[ربي يحقق ما أتمناه]

السلام عليكم ورحمة الله وبركاته

جزاكم الله خيراً

أخواني وأخواتي أريد أن أتصدق بـ 1000 ريال صدقه جارية فأين أضعها وكيف لايعلم بها أحد

أنا أسألكم الآن لأنكم لاتعرفوني هل أستطيع أن أحفر بئر بالخارج أم المبلغ قليل ؟

لأول مره أحصل على مبلغ مالي خاص بي فـ لذلك أريد أن أتصدق صدقة في مكانها لمن يحتاجها فساعدوني تقبل الله منا ومنكم صالح الأعمال

بارك الله فيكم

[إن الله يراك]

ما شاء الله عليك
يفيدونك الأخوان

[يرفأ]

وعليكم السلام ورحمة الله وبركاته ...
أبحثي عن أحوج أهلك وذوي رحمك غفر الله لك ..
وإن لم يكن لديك منهم محتاج فوسعي دائرة البحث - الأقرب فلأبعد - وهكذا حتى يوفقك الله لمحتاج تعينيه ..
وأعطيها لهم سراً - وهنا حاولي أن تبتكري طريقة لإيصالها بدون أن يعرف مصدرها ولن تعجزي حيلة بإذن الله -
ففيهم تجمعين بين الصدقة والصلة بارك الله فيك ..
وفي بلادنا محتاجين كثر ولكن فيهم من يتعفف ولا يسأل .. وفي مثل هؤلاء البر أوجب رحمك الله ..

أسأل الله أن يثيبكٍ ويعينكٍ على الخير وييسر لكٍ أبوابه ولا يحرمك أجره ..
وأن ويرزقك الأخلاص والقبول والزيادة من كل خير أنه ولي ذلك والقادر عليه جل وعلا سبحانه ..

وفقنا الله وإياكم لكل خير ...

[ودي أشارك]

تلقيين بالاعلانات عن بناء بيوت وشقق ويكون ايجارها للمستودع الخير او للجميعات الخيريه
تقدرين تشرين منهم سهم اذكر انه بالف ريال
او براده ماء او مكيفات او سجادات باحد المساجد

[ريلاكس11]

جزاك الله خيرا

الاقربون اولى بالمعروف "

وعندك هيئة الاغاثة او الجاليات
او مساعده في بناء مسجد ولو ريال

او برادة ماء

الله لايحرمك اجرها

[ربي يحقق ما أتمناه]

جزاكم الله خير

الأقربون والأبعدون كذلك مافي أحد يستحق صدقه جزاكم الله خير وفكرت بالخادمات كذلك وجدت أنهم لايستحقونها لأنهم لهم رواتب ومنعمات بالبيوت

وجزاكم الله خير على الدعوات آمين ولكم بمثل يارب العالمين

أبي أحد يقولي مثلا الحساب الفلاني للجمعيه الفلانيه انا أعرف ابواب البر بس اين وكيف يعني لو بساعد بحفر بئر بالخارج وين ومن أعطي الفلوس لو بعطي المبلغ لو قليل لمسجد وين ؟




في إنتظار الرد

[اجمل احساس**]

الله يجزاك خير. من رايي لو تتتصدقين على اي عائله مسكينه يكون افضل من الجمعيات

[ربي يحقق ما أتمناه]

الله يجزاك خير بس ما أعرف عائلة ياغاليه

[اجمل احساس**]

اقتباس المشاركة الأساسية كتبها ربي يحقق ما أتمناه الله يجزاك خير بس ما أعرف عائلة ياغاليه

الاحياء القديمه .. الله يحقق لك ماتتمناه

[ربي يحقق ما أتمناه]

أرجوا الرد

في موقع مركز الإحسان الخيري على هذا الرابط

http://www.ehsan.org.sa/?page_id=231

كفالة يتيم هل ممكن أحول على الحساب الألف ريال ولا لازم شيء دائم شهرياً ؟

[فخر القصيم]

اقتباس المشاركة الأساسية كتبها ربي يحقق ما أتمناه أرجوا الرد في موقع مركز الإحسان الخيري على هذا الرابط http://www.ehsan.org.sa/?page_id=231 كفالة يتيم هل ممكن أحول على الحساب الألف ريال ولا لازم شيء دائم شهرياً ؟

اهلا بك اختي ى

بالنسبة لمركز الاحسان فهو حاليا مكتفي ..
عندك جمعية ابناء لرعاية الايتام فهي الجهة المعتمدة لرعاية الايتام بالقصيم ..
وهذا رقمهم 063851919


موظف سابق بالاحسان ..

