[مدحت شوقي بريده]

السلام عليكم ..

في كل أصقاع الأرض ..
في وديانها وقلبانها .. في سهولها وجبالها ..
في كل هراطق شبر من اشبار هذة المعمورة ..
في جميع كل شي .. <<((== قل آمين .. اياجعل اللي درسك التعبير للبعج ..


ليت شعري كيف كانت ثم كانت ..
ليت شعري كيف صارت ثم صارت ..
ليت شعري كيف مالت ثم مالت ..


هنا في بريدة .. هناك في الرياض .. هناك وهناك .. وفي كل زمان ومكان ..
يبقى الشمال شمالاً والجنوب جنوبا ..



لاأخفيكم سراً إن لم تؤمنوا بما قلته ..

في رياضنا الأبي .. في رياضنا الفتي ..
يقبع ( محاتسيكم ) في جنوب الرياض ..
حيث الهدوء والهواء والنقي ..


هناك .. لاتوجد مباخر لمصنع الاسمنت ترهق ( رئتيك ) ..
وتجعل حواجبك ناصعة البياض .. وبشرتك شهباء وكأنك متمرغاً في صحراء جرداء ..


ولاوجود لمصلحة ( المسك ) ذات الصهاريج الصفراء الفاقع لونها ..


في الجنوب لايوجد لدينا طيوراً تسمى ( الباعوض ) ..
تقع على جسمك كالفراشة لتشفط الدم من ساقيك ويديك ..
بل إنها ومن فرط قوتها .. تستطيع شفط الدم من الركبة والمرفقين في تحدي للعصر ..
وتشهد على هذا كراعين اخوي عبدالله قدس الله سره ..


هنا في الجنوب .. تجد مقر الحيونات الأليفة .. من النعيمي والبرابر ..
حيث أحواش الغنم الممتلئة بالثروة الوطنية من ( السماد البلدي ) ..
فلا تعجب إن قابلت ذباباً طائراً .. الشكل شكل الذباب والجسم جسم الغراب ..


في الجنوب ( نهر خالد ) يجري ولايتعب .. ولايكل ولايمل ..
لونه افتح من الأسود قليلا .. على جنباته الخضرة المائلة للسواد ..
تهفوا اليه قلوب السودانيين والمصاريا في كل جمعة ..
يعيدون ذكريات النيل العظيم ..


هذة هي الجنوب ..



أما الشمال .. وماأدرك مالشمال ..

فهناك مهرجان الربيع والزهور ..
والهواء العليل .. والرزق الوفير ..
هناك النهضة .. والحياة ( الرطبة ) ..


جنوبنا لايريد مهرجان للزهور .. ولايريد الفيصلية ولا المملكة ..
يريد فقط العدل والانصاف .. يريد النظر اليه بعين المساوة في العطاء ..

فسكان الجنوب وسكان الشمال أخوة ..
لحمهم ودمهم واحد .. شعورهم ومشاعرهم مترابطة ..
لافرق بينهم الا بالتقوى ..



ختاماً ..
الله يرحم حالتك يالجنوبي ..


زنقا .. زنقا ..

خارج التغطية :
ورمت رجليني وأنا اكتب من تنتيف هالباعوض ..
احس أنه داري ولد قريح .. اني اكتب عنه ..

تدرون ليه الباعوض مايتكلم .. لأن ماله ( اثم ) ..
عنده هالشفاط اذا دعسه برجلك وشغل الماطور .. قل على رجليك السلام ..

تصدقون عااااااااد إن الباعوض احسن من بعض الممرضات ..
ياخي يدل العرق على طول يشفط .. أما هالممرضات تحوس مريرك حوس بهالابرة ..
افتح يد انتا .. سكر يد انتا ..
اووووه فين هذا وريد ..

راح الوريد .. روحة جدي اللي راح ولا جاء ..


سي يو ..

[جيهان]

ماشاءالله جبال وانهار وبحار وين ذا باابها شكله....

اعتقد كل منطقه من مناطق المملكه جنوبها يشتكي لاكن ماعندكم احد...اصبروا الصبر مفتاح الفرج..

[مدحت شوقي بريده]

اقتباس المشاركة الأساسية كتبها خالديه هيبه ماشاءالله جبال وانهار وبحار وين ذا باابها شكله.... اعتقد كل منطقه من مناطق المملكه جنوبها يشتكي لاكن ماعندكم احد...اصبروا الصبر مفتاح الفرج..

خالدية هيبة ..


اقول لها وقد طارت شعاعاً .. من الأبطال ويحكي لن تراعي ..
نعم نعم لن تراعي ولن تراعي ..


هاللحين اقول جنوب الرياض .. وتقولين شكله أبها ..
عاااااااد ابها مابه جنوب .. لأنه هي بالجنوب ..


وترى الجنوب بلغة جدي سليمان وجدتي موضي ..
يعني ( يمين الجسم وأيسره ) ..
ويااكثر مايقول جدي سليمان .. جنوبي توجعن اليوم ..
وبالأخير نكتشف انهم نايم على حصاة ..



نعود الى الموضوع ..

شكراً لكي على حضورك الكريم ..
وصدقتي ورب محمد .. فأغلب الديار جنوبها يشتكي ..

والله يرحم الأحووال ..



سي يو ..

