[المنسق]

[size="5"] بداية أيها القراء الأعزاء الصراحة [إسمحولي أن أعبر عن مافي ضميري لأني من مبطي وحنا مسكتين حنا والجيران ياخي كل العالم عندهم لنبات شوارع إلا حنا وش السالفة ياخي الدولة ماقصرت يارئيس المركز بس تحرك إطلب لنا مهب جالسين تقهوون أنت والشباب وناسين شي إسمه (زنقب) ليس من العدل أن يكون الطريق اللي مقابل المقبرة يعمي من اللمبات الموجودة وهو مافيه حوله أي جار ... والزنقب يسكنه كثيرمن العوائل . لاصارو حبيبين عاد واسكتو طيلة الوقت ياخي (إتق شر الحليم إذاغضب ) وترا مقدرين الأباء الأولين ماودنا بالزعل ولاكان تشوف وش الخطابات اللي تكون ضدكم بالإمارة . أرجو أن يصل كلامي للإخوة من مدير ونائب وفراش . والله أعلم [/size]

[ناصربريده]

الله يكون بعون

[وليد7777]

يخي حنا مثلك بالمريدسية (المنزله)وماجاورها نعاني من سوء الزفلته والتقاطعات الخطره والله يكون بعوننا

[الدب الصيني]

ابشر عن طريقي والله ان يوصل صوتك لرئيس بس لعلى وعسى وياليتا ( لتمني ) انه يسوي شي .

[المنسق]

والله ياخي حنا ماعطينا وجه بكل شي والله المستعان لكن إن ربك لبالمرصاد

[برد ودفا]

كل شي فهمته الازنقب
وشو افيدون ياالاخبوبيه
مانفهم لغتكم

[مصيفين]

يا رجال خلها على ربك البلاء من الجميع ( المركز , البلدية ,الأمانة ,المياه )

تخيل مخطط حكومي موزع له أكثر من خمس طعش سنة لم يصله الإسفلت ولا الماء الحكومي
حتى المطينه للشوراع الرئيسية فقط اغلب الأراضي لازم جيب علشان تاصل وأرض تلقاها بالنجوم والأخرى تحت الجن من طمنها ؟؟؟ يعني عجزوا يواسونه ويخلونه على مستوى واحد


أما رئيس المركز استبشرنا بالولد خير لكن الفقع مثل الرتزه تبي تيوس رح الضحى لمهم تلقاهم يبيعون ويشرون هذا في عهد الاب واللحين مادري يمكن تطوروا بمزاين الإبل
والظاهر الحين بدوا يبيعون الزنجيبل والبزار هههههههههههه

وأعتقد أن من الأسباب العنصرية لأن اغلب سكان الحي المتواجدين من الطبقة الثانية ؟؟؟oo

شكرا لك على طرح هالموضوع ؟؟؟؟؟؟

[درة مكنونة]

اقتباس المشاركة الأساسية كتبها برد ودفا كل شي فهمته الازنقب وشو افيدون ياالاخبوبيه مانفهم لغتكم

انا دخلت عشان اشوف وشو< الزنقب>

[المنسق]

الدب الصيني مع التحية لك : يعني على كلامك إن الدبيخي والحميدان والعرفج والرميحي والدخيل الله والصمعاني مايستاهلون - الصراحة مهب أنت اللي تقيم الرجال ولا فهم رجال معروفون في الزنقب من يوم أن كنت نطفة في ظهر أبيك - وأما الزنقب فهو حي من الأحياء التابعة لمدينة بريدة معترف به بالحكومة وليس عندك أنت ورئيس المركز.. وأما قولك إن رئيس المركزمايروح يجيب أدري مهب أنت اللي تعلمن لكن هو رئيس يعني يقدر يكلمهم ويجون على طول ولا بعد يبي ييعون عليه - بعدين تقول اللي يسمعك يقول بحي الريان الحمدلله كل حي فيه رجاله وماقام حي الريان إلا إن فيه رجال تشتغل - مهب مثل رئيسنا والنائب كل صبح هذا يروح للمزرعة وذا يروح يرش العمارة مخلينه بالدور يوم لك ويوم عليك -وأما قولك إني المريدسية ديرتي تعقب وتخسا لوهي ديرتك كان دافعت له ولا خلاص نطلت أرض مثل اللي نطلووبعته وطلعت للريان ولا الإسكان -وانت لاتنسى ماحدث لرئيس خب روضان لأن الحكومة رعاها الله تعرف من اللي يعمل والذي لايعمل وبإذن الله نبي نرفع للإمارة المركزية بالمنطقة إذا ماشتغل صح اللي عندنا يوخر ويجاب واحد ينفع الحي .
لا وبعد إذاجاهم الضيافة للمريدسية من الدوله راح وعزم المدرسين والمدرسات وشوله عساهم لفاريه المفروض توزعهن على الضعفاء من الحي والمساكين اللي عليهم ديون .. ولا صح عازم كبار الشخصيات في المنطقة خخخخخخخخ الصراحة مهب شغل أبد ياليتنا نتبع البصر البلدية الغناء الصراحة كل الأحياء التابعة لها تقل داخل الهيئة الملكية ماشاء الله مهب مثلنا تقل داخل دخنه وبعدين تقول مالي دخل لكن من باب الأمانه هههههه الأمانه إنك تدافع مهب تداهن واللي ماوطا الجمرة مايحس بالحرارة وشكرا .
وتقبل مروري

[الدرة المصون]