[مخطط]

في مشروع برادة ماء في احد المساجد اذا تبغي راسليني على الخاص

[** نائلة **]

اقتباس المشاركة الأساسية كتبها ربي يحقق ما أتمناه أرجوا الرد في موقع مركز الإحسان الخيري على هذا الرابط http://www.ehsan.org.sa/?page_id=231 كفالة يتيم هل ممكن أحول على الحساب الألف ريال ولا لازم شيء دائم شهرياً ؟

مرحبا عزيزتي بالنسبه لسؤالك هذا احب افيدك بانك تقدرين تتبرعين فيهم دفعة واحدة لكفالة يتيم وليس من الضروري تكون اقساط


لكن بقولك اختي انتي سألتي عن حفر البير ماتكفي له الالف لأنه يبغى له تسعة الاف بالخارج وبالداخل اغلى من الخارج


أما بالنسبة للتبرع نصيحتي لك دائما تبرعي لجهة معروفة واحذرك من التبرع لجهة مجهولة

وأحب أقولك فكرة رائعة وأجرهــــــــــــــا عظيم جدا وذلك لكثرة المستفيدين منها من المسلمين
وهي وقـــــــــــــف خيرية عنيزة متعدد المنافع اللي أعلنوا عنه بالوسيلة بـــ 360 ريال فقط

وهو وقف لك أثناء حياتك وبعد مماتك بإذن الله لأنهم يبنون الآن منه دور التحفيظ اللي في عنيزة كلها
ويدفعون رواتب المدرسين في الدور اللي في عنيزة كلها طوال السنين الجاية من وقفك اللي دفعتيه
تخيلي يصرفون رواتب 20 دار تحفيظ القرآن في عنيزة واحتياجات هذي الدور من الــ360 اللي دفعتيها ويرعون معظم أيتام وفقراء وأرامل عنيزة طوال حياتهم


ويبنون حاليا بيوت ودبلوكسات بيأجرونها ثم يدفعون من قيمة اجارها على الفقراء والايتام والارامل والمعاقين اللي مسجلين عندهم ويساعدونهم شهريا في رمضان وغير رمضان ولكن تخيلي في شهر رمضان كم ستفطرين من الصائمين معـــــــــــــــــظم فقراء وايتام وأسر عنيزة


ويبنون المساجد ويحفرون الآبار وأشياء كثيرة كله من الــــ 360 اللي دفعتيها إنتي وبقية الناس
وباقي الألف وزعيها على بين كذا جمعية
ويرسلون لك رسالة على جوالك بعد كل انجاز يتحقق للخيرية سواء بنوا بيوت او افتتحوا دار تحفيظ جديدة واشياء كثيرة



بصراحة انه الوقف الخيري موجود عندنا في بريدة بكثرة لكن أنا أول مرة يعجبن وقـــــــــف مثل هذا الوقف متعدد المنافع وأنا كلمت صاحب الوقف نفسه والقائم علية مباشرة وشرح لي كل شئ الله يعافيه وتبرعت أنا وخواتي الله يكتب لنا الأجر


الجمعية الخيرية هذي أسسها الشيخ العلامة محمد بن عثيمين
بكتب رقم الجوال علشان إذا عندك استفسار 0500054100

حساب الجمعية في مصرف الراجحي رقم

271608010004622


هذا بالنسبة لعنيزة لكن ببريدة عندنا وقف الوفاء ب 1000 ريال ووفي وقف الام وخيرية الشماس عندنا ببريدة مرة طريقتهم ممتازة و جمعية ابناء لرعاية الايتام بالقصيم .. رقمهم 063851919 ممكن تتبرعين فية لكن الوقف ترى ماهو ضروري تكون الف كاملة عادي لو بعضها أنا سألت الخيرية وقالي حسب اللي تقدرين علية

وممكن تتبرعين للجمعيات الخيرية المعروفة اللي بالمملكة ممكن تبحثين بالقوقل وتلاقين كثير معلنين
أنا سويت كذا في شهر رمضان اللي راح وممكن ايضا تكلمين موظف البنك عن طريق الهاتف المصرفي ويشرح لك كيف تتبرعين للجهات الخيرية المعروفة بالمملكة وطريقته سهلة جدا عن طريق الهاتف المصرفي وبالتوفيق للجميع ..............

[مسك الختام]

الهيئه العالميه للشباب الاسلامي

تقدري تشاركي ببناء مسجد او حفر بير او كفالة يتيم

وهذا الرابط

http://www.wamy.org/

واذا تبغين ارقامهم فرع بريدة قولي لي

ربي يرزقك ويبارك لك فيما رزقك ويعظم لك المثوبة والاجر