[الاخباريه]

السلام عليكم

كيف الحال اخواني واخواتي

مابي اطول عليكم

بدخل بسالفه على طول

اخوي الصغير هو اللي يسوقبنا عمره تغريبا13سنه الحمدلله يوم صار يسوق ارتحنا من السوقين ولموزينات

المهم الحمدلله اخوي سواقته راكده ومايروح اي مشوار الا وحده راكبه معه نخاف عليه من الشباب الله مايخافون الله الله يهديهم

المهم امس رحنا مشوار الا فيه شاب عمره تغريبا20سنه ومعه ولد عمره تغريبا12سنه المهم اخوي مايقدر يسرع ويفتحله الطريق لان قدامنا سيارات صار الشاب يبوري ويطلع يده ويهاوش على اخوي
ويقوله اخوي وين اروح شف السيارات ويقول الله يلعن ويلعن وسب على اخوي ولعن وشتم يعني صرنا منظر للعالم المهم اخوي قال طيب ارجع علشان ارجع واخليك تتقدم قدامي المهم حنا رجعنا ومشينا مع طريق ثاني يوم مشينا ويجي يلحقنا تخيلو الطريق عام وهو عاد مليون بسرعه وخوي خاف وصراخ ويحدنا على السيارات قلنا لخوي وقف على جنب لانه صار يجي من قدامنا ويعرض سيارته بلعرض المهم وقفنا وبدى يلعن ويشتم ويلعن ابوي وامي ويسوي حركات وصخه لخوي ولنا الله يعفيه ولايبلانا
اخوي ماتكلم ولاكلمه ريوس على ورى ومشينا ويجي يلحقنا عند الاشاره ونفس الحركات والكلام تخيلو الاشاره فيها عالم وربي مافيه ولارجال قاله كلمه يعني شي مو معقول اقل حاجه يقولون لخوي كيف يتصرف حنا حريم وش نقدر نسوي ومالنا غير هالاخو يعني لاابو ولا اخوه كبير ولا عم ولاخال كلهم سكنين بمنطقه غير منطقتنا
المهم حنا كملنا طريقنا وهو يتابعنا ونفس الحركات

انا الحين ابي حل يعني وش المفروض نسوي بمثل هالحركات والشباب يعني بمى اني حرمه كيف اقدر اتصرف

حنا مشكلانا ماعندنا غير هالاخو الله يخليه لنا

اتمى تنصحوني وترشدوني لطريق الصح

[ياليت]

ياحيـآآتي انت

تصدقين عاد انه يسستعرض عند الي معه ابو 12 يقاله اني قوي وعربجي

مير حسبي الله عليه

شوفي بهالزمان المره تصير مثل ارجل الي يغلط عليتس لتسكتين ولاتسمينه ذا رجل
تسان نزلتي ومهنتي كاترينه


ذولى ماينفع معهم الادب

[الاخباريه]

هلا حبيبتي تعرفين المره ضعيفه لو قالت شي وربي تقوم الدنيا وتقعد بس انا ابي كيف نقدر نتعامل مع هالاشكال
يارب منك الفرج

[عطشــانة دم !]

ياحليهم الصغنونين
كن خليتي اخوك ياقف ونزلتي ونزلتي نعلتك وعطيتيه اكاالكلف اللي يرسم الشبشب على وجهه

[الاخباريه]

ههههههه يمه والله لو تشوفينه ماتقولين هالكلام طعر فيل كبر جبل احد الله يشرفه
مير قررت اني مااركب السياره الا معي خيشة حصى

[ما تَهَاب]

13 سنة !
صغير حيل كيف يسوق !, الحل السواق ما أعتقد فيه حل غيره أخوك مع احترامي بزر
كيف تفكرون تعطونه سيارة !!! ..

+ من جد أستغرب ما أدري ليه بالقصيم المرور ساكتين على هالأطفال اللي يسوقون ,
وإلا الأهل هيّن الأباء أهم ماعليهم الراحة والأمهات الطلعات عندهم يبدونها على كل شي !
قبل فترة والله خواتي بغوا يروحوا بسبب طفل و الله يستر عليه من ذيك الدعوات اللي جته منهن من جد شي يقهر ..!
و أتوقع هذا السبب الرئيسي للسواقة الهمجية اللي نشوفها بالقصيم ..
<< " كلامي هنا عام ماأقصد فيه أخوك : ) "

الله يخلي لكم أخوك ويستر عليه من الناس ويستر على الناس منه ..

[دنيا الغلا..]

