[ابو وافي&&]

بسم الله الرحمن الرحيم
انا شاب من مدينه الرياض ابلغ من العمر عاما
تقدمت الى فتاه من مدينه القصيم بريده والامور ولله الحمد والمنه جيده مع العلم بأنها صاحبه خلق ودين تعمل بمدرسه اهليه لكن مما اسمع عن بعض الطالبات المدارس الأهليه هداهن الله ؟؟
سؤالي الأن هل برأيكم ان معلمه المدرسه الاهليه تتطبع بأخلاق طالبتها ام لا وماذا تنصحوني عن زواجها وفقكم الله وتقبلو تحيات محبكم ابو وافي

[متفائلة (2)]

اسأل عن اخلاقها ومجتمعها
اماالمدرسة لاتأثيرعليها لأنهاعبدة مأمورة ملهادخل في الطالبات
الله يوفقك

[علشانك بس 2]

الله يوفقها ويسعدها

[فـــتــى سـلـطـانــه]

الله يسعدها واسأل تلقى الجواب

[abonwaf]

تناقض عجيب
تقدمت لهل البنت وجاي تاخذ شورنا بعد ايش بالضبط هل تتوقع انها سوليف
تقول انها ذات اخلاق ولله الحمد وتسئل بقولك هل ممكن تتقمص شخصية طالباتها
يا عمي انت من اولها مو واثق ازبط نفسك شوي واركد
وبعدين فكر انك تتزوج

[عضو محترم]

اقتباس المشاركة الأساسية كتبها abonwaf تناقض عجيب تقدمت لهل البنت وجاي تاخذ شورنا بعد ايش بالضبط هل تتوقع انها سوليف تقول انها ذات اخلاق ولله الحمد وتسئل بقولك هل ممكن تتقمص شخصية طالباتها يا عمي انت من اولها مو واثق ازبط نفسك شوي واركد وبعدين فكر انك تتزوج

وراك فجعت الولد والله لو هو خاطبن اخيك

لا بس توكل ع الله وما راح تشوف ازين من بنات بريده

[ويني عند روحي]

عجيب امرك
الله يوفقنااا وياك
والبنت ماله دخل بطالباتها

[سيرينا]

وش تحس فيه؟؟
خاطب البنت وخالص وجاي تسألنا
وبعدين اذا كان فيه نماذج سيئة هذا لايعني الكل
الله يهديك بس

[الوردة الحساسة]

المعلمة مالها دخل بالطالبات

[انسان من بني آدم]

وشلونك انت طيب

ياحبيبي اولا: القصيم منطقه وليست مدينة

ثانيا: يعني انت قصدك انه هي متربيه ثمن يوم صارت تعمل بمدرسه اهليه تاثرت بالطالبات وصارت مثلهم
والله لو هي ساكنه معهن

حتى لو سكنت مالظاهر يبي ياثرن عليه لان طبايعهن ميهب وحده بهن الزينه وبهن الشينه

واتنمى ترتقي بتفكيرك اخوي لان هذا زواج تدري وشلون زواج ولا اعلمك

تحياتي لك واتمنى لك التوفيق

مير العرس ببريده ولا بالرياض

[ثلاثينيه رايقه]

[center]

ماعندي جواب بس ابسالك وابغاك تقيس انت على ردك

الحين الموظف في دار الملاحظه يتطبع بطبع الاحداث

ولا السجان هل يكون مجرم ويتطبع باخلاق المساجين

ملاحظه ليس كل من يدخل السجن مجرم

[/cente

[عين الحقيقة]

[CENTER]

اقتباس المشاركة الأساسية كتبها ثلاثينيه رايقه ماعندي جواب بس ابسالك وابغاك تقيس انت على ردك الحين الموظف في دار الملاحظه يتطبع بطبع الاحداث ولا السجان هل يكون مجرم ويتطبع باخلاق المساجين ملاحظه ليس كل من يدخل السجن مجرم [/cente

مثل ما قالوا لك الأعضاء !

أنت شكلك متردد وتدور أي قشة !!!!!!!!!!!!

أنت خاطبن البنت وإلا الطالبات ؟؟؟؟؟؟؟؟؟

يعني أنا معلم وطلابي ( محششين ! )
أصير محشش على طول ؟

بنات بريدة بحمد الله وبنات القصيم في الغالب بنات حمايل ومتربيات على الاصول ويتمتعن بحسن التعامل وتقدير الأزواج ..

وهذاك تقول صاحبة خلق ودين !!!!!!!!!!!!

طيب وش تبي زووووووووووود !


.

[GIVENCHY]

^
ولا كل من يد رس بأهلية يصير داشر ..

[بريد1111وي]

يعني انت عاقل ومحترم وفاهم وتصلي وتخاف ربك

احطك تسكن بين تجار مخدرات تظن تبي تطيح بالمخدرات مثلا وأنت فاهم خطورتها وعاقل

<- يرحم امك لاعاد تضرب له أمثال