[Mr.Mody]

بسم الله الرحمن الرحيم

في العالم أجمع توجد العنصرية وفي العالم العربي والسعودي وقد نهى الإسلام عن العنصرية في الكتاب والسنة قال صلى الله عليه وسلم ((لافرق بين عربي وأعجمي إلا بالتقوى )) توجد كثير من أنواع العنصرية وهي :
1-العنصرية القبلية
2-العنصرية اللونية كقول (هذا أبيض - هذا أسود )
3- العنصرية المناطقية
4-التعصب للجنس كقول ( انا رجل وأنت إمراه أو أنا امراة وانت رجل ) على سبيل التعصب

فارجو من جميع الاخوان التفاعل و مناقشة أسبابها و كيفية القضاء على العنصرية أو جزء منها .

مع خالص تحياتي :Mr.Mody

ملاحظة : التصويت مفتوح على راحة العضو أذا أراد التصويت فلــ ـيصوت و إذا لم يريد فعلى راحته .

[غريب احساس]

ومن يقول ان فية عنصرية بالوقت الحالي

[رحيق الوردة]

اذا كان الانسان عنده ايمان فعلا مو كلام من ذلك تظهر اخلاقه الحسنه فلا ينظر الا خزعبلات الحياة

[اجهلگ ‘]

خلاص الناس تعدوا المرحله هذي ..

واتمنى انك ماتفتح باب لهم ..

[DHOOM]

والله يالغالي كلامك صحيح

بس قليل الي يعاني من العنصريه

انا يماني وعايش ومولود ببريده لاكن صراحه كل اخوياي مايقولولي يماني او زي كذا

ولو قالو بحل يماني وبعدين ^^غيرو شئ

وناس طيبه صراحه وازيدك من الشعر بيت لاتحكم على الشخص الا اذا عرفته

ياما قلت هذا عبد وهذا كذا وكذا لاكن بالنهايه عرفت انهم طيبين وناس حبايب

والي عنصري مره بكيفه ماذبح الا روحه ^^ صراحه عقده نفسيه العنصريه

لاكن كلنا اخوان ولاتهمكم التفاهات هذي

لانها مالها حل للاصحاب العقول الخفيفه

ومشكور على الموضوع الحلو يالغلا

تقبل مروري وردي البسيط

[Mr.Mody]

انا وضعت هذا الموضوع لتقليل العنصرية عند بعض الناس

[خلفان]

شكلك تجرب التصويت

[7DAYS]

يالغالي .. آنت اكبر من انك تناقش هالموضوع ..
لو طرحت موضوع اجتماعي كان آتوقع افضل من هالشئ ..
العنصريه .. راحت وولت .. كلنا لآآدم وادم من تراب ..
تمنياتي لك بالتوفيق ...

[Mr.Mody]

لا والله ياخلفان منب أجرب التصويت ابشوف أراء الأعضاء بالموضوع وبس وشكرا عـ المرور

[Mr.Mody]

جزاك الله خير يالنبيه وشكرا على المرور

[مافـﮯشـﮯءاسمہ محال]

العنصريه القبليه منتشره بين الناس بالقصيم عموماً وخاصة ببريدة..

أما المدن الآخرى احس عادي عندهم..

أما العنصريه المناطقيه واللونيه صراحه اول مرره ادري انه فيه احد كذا ..

من أسباب العنصريه :

-وراثه بالعائله ((يعني على حسب التربيه)) ..

- انعزال كل قبيله على حِده..

-الفروق الماديه..

أما علاجها:

- التواضع..


يعطيكـ العافيه على الموضوع الرائع..

[شــادن]

اقتباس المشاركة الأساسية كتبها مافـﮯشـﮯءاسمہ محال العنصريه القبليه منتشره بين الناس بالقصيم عموماً وخاصة ببريدة.. أما المدن الآخرى احس عادي عندهم.. أما العنصريه المناطقيه واللونيه صراحه اول مرره ادري انه فيه احد كذا .. من أسباب العنصريه : -وراثه بالعائله ((يعني على حسب التربيه)) .. - انعزال كل قبيله على حِده.. -الفروق الماديه.. أما علاجها: - التواضع.. يعطيكـ العافيه على الموضوع الرائع..

كلاااااااااااااااااام صحيييييييييح مية بالمية

[Mr.Mody]

العنصرية المناطقية مثل شخص من منطقة كذا وشخص من منطقة اخرى فالأول يكره الثاني بسبب أنه من تلك المنطقة

[مافـﮯشـﮯءاسمہ محال]

^
^
^
ايوه عارفه بس ماتوقعت العالم كذا يفكروون..