والله جد الولد صغيييير .......وانتو حرييم مااتعرفوو تتصرفوو..حااسه فيكم والله ...والله كاان المفرووض اخووك يعلم اقرب سيارة مرور..يتصرفوو ويشووفو حل للشبااب اللي ماااتربو

[الاخباريه]

ياقلبي لو انتي تعيشين بمثل ظروفنا ماقلتي سواق وغيرها او اخوك صغير او او او من هالكلام
وحبيت اوظحلك نقطه بسيطه بس مو شباب القصيم اللي متهورين بكل مكان التهور من كل الاطراف بس الله يهدي الجميع

وميحس بالجمر الاوطيها

[يوسف السراي]

مفروض معه شي, مثل سكين او.. او.., على الاقل مايقربون السياره نهائيا, طبعا من نوع التخويف فقط, لأن اخوكِ معاه نسوان والنسوان لازم معاهن رجل يحميهن, وان كان صغير, لازم معه شي يخافون منه, وهالكلاب لو يشوفون اي شي مع اخوكِ يهربون وينحاشون مثل الفيران.
نصيحة, لازم يكون معاه شي يخوف فيه هالكلاب.

لكِ تحياتي

[حربي عابر دربي]

اقتباس المشاركة الأساسية كتبها يوسف السراي مفروض معه شي, مثل سكين او.. او.., على الاقل مايقربون السياره نهائيا, طبعا من نوع التخويف فقط, لأن اخوكِ معاه نسوان والنسوان لازم معاهن رجل يحميهن, وان كان صغير, لازم معه شي يخافون منه, وهالكلاب لو يشوفون اي شي مع اخوكِ يهربون وينحاشون مثل الفيران. نصيحة, لازم يكون معاه شي يخوف فيه هالكلاب. لكِ تحياتي

عاد وش هالاقتراح يابو الشباب قالولك حنا في شيكاغوا


واذا شاف نفسه الولد وتهور وذبح فرخ الفيل وش يبي يسوونبه الحكومة

اكيد يبي ينزلون اسمه باخبار الساعة 9 مساْء

ولكم في القصاص .............

الله يحمي اخوكم من التهور ويحمينا وياكم والمسلمين اجمعين

[يوسف السراي]

اقتباس المشاركة الأساسية كتبها حربي عابر دربي عاد وش هالاقتراح يابو الشباب قالولك حنا في شيكاغوا واذا شاف نفسه الولد وتهور وذبح فرخ الفيل وش يبي يسوونبه الحكومة اكيد يبي ينزلون اسمه باخبار الساعة 9 مساْء ولكم في القصاص ............. الله يحمي اخوكم من التهور ويحمينا وياكم والمسلمين اجمعين

افاااااااااااااا, علطول قصاص, الدعوى تراها تخويف فقط , لأنهم اكبر خوافين مثل الكلاب تنبح تنبح واذا شافو ما عافو انحاشوا ما تشوف إلا اغبرتهم.

لك تحياتي

[حربي عابر دربي]

اقتباس المشاركة الأساسية كتبها يوسف السراي افاااااااااااااا, علطول قصاص, الدعوى تراها تخويف فقط , لأنهم اكبر خوافين مثل الكلاب تنبح تنبح واذا شافو ما عافو انحاشوا ما تشوف إلا اغبرتهم. لك تحياتي

والله اذا جت ام الهكي : مافيه يامه ارهميني

[فارس 7]

على هالمشكلة اللي صارت .. واضح جداً ان اخوك مبزوط .. يعني ممطرس ,, يعني مخطي عليه خطأ فادح ولا يغتفر ...

عموماً المبزرة مشكلة بالسواقه , , كنت مع خويي و صدمه بزر ونزل فاتحن كشرته ماصار الا الخير ماصار الا الخير .. اللي يشوف وجهك يشوف خير .. و هالبزر مخطي 100 % مسرع و مشغلن السكن تسن به علم .. شكل البزر كل ثلاث أيام يصدم مرتين .. هرجه تحس انه واثق هو وجبهته .. الله يعين عليهم ..

بخصوص مشكلتك معك رقم لوحة السيارة ؟ إذا معك شكوى لـ مركز الشرطة تخليه يروح بخراايطها .. طبعاً إذا ماله واسطة ..

[حربي عابر دربي]

فرخ الفيل مسون نفسه بروسلي

يعني وش تبينا نقول بزران يتهاوشون نحط روسنا بروس البزران مايصير..



لاكن تزوجن وريحن اهلكن وفكن اخوكن من الاحرج لا يدبغ بسببكن وانتن تشوفن

الله يحمانا وياكن والمسلمين اجمعين ...


دمتم بخير