها يوسف 2000 انا عندي قصة واحد :::::::: الرجال دخل بيته واذا بواحد داخل بيته قام وتعافر هو والحرامي راعي البيت مسك الحرامي وعفط ايديه وسدحه وربطه وراح قفل عليه بالملحق وقام الحرامي يطل من عند دريشة الملحق ويناظر راعي البيت وهو يلقط اغراضه مار يطلع جواله راعي البيت يبي يتصل على الشرطة قال الحرامي تبي تتصل على الشرطة قال ايه قال الشرطة تبي تسجنن شهرين وباطلع لاكن ابجي لمك وانطل منك واخطف عيالك واعلق بسيارك واجمع عليك اخوياي ونلعنك لعن هاذا حط الجوال بمخباته وقال طيب وش تبين اسوي قال الحرامي رح للصراف وجبلي ( 5000 ) ريال والله ماأقرب بيتك ابد قال راعي اليت (( اجدع شوي )) ويوصل هو وياه ب ( 2500 ) ريال منقول

هههههههه والله قهر يجلس يفاوض حرامي قسم با الله وعزته وجلاله اني لا اربطه واعلقه با المروحه لمين تصبخبه الجدران لمين يعرف ان الله حق واخذ اسمه واعرف عائلته واخليه يدلن على بيتهم وبعدين اسلمه الشرطه واقوله اذا طلعت تعال اخطف ولا زين شي واعلمك وش ازين بك لابوك لابو سلب

[قصيمي ذوق]

• السلام عليكم .... ياجماعة الخير انا والله سبق حصل لي وانسرقت استراحتي وبلغت الشرطه الشماليه ببريده وانا اللي دورت الحرمية حتى حصلتهم وبلغت الشرطه الشمالية وارسلو معي دورية لستراحة الشباب وواحد من الشباب اللي سرقو مني وحصلت جزء من المسروقات باسترحتهم وسلموني الشرطة اللي حصلت واخذو الشباب للشرطة وطلعوهم بكفاله وانا لسى باقي بعض المسروقات عارفين ايش قال لي الضابط اللي مستلم القضية قال ماثبت عليهم شي وانا ماقدر اجبرهم يعترفون اسئلكم بالله هذا يصلح يحط يمسك قضاياء . بعذر الحرامية لو تمادو بالسرقات الله يستر على الجميع ودمتم