[نالا]

يا بنت أرجوك أنا مأقدر كفاني ماضي الغلطات..

أخاف الله يعذبني وأنا خواف يابنيه..

أنا ليّه ثمان اسنين وأنا مدمن على الشهوات..

ديار الفسق حاستها مواطي تحت رجليه..

عيوني من كبر همي تخلط الدم والعبرات..

مِسيل الدمع من عيني حفر بالخد ماريه..

صحيح إنك جميله بس تبنا من هوى الزينات..

تركنا الحب غصب وطوع للعين الشقاويه..

يابنت أنتي على بالك أبأخذ من بنات الشات ؟..

أجل مجنون أنا يابنت أشيل العقل بيديّه؟..

ترى أكبر شيء يربطني مِعك جوال ابو شاشات..

وهاتف ينقل أشواقي على نبرات سلكيه..

وترى كل العلوم اللي عطيتك بالهوى كذبات..

وحتى دمعتي يوم الفراق الصعب كذبيه..

هذاك اليوم ماهلت عيوني لجلك الدمعات..

لأن الدمع ماينثر بقصه حب وهميه..

أنا أضحك مِعك واضحك منك ..عليك أكثّر الضحكات..

كأني بالهوى جني.. يعبي راس جنيه..

وأنا ماني بخكري يلبس القمصان.. والشرتات..

ويفرح قلبه المسكين إذا حب الدوينّيه..

أنا من لابةٍ أروت ضمايا سيوفها الغزوات..

خلايا جسمنا عاشت على دم القبيليه..

ودهنتي شعرك الاسود بألوانٍ من الصبغات..

وعيت تقبل الصبغه ملامحك الخليجيه..

وحشرتي ردفك المسكين بالبنطال ..والجنزات..

خلاقينٍ تصنّعها مزاجات اليهوديه..

عشاني ميتٍ في ثغرك الأحمر أبو لمعات..

تحسبيني أبرضخ لك لأن إشفاك ورديه ؟..

ورب الكون مأرضى فيك لو إنك شيخة الحلوات..

وإذا صمل عليّ العلم أكب ارض السعوديه..

يابنت الناس عزك في سوادٍ يستر العورات..

وعزي في أحمر.. وثوب أبيض.. وطاقيه..

سعوديين نفخر في عبايات السعوديات..


نغض الطرف إجلالً إذا شفنا السعوديه



نــــــــــــــــــــــــــالا

[يوسف السراي]

صح لسان شاعرها.
قصيدة رائعة واختيار موفق.

لكِ تحياتي

[هــيـبـتـي بـعـثـرتهم]

عــــــــــــوافي على الطرح الرائع...


تقبلي مروري...

[نالا]

احبتي
شكري لكم

[ثلاثينيه رايقه]

الاروع البيتين الاخيرااات

يسلمو يا نلووو

[ديم القصيم]

فالاك المليوووووووووووووووووووووووووووووووون والبيرق صح لساااااااااااااااااانك

[انسه سالي]

يسلمووو
قصيده في قمة الروعه..

[حلوة القصيم]

ياي ياحلو القصيده تم الحفظ
جت في وقته
مشكوره اختي

[نالا]

احبتي
باقة ورد لكـم