[فتى العاصمه]

السلام عليكم ..


مدخل:

هذه بعض سير أعلام المنتدى <<على وزن أعلام النبلاء .. قررت اني أنزلهن بخمسة مجلدات..
بس قلت أوريكم إياهن قبل عشآن أسمع ملاحظاتكم وأعدل على كتابي الضخم ..<لاتصدقون ..


الموضوع:

سوف أكتب لكم بالمختصر ومن خلال سواليفكم داخل المنتدى ماذا أعرف عن كل من :::


حفيد اعقيل: هو شايب المنتدى ..بس كم عمره مدري؟ بالثلاثين أو الأربعين أو الستين ..الله أعلم ..
واللي صدق استغرب منه انه حاط (اعقيل) ومن خلال دراساتي المتبحرة في الإملاء أظن كلمة
(عقيل) تكتب كذ ا وكأني لمحته غيره من فتره..

الصمصام: أخلااااااااق وأسلوب ماشاء الله عليه .. وهو من سكان القريات ..

المنخرش: من أشهر ما عرفت عنه رحلته إلى بريطانيا لمدة ثلاث شهور .. وشهر العسل اللي في ماليزيا بس الصراحه خطيييير ..
لكن هذا أبو فهد الله يسلمك إذا تناقشت أنت وإياه فهو بيمسح بك الأرض ويخليك ماتسوى خلاقينك ..
وإذا حطك براسه فاعلم إن أمك داعية عليك ..

الصباخ+ المستشار+ الخفاش: ماشاء الله عقل وثقل وكشتات ولا أحححلى..

دريم: هالعضو رهييييييب وكل مواضيعه تعجبن بس مدري وينه ألحين .. وأمنية حياتي
إني أشوف (خشمه) ..

أبوشباصة: العضو الفله الذي انقطع على إثر مظاهرات من الشباصات على القول الراجح ..

الدعساوي: عاطل منذ سنة تقريبا وأول انضمامه إلى صفوف العاطلين قام بتصليح لمبات بيتهم .. تقاريره المكشاتيه جميله .. وننتظر واحد فخم ومرتب قريب يابو دعس ..

لمآح + عربجي قاضي: لمواضيع وردود ماااااااصله .. بس موب دايم يعني يجي منهم..

خوي السرور+ الجني العبد: يآآآآه أيام كانوا المشرفين كان المنتدى صرررقعه ..

مدحت شوقي بريدة: وين ما يروح الأخضر تراي معه<<ليش؟ مدري ..هذا الله يسلمكم هو لحااال
وجدته موضي لحاال هو وجدته مثل شامبو بلسم كونوا ثنائي رائع .. ليته يرجع..

جلوكوز (أو) س د ر: مندوب أم ناصر لبيع السراويل اللي أنتم خابرين..

وميضه: يحبونه الشباب يرد على مواضيعهم عشانه راعي ردود طوويله ..

جيدا: أذكره راح لمستوصف برمضان وشاف وحده وتعافى .. بس هو متعافي إلى هالحين؟

جروح: إذا شفت اسمه أحس إني بطير لأني أتذكر الصوره الرمزيه حقته اللي به واحد معلق بين السماء والأرض ..

جفينشي+بليدر+كريتف+أبوغلا: أول مستوى جامعي <<يعني طفه .. هم ومواضيع السواليف مثل القهوه بدون تمر برحي ..

ابراهيم + جناح :بسم الله أمداهم سجلوا إلا صاروا مشرفين .. والله العالم إنهم ناشبين بحلق أبو مهند .. لكنهم ماعليهم ..

كآيدهم(قاهرهم): يحب المشاكل والمقصات والملاليس .. عليه لهجه حووووسه .. وهو الآن في إطار ومحاولات
لتغريب السواليف الكشكوليه لأنه يبي يشيع الألوان الزاهيه عند الشباب .. وين عنتره عنك؟؟

شلقه (أبوشهد): من سكان الرياض.. ومسروقه سيارته الكامري .. بس ما علمنا هو لقاه أو لا؟
مواضيعه نادره ممتعه..

فتك (روقان): يوم يتطنزون على اسمه الجديد.. بقولك ترا حتى اسمك القديم ما جاز لي <<تكفى ..

طالب طب: غريبه إلى ألحين ما تخرج .. مشاركاته بالمنتدى تكاد تكون معدومه لكن كانت له صولات وجولات يشهد لها التاريخ ..