[Azoooz7]

هههههههههههههههههههه

وعليكم السلام ورحمة الله وبركاته ،،

لبى قلبك والله على الجرح وصفك

صدقت في معظم كلامك

لا توقف .. امتعتنا

[الـعـابـر]

اقتباس اخوي عبدالله قدس الله سره

على طاري القدسية و ارتباطه بالجنوب
تذكرت الجنوب اللبناني و حسن نصر الله
يقول ان اي جنوب لا يسكنه الا رجال اشاوس
ومن بعد هذا الموضوع تبين لي انه كلامه يميل للحقيقة
فكل جنوبي اشوسي
فهل انت و اخوك فعلا اشاوس
..
خارج التغطية
سبحان الله دائماً الجنوب مضلوم
جنوب لبنان
جنوب السودان
جنوب سوريا ( درعا )
وفيه جنوبات كثار

[مدحت شوقي بريده]

اقتباس المشاركة الأساسية كتبها من الجماعة على طاري القدسية و ارتباطه بالجنوب تذكرت الجنوب اللبناني و حسن نصر الله يقول ان اي جنوب لا يسكنه الا رجال اشاوس ومن بعد هذا الموضوع تبين لي انه كلامه يميل للحقيقة فكل جنوبي اشوسي فهل انت و اخوك فعلا اشاوس .. خارج التغطية سبحان الله دائماً الجنوب مضلوم جنوب لبنان جنوب السودان جنوب سوريا ( درعا ) وفيه جنوبات كثار

من الجمااااااعة ..
هلابيك يالبي ..


ولاتنسى الجنوب السعودي .. فقد تأثر بالجنوب اللبناني ..
وبداء التمرد الرافضي يضرب أوتاده فيه ..
وهناك الجنوب الفلبيني .. فهو مايزال يئن تحت وطأة السلاح ..


أشكر لك مرورك الكريم يابعدي ..

خارج التغطية :

أشا وس .. ياخي وش دعوا هالاحراجات ..
أنا خلن أعرف معناه ( اشا و س ) همن اقولك أنا واخوي أشوسيين والا محناب اشوسيين ..


بس الظاهر والعلم عند الله .. ان كلمة ( اشا و س ) ..

هذولا شايب وعجوز متهاوشين بالفلبين ..
فالشايـب يـقـوله ( أشا ) أي بمعنى ( أش ) ..
فترد العجوز قائلة ( وس ) يعني( اص ) .. وهي بمعنى اها بس انثبر ..



سي يو ..

.

.

[مدحت شوقي بريده]

اقتباس المشاركة الأساسية كتبها Azoooz7 هههههههههههههههههههه وعليكم السلام ورحمة الله وبركاته ،، لبى قلبك والله على الجرح وصفك صدقت في معظم كلامك لا توقف .. امتعتنا

عزوز 7


تسلم يالبي ويابعد معاليق شدوق هياء بنت خالتي هيفا ..

ولبى قلبك على حضور ردك ..

وابشر يابعدي انت .. ( كل ماأوفيت ابدرعم ) .. <<((== اعلمك بعد والله ياهي لغة ..



سي يو ..

[قائد المجد]

ههههههههه

[مدحت شوقي بريده]

اقتباس المشاركة الأساسية كتبها قائد المجد ههههههههه

قائد المجد ..


حياك ربي وبياك ..
وجعل البسمة دائماً في محياك ..


تشرفك بمرورك الكريم ..


سي يو ..

[الجادي المدوف]

غصب علينا نعيش بها الجنوب
ما نبي شي خلاص ، منفوحة حولت علينا
راحت أيامك يا الجنوب يوم كان كله قصمان تهئ تهئ

[مدحت شوقي بريده]

اقتباس المشاركة الأساسية كتبها الجادي المدوف غصب علينا نعيش بها الجنوب ما نبي شي خلاص ، منفوحة حولت علينا راحت أيامك يا الجنوب يوم كان كله قصمان تهئ تهئ

الجادي المدوف ..

حبيب البي .. هذا إسمك وإلا ( تكروني ) قاعدن يهوش ..



صدقت يابعدي .. صار الجنوب هاللحين .. سعد والعيال مبارك وشلته ..
يوم فيذا قال ميدي .. تعال فيذاك ..



والله يرحم حالتك يالجنوبي ..


سي يو ..

[الغائب]

:
:
لا فض فوك ..

( وش أحتسي عنه )

لكن يشهد الله .. أن من يسكن الرياض وفي بعض أحيائها إنه لفي عيش مر ..



بوركت

[مدحت شوقي بريده]

اقتباس المشاركة الأساسية كتبها الغائب : : لا فض فوك .. ( وش أحتسي عنه ) لكن يشهد الله .. أن من يسكن الرياض وفي بعض أحيائها إنه لفي عيش مر .. بوركت

الغائب ..

هاللحين ( لافض فوك ) هذي وشي .. مدحة وإلا سبه .. وإلا وش تسمى ..
<<((== تبلش باللي يدربي دميجته مثلي ..


أما زحمة الرياض فلاتذكرنا به يالبي ..
تصدق يابعدي إنه حتى يوم الخميس الساعة 1 بالليل الدائري زحمة ..

الوقت الوحيد اللي مافيه زحمة هو صباح الجمعة فقط ..


الرياض هاللحين أصبحت مدينة عمل .. ولاتصلح للسكن ..


ومشكور يابعدي ..


سي يو ..

[كنت بيوم حساس]

ههههههههههههه
موضوع طريف
واسلوب فكاهي
يقولون والعهده على الراوي ان اغلب مدن العالم تنمو شمالا وتضمحل جنوبا

واخاف يتوحش القاريء الكريم يقولون ايضا ان السبب هو ان الشمال ارض المحشر
فلذلك ينزح الناس غالبا الى الشمال

قلت سابقا العهدة على الراوي انا مالي دخل والراوي هنا وكالة يقولون اكبر وكالة انباء ملفقة للاخبار