وأما قولك إن رئيس المركزمايروح يجيب أدري مهب أنت اللي تعلمن لكن هو رئيس يعني يقدر يكلمهم ويجون على طول ولا بعد يبي ييعون عليه - بعدين تقول اللي يسمعك يقول بحي الريان الحمدلله كل حي فيه رجاله وماقام حي الريان إلا إن فيه رجال تشتغل -


تراي خبره بالمجال اللي يبي له مخطط هو اللي ينوره ويسفلته ويبيع الاراضي لكن مخططكم تابع للحكومه هم اللي يسوونه مهب شغل الرئيس واذا رحت لامير المنطقه قلهم عن حينا شمال بريده لعلنا نرفع عليهم مثلك حنا نبي نصير احسن نروح للرياض نستقبل الملك ونقوله

[حربي عابر دربي]

اقتباس المشاركة الأساسية كتبها درة مكنونة انا دخلت عشان اشوف وشو< الزنقب>

يالاخواة الزنقب هذي حارة وانتن طالعات من بريدة للبصر من عند طريق المطار القديم (طريق الخبوب)
قبل ماتاصلن محطة ساسكو ( قبل الطلعة ) يسار تحت النفود. . مقابل بيت الرسيني الي يكوي ويعالج شعبي.(من الجنوب) حارة اذا شفتها تتذكرن الشيبان الولين امارة خرابه ومركز بريد قابل للهدم .والله انها منسية فعلن. لاكن اتوقع مع زحف الرمال تبي تندفن ( اي مهب قوي حتمسح من الخريطة الخبوبية )
فعلن الي مايطالب يوكل حقه . لاتقولي نستحي ومقدرين لو قدروكم هم فعلن كان لبو مطالبكم بس شكلهم مايرونكم شي . طالبوا مابكم ارجال ومتعلمين . لاتقول عنصرية ولا غيرها ( من ذراعك ولا مت)
الدولة ماقصرت ترصد الميزانيات للبلديات وغيرها بس في مزارع خاصة تزفلت وتنار داخلين وخارجيآ وهي مساحات كبيرة جدآ على حساب البلدية والمواصلات .

[لمسات احساس]

اقتباس المشاركة الأساسية كتبها حربي عابر دربي يالاخواة الزنقب هذي حارة وانتن طالعات من بريدة للبصر من عند طريق المطار القديم (طريق الخبوب) قبل ماتاصلن محطة ساسكو ( قبل الطلعة ) يسار تحت النفود. . مقابل بيت الرسيني الي يكوي ويعالج شعبي.(من الجنوب) حارة اذا شفتها تتذكرن الشيبان الولين امارة خرابه ومركز بريد قابل للهدم .والله انها منسية فعلن. لاكن اتوقع مع زحف الرمال تبي تندفن ( اي مهب قوي حتمسح من الخريطة الخبوبية )

ماشاء الله توصيفك يجنن ..
ممكن توصف لي وين مدينة السويس عن القاهره ودي أسوي مظاهرات معهم ..

اقتباس لاتقولي نستحي ومقدرين لو قدروكم هم فعلن كان لبو مطالبكم بس شكلهم مايرونكم شي . طالبوا مابكم ارجال ومتعلمين . لاتقول عنصرية ولا غيرها ( من ذراعك ولا مت)

نستحي >> وشي موقعه من الإعراب ...ههههههههههههه

اقتباس امارة خرابه ومركز بريد قابل للهدم .والله انها منسية فعلن. لاكن اتوقع مع زحف الرمال تبي تندفن ( اي مهب قوي حتمسح من الخريطة الخبوبية )

ممكن أشوف صورة قصركم ياسيدي الموقر!!!!!

اقتباس حتمسح

تصنع بالكلام ترا ماله دااااااعي
تكلم عادي ترا نفهمك ...هههههههههههه

اقتباس على حساب البلدية والمواصلات

أُما المواصلات متعوب عليه ذي ....هههههههههه

ـــــــــــــــــــــــــــــــــــ
وللمعلوميه فيه أخطاء إملائيه حبيت أوضح لك إياها ..

اقتباس الاخواة

تكتب (الأخوات )

اقتباس الي يكوي

تكتب (اللي يكوي).

اقتباس الشيبان الولين

والصحيح (الأولين )

اقتباس الي مايطالب

والصحيح (اللي مايطالب)

اقتباس مابكم ارجال

والصحيح(مابكم رجال)

اقتباس في مزارع خاصة

تكتب (خاصه) بدون التاء المربوطه

اقتباس داخلين وخارجيآ

تكتب (داخلياً وخارجياً)

اقتباس كان لبو مطالبكم

تكتب (كان لبوا مطالبكم)

اقتباس قبل الطلعة

والصحيح (قبل الطلعه)

ـــــــــــــــــــــــــ هـ‘ــــذي بعض الاخطاء الاملائيه ــــــــــــــــــــــــــــــــ
أمنياتي لك بدراسة الإملاء جيدا قبل ماتكون رئيس قسم جغرافيا عالمي ...ههههههههههههه

* العجيب في الأمر إن الجزء الأول من كلامك يتناقض مع الجزء الأخير *

[أبونوافـ]

مصيــــــــــــــــفيــــــــــــــــــن
والــمــــــــــــنســـــــــــــــــق



لكما جزيـــــــــــــل الشــــــــــــــكر

[مصيفين]

حي الله أبو نواف

أنتم عيوننا التي نبصر بها وعوننا بعد الله

على المحبة والخير نلتقي