الوابل الصيب: يتميز بالمسابقات والجوائز اللذيذه. .

راعي الطيب: دابة سليمه يتعرض حالياً لهجمات منظمه ..الله يعينه ..

أبو جهاد: مقلع ولكن منقلع أقصد منقطع منذ مبطي ..

على الساقي: من ترك الإشراف وحنا ما شفنا خشته .. يعني يا مشرف يا تزعل ؟؟



** اللي ما لقى اسمه يا أني ما لقيت شي أكتبه عنه أو نسيته .. فسامحنا ..
** اللي كتبت أسمائهم ترا الدعوى مزح ولا أحد ياخذ بخاطره لا أدبغه هنا ..


مخرج:
هي الأمور كما شاهدتها دول ** من سره زمن سآآآآئته أزمآآآآآن

[كآيدهمـ]

اقتباس المشاركة الأساسية كتبها فتى العاصمه السلام عليكم .. مدخل: هذه بعض سير أعلام المنتدى <<على وزن أعلام النبلاء .. قررت اني أنزلهن بخمسة مجلدات.. بس قلت أوريكم إياهن قبل عشآن أسمع ملاحظاتكم وأعدل على كتابي الضخم ..<لاتصدقون .. الموضوع: سوف أكتب لكم بالمختصر ومن خلال سواليفكم داخل المنتدى ماذا أعرف عن كل من ::: كآيدهمــــــــــ(قاهرهمــــــــــ): يحب المشاكل والمقصات والملاليس .. عليه لهجه حووووسه .. وهو الآن في إطار ومحاولات لتغريب السواليف الكشكوليه لأنه يبي يشيع الألوان الزاهيه عند الشباب .. وين عنتره عنك؟؟ مخرج: هي الأمور كما شاهدتها دول ** من سره زمن سآآآآئته أزمآآآآآن

وعليكم السلام ورحمة الله وبركاتة

اول شي
كآيدهمـ هيك عم بتكتب آحبيبي

من ناحية اني احب المشاكل لا والله
ولكن لكل واحد قوي فية الي اقوى منه
ولكل شنب مهايطي فية مقص يقص شنبة
وكلامي واضح وباين لفئة اهم يعرفون انفسهم .

ومن ناحية لهجي انه حوسة
عادي ماكو شي كامل الى وجهه << <او مالها دخل بالموضوع
المهم والاهم
سوف تمتعنا بموضوعك اخي الغالي
وسوف اكووووون من متابعية وبشغف كمان
واي معلومه تبيها مني مستعدين يالغلا .

ووش تغريبة ووش خرابيط الي تهرج عنها
ياخي من اول الردووود لا اخرها وهي اسود x اسود
كنت ببداياتي اكتب بالون الاحمر وتم محاربتي بسبب اللون
والان اشاهد بعض الكتاب والمشرفين والاعضاء يستخدمونه
ولا بعد واحد منهم كان معارض لذا اللون >>> > فيس بيبص على بريه ذذ

ومن ناحية قاهرهمـ ( تم توقيفها بعد الاتفاق مع ابو مهند انه لا يصح انك تستخدم معرفين )
ولكن هناك من لة 3 و 4 معرفات وما زالت تستخدم وبالكش كوووول كمان نشاهدها .

اي قبل لا انسى
ووش جاب عنترة بالموضوووع
انت ما سمعت سالفة عنتر
يوم قالو لة روح قاتل الاسد انت عنتر
قال انتم تعرفووون اني عنتر ولكن الاسد وش يعرفة فيني

وانا اقوووول
انت تعرف عنتر ولكن جب لي عنتر مالك ذا .. ذذ

[~ [ جناح ] ~]

رد على الطاير و لي عودة ..

اقتباس ابراهيم + جناح :بسم الله أمداهم سجلوا إلا صاروا مشرفين .. والله العالم إنهم ناشبين بحلق أبو مهند .. لكنهم ماعليهم ..

ابراهيم /: 1425 هـ بس شكلك تعني أحد ثاني
أنا /: مسجل قبل معرفك ذا بكم شهر ..


* أشك أن لك معرفين أو إنك من المعـ××ي

[حفيد اعقيل]

.
.
.
ســـــــير أعـلام الســـقماء

كتبت اعقيل عنوة ولســت ممن يخطئون بالكتابة , وأعلم أنها خاطئة هكذا

لكني أردت كتابتها هناك للضرورة لإن البعض يعتقد أن (عقيل ) إسـم وليس

نســبة إلى اعقيل ..

