[جنوبيه]

السلام عليكم ورحمة الله وبركاته
موضوعي رفع ضغطي بنك الراجحي فتحت حساب عندهم من شهر وكل ما اراجع ابي يعطوني بطاقة الصراف يقولون باقي ما جت ليش من وين تجي من القطب الجنوبي او الشمالي ليش هذا الاهمال واليوم رحت اراجع قالو برضو ماجت قلت لها طيب ادفع فلوس وعطوني بسرعه قالت مو كذا السالفه السالفه انها ما وصلت لحتى اليوم واذا تجي من الرياض انا في يوم رحت وجيت للرياض يعني معقوله ماوصلت من شهر حسبي الله ونعم الوكيل وقالت اذا ودك تسحبين اسحبي من البنك عادي ليش البنك مفتوح 24 ساعه والله شي يضحك وبرفع الضغط واهمال وتلاعب بالناس ما اقول الا الله يكون في عون العميل بس

[سكرووب بريده]

غريبه من الرااجحي

[عزيزالنفس]

اقتباس المشاركة الأساسية كتبها سكرووب بريده غريبه من الرااجحي

ايواالله غريبه انا طلعت بطأقه بـ75 ريال بعد ثلاثة ايام اختها

[برفسور ملتمس]

جديدة هذي تجي من الرياض ، الي أذكره أن عندهم آلة يطلعون لك بطاقة دايركت .. بس شكله نظام جديد من البنك يحاولون يمللون العميل وينسحب ..

ومافيه شي جديد بالراجحي دائماً معاملته للعملاء زفت حتى عملاء التميز ثم يابنك الراجحي يوم أنك ماتبي العملاء لاتجلس تدخل في منافسات رواتب جامعة أو فواتير أو غيره ، وتلزم العملاء يفتحون حساباتهم عندك ليس علشان معاملتك بل عشان الخدمات المتوفرة ، وجوه معبسة من تدخل بعكس المصارف الثانية ، الي تتصل عليك بالتليفون ويحترمونك ويقولون تعال استلم البطاقة مع ابتسامة بالوجه ،.

[الديزل]

الموضوع الله يسلمك انهم غير البطاقات وحطوا البطاقه الذكيه وصار النظام هذا كله اخطاء
روحي لأي فرع ثاني واطلبي صرافه
وشكراً

[الديزل]

الموضوع الله يسلمك انهم غير البطاقات وحطوا البطاقه الذكيه وصار النظام هذا كله اخطاء
روحي لأي فرع ثاني واطلبي صرافه
وشكراً

[الفالح]

افشل بنك بنك الراجحي
تعامل سيء وموظفين اسوىء
وكل خدمه بفلوس لاشي مجاني

[عزتي في عفتي]

كلنا نتذمر من خدمات الراجحي لم يكن في السابق هكذا, لكنهم اصبحوا يعرقلون الأمور
وحتى الموظفات في احد الفروع يستخدمن شتى انواع الإهانات ,ومحال ان يخدمن بسرعه
حتى قررت ان اتوجه لبنك البلاد ووجدت منهم حسن المعامله واللين يستقبلونك بالحفاوه والتكريم والقهوه العربيه وبعبارات الترحيب , بعكس الراجحي لم ارى منهم سوى الإهانات والمماطله

[بنت الشيخ صالح]

اقتباس المشاركة الأساسية كتبها عزتي في عفتي ,ومحال ان يخدمن بسرعه حتى قررت ان اتوجه لبنك البلاد ووجدت منهم حسن المعامله واللين يستقبلونك بالحفاوه والتكريم والقهوه العربيه وبعبارات الترحيب , بعكس الراجحي لم ارى منهم سوى الإهانات والمماطله

[جنوبيه]

مشكوووورين على تفاعلكم وانا الظاهر اني اروح اسحب فلوسي من عندهم وافتح حساب ثاني في مصرف ثاني افضل لي

[القسام]

اقتباس المشاركة الأساسية كتبها جنوبيه مشكوووورين على تفاعلكم وانا الظاهر اني اروح اسحب فلوسي من عندهم وافتح حساب ثاني في مصرف ثاني افضل لي

نصيحتي تروحي لبنك البلاد....

[كلاسيكي بريدة]

احسن بنك الرياض والاهلي

[الوطن غالي]

الله يكون بعونك

[أبورامي]

بنك البلاد على طول يعطونك بطاقة بنفس اللحظة
يدورون على أي عميل حتى لو داج يقدر يفتح عندهم بدون حساب