[أم ايوب]

:""""<بـــســـــــــم الـــــــــلــــــــــه الرحـــــــــــمـــــــــــــن الـــــــــــرحــــــــــيـــــ,,,,,,,,ـــم>""""""






في مجتمعنا نرى علاقة الحمولة بحرمة ولدهم علاقة مختلفةعن علاقة ببعض أو علاقتهم بالاخرين من الاقارب مثل الخوال والاعمام ودائما اتساءل لماذا مشاكل الحمولة مع مرت ولدهم كثيرة ؟

ودائما زوجات الابناء يشكين من الحمولة وخصوصا اذا كانت ساكنهةمعهم في نفس البيت !تقول الاخت نورة طالما حلمت ببيت مستقل يجمعني مع زوجي فأنا اعيش مع اهل زوجي

الام والاب والابناء واعاني كثيرا في حياتي فانا محط الانظار من الجميع دائما وتصرفاتي تحت المجهر فان نزلت وانا قد لبست وتزينت فالعيون ترقبني حتى مشترياتي الجميع لازم يشوفها

والويل الويل ان خرجت مع زوجي لوحدي فهاذا شي محرم في شرعهم ....!!
اما اخواته المتزوجات يخرجون مع ازواجهم ويتمشون ويروحن للمنتزهات ويسافرون للرحلات.....
وانا في نظر أم زوجي كل هذا ممنوع وان رحنا او خرجنا لازم يصطحبنا مرافق اما احد البنات او امه الحنون واقول ربي يفرجها......)

اما الاخت هدى فتقول : (كنت اعيش في بيت مستقل ولكن توفي والد زوجي فاضطر زوجي ان يسكن عند امه ورحلنا واصبحنا نعيش مع ام زوجي ولكن تغير كل شيئ في حياتي وصرت اذا قمت الصبح لقيت ام زوجي زعلانه ليش انام الصبح

تبغاني اقوم الساعة سبع واجلس قدامها وتدخل خشمها بكل شيء بحياتي......!!

ليش اروح لاهلي كل اسبوع؟ليش اشتري ملابس جديدة ؟ وليش.......وليش.......وليش........

وانا احاول اراضيها واحترمها واقبل راسها كل يوم لكن مافيه فايده اعيش حياتي نكد بنكد وزوجي يقول تحملي هذي امي ..........)





اتسائل لماذا لا تقع عيون اهل الزوج الا على سلبيات زوجة الولد.....

لماذا لاتقع على ايجابياتها ليش هالنظره لحرمة الولد ....دائما اهل الزوج ينظرون لحرمة الولد:

هي: اللي ماتعرف تربي اولادها .
هي : اللي تنشر اسرارهم.
هي:اللي تكرههم وتخفي دائما امور عنهم.
هي:اللي ماتعرف تدبر بيتها ولا تعرف شيء .


اذكر وحدة من صديقاتي كانت دائما تشكي من اهل زوجها وحمولتها تقول:اذا رحت لاهلي يومين لمناسبة قلبوا راس زوجي علي !!ارجع الاقيه مليان علي واحيانا يتفقون مايكلموني
ومايردون السلام علي وكل شغل البيت علي انا مجبرة استقبل الضيوف واصب القهوة لهم وهم يجلسون كانهم ضيوف....!!
ويبدون يعلقون علي قدام ضيوفهم وكاني عدوه لهم !! بالعكس انا متحملة اذاهم ومتحملة العيشة وسطهم ولا اخذ راحتي ولا لي أي خصوصية !!لا البس على راحتي ..ولااتكلم مع زوجي على راحتي...
حتى المشي مامشي على راحتي....!!

طبعا التعميم صعب في هذا الموضوع اكيد فيه حريم عيال علاقتهم جيده لكن بعض حريم العيال احيانا تدخل على حمولتها وكانها تبي تاخذ
زوجها لها فقط وتنسى ان له ام واخوات واهل وتريده لها وحدها فقط ماتبيه ينظرلامه ولا يخدم امه ولا يودي خواته حتى ولا يجلس معهم ...!!
وبعض حريم العيال تبي حمولتها يخدمونها ...!
تبي دائما تكون عندهم كانها ضيفة يرحبون فيها...!!
ويضحكون في وجهها ويقدمون لها الضيافة...!!
بعض الحريم العيال تعامل اهل زوجها كانهم اعداء ..!
تفسر نظراتهم وحركاتهم واقوالهم كلها ضدها ......!!

لا....وبعضهم تبي زوجها يخدم اهلها ويشيل اهلها وامها واخواتهالكل مكان ويلبي كل متطلباتهم ..!

وبعضهن جافة جدا مع اهل زوجها ولا تقول لهم كلمة حلوة ولا دعوة صادقه ولا هدية بسيطة..!!

وبعضهم دائما رافعة نفسها عنهم
لاتشاركهم افراحهم ولا ترحم مريضهم ولا تواسي ضعيفهم .....!


اخيرا.......

اقول السعيدة من راقبت الله تعالى في تعاملها مع الناس جميعا فتعطى كل ذي حق حقه من ام او زوج او ام زوج او اخت زوج فكما تدين تدان....

[الصاتز ياطى عباتي]

هههههههههههههههههههههههههههاي
للحين هالحموله ماعقلتَ
شوفي يالغاليه اللي تحس أن حمولته بهم هالأطبآع الشينه
خليه تكب كل قشه عليهم
والله لو طلعت للسوق أني لادخل عليهم وأوريهم
وأشري لهم بعد وأن صلحت شئ زين أذوقهم
يعني أكسبهم وقسم أن يصيرون خاتم بأصبعتس


الحين موضة 2011 ماتشوفين مرة الولد
والخاله تتحكم بطلعته معه
عندنا وحده له سنه معرسه تخيلي من أقـآربي قوه
وماشفته إلا مره ذذ
> مدري وش هالحركات الجديده


الله يرزقنا وكل حبيبه وعلنياته حمولتن طيبه

[•°انكسار الأماني°•]

مافي شيء إسمه حمولة مافي شيء إسمه زوجة ولد ,
فيه شيء إسمه مجتمع كامل ,
الحمولة أهلي وأهلك وأهالي كل الأعضاء بالمنتدى ,
ومرة الولد أنتِ وفلانة وعلانة وفلنتانة ,
أكثر من مرة نسمع شتائم تطال الحمولة أو تطال زوجة الإبن ,
ثم تجي كل وحدة تمدح أهله أنهم حمولة طيبة ويعاملون حريم عيالهم مثل بناتهم ،
وعلى هالمنوال كل بنت تمدح نفسه كزوجة ولد رائعة وتمدح أهله كحمولة رائعة وتسب حريم أخوانه وحمولته بأنهم ناس ( وعيّن )
ومن يدري يمكن بنت حمولته ( المسبوبة ) تشاركه بنفس الموضوع وتمدح أهله ونفسه هه ,
السؤال المطروح / مين هالزوجات السيئات ؟؟ مين هالحمايل السيئين ؟؟
وينهم لاقدر الله ! ممكن أشوفهم على أرض الواقع !
لأن النت كل اللي فيه يقولون أنهم أطلق ناس بالكورة الأرضية , والله أعلم بهم هه


..

[نهوض امة]

اقتباس المشاركة الأساسية كتبها •°انكسار الأماني°• مافي شيء إسمه حمولة مافي شيء إسمه زوجة ولد , فيه شيء إسمه مجتمع كامل , الحمولة أهلي وأهلك وأهالي كل الأعضاء بالمنتدى , ومرة الولد أنتِ وفلانة وعلانة وفلنتانة , أكثر من مرة نسمع شتائم تطال الحمولة أو تطال زوجة الإبن , ثم تجي كل وحدة تمدح أهله أنهم حمولة طيبة ويعاملون حريم عيالهم مثل بناتهم ، وعلى هالمنوال كل بنت تمدح نفسه كزوجة ولد رائعة وتمدح أهله كحمولة رائعة وتسب حريم أخوانه وحمولته بأنهم ناس ( وعيّن ) ومن يدري يمكن بنت حمولته ( المسبوبة ) تشاركه بنفس الموضوع وتمدح أهله ونفسه هه , السؤال المطروح / مين هالزوجات السيئات ؟؟ مين هالحمايل السيئين ؟؟ وينهم لاقدر الله ! ممكن أشوفهم على أرض الواقع ! لأن النت كل اللي فيه يقولون أنهم أطلق ناس بالكورة الأرضية , والله أعلم بهم هه ..

كلام في الصميم

[دانوو]

*ومضة..

اعتبري حمولتك(فرع لأهلك)..
وربي بترتاحين..
لأنك خلاص بديتي حياة جديدة بدخولك معهم ولا زم تتكيفين مع هالحياة
مثل بدايتك للحياة لما أمك ولدتك.
وشييييلي من راسك إنك مرة ولد ولازم يصير لك هيبة ومدري ايش من هالخرط الفاضي..

تمنياتي للجميع بأطيب الحمايل

[مرادي الذكريات]

اقتباس المشاركة الأساسية كتبها دانوو *ومضة.. اعتبري حمولتك(فرع لأهلك).. وربي بترتاحين.. لأنك خلاص بديتي حياة جديدة بدخولك معهم ولا زم تتكيفين مع هالحياة مثل بدايتك للحياة لما أمك ولدتك. وشيييلي من راسك إنك مرة ولد ولازم يصير لك هيبة ومدري ايش من هالخرط الفاضي.. تمنياتي للجميع بأطيب الحمايل

مع احترامي لصاحبة الموضوع واحترامي لك شخصياً ...احب اكتب رأيي اعتقد انه من الخطأ أن نقول للزوجة عاملي الحمولة كأهلك ...لماذا؟ لأن بعض الحمايل لايريدون ان تكون الزوجة كأبنتهم فكيف يستوي الامر لانها لو عاملتهم كأهلها ستفتح قلبها لهم وتظهر على سجيتها وتعطيهم بلا مقابل وتحمل نفسها اعباء كثيرة,والاهم انها تطالبهم بكشف اسرارهم لها ,واعلامها عن كل تحركاتهم,وطبعا ستكثر مخالطتهم ورفع الكلفة بينهم ....وهنا تأتي النتيجة حسب فهم الحمولة برفض هذه الزوجة لانها ((دبلة كبد+قراقة+تطلع الاسرار+تحب تدخل فيما لايعنيها+تمون بزيادة ))الخ
اذا الافضل تُعامل زوجة الابن حمولتها مثلما يريدون ..وتبتعد عن ما يسبب لهم حساسية ,فأهلها لهم تصورات وطلبات في زوجة ابنهم وحمولتها سيكون لهم تفكير مختلف والعوايل عندنا تختلف ,,ومن الخطأ ان نعمم لكل الحمايل برنامج تعاملي واحد..والموضوع جميل ومهم اجتماعياً والحمدالله ان المجتمع اهتم بهذا الموضوع وأخذت بعض النساء حقوقهن في هذا الزمان ولكن للأسف ان النقد موجود من كلا الطرفين ..والمؤسف انه يكون في الظهر <غيبه> ونتمنى ان نتطور وننشغل بهمومنا عن غيرنا ...ورضا الناس غاية لاتدرك.
تذكرن يابنات ان تعاملن اهل ازواجكم وفق ثقافاتهم ورغباتهم لتكون النتيجة جيدة لان التعامل ولو كان اروع مايكون مع من لايريده ولايحترمه ولايتفهمه سيكون مردوده عكسي..ودمتن بود

[انااحلاهم وتحداهم]

تــقــبــلــيـ مروريــ

[عساف8]

الله يعين هالبنيات
انا سمعت قصص غريبةمن الطرفين
سواء من اهل الزوج او الزوجة

[قمرالبنات]

الله يعظم اجر هالمتزوجااات ..

[يارب ارزقني مااتمنى]

لاتعليق

[الخاشوقة..]

مشكلة بعض البنات..قبل ماتدخل مع حمولتها..يكون لديها إنطباع مسبق
عن الحمولة بإنهم راح يتحكّمون فيك..ويراقبونك..

وأن أم الزوج تغار منك..فتبدأ تتعامل معهم على أساس
هالفكرة المسبقة عنهم(وتصير بينهم حرب داحس والغبراء )..
حتى لو كانت العائلة مغايرة لما سبق وتبنته تجاههم..

أدخلي معهم عادي..وعاملي الكل بما يرضي الله..
..إحترمي وقدّري..وراح ينعكس هذا على إسلوب تعاملهم معك..
فالرسول(صلى الله عليه وسلم يقول) : "إن خياركم أحاسنكم أخلاقا"..

[مجروحة الجناح]

عامليهم كااهلك ويعملونك كابنتهم""""""""""""""""
تقبلي مــــــــــــــــــروري

[فسفوريه]

مير بوه موضه جديده طايحين به بعض الحمايل مرت الولد يصك عليه ولاتختلط بالناااس الا بالمناسبات الرسميه مدري وش القصه هم يخافون تخرب > شغاله على غفله " وهنتس تحاتسين وحده مايرغبونه والاتسد تهاوشو معه مبطي " طبعا هذولا الترللي والافيه اجاويد ونعم مانقول بهم شى ..

[ღ..خـوآطـر..ღ]

اقتباس المشاركة الأساسية كتبها فسفوريه مير بوه موضه جديده طايحين به بعض الحمايل مرت الولد يصك عليه ولاتختلط بالناااس الا بالمناسبات الرسميه مدري وش القصه هم يخافون تخرب > شغاله على غفله " وهنتس تحاتسين وحده مايرغبونه والاتسد تهاوشو معه مبطي " طبعا هذولا الترللي والافيه اجاويد ونعم مانقول بهم شى ..

عفوا اختي بس هاللي تسمينهم ترللي من عذرهم لانه فعلآ تخرب المره اذا جلست عند ناسن ما يخافون الله

اعرف وحده راحت لناس ما يرغبونهم اهل رجله وبعد ما رجعت منهم انقلبت على خالته ورجله ..
من المفترض انه مرة الولد تصير مع عماتهم والناااس المقربين مرره..مووب تروح تسوي علآقه مع بنات عمه وبنات خالته..!!