أما معلوماتك عني فإنها لاترقى أن تفرد عني بـاباً في كتابك المشـئوم

(ســير أعــلام الخــــــبلاء )

.
.
.

[إبراهيم الضبيعي]

هههههههههههههههههه
تنسيم الصدز انك جمعتهم
بس عندك بعض الاخطاء
مثل جفنشي بالمستوى الاول << خطأ
انا مسجل جديد << خطأ
روقان تقول كلن مستهزي به << خطأ انا جايزين لي اسمه \

تمييز لعيونك وكثر لنا من المواضيع

[CREATIVE]

لالالا راح الرد

جناح اقشع توقيعك لاتجيك دعوتن بآخر ساعه من الجمعه

ماشفت محاويق الصمصام ،، إيه محاويق ،، هذي خشتي ان دخل النسمات مرتن ثانية
جيدا ،، يقولون هالحين ماغير يملّس من هالكشّة

اقتباس الصباخ+ المستشار+ الخفاش: ماشاء الله عقل وثقل وكشتات ولا أحححلى..

أمّا الصباخ عقل وثقل وكشتات ، ياعمّي طيير ، يبي له إعادة نظر
الدعساوي مانبي منه غير يتس لنا الكاتم له مرتن بمطل الدعيسة ،، عاد الصدز انه خقق هالآدمي
مين قول انا بالجامعه ؟؟ ، انا عاطل إقتداء ب راعي العقل والثقل والكشتات
ابراهيم موب جديد ،، بس خبرك يتوارثون العضوية ،، يخبرون ان عضويته كانت ل جده اللي بالضاحي الله يرحمه
طالب طب ،، واويليه بس مشتاقن له ،،

[عـدنــان]

اقتباس الصباخ+ المستشار+ الخفاش: ماشاء الله عقل وثقل وكشتات ولا أحححلى..

ههههههههههههههههههههههههههههههههههههههه
ههههههههههههههههههههههههههههههههههههههه

عجزت أتخيله !


موضوع تووحة صراحة ومثل ماقال جناح 7

اقتباس * أشك أن لك معرفين أو إنك من المعـ××ي

[راعي الطيب]

اقتباس دريم: هالعضو رهييييييب وكل مواضيعه تعجبن بس مدري وينه ألحين .. وأمنية حياتي إني أشوف (خشمه) ..

ههههههههههههههههههههه
دريم بخير ونعمهـ بس تخبر يعاني حالياً من المراهقة المتأخرة
صدقني احمد ربك انك ماشفت خشمه على قولة المثل:
( تسمع بالمعيدي خير من أن تراهـ )

اقتباس لمآح + عربجي قاضي: لمواضيع وردود ماااااااصله .. بس موب دايم يعني يجي منهم..

هههههههههههههههههههه
صدقت خاصة عربجي فاهر هو اللي مخبرن وإلا انا دابة سليمه

اقتباس راعي الطيب: دابة سليمه يتعرض حالياً لهجمات منظمه ..الله يعينه ..

صدقت والله <<<اخنقته العبرة
مع أني خلوق ولا عمري أخطيت على أحد ولا جرحت مشاعر أحد
وأسالوا كايدهم كانكم مب مصدقين

أهنيك على هيك موضوع كتير مهضوووم

[__$$بصمة ابداعـ $$__]

تعجبن جمع المعلومات
احس قاعد اسبوع تكتب


بأنتضار الاسماء التي لم تضهر

[قاآآآآسم]

و


انــــــــــــــــــــــــــــــــــــــــــــــــ ـــــآآآآآ

[أبو غــلا]

والله ياعيوني صارن تسنهن لحام .. بس يتدزادحن


منهو أنت أول مره أشوفك

[أبو رزان]

ولو حليو الموضوع ,, لو انكم زعلتوا

[روقــآن]

لكل واحد له معرفين

أحلق اللي أنت خابر كان مالك معرف ثاني

وإلا أسمي ماجاز لك

هات أذنك شوي ترى أسمي ذا والأول كلهن ما دخلن راسي ذذ

جروح يجرحه تجريح

أخوكم روقــآن المشاكس

[المميز نت]

اقتباس المنخرش: لكن هذا أبو فهد الله يسلمك إذا تناقشت أنت وإياه فهو بيمسح بك الأرض ويخليك ماتسوى خلاقينك .. وإذا حطك براسه فاعلم إن أمك داعية عليك ..

^ ^

وأنا